يآ قلبي الزمنــ هذأإأ جحدني و انتـ ما تدري (( جرييييئه ))

! ĐįƠЯ ƒάṦђịǑη ! · 12-09-2011, 06:04 AM

(‫(‬ البارت ٦))
‫((‬ مرت ساااعه وانترست القااعه ))
هدى (( يا ربي وين بحصلهاا هاااي ))
(‫(‬ صووب طاوله الي يالسيه فيها ام خالد ))
هند : حيااااتي كيووووت بنت اخوووج
ايمان : بسج منها مططيلها ويها
هند : هههههه
ريم : اووف ابي ماماه (( عمرها ٣ سنوات ) )
هند : لا لا ماااشي
ايمان : اقووول بسير الحمااام وبيي خليها عندج
هند : لا بيي ويااج ،، اماايه بنسير الحماام خلي ريم عندج
ام خالد : انزين لاتتأخرن
هند : اوووك
‫((‬ الحماام --عزكم الله ))
هدى (( ترمس ف الفوون )) : اقوولك مالقيتهاا
محمد : ماايخصني ولا ترااه ماشي حبوووب تلقينهاا وتصورينها وابااا صووتها اهم شي صووتهاا
هدى : اووووف ،،، انزيين ،،انزييين
محمد : بااااي
هند وايمان (( واقفاات جداام المغااسل )))
هند : ابااا ادق حق فهوودي متوللههه علييييه
ايمان : ماااااالت علييج قمتي تقولين كلاام حرييييم وييييييع
هند : مالت علييج انجبي خلااص بعرس اناا
ايمان : هندوووه صااحيه انتي والله كلاامج تغير مب انتي من يوم خذتي ها الفهد
هدى (( فهد !!!! وهند جنه حرمته )) : سمحيلي اختي بس انتي حرمه المحااامي فهد ؟؟
هند (( طالعتها باستغرااب وعصبيه )) : هييييه لييش مب تاارسه عينج
هدى (( توهقت )) : لا لا بس اسإل
هند : وانتي من وين تعرفين فهد بالله
هدى : هاااه …. لا بس كان ماسك قضيه عشااني
هند : اووف ايمان قومي نسيير
ايمان : يالله
هند (( عصبت اتنرفزت وفول العداااد عندي يلست ع الطااوله واحس اني متوتره ومب قاادره اصبر ابي ارمسه الحيين ))
‫(( في مكان آخر من القااعه - غرفه العروس ))‬
ساره (( لو مهما يسوي مستحيييل يكون ف قلبي نقطه حب له ،،، كلكم نفس الشي ))
ام فهد : ساااره
ساره : هلاا
ام فهد : بلااج يا بنتي تفكرين ؟
ساره : ماشي
(( في الطرف الآخر من القااعه ))
هند (( مااقدرت اصبر طرششتله مسج عشاان نطلع نتمشى ع البحر لاني مضاايجه عصب بس اصريييت عليه حتى لو اكلمه ف السياااره وارجع داخل ووافق))
فهد (( بعصبيه )) : خييير انشالله مطلعتني من عند الرياييل ضرووري وضرووي
هند (( نزلن دمووعي ))
فهد : هند حبيبتي شوه فييج
هند (( قالتله عن اللي صاار ))
فهد : قولي والله انج تصيحين عشاان ه السبب وخربتي حفله المكيااج اللي فويهج عشاان ها السبب
هند : لا والله وحده تسإلني عنك وماتباني اصييح
فهد : حبيبتي تعرفين انه شغلي ايوون حريم ورياااييل
هند : هييه بس هذي وقحه واااايد واايد كيف جييه تسإلني عنك
فهد : هههههه وقحه وقحه بس عشااني مسحي دمووعج وروحي استانسي ويا ايمان يالله
هند : بذبحهاا هاااي اذا شفتها
فهد : اتصدقيين ياني فضوول ابا اعرف منوه هاااي ،، كيف شكلها ؟
هند : نعااااااااااااااااام ،،،،، بعد تسإل كيف شكلهااا
فهد : ههههههههههههههه ،،،،،، اقص علييج ع قوولتج
هند : حمااار
فهد (( بنبره حاده )) : هند شوه قلنا المصخره لهاا حدوود
هند (( مدت بوزها )) : آسفه
فهد (( ضربهاا ع بوزها )) : عن الدلع ترااني ما احبه
هند : آآآآآآآآآي عورتني
فهد : يالله مصختيها ردي القااعه بسررعه
هند : اووف انزيين
فهد (( باس راسها )) : احبج ،، يالله قومي
هند : وانا بعد وااايد واايد احبك (( ونقزت فوق حضنه وبااسته ع خده ))
فهد : خس الله عدووووج خيستيني بها الالواان اللي في شفاايفج ،، مسحييه بسرعه
هند : لا لا شكله حلووو بصوره اول
فهد : يالله صوري بس فكينا مسحيييه بتفضحينا جداام الرياييل بيقولون هذا بعده ماعرس وجييه لو عرس كيييف ..

