قلِبنُ يعِشقك لٱ تسّتھين بَہ ۆ تتعبَھ . ! - الصفحة 4

koka al5aili · 12-17-2011, 11:02 PM

تسلميييييييييييييييييييين^^ __DEFINE_LIKE_SHARE__

™مجڼۏڼـتـھ ≈ · 12-18-2011, 02:13 PM

الله يسلمج __DEFINE_LIKE_SHARE__

سبحانك ربي · 12-18-2011, 02:56 PM

كملي آنزين . . ~
__DEFINE_LIKE_SHARE__

™مجڼۏڼـتـھ ≈ · 12-19-2011, 12:05 AM

الجزء الخامس

يوم يديد فبيت بو هزاع .. العصــر
محمد كان يسووولف ويا شمسه ..
محمد: ههههههههههه والله انج سوالف عمووو ..
شمسه: شوو نسوي بعد نحاول نرضييكم تركم انتو يالشباب مايعيبكم رمسسه الحريم
محمد: لا افا عليج انتي الكل بالكل ..... انت مثل امي
عنود كانت نازله من الدري وسسسمعت كلمته الاخير ... وتمت الكلمه ترردد فذهنها .. مثل امي ؟! شو استوى شو السالفه محمد ليش يقول جي ؟! تمت واقفه وهي منصدددمه ع الاخر ماتعرف اذا تنزل ولا ترد حجرتها مره ثانيه .. قررت انها تنزل وجنها ماسمعت شي .. يلست حذال محمد
عنود بنبره خايسه : بشو تسولفون ؟!
محمد: ياااسسه تقولي عن اختها وعيالها .. وكانت تقول لي عنها يوم كانت صغيره
عنود : ماشاء الله خذت عليها بسسرعه . ماكملت يومين فهالبيت الا وانت مشششتط
محمد طالعها بنظره : وشوفيها اذا تعودت عليها حرام ولا حرام
شمسه: بس ياولدي محمد خل اختك براحتها
محمد: ماتشوفينها شو تقول وبعدين شو اخليها ع رااحتها شوفي كيف ترممس باسلووب خايس
عنود انفعلت وقامت : ماشاء الله يا اخ محمد مسسرع ماخلتك تكرهني والدور ياي ع هزا عان شاءء الله .. مسسرع ماخذت عليها وقامت تكوهك بالناس .. هب ناقص الا انها تكرهك بهلنا
محمد قاام وصففعها .. عنود انصدمت .. اول مره يسويها .. وعشان منو عشان وحده ما تستاهل .
عنود بالم : تضربني يا محمد هذا اخر شي كنت اتوقعه منك انت بالذات . مشكور وخل سستتت الحسسن والدلال تننننفعك اققصد اللي بمثااابه امك
وراحت فووق وهي تصييح .. محمد تندم انه رفع ايده عليها وشمسسه ابتسم بانتصار وقالت بخاطرها : هاي الخطوه الاولى
.
.
.

بيت بو منصور
مريوم ترمس عنود
عنود تشااهق : تخييلي صفعني جدااام هاي العيوووز . يفضلها علي . مايرضى عليها . مادري شو سوت فيه سحرررته الله يلعنها
مريوم : هدي حبيبتي ماله داعي كل ها يمكن ماكان يقصصد انه بمد أيده عليج .. تراج انتي بد تماديتي بالرمسسه
عنود صرخت : لا تدافعين عنننه انا اكرره ماحببه كافي انه امي ماتت وهي تحاتييه

