آسقي هدوء عشقـي على جفن آلورق , للكآتبة ms.3o3o - الصفحة 2

ميمي غلا ابوها · 12-16-2011, 11:56 PM

يسلمو البدايه طر ونتريا البارت الثاني بليز نزليه بسرعه
__DEFINE_LIKE_SHARE__

miss-w · 12-17-2011, 10:23 AM

Wainch ? !!! __DEFINE_LIKE_SHARE__

ميمي غلا ابوها · 12-17-2011, 11:36 PM

وين البارت ؟؟؟؟؟؟؟؟؟؟
__DEFINE_LIKE_SHARE__

ζǾạяεỳђ · 12-18-2011, 10:03 PM

سآلم : توه النآس .
انا : والله لو الود ودي بتم آكثر , بس تعرف شي . ابوي وخوآني بوين اليوم دبي وبخليهم يردوني لك , ومره وحده تتعرف عليهم !
سآلم : خير آن شاءلله .
انا : يالله آخليك يدي ( وسرت بسته ع رآسه ) مع السلامه .
سآلم : ربي يحفظج ويوفقج وين مآتسيرين .
وسويت له بآي وطلعت .
تصآدفت مع نوره ,
نوره : هاااه يقرب لكم ؟
انا : مآدريي ,
نوره : يمكن تشآبه آسمـآء , يالله يالله ه المشرفه حآشره الدنيـآ .
انا : هههه خلني بالتصل لبآبآ .
نوره يلست آتقلدني : بتصل لبابا . اتصلي اتصلي دلوعة آبوج ,
انا : جبب اتحسسني انه خآلي علي مآيدلعج .
نوره : يدلعني بس انا مآ آيلس آتدلع اتصلي اتصلي .
ضحكت عليهـآ آوتصلت لبابا .
انا : هلاا بابا شحآلك ؟
ابوي : بخييير يعلج الخير , آشحآلج آنتي وشحآل الرحله .
انا : بخيير تونـآ خلصنـآ من الدآر , آبوي حرآم يكسرون الخآطرر .
ابوي : دووم قلبج رهييف .
انا : انزيين بعفرفك ع وآحد آتصدق آسمه نفس آسم آبووك حتى نفس القبيله ,
احس ابوي استغرب : والله ؟
انا : هييه والله .
ابوي : هههه عيل يبآلنـآ نتعرف عليه , انتوا الحين سآيرين دبي مول ؟
انا : هييه .
ابوي : خلاص عيل سآعه آو سآعه ونص بنكون عندج .
انا : اوكييه . ميود وحمدآن يوه ؟
آبوي : هييه , آونه كل وآحد يآي بسيآرته شكلهم مآيتنزلون يركبون سيآرتي ه السبلان !

