مجاراه شعرية بيني وبين " فزوا للمنصورية

BiN_RaSHiD · #1 04-11-2009, 03:49 PM

السلام عليكم

نا حاب انقل لكم مجاراه شعريه .. بيني وبين "فزوا للمنصوريه"وان شاءالله تنال اعجابكم ..

" شعر المنصوريه "
.
.
.

يا من ذبولي في دروبه هان = من بعد ما عدّى حدادي بنْت ؟!

يا من كسرني بالقسا وما لان = توك تجيني توك تْمسْكنت !!

اتحيد خنت القلب لي لك صان ؟؟ = ادمنتني لعبه وهواك ادمنت !!

وتحيد حبٍ توأده استلعان ؟ = كفّيت دفْنه يومك اتْعنّنت

ليتك برخصٍ بعت هب مجّان = ليتك بقدْري وقتها تيقّنت

في ليلةٍ والنشع لي سهران = قال الشهاده وصحت له آمنت

واثر المنيّه شوق للخلان = واشهق يا موتي ليتك اللي حنت

والعي ي ليت النبض بي ما كان = وارضف ونيني ليتني ما كنت

والحين راجع بالدمع غرقان = لا لا حبيبي ( رد لها ) لا هنت

الحين جيت وفوتك اللي آن = وش له اتّوضا بعد ما اتْسنّنت ؟؟

اقسم بربي لك ( انا ولهان ) = واصبحت ( له ) لكن بـ روحي ( انت )

لكن كلي حط لك اعلان = ذنبي وتبته .. والجفا بك صنْت

.
.
.

والمجاراه .. من كلماتي ..

الخاطر الزعــــــلان

يا مرحبـــا بالخاطــــر الزعـــــلان

يا مرحبــــا يا حـــيّ بــــك لا هنْت

يا غْلــى حبيــب اويا أعز إنسان

يا كـــلّ عمــري يا حياتــــي انْـــت

باقـــي معـــــاي الحــب يا فتّان

يجْنــون حبّــي كــم أنا اجّنّنْــــت

جيتك وعندي للغــرام ألــــوان

لا بعْت حبّـــك ذاك ولانـــي خنْت

ظمّتْك عيني وصرت لي أجفان

ياعيني اللي عشت فيها وكنْت

يكفـــي تزيد البعــد والحرمان

يكفـي قســـا ليتك وليتـك لنْت

طبعــي وفـــيّ ولانــــي الخوّان

موتـي الجفـا وحْيـا إذا انْته بنْت

وسوااااالم والسموحه ان جان ثقلت عليكم ..

" رايكم يهمني " __DEFINE_LIKE_SHARE__

الرهيب القطراوي · 04-11-2009, 04:08 PM

والحين راجع بالدمع غرقان = لا لا حبيبي ( رد لها ) لا هنت....

يعطيك العافية يااخييييييي على المجاراة المميزة وصح السانك وتقبل مروري......

& كلنا واحد * وخليجنا واحد &
__DEFINE_LIKE_SHARE__

BiN_RaSHiD · 04-11-2009, 04:13 PM

صح بدنك .. وتسلم على مرورك ^_^ .. __DEFINE_LIKE_SHARE__

الظبي العدامي · 04-11-2009, 09:14 PM

الله الله ع القصيده

وعلى المجاراه

صح الله لساااااااانك يااخويه

وعلى شاانك

طر× طر

سلمت يمناك

لا هنت

نرقب يديدك __DEFINE_LIKE_SHARE__

شآعرة يآلبيه · 04-13-2009, 05:36 PM

السلام عليكم ورحمة الله وبركاته
هلا ومسهلا

صراحة ..مجاراة رووووووووعة

والكلمات أروع

صح السانك والسان القصيدة 1

ماتقصر أخويه وعسى يومن انجوفك شااعر
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصه وقصيد مجاراه بيني الداب	محروم.كوم	منتدى أخبار المواقع والمنتديات العربية والأجنبية	0	09-17-2009 06:00 PM
بيني وبين أبي سعد في موسم الضبان	محروم.كوم	منتدى أخبار المواقع والمنتديات العربية والأجنبية	0	07-02-2009 12:30 AM
بيني وبين أبي سعد في موسم الضبان	محروم.كوم	منتدى أخبار المواقع والمنتديات العربية والأجنبية	0	07-02-2009 12:20 AM
بيني وبين قلبى	قـلب دبـي	الشعر المنقول	2	11-01-2008 01:20 PM
قصه من تأليفي..كان بيني وبين البحر	ناقص حنان	قصص و روايات	3	04-24-2008 01:17 PM