الهدية تحن للدوسري

محروم.كوم · #1 12-17-2011, 08:20 PM

السلام عليكم كلن بأسمه
مسيتم / صبحتم بالخار

والله يابردنا أقشر وماهب يترك شايبن ولا عجيّز ولا غليم الا توسّده
مير هالله الله باللبس الثقيل وغطوا اطرافكم ويالله الخيره

هكالسنين واحدن والواحد الله في سماه يقاله عبدالله بن مفرح الدوسري
وينادونه ربعه بالشمالي
أصيب بالجدري جعل الله يسكنه الجنه الباردة ويجعل ما أصابه تطهير من ذنوبة
ولزم فراشة حروة الشهرين
وكانت له ناقة يقالها (الهدية)غاليتن بالحيل حسّت بغياب صاحبها وكانت تويدز على بيت الشعر وترفع الرواق
وتعاينه وتحن له .. حيث انه ماطلع لمراح الإبل من فترة

وبعدها بمدة خذا الله أمانته , وكانت تجي هالناقة وترفع الرواق برأسها ولا تعيّنه
ومرّت فترة وهي بهالحالة الله يجبر مصيبتها .. ياويح قلبي يهالناقة
مهب بعضنا اللي يتجاكر مع اخوه ويطخّه ويكسر مخه ثم تغدي دعواهم بين الرقاب الله الكافي

وعاينها قصيرن لعبدالله الدوسري يقاله حصيبان
وبتالي الليل مع شبّة النار هاضت قريحته هذا انت ياحصيبان
وكتب له أبيات وجدت بنقل بويتاتً منها ..

مل قلب هيضة حس الهدية .. هجرعت بالصوت من عقب الشمالي
ياذلول القـرم حماي الردية .. إصبري عقبه على سقم الليــالي
ذكرت بالحب من عينه شقية .. ذاكر فـي نجد خلاّن و غـــــالي
عقب فقدة ما توالف للرعية .. تطرده ساره على روس المفالـي
عـزتي للقـرم حطوله بنيّه .. عزتـي للقـرم من قبر هيالـي
عادته بالكون يثني للرديه .. ينسم الحفيات ريـف للهزالـي

هذه أول مشاركتي بالمكشات والشاهد الله إن اللي شدّني لقسم السوالف الشعبية

هو أخوي / راعي العجراء.
اللي أبحاول أمشي بطريقته وأسلوبه بالطرح من باب المحاكاة ولا قصور بالباقين
وعساي وفقت بالنقل والقول وإن اخطينا فهذا من انفسنا ومن الشيطان
وإن وفقنا فهذا من رب العالمين
أقول قولي هذا وإستغفر الله لي ولكم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بداية هم إنشاد عبد المجيد الهديب mp3	محروم.كوم	منتدى أخبار المواقع والمنتديات العربية والأجنبية	0	09-13-2010 07:50 AM
مطلوب الهدية لزوجي	محروم.كوم	منتدى أخبار المواقع والمنتديات العربية والأجنبية	0	07-07-2010 05:40 PM
يستحي يوم يعطونه الهدية	MIDNIGHT	تصاميم , دروس , تصاميم الاعضاء	30	12-13-2009 03:58 AM
[ حكم ] الهدية التي من المشرك .	محروم.كوم	منتدى أخبار المواقع والمنتديات العربية والأجنبية	0	08-09-2009 04:00 PM
الهدية الثانية للأعضاء	محروم.كوم	منتدى أخبار المواقع والمنتديات العربية والأجنبية	0	08-01-2009 07:10 PM