انا : هههههههه دوآهم عندي خلهم علي بسس .
آبوي : ههههههه آخليج عيل ,
انا : يالله بآي .
آبوي : ربي معآج .
وسكرت عنه وركبنـآ البآص وكل وحده تقول لنه سآلفت وآحد من اللي بالدور ,
وصلنـآ دبي مول وع طول دخلنـآ السينمـآ الفلم خذ له سآعه ونص وعقب خلص و آول مآضهرت آتصل آبوي , كآنوا وآصلين ~ سلمت ع ربعي واتصلت للمشرفه . وعقب آتوجهت صوب مدخل البآركنآت عسب هم قآلوا لي آنهم هنآك وبطريجي , آتخيلوا منو جفت >< . جفت ه الثنين إلي كآنو بوآحة آدنوك ( الشيشه ) ,
صآلح : خلووووووووود آلحق آكييه البنيه .
خآلد : قم قم ورآهـآ ,
خآلد : هلاا والله , آحلىىى صدفة صآرت لي اليوم تصدقين ,
آنتوا آتعرفون آنه دبي مول كبيره وانا روحيييي مآحب آمشي سرييع عسب جيه دخلت آقرب محل كآن موجود بس عسب آنخش ( اتخبى ) , وهم دخلوا ورآي آون يلسوا يختآروا ثيآب حقي , وانا بسرعه رفعت مريول المدرسة ( هههه كنت لابسه سترج بينك تحته ) وشليتهـآ ركضه ,
خآلد : صلوووووووح بسرعه شردة , ( ويلسوا يترآكضون ورـآي )
الله يآخذهآ من سآعه وعآد ابوي مآيحصل يبركن إلي بمكآن بعيييد , آوووف ريولي عورتني من الركض ,
صآلح : وين بتشردين ورآج ورآج يموو الوردي .
فجآآآءه وقفت وصديت لهم , يآخي مصخوهـآ ,
خآلد : اخيرـآ وقفتي .
انا : سؤآل , آنتوا شتبون يآلسين تلاحقوني ,
خآلد : نبييج !
انا : لا والله , اقول اذا يلست اتلاحقني بخبر عليك خوآني ترآهم هنيي
صآلح : هههههـآي تبينـآ آنصدق ه الجذبة بعد ؟
انا : والله كيفكم صدقتوا ولا لاء . بس انا قلت لكم .
خالد : والله عآد نحن هب مصدقين وبنيلس نمشي ورـآج ,
انا : آوكيه كيفكم ( وفتحت فوني واتصلت لحمدآن لآني آدري به حآر )
انا : الووو
حمدآن : الووو هلا !
انا : آهلين حمدآن ويينك ؟
حمدآن : هني بدبي مول يآلسين نتريآج . آنتي ويين ؟
انا : حمدآآآآن شيي ثنييين سبلان يآلسيين يلاحقوني وهب طآيعين يسيرون اقولهم بخبر عليكم خوآني خل ايي يضربوكم , ومب مصدقين
حمدآن وصجج عصب : نعمممممممممم ؟؟؟ و هالسبلااان مآيفتهموون شوه , ويينج انتي الحيييين , انا الحيين يآينج .
انا : صوب محل ( ...........) بسرررعه ,
خآلد : يعني تبينـآ آنصدق انه هذا آخوج هب حبيبج .
سكتت عنه ومآقلت شي .
صآلح : يآلبي ع المؤدبيين !
يلست آمشي عسب بس آقرب المسآفه , وهم يلسوا يمشون ورـآي .
وشوي جفت حمدآن يآآآي ركضضضضض : حمداااااااااااااااااااااااااااان !!
وهم آول مآجآفوووه شلوهـآ ركضه . حمدآن وصل لي ويلس يزآعق : صجج انكم هب ريآييل يوم جفتوني ييت شردتوا ,
انا : اوووووووف والله ش هالنآس عمرهم مآجآفوا بنآت شوه !

حمدآن : امشيي يالله انتي الثآنيه يدآمي ,

انا : شفييك آتكلمني جيه جني مسويه جريمه !

حمدآن : لا والله ,

انا : هيه والله , ويين بابا انت آصلا مآتعرف تتفآهم انا الغلطآنه اتصلت لك وقلت آنه حمدآن يفهمني وبيطلعني من ه السآلفه , ( ومشيت عنه ودمعتي بعيوني يعني انا ش سويت له هم اللي يلسوا يلاحقوني وهب طآيعين يخلوني بحآلي , جفت بابا وسرت له ركيييض وضميييته ) ,.

ابوي : شفيييج تصيحين ,

انا : هذاا حمدآنوه .

ابوي : خيير ش مسويي ؟

انا : شي شباب كانوا يلحقوني وانا يايه صوبكم فآتصلت لحمدآنوه ايي يوقفهم عند حدهم ويسيرون عني بس هو عصب علي انا ,

ابوي : لا والله ’ اذا هم يلسوا يلاحقونج انتي شذنبج هو يعصب عليج . انا آرويه ه السبآل .

انا : ابووي خلاص لاه لا تعكر طلعتنـآ خلنآ نتونسس شوي . ميوووود وييين ؟

منآل : يقووول آون بسير آتعرف ع ربع الشوش .

انا : هذاا اللي بيفضحني ,

منآر : هآآج ملابسج سيري بدلي ,.

