سؤال للبنوتات الرقيقات ^_^ حياكن

HAMDA AL DHAHERI · 05-23-2009, 04:17 PM

سؤال روعة ونحن دوم نسولف عن هالاشياء في الدوام لان المجتمع عندنا مختلط

فعلا اذا كانت البنت دفشة بتضارب الشخص الي تحرش فيها حتى لو مب قاصد بتفضحه.. هههههههه

لكن انا اقولكم ردة فعلي وعن تجارب بعد

لاني مثل ما قلتلكم انا اشتغل في مكان مختلط... وصدقوني البنت حاشمة عمرها والا لا... الا ما يصير يوم وتطيح في هالموقف

احيانا الشاب مب قاصد.. بالغلط لمسها ويعتذر
واحيانا في الشغل الميداني ممكن الوحدة تكون في موقع خطر ويضر يمسك ايدها كتنبيه لها اذا ما سمعته وهو ينبها شفوي ( طحت في الموقف في التدريب لكن عقب التخرج لا)

انا من طبعي خوافة... يعني تحصلني في شغلي اسد واكلم فلان وعلان وفي المواقع جني ريال... لكن اذا حد تحرش فيني.. اكبر شي اسويه اخزه واذا قدرت اهدده سويتها... بس من خوفي والخجل في المواقف الشخصية هذي تحصلوني ارتجف ومتضايجة.. بس لاني ما احب الفضايح اسكت وما اشتكي او اصارخ

ممكن اقول لربيعاتي او خواتي

واخذ حذري من هالريال اذا حسيت انه قاصد يتحرش مب لامسني بالغلط

الحين اكيد انتو حاطين في ابلكم اني فاصخة الحيا

لكن لا والله

بس فعلا هالمواقف تصير للبنت دوووم

خارج الدوام ما صارتلي لاني دوم اطلع ويا اخواني وما اطلع بروحي الا اذا مضطرة

واخر موقف من هالنوع صارلي في اجتماع في دبي من شخصية كبيرة ومعروفة... في البداية حسبتها انه بالغلط بس يوم تكرر الموقف 3 مرات في نفس اليوم فهمت انه تحرش وبدلت مكاني مع زميلي... وما قدرت اركز في باقي الاجتماع

لا وزودها وتم يطرش مسجات اسبوع كامل وانا مطنشة واذا لاقيته اغير الموضوع عشان احسسه باحراج
والحمدلله بعد معاناة فهم اني مستحيل اعطيه ويه

ثانكس __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قطع ويل سويسري وبأحلى الأسعار حياكن عندي	محروم.كوم	منتدى أخبار المواقع والمنتديات العربية والأجنبية	0	01-03-2010 03:20 AM
ربطات شعر حلوه ،،، حق البنات الحلوات،،، حياكن	أم رواضي	بيع و شراء و عروض التجارية	30	10-02-2009 04:23 PM
صور نقش حنا روعه..حياكن..	NOCHANCE22	الأناقة والجمال والموضه والطفل	43	08-21-2008 12:51 PM
,,,,,,,,,,,, جمعه خير عليكن ياربي ,,,,,,,,,,,,,{ حياكن يابنياات }	‏εïз الجآدلـٌ‏ ّ !	الأناقة والجمال والموضه والطفل	32	06-30-2008 03:08 AM