#poem_4ee48f98c91c7 td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} قالوا مولع قلت بالطير مولاع قلبي مولع بالحرار البواتيع شفي نداوي ماكره روس الاضلاع من يم قزوينٍ لفتنا قواطيع حرٍ جليلآ صافي له تلماع كن الذهب في دق ريشه تلاميع عاقد حجاجه مثل شيخٍ ليا لتاع لاعه زمانه بالعنا والمراميع نحره كما مزنٍ لبراقه شعاع والراس يحالي للزبيدي مصاليع عدل المناكب والموامي كما ذراع عريض صدرٍ مثل وصف المداريع آفجح هجر عليه نظرات الاطماع تجذب سراويله عيون المطاميع حرش(ن) كفوفه كنه السيف قطاع لتل سبقه مزع السبق تمزيع نادر حرارٍ لبرق الريش مزاع يقلط عليهن ثم يفرق مجاميع الارض من تحته تطوى ليا نزاع عزم(ن) جزوم مطوع الخرب تطويع طلعه وكاد وكمل الطلع بأطباع ماتاه طلعه في سرابٍ وتقطيع يهوي كما حربيةٍ عقب مقلاع وان كوبرت جاها بسطوه وتشجيع فعل الشجاع اللي عزومٍ وبتاع او فعل فارس في نهار الزعازيع هذا مناي وكامل والوصف فزاع لو عوظوني مال قارون مابيع ويامحلا من بعد طردٍ مع القاع ربدٍ ندورها عذاب المفاريع روضٍ به النوار مختلف الانواع يومي ليا هبت عليه الذعاذيع اشعمت ناري والمباهير ركاع وعذب اللحن مع أم سالم لنا تذيع تلعب على الغربي ليا هب ذعذاع تطرب قلوبٍ من زمنها مواجيع آسج ولا الموت للعمر لفاع واعمارنا ياذيب منه مجاديع اسج رجلي بين مشتى ومرباع وطرد الولع مع الليال المرابيع