انا : آوكيييك , ( شليت الكيسه وسرت صوب الحمامات . طلعت ملابسي . بنطلون سكيني آزرق وبودي آبيض لين فوق الفخذ بشوي و شوذ فلات ( قوتشي ) وعبآه مفتوحه سآده وسكآرف قوتشي وكسسوارز قوتشي مع آزرق , حطيت لي جحآل آزرق و آي لاينير وقلووز بينك طلعت كشتي ( قصتي ) شوي وظهرت ,

منآل ومنآر مطقمين معآي , وآبوي لابس دشدآشه بيج وغترة حمره وعقآل , همم خلني اذكر حمدآن شكآن لابس , هممم هييه كآن لابس برموده سوده وتيشيرت آزرق مع قميص كت لونه آبيض ومنزل شعره اللي واصل لنص ارقبته و لابس كآب آزرق , آمـآ ميود مآعرف ش لابس . اووه ميوود الهرمم لا يفضحني عند ربعييي ,

بسرعه مسكت الفون وآتصلت له .
انا : الوووووووو

ميود : هلا والله , هلاا بالطششش هلا بالعوووش هلا , اقوووووولج ربعججججججج متخبليين علييي .,

انا : صججج انكك سبآآل فضحتنييي !!

ميوود : ههه مو جنه هذييج نوره , نوووون . نوووووووره نوورووه وثوووول ( فضضضضح البنيه )

سمعت نوره وهي تفلعه ( تكفخه ) بششي : نوورووه بعييينك يالسبآل والله بخبر عليك عمي .

ميود : فدييت ه الضربه انا و فديييت بنت خآلي اللي بتخبر عليي ,

نوره : ميوود احترم نفسسسك , والله صج ه المره مآبرحمك بكسر رآسك .

ميود : هههه , اووه الو

انا وصج فولت منه : ميوود عن ه الحركآت المآصخه ,

مود : هههه آي حركآت ؟

انا : لا تيلس تغآزل وجيه هذول ربعي عقب مآبيرمسوني ,

ميود : خخخخ بس انا مآتحرشت بغير نورووووه .

نوره : نورووووه بعيييييييينك يالسبآآل ,

ميود : هههههه جب لا اييج كف الحييين . يالله شووش تعالو صوب المطااعم انا يوعااااان ,

انا : يالله ياايين .

ابوي : هاااه ش سآلفته هذا .

انا : هههه ملعوز النون وهي محتشره , يالله خل نلحق عليهم قبل لا يطيح الفاس بالراس وتذبحه النون !

كلنـآ ضحكنآ وسرنـآ صوب المطآعم ,

حمدآن : هههههههه جوفو نورووه بتفلعه بنعآل .

كلنـآ سرنـآ صوبهم ,

ابوي : هاا هااا ش السالفه !

نوره شوي وبتصييح : عمييييييي جووووووف ولللدك السبااال ,

ابوي سو عمره معصب : ميووووود شو مسويي انت .,

ميود : حشى عليي مآمسوي شييي , قلت لهـآ تعآلي نتمشى حبيبتي وبس ,

نوره : عميي جذااب خآرط ع ربعي قآيل لهم انه نحن نحب بعض واهلنـآ هب رآضين , عشان جيه خلونـآ شوي بروحنـآ . آهئئئئ ويين آودي ويهيييي , شوَوه سمعتييي ,

ابووي صجج عصب وضرب ميود ع راسه : ميوود ش هالرمسه ؟ كيف تشوه سمعت بنت خآلك هآه مآتستحي ع ويهك , ترضآهـآ ع آختك ,

ميود آوحسه صجج حس انه غلطآن : السمووحه والله كآنت سوآلف , انتوا اتعرفوني سوآلفي مآصخه مثل ويهي , السموحه بنت خآليي وانا مستعد اني اسير الحين لربعج واقول لهم اني جذااب واكبر جذاب بعد ش تبيين !

نوره : لا مشكور انا رآيحه . مع السلامه !

انا : ويييت نون , انتي بعدج زعلانه ؟

نوره : لا هب زعلانه . يالله باي

ميود ضرب راسه : والله سورييييييييي اتعرفيني بنت خاليييي مآعندي سآلفه !