‫((‬ شقه محمد ))
هدى : هذيلا الصور وهذا تسجيل صوتي حق صوتها
محمد : حلووو ياشااطره ،،،، الحين مب بس لج حبه لج مليوون حبه الا كراتين حبوووب (( الحيين بعلمك ياافهد كيف تتحداني .. هه انا محمد مب حي الله ))

‫((‬ صوب خيمه الرياييل ))
حمد (( يالله يارب انها تقبلتني ،،، حاس انها متغيره ها اليومين مب طايقتني ،،،، ياارب تهدي سرها وتحنن قلبها علي والله اني احبهااا ،،،، يارب لا تفرقنا ))

سعود : حمد ،، حمد
حمد :--
سعود : حمد (( هز كتفه ))
حمد : هلا
سعود : وين بالك يا رياال ؟
حمد : احاتي
سعود : ساره ؟
حمد : هييه
سعود : لا تحااتي انشالله خيير
حمد : انشاالله
فهد (( يا وقعد )) : ها علوومه المعرس ؟
حمد : بخيير
سعود يطالع حمد ويضحك وحمد نفس الشي
فهد (( باستغراب )) : بلااكم تضحكوون ؟
سعود حط ايده ع خده : شو هذا فهد ؟
فهد : شووه؟؟
سعووود : جنه حد راش علييك لمعه
فهد (( خسج الله يا هندوووه )) : لا محد راش علي شي يمكن يوم سلمت ع سااره قبل لانطلع من البيت
سعوود : توك كنت هنييه ماكان ويهك فيه شي
فهد (( انا لله شووه اقوول الحيين آخر عمري اطلع جييه جدااام الخلق )) : يا بوووي امسحه طفرتبي
حمد : ههههههههههههههه زخيناااااااك
فهد : اقووول انته انطب وخلك في اللي انته فييه
حمد وسعود : ههههههههههههههههههههه
فهد : الشرهه علي ياالس عداالكم بسير صووب الشواب احسن لي
سعود : تعااال يا رياال بتفضح عمرك بمسح اللي فويهك

(( صوب القااعه - غرفه العروس ))
ساره (( ترمس ف الفون)) : اذا تبا تيي نصور تعال
حمد (( بلاها متنرفزه )) : بيي ،، بس انتي شوه فييج معصبه ؟
ساره : مب معصبه بس ابي اخلص مب طايقه اتم هنييه
حمد (( آه يا سااره حراام علييج والله )) : انشالله بيي نتصور ودخلي وبدخل انا وبنرووح عقب سااعه بيخلص كل شي انززييين
ساره (( بتوتر )) : انزييين ،، باي
‫((‬ بعد خمس دقاايق ))
حمد (( مشالله علييج ملااااك ))
ساره (( اوووف ماباااه ،،مابااه ))
حمد (( مسك ايدها ))
ساره (( شلت ايدها ))
حمد : سااره ،، بلااج ؟
ساره : ماشي
حمد : سارره (( وسكت )) ولا اقوولج خلااص المكان مب مناسب عشان نرمس

‫((‬ بعد نص ساعه ))
ساره (( دخلت القاعه وانا منزله عيوني مابي اواجه النااس مااعرف شوه يقولون عني ولا ابي اعرف ابي اطلع من هنيييه ،، مسكت ايد وجدان بقوه صدق يوم يقوولوون الصديق وقت الضييق ،،و وجدان ما عمرها قصرت ويااااي ماودي بفراقها ،،، يمكن يمنعني عنهاا ،، وصلت للككوشه من غير ما احس ))

