عندما نفضني الكهرب, واستحيت ع وجهي

عابره سبيل · #1 12-17-2011, 07:18 PM

قصه ارسلتها لي صديقتي
و لم افهم غير مقااطع
فالله يعيينكم خخخخخخخخخخخخخخ

اليييييييكم القصصصصصصصصه

بينما تقضي الالكترونات اغلب عمرها "بالدوران" حول النواه وبالاخير النواه ما عطتها وجه..!
يخيل الى فكرنا"السعودي" ان الالكترونات بتسافر للبحرين وبتدور لها نواه ثانيه تعطيها وجه وتفلها ..!
بالمقابل يقضي الواحد اغلب وقته بالتسدح امام التي في "والدوران" حول قنوات الدش..!
وفي ظل الازعاج اللي يصدر من المكيف و الجهاز المسمى "تلف عيون"
وتحديدا انغام قناة غنوه ,تقبع بالزاويه المقابله شلة نمل مجتمعين على بقايا اكل له اسبوع ..!

هذاهو حالي , وانا مستلقى باحد زوايا الملحق ,والزقارة بيدي ,والدخان ينبعث من خشتي
, وعيني تقزّ بفلم +18 وبيني وبينكم جايز لي الوضع وما بقى الا "اللمس" واختّم على "الحواس الخمس"هههه..!

لكن فجأه!!

انسكب الظلام وانقطع صوت التلفزيون وهجد المكيف ..! عمّ الهدوء المكان..
ولا يسمعّ الا صوت نملتين وهم يتساسرن بينهم" تخيلي ينزل موضوع بالقهوه عننا..!"
وترد الثانيه" مهيب بعيده عليهم ماخلو شي من تالي ..!"

قطع صوت النمل وتريقتهم علينا, صوت تطفيت الزقاره بالزوليه , واتبعها ..
"الله يقلعها شركة كهرب .. كل شوي مطفين الكهرب..؟"!

حينها اخرجت جوالي ودقيت على 911 ليس عشان ينقذوني.. لا لا ,
و لكن عشان يولع نور الجوال و اشوف الدرب هههه..!

فجأة بدات اسمع الكترونات تتهاوش مع بعضها..! وكاني بالكترون يقول " اتعب واحرم نفسي من الفله ع ناس ما تقدر..!
و ينط الكترون ثاني يقول " وانت الصادق اروح الفلف على نواة وحولي شقر وحمر اصرف من هالشيون ..! >> ذا الكترون سعودي !!

حينها لفت نظري صوت مبحوح يقول " ترا راح فيها صوتي يبو الشباب وانا انافخ , اجل 24 ساعه شغال
وكاتمني بالدخنه وتشوفني اثلج واسعبل ولا جبت خبري..! " والتفت ولقيته المكيف..! واكمل قائلن " " الا ماعندك دواء كحه ؟

لا اخفيكم اني بلعت العافيه من عقب ما جتني "الدفايه" وهي تنفض الخبز والاكل اللي عليها ,
و تتفلت علي قائلتن" تدفو مهيب مشكله لكن ما اتفقنا تطبخون على حسابي , وش شايفيني دفايه برتبة فرن ,!
حينها نط عداد الكهرب يبي يهدي الوضع
" يا شباب احمدو ربكم انكم ببيت ,؟
ولا انتم كيبل كهرب بالرياض وتصحككم الشمس بعز القايله ..!,
واكمل قائلن تصدق عاد يا بي مرّ..
واالله كني اشوفهم منزلين بالجاده خبر ان احد كيابل الرياض مقتحم السفاره الروسيه بحكم ان جوهم ثلج ويطالب بلجوء سياسي ههه!! "

وبحكم ان لكل فعل ردة فعل ,لا اخفيكم ان لسان حالي "هج" بعد ما سماع هالحكي وانا لحقته ..!
وبينما انا هاج لباب الشارع تعلق بثوبي شي ..! التفت وتفاجات ان "لمبة باب الحريم" ناشبه بثوبي !!
وتقول..
"ترا الساعه 4 العصر وانا شغاله متى بتطفيني!!,وتراك كل يوم تقول ما بقى شي وتظلم..وتمشي وتخليني شغاله" ..!
ترا وراي معزب وغمزت بخبث وهي تناظر وراها..! ولا اخفيكم اني طالعت ورى
واشوف لمبة باب الرجال جالسه بعيد(واضح انهم ماخذين اطباعنا ولا عندهم اختلاط )..!

الناس بعز الحر يقرو يستخـبو ,,, وانا كنت باقري اخبي نفسّه اوام بالبي ..
ولحد لما الليل يلـيّل بأبّى جنبه ,,, وابئى بعز الحر وياه بالساعات ..
اهداء من لبمة باب الرجال الى لمبة الحريم ..

حينها قررت لمس لمبة الحريم ولا اخفيكم ان نيتي شينه,
وما حسيتا الا بشغالتنا خامتني بخشبه وهي تصارخ و تنادي امي ..!
وتقول ..

" ماما حصه هذا ولد انتي في كهرب اااح تش"
كل هذا الحكي كان على لساني وانا ماسكني الكهرب 4ثواني فقط ..!

**

مايستفاد
لسان حالي هج والحين متوهق مافيه احد بسولف معه ..!
ليه ما يصير اسم امي "منيره" بدال حصه ..>>طلع برا النص
لمبة باب الرجال والحريم عايشين علاقة حب وما نقول الا الله يجمعهم بالحلال ..!
للجادين فقط ,احد لها نظر بـ"لمبة الملحق" يراسلني ع الخاص تراه صح داشر بس قلبه طيب..!
اخيرا ..

للاماانه منقوول
>>و هذا الموقع <<
http://www.vb.eqla3.com/showthread.php?t=476146 __DEFINE_LIKE_SHARE__

ميمي غلا ابوها · 12-17-2011, 08:45 PM

وااااو ثانكس فديتج ع القصه الحلوه ونتريا يديدج
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
::. همت على وجهي في الطرقات .::	محروم.كوم	منتدى أخبار المواقع والمنتديات العربية والأجنبية	0	11-14-2011 01:30 PM
حبيت اقول احبك شفت عينك واستحيت	محروم.كوم	منتدى أخبار المواقع والمنتديات العربية والأجنبية	0	04-26-2010 04:50 AM
قريتها واستحيت من ربي	غفرانك ربي	الإسلام والشريعة	4	04-13-2010 05:50 PM
قرأتها فأدمعت عيني واستحيت من ربي..	Al-Rayyani	الإسلام والشريعة	6	04-17-2009 10:22 PM
وصلني مسج من اخوي ..... هزني ... واستحيت من نفسي	سيف الغلا	الإستراحه العامة	18	07-07-2008 12:12 AM