نوره : هههههههه لا عادي ولد عمتي مآصآر شيي . يالله باي عمي بآي عيآل عمتي !

كلنـآ سوينـآ لهـآ باااي وساارت ,

آبوي ضرب راس ميود ع الخفيف : انتت يبآلك تربية من يد ويديد ,

ميود : السموحه ابوووي ,

انا : اووه ميوود كآشخ , ( كآن لابس جنز آسود وبودي نص كم آخضر في شخآبيط بالآبيض و الآسود وعليه شآل آبيض وجوتي سبورت آديدآس آبيض ومسوي شعره سبآيكي ) .

ميود : فديتني من يومي . اقوووووول انا يوعآآآآآن بطني حده آختفى

ابوي : هههههه يالله هآكم البيزآت وسيروا آطلبوا ,

سرنـآ طلبنـآ لنـآ غدآ عقب يلسنـآ نسولف وقلت لهم سآلفة سآلم .

منآل : قولي والله .

انا : والله العظيم , وججوفي صورته ( وطلعت الكآم ورويتهم صورته )

منآر : حرآم يكسر الخآطر ,

ابوي : آجوف صورته

انا : تفضل ( وعطيته الكآم ) .

آبوي مسك الكآم وهو مبتسم , بس يوم جآف الصورة بدة تتلاشى بسمته وشوي وطآحت الكآم من آيده ,

انا : ابووي بلااك ؟

ابوي : ابوي !

كلنـآ : هاه ؟

ابوي : آبوووي !

انا : بلاه ابوك ,

ابوي : هذا ابوي ,

كلنـآ من هول الصدمه : هااااااااااااااااااااه ؟

ابوي قآم من مكآنه : قوموا

كلنـآ : وين .

ابوي : قلت لكم قوموا ,

كلنـآ قمنـآ وكل وآحد يطآلع الثآني , شليت الكآم , وبدينـآ نلحق آبوي حتى من دون مآنعرف وين ! وصلنـآ للبآركنآت .

آبوي : مآيد وحمدآن سيروا صوب دآر العجزه سآمعين .

مآيد وحمدآن : ان شآء لله .

انا ركبت يدآم سيآرت آبوي ومنآل ومنآر وره , وتوجهنـآ صوب الدآر ,وبعد نص سآعة تقريبـآ وصلنـآ كلنـآ لآنه ميود وحمدآن كآنوا يلاحقون سيآرة آبوي ,

آبوي : بسررعه دليني الغرفه .

انا : ان شاءلله

ودخلنـآ الدآر وسآلت عنه بالرسبشن وقآلوا لي انه بعده بالغرفه وتوجهنـآ كلنـآ للغرفة دقينـآ الباب عقب دخلت انا آول شي .

انا : السلام عليكم .

يدي : هللا هلا . وعليكم السلام ورحم . . . . ( آبوي دخل )

آبوي يلس يطآلع إلي يدآمه مصدوووم وهب مصدق , عينه بدة تلمع من الدموع احسه كآتم ع نفسه ومب مصدق شي يآلس يصير له , آحس انه فرحآن وزعلان بنفس الوقت .

آبوي ونص آبتسآمه بويهه : آبويه ؟؟؟

يدي : محمد ؟؟ هذا انت ؟؟ محمد ولدي . حموود آخر العنقود ؟؟ ( وفتح آيده جنه يبي آبوي يسير له )

وصدق ايوب ركض له جنه يآهل يبي حنآنن : آبووووي

يدي : آآآآآآه يآبعدهم كلهم , آآآآه يآولدي وين سرت عني . خليتني بروحي . مع خوآنك إلي مآلهم رحمه , قطوني بالدور وآعتبروني ميت لا يسآلون ولا يتطمنون . آآآآه آحس اني اموت باليوم ميت مره عسب اني طرتتك , سآآآآىمحني يآولدييي سآمحني .

