هك العوير لسيف بن غراب

محروم.كوم · #1 12-09-2011, 12:50 PM

السلام عليكم ورحمة الله وبركاته

صبحكم/مساكم الله بالخير وش حال كل باسمه ماودي اطول علكيكم هالسنة قليلة وفقه من اولها نقلت قرناسي الجير اللي يسوى عندي الكثير ومن رابع دعو وهوميت وهذا اللي كنت خايف منه من سنتين وكنت احاول مع البريدر احجز والا اشتري نفس الخلطة ولاتوفقت مره يقولون فالمعرض ووقت المعرض يقول احجز بشهرخمسه واذا راسلته بشهر خمسه مارد علي وزادها قل الحبارى هالسنه مامن حبارى . قلت لنفسي ياولد دام مابه حبارى وانت اجازه ورى ماتسير على رفيق لك يدور شوفتك وتوكلت على الله وحجزت وطرت صوبه وهو(سيف بن محمد بن غراب الكتبي)ونعم الرجل وسبعة انعام ولاهي غريبه على عيال زايد المراجل وحسن الضيافة وانا خابره عنده هك طيور يشري انتاج مزارع ويطيره ويبيع وللامانه الرجل نجح وطيوره اثبتت جداره وبراعة كانها وحوش وهذا ليس للدعايه ولكن للامانه وحبيت امازحه واعنيه بنفس الوقت العام الجاي على طلبي ولاقصر تزهل ابو محمد جعله على القوة دايم

وهذا رابط للهك الخاص به

واليكم القصيده اللي بها مواصفات الطلب :#poem_4ee1cb5008c30 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} ياسيف يابن غراب يامسوق الجير ابيك تنتج لي ولا لك مهونه طيرٍ مثل جذاب عوق المعاشير لاروحت تفريط هم يزهومنه جيرٍمع شاهين هذي المقادير واللي مركبها كثير اللعونه من ماك روب اللي قليل التباشير ترس مخابيه وزادت عفونه سنتين وانا معه ماغيرماغير ياماك يابن روب ابي تحجزونه جيرٍمع شاهين ابيض بتصوير منطح وظهر وراسٍ تصورونه وقياس عرضه وافيٍ لايجي صغير والطول ماهمي لوتقصرونه وخابر الاعيب الخباث المناكير قبل يتم البيع لي تازنونه وان سهل الله ثم تمت على خير بصندوق شاش وقطن اطرشونه لدبي دارالحي دار المناعير ولسيفٍ ابن غراب ابي ترسلونه بهك العوير اللي بذيك الدعاثير بعد ثمان ايامٍ يطيرونه وياخذ حوالي الشهر بالجو تطيير حتى يبان لراس جنحه ليونه وحتى يوالف جونا والمعاصير والياجهز بعيونهم يشبكونه وعيا يطواعني عديم التدابير يقول لي تبطي ولا انته زبونه زباينه في دار زايد طوابير وش ماطلبنا فيه ابيشترونه ناس تحب الطير وتقدر الطير واللي يجيب الطيرهم يحشمونه واليوم يابن غراب ماعاد لي غير انخاك تنتج لي ولا لك مهونه ماهمني وش مالحقني مخاسير حتى ولو بعدي تسدد ديونه اهم شي اني ليا قلت ابا اسير مقناص مايلحق عظامي لدونه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن سمكة غراب البحر ؟؟؟	محروم.كوم	منتدى أخبار المواقع والمنتديات العربية والأجنبية	0	12-01-2011 04:50 AM
أول مصحف للنشر على شبكة الإنترنت..من منتجات مصحف مكة العالمي - مجاني‎	محروم.كوم	منتدى أخبار المواقع والمنتديات العربية والأجنبية	0	11-24-2010 04:12 AM
صور مصيف سلمى السياحي مصيف سلمى لؤلؤة الساحل السوري	محروم.كوم	منتدى أخبار المواقع والمنتديات العربية والأجنبية	0	05-17-2010 09:30 PM
الي عنده ارض في راس غراب	محروم.كوم	منتدى أخبار المواقع والمنتديات العربية والأجنبية	0	04-18-2010 03:00 PM
صدق او ـلأأتصدق غراب >.يتحرش.< بـ مرأة ؟؟	شيخ البطارهـ	اخبار محلية و عالمية	17	11-07-2009 10:23 PM