مريوم: استهدي بالله عنود والحين سكري وصلي العصــر وبترتاحين
عنود: ان شاء الله يلا فمان الله
وسكرت عنها
مريوم صلت العصر ونزلت تحت .. شافت امها تتقهوى يلست حذالها
مريوم: امايا ابا اروح عند عنود
ام منصور : ويدي شو مستوي
مريوم خافت : مو مستوي شي ليش
ام منصور هدت شوي : شو اسوي قمت اخاف ع عيال اختي من السووسه
مريوم ابتسمت : لا امي لا تخافين هب مستوي شي بس ملااانه ابا اروح عندها
ام منصور : خلي اخوج يوديج ها اذا كان موجود اصلا
مريوم :امبلا موجود توني شفتته
ام منصور : خلاص ماعندي مانع رووحي قولي حق اخوج
مريوم باست راس امها : ان شاء الله
راحت مريوم فوووق واتجهت لجناح منصور وحصه يايه ادش بس سمعت صرييخ منصور
منصور: سمعي يا بنت الناس ان ماسكتي فابشري بالطلاااق
حصه تصيح: حرام عليك انا شو سويت لك
منصور: ياخي انا عاااايفنج ماباج طيري عن مخي
حصه: حرام عليك كل ها عسبت الياهل اللي طاح قول انك تخاف اني ماييب عيال
منصور راح صووبها وزغدها : انتي ما تفهميين قلت انا عااايفنج شدخل العيال
وفرها شرا الجلبه ماهمه شعووورها .. ماهمه شي اصلا .. واول ماظهر من الجناح شاف بوييهه مريوم
مريوم خافت : آآآ كنت ابا ..
سكتت : خلاص ماشي
منصور حاول يهدي عمره : شو تبين قولي
مريوم: ممـ بغيتك تودني عند عنود
منصور: خلاص روحي اتجهزي اترياج فالموتر لا تتحيرين
مريوم: ان شاء الله
.
.
.
بعييد عن جو راس الخيييمه
نروح لدبي
سيف: اووووف ياخي مابا اودر رااك بلاكم انتو ما تفهموون انا ابا اعييش اهناك
بو سيف: وان شاء الله ويا منو بتعييش اهناك
سيف: رووحي حرام ربعي كلهم فراك وتعرف اني مابودر هزاع
سيف ربيع هزاع الروح بالروح واظني قلت لكم عنه ^^
ام سيف: حرام يا ولدي تبتعد عننا نحن هلك ومالك غيرنا
سيف : اووهووو رديتو لنفسس الموال تراكم من البدايه كنتو موافقين شو اللي غيركم الحين .. الحين تبووني اودر راك عقب ما تعلقت بربعي اللي اهناك ...
وراح فووق وهو معععصب حدده
ام سيف : وشو الحل ويا ها الولد تعرفه عنييد وراسسه يابس
بو سيف : بيقعد اهنا وريله فوق رااسه رضا ولا مارضا ماله مكان الا اهنا
وراح حجرته وهو متنرفز من ولد
بعرفكم ع عايله بو سيف
بو سيف رجل اعمال .. عصبي وكلمته هي اللي تمشي .. بس يحب الخير لعياله
ام سيف حنونه .. ومايخصها بحد ابد وتمشي ع شوور بو سيف
سيف تعرفونه هع
مهرووه اخت سيف عمرها 16 سنه . ثاني ثنوي .. حبووبه .. بس شوي خقاقه
سالم عمره 13 سنه اخر العنقوود هو دلوع البيت
مهروه نزلت تحت
مهروه: امايا بروح بيت ربيعتي عادي ؟!
ام سيف: وشو تسوينا هناك قري فالبيت
مهروه: امايا بلييز بروح اذاكر وياها وبسوولف وياها طشووونه
ام سيف: يا مكركن انا مايخصني اتخبري ابوج
راحت حجره ابووها
مهروه راحت عن ابووها وبااست رااسها : ابوويه بلييز طلبتك لا تردني
بو سيف ابتسم : امري فديتج
مهرووه: ابا اروح بيت ربيعتي بروح اذاكر وياها وبسووولف وياها من الصوب الثاني واتونسس شوي .. من زمان ماظهرت من البيت .. دخيلك ابويه لا تردني
بو سيف : خلاص برايج رووحي خلي اخوج يوديج
مهروه باسته ع خده: فديتك يا احلى ابو فالدنيا

نهايه البارت __DEFINE_LIKE_SHARE__

ميمي غلا ابوها · 12-19-2011, 03:31 AM

ثانكس فديتج على البارت الطررر ونتريا البارت الي بعد ع احر من الجمر
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يـآ قآبـض ٱلخَط ۆ {مرَوّح} يحفَظڳ ربيـَۓ ۆيصۆنـڳ . .`بَطلبڳ بَس لآ {تسـرع لآ ترۆع قَلب ، مَضنۆنڳ .. ڕوآيـ؍ امآڕآټيـ؍ مڼ ټأليفـي	»ώ7đқ ẶβэЄқ F¬	استراحة قصص وابداعات الاعضاء	87	12-21-2011 03:27 PM
انظرۆا للقمر الليلہ ,ۈ حاۆلۆا أن تجعلُۆا من خسُۆفہ خسۆفاً لٱحزانڪُم !	نصرااووية للأبد	عدسة الاعضاء , كاميرا الاعضاء	5	06-22-2011 08:58 PM
ۆشّ ح‘ـُيلتِيےّ ﻟٱ آشّتقّت لـّہَ ۆهۆ عنّد رَپھ	porshcia	عدسة الاعضاء , كاميرا الاعضاء	8	03-03-2011 11:40 AM
تخيلۆٱ لۆ ٱلبنٱت ملڪۆٱ ٱلبلد	محروم.كوم	منتدى أخبار المواقع والمنتديات العربية والأجنبية	0	10-07-2010 08:50 AM
سجڵ حضۆرڪ بقرٱءة سۆرة ٱڵفٱٺحه عڵى رۆح ٱڵشيخ زٱيڊ رحمه ٱڵڵه ؛	بدۈيۂ شُيطۈنۂ	الإسلام والشريعة	2	04-05-2010 08:37 PM