آبوي بده يصيييح ويبوس رآس يدي . هذي ثاني مره بحآيتي آجوف ابوي يصيح , آول مره يوم آتوفت آمي الله يرحمهـآ ,

آبوي : آآآآآآآآآآآآآآآه يآبوووووي كنت آتمنى آني آجوفك وآجوف آمي لو بالصدفه , آنـآ غلطآن يوم آني تركتكم كنت المفروض آقنعكم آآآآآآه يآبوووي ( وبده يبوس رآس يدي عقب آيده عقب ريوله وهو يصيييح . آنـآ عن نفسي مآقدرت آستحمل وبدييت آصيح وسرت صوب حضن ميود وصحت , آوول مره بحيآتي آجوف جي موقف . )

يدي : آآآآه يآمحمد آمك سآرت عنييي وتركتني عند إلي مآيرحمون , آآآه يآليتهـآ خذتني معآهآ يآلييت ,

آبوي : آآآآبوي بعيد الشر عنك , عسى يومي قبل يومك . قوم قوم آنت مآلك قعده هني وانا موجود .

يدي : ويين يآولدي ؟؟

آبوي : بودييك بيتي .

يدي : آآآه يآولدي , يمكن حرمتك مآترضى , آكيد هي كآرهتني ع إلي سويته فيك , خلني هني يآلس .

يوم يدي تكلم عن آمي كلنـآ صحنى آآآه يآميي سرتي وخليتينـآ .

آبوي ودموعه بعدهـآ تتطيح : حرمتي عطتك عمرهـآإأ ,

يدي : كله مني انا كله منـيييي ,

حمدآن : هذأ قضأء وقدر . يالله يدي قوم ( وسآر بآس رآسه وعقبهـآ كلنـآ سرنـآ وبسنه رآسه ) .

يدي : عرفت تربي يآولدي عرفت آتربي ,

كلنـآ سآعدنـآ آبوي وهو يشيل يدي , وحمدآن سآر وسوه ورقة خروجه من ه الدور طبعـآ هم مآرضوا بالبدآيه بس يوم عرفوا انه ولده إلي بيطلعه , طلعوه , ~

ركبنـآ السياير . آبوي ويدي بسيآره , وانا وحمدآن بسيآرته . وميود ومنآل ومنآر بسيآره . وتوجهنـآ صوب بيتنـآ خذـآ لنـآ سآعتين تقريبـآ عسب الزحمه .

وصلنـآ البيت وانا ومنآل ومنآر سرنـآ طيرـآن عسب آنجهز غرفة الضيوف اللي تحت وعقب سرنـآ الصآله عسب الكل قآعد هنـآك ,

انا : نوووورت يدي بييتنـآ المتوآضع .

يدي : النور نورج يآعآشه والله لولاج كنت مآبجوف ولدي طول عمري ,

انا : يديي لا تقول ليي عآشه نآدني عوآش ولا آي شي ثآني ,

يدي ابتسم : خلاص عواش ولا يهمج

سرت انا وبسته ع راسه ويلست يمه

انا : اللللللللله طلع لنـآ يددد .

آبوي : ههههه الله يخليه لنـآ آن شاءلله ,

كلنـآ : آمييييين

ميود : يدي انا مآآيد وهذا حمدآن البجر وهذول التوم المستخف المنآل و المنآر .

منآل ومنآر : بعيييينك مستخف .

يدي : الله يخليهم لك يآمحمد ,

ابوي : ويخليك لنـآ , يالله شبآب سآعدوا يدكم عسب يسير غرفته . آبوي لو تبي شي نحن كلنـآ موجودين .

يدي : مشكور يآولدي . ( عقب كلنـآ قمنـآ ودخلنـآه الغرفه وخلينـآه يرقد فيهـآ وعقب سرنـآ ركييض لبابا )

انا : الحيين الحييييين تقوووول ش السآلفه .

ابوي ابتسم نص آبتسآمه : انشالله ’ آنتوا تعرفون اني تزوجت آمكم عن حب صح ولا ؟

كلنـآ : إيييه نعرف ,

آبوي : هو الصج آنه آمكم مآكآنت آتحبني . انا كنت آحبهـآ ,

انا : انزين ,

آبوي : انا الله يسلمكم تربييت بين عآيلة فلوسهـآ تغطي الشمس عآيلة طيييبه ومآشي آطيب عنهـآ , بس كآن عندهـآ عيب وآحد وهو العيب الطبقي ,

ميود : عيب طبقي ؟

آبوي : يعني عندهم النآس طبقآت . الغني والفقير . وكل عايلة تآخذ من طبقتها وبسس .

انا : إييه يدي قآل ليه جيه .

آبوي ابتسم وكمل : شي مره كنت يآي الخور لجم يوم , منهـآ آسوي شغل شركة آبوي ومنهـآ سيآحه مع الربع ! في يوم سرنـآ صوب البحر وانا جفت آمكم ! وعيبتني ’ وقلت بسآلهـآ عن آسمها ولا آسم آبوهـآ عسب اسير آخطبهـآ , بس هي مآرضت تقول وقآلت آنه بنآت النآس مليآنين آختر وحده غيري , آهني انا فهمت آنهـآ مآتبي تتزوجني آو آنهـآ لريآل ثآني , قمت انا وخطفتهـآ وعقب تزوجتهـآ لآنهـآ كآنت حآمل منـي ,

كلنـآ من هول الصدمه : حآآآآآآمل منك ؟؟؟؟؟

آبوي انعفس ويهه : إيه حآمل مني , وكآنت حآمل بحمدآن ,ومرت الشهور وآنولدة آنت يآحمدآن وكنت فرحآن فيك وقلت آني بصآرح آبوي بالموضوع بسس كنت جبآن ومآقلت له , بعد سنتين مريم حملة بمآيد وانا هنـي تششجعت وسرت وصآرحت آبوي بالموضوع لآكنه !

انا : طردك ,

آبوي آبتسم لي : طردني وسحب كل ممتلكآتي عني , رجعت هنـي الخور و يدكم آبو آمكم الله يرحمه مآقصر خلاني آسكن ببيته لـين الله يفرجهـآ معآي , آشتغلت بتوليد الكهربـآ مع آنه شهآدتي كآنت جآمعيه بس الله يسآمح إلي كآن السبب , وطلعت لي بيت وطلعتوا انتوا بحيآتي ’

.
.

نغير شوي الرآوي ونغير مكآنه ونسير صوب دبـي دآر الحـي ,

في شركة ال****

بوسالم : انت شو تقوول ,

عبدالله : عميي شركآتك بدة تفلس ,

بوسآلم : لييييييش ؟ ليييييييييييش ؟

عبدالله : لانه ولا منآقصه رست عليينـآ , وووحتى العقود إلي كنـآ بنوقعهـآ مع جمن شركه إلتغت ,

بوسالم : يعنيي؟

عبدالله : إذا استمرينا ع ه الحآله , آعتقد انه الشركات بتتسكر ,

بوسالم : وشركة العايله ؟

عبدالله : مآعتقد إنهـآ بتتآثر

بوسالم : ولييش شركاتي انا ؟

عبدالله : حآولت آدور ع السبب بس مالقيته ,

.

نرجع لخورفكـآن ,

اليد , ~

آآآآه يآبعدهم كلهم يآولدي , غلطة والله غلطة يوم طردتكم بدون مآ عرف سآلفتك , مآعرف كم عآنيت وكيف وآجهت ه الحيـآ , آآآآآه عرفت تربي عيآلك ع الصح و ع الغلط , عرفت تربيهم ع الحنآن والعطف والتسآمح , ربيتهم وعلمتهم كيف يحبونك ويحبون النـآس , وآنـآ ؟ وآنـآ مآعرفت آربي عيآلي ! آآآآه يآعيآلي بعد مآعطيتكم وسويتكم آخر شي تفروني بدآر العجزه ؟؟ بس ! الحمدلله لك يآربي آنك بعثت لي بنت محمد عسب ترجعني بولدي وآعيش آخر عمري معآهم وبحنآنهم وبدفآهم وبعطفهم ! . الحمدلله لك يآآرب , الحمدلله !

آندق البآب ,

انا : تفضل ,

عواش : دآم فضلك يدي ! ( ويت بآستني ع رآسي , آبتسمت لهـآ وردت لي الآبتسآمه )

عوآش : آقوول يدي يالله قوم عسب تتعشى !

انا : مشكوره بنتي بس مآبي ,

عوآش : آفـآآآآ يآيدي , الحين آقولك قوم تعشى معآنـآ تقول مآتبي , يالله قوم عسب خآطري ولا مآلي خآطر عندك !

آبتسمت لهـآ : ان شاءلله بس آنتي سآعديني شوي !

فديتهـآ قآمت وسآعدتني ودخلتني الحمآم عقب غسلت لي ويههي وآيدي وسآعدتني آمشي لغرفة طعآمهم ! ,

محمد قآم وشآلني عنهـآ وقعدني بالكرسي ويلس هو حذآلي ويلس يلقمني , آحسني عبئ عليهم آآه يآسخريت القدر , قبل كنت آقعد محمد ع حضني وآآكله بإيدي , آلحين صآر العكس ,

مآيد : يديييييييي فدييتك غآوييي , وآنـآ آقول من وين يآيب آبوي كل ه الحلا !

ابتسمت له , بآين آنه وآيد مرح ويحب يضحك , مآدري بالبدآيه حسيته وآيد جدي يمكن عسب ملامحه : وانت بعد ماشالله عليك !

مآيد : ههه انا صرآحتـآ مآخذ الجمآل من آميي , آمـآ حمدآن مآخذنه منكم !

صديت لحمدآن إلي كآن يآلس يطآلعني ويبتسم : إييه وآيد يشبه آبوه يوم كآن بكبره !

وحده من التوأم : يديي وانا مآمخذه شي منكم ؟

والثآنيه : وآنـآ ؟

انا : تشبهون يدتكم بنفس لون العيون !

ثنتينآتهم آبتسموا لي وكملو آكلهم ,

انا : الحمدلله ّ

محمد : يالله آبوي قوم بسآعدك !

مآيد : واللله مآسآعده يآبوي , انا بسآعده , حلفت علييك

وقآم مآيد وسآعدني وغسلني وعقب بدلني ثيآبي عسب قلت له آني بنآم ’

انا : مآيد !

مآيد : عيونه !

انا : انت فآضي بآجر ؟

مآيد : ايه بآجر اليمعه آكيد فآضي , آصلا حتى لو مآكنت فآضي بفضى لعيونك !

آبتسمت له : مشكور مآيد , بس تقدر توصلني دبي !

cut ~

# يآترى ليش اليد سآلم طلب يسير دبي,

# بو سآلم ؟ شو دوره بالقصه ؟ وشو سالفت شركآته , !

# آتريـآ آرآئكم , آنتقآدآتكم & توقعآتكم , ! __DEFINE_LIKE_SHARE__

ميمي غلا ابوها · 12-18-2011, 11:05 PM

مرحبا الساع

ثانكس على البارت الطرررر ونتريا البارت اللي بعده ع احر من الجمر
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أسقي الورود بالماء// ولاتسقي النساء بالجفاء ღ ْْْ	محروم.كوم	منتدى أخبار المواقع والمنتديات العربية والأجنبية	0	05-12-2010 11:30 PM
أسقي الورود بالماء// ولاتسقي النساء بالجفاء ღ ْْْ	محروم.كوم	منتدى أخبار المواقع والمنتديات العربية والأجنبية	0	05-12-2010 11:20 PM
مطلوب ارض فى مصقح	محروم.كوم	منتدى أخبار المواقع والمنتديات العربية والأجنبية	0	04-28-2010 11:50 PM
ملطوب بناية في مصقح لشراء	محروم.كوم	منتدى أخبار المواقع والمنتديات العربية والأجنبية	0	12-17-2009 09:50 AM
نشيد كيف أشقى للمنشد محمد العزاوب	محروم.كوم	منتدى أخبار المواقع والمنتديات العربية والأجنبية	0	04-18-2009 06:40 PM