وجدان : ساااره ،، ابتسمي بلااج جييه
ساره : مضاايقه وجداان مضاايقه واايد
وجدان : ساره حبيبتي اليووم عرسج لا تسوي بعمرج جييه الليله ليله عمرج
ساره : ليله عمري!! حمدان حرمني من ليله عمري
وجدان : ساره انسييه ،،، تراه الحين حمد وياااج ادري ياسااره باحسااسج بس ياا ساره حاولي تنسييين عشاان حمد ،، حمد طيب
ساره : لااا مب طيب حتى لو طيب كلهم نفس الشي في البداايه طيبيين وعقب يبين الويه الثاني
وجدان : لا اله الا الله ،،، ساااره الله يخلييج خلي الليله تعدي ع خيير
ساره : وين فووني بدقل خله يدش ويفكني انااا تعبااانه ابي ارجع البيت (( البييت !!!! ،،، قصدج البيت اللي بتكونيين فيه انتي ويااه بس مب فهد وسعوو وامج وابووج ،،،، لا ما برجع ابا اتم هنييه ))
وجدان : خلييت امج ادقله
ساره : لا وجداان لا مابي بتم هنييه
وجدان : سااره شوه فييج بسم الله انتي صاحيه ولا صااحيه …
ام فهد : وجداان حمد وصل
وجداان : بسير اييب عبااتي
ساره : لاااا ،،، تعاالي عداالي
وجداان : ساااره استخفيتي انتي ولا شووه ريلج بيدش كيف اتم عدالجج
ساره (( رصت ايدها ع فستاانها الابيض الهاادي ))
حمد (( دخل شااف ملاااكه اللي مب عارف كيف بتكون حياته وياها ،،، باااس راسها ))‪:‬ مبروووووك حبيبتي
ساره : الله يبارك فيييك (( قربه يحسسني بقشعرييره مابيييه ،،ماابييه ))
حمد : ساره فيج شي ؟
ساره : لا
حمد : عيل بلاج معصبه ومتوتره
ساره : ابي ارجع بيتنا
حمد : انشالله بنرجع
ساره : لا ابي ارجع بيت ابوووي
حمد : هه الله يهدييج ساره ما مداانا يلسنا ويا بعض وبعد تبين ترجعين بيت ابووج مايصييير ،، ليش بترجعين ضاايقتج في شي ؟
ساره : اووووف ،،، خلااص ،،خلاص
حمد (( اول مره تعصب جيييه الله يستر لادخلت الغرفه شوه بتسوي بعد )) : عمووه لو سمحتي نبا عباتها بنرووح
ام فهد : والكيييك والعصير ؟
حمد : ماعليه عموووه قطعوه انتو

ساره : لا بقعد
حمد : وانا قلت بنروووح عندج اعتراض؟
ساره (( بتوتر )) : لا
ام فهد (( يلست تلبسها عباااتها وشيلتها ووصلتها لين البااب )) : هالله هالله بعمرج امااايه اهتمي بريلج وبيييتج ،،
ساره : انشالله
ام فهد : الله يوفقج ياارب ،،،
ساره (( حضنت امها ودمعت عينها )) : بشتااقلكم واايد
ام فهد : ونحن بعد بنشتااقلج يالله ريلج يتريااج
ساره : انشالله ،،سلمي ع ابووي وفهد وسعوود
ام فهد : يووصل حبيبتي ،،، الله يحفظج

‫((‬ سياره حمد ))
ساره (( احس دمووعي بتنزل ومب قاادره ايودهاا ،،، احس مب طاايقتنه ))
حمد : ساره
ساره : نعم
حمد : مبروووك مره ثاانيه
ساره : الله يبارك فيييك
حمد : بنروح الفندق تراه وباجر عقب المغرب بنسافر
ساره : لااا مابي اساافر
حمد : ليييش؟!!
ساره : بس ابي اكوون قربه من اهلي
حمد: وانا شوه يعني بكلج بنرووح شهر وبنرد
ساره : ---

(‫(‬ سياره فهد ))
فهد : ماعليييج يا الحمااره تقصين علي وتقوولين مسحته فشلتيني
هند : ههههههههه ،، مسحته بس خليييت شوي
فهد (( والله اني حبيتها ،، بس بعدني متلوم فيها صغيييره علي واايد ))
هند : فهد
فهد : آمري
هند : ابي حلااوه
فهد : الحييين؟!!
هند : هيييييه
فهد : شااايفه السااعه كم انتي
هند : هييييه عاادي فهد ،،، بلييييز
فهد : لا مااشي بتمتنيين عقب ،،، تراه بطلقج
هند : لا والله
فهد : هيييه والله
هند : فهااااااااااااااد
فهد : عن الميااعه ،، باجر انشالله بيي بيتكم وبييبلج حلااوه ،،،، وجركتج هااي لا تسوينها مره ثانيه
هند : عادي شوه فيها لو انت وصلتني
فهد : مافيها شي بس شاوريني قبل مب تقولين قلت حق اهلي انك بتوصلني
هند : اوووف ،، انزيييين
فهد : صح تراه عقب العرس بيووم بنساافر بريطانيا لانه عندي شغل هناااك
هند : الله ونااااااسه
فهد : اقووولج شغل شغل مب نتحوط
هند : عاادي المهم سفره

(‫(‬ الفندق ))
حمد : نور المكااان
ساره : منور بوجوودك
حمد : اخليييج تبدليين اترياج في الصااله
(‫(‬ الصاله ))
حمد (( الله يستر ،،، انا بحاول وياهاا وبشووف رده فعلهاا ،،،، ))

(‫(‬ عند باب بيت بو خالد ))
فهد : هند ،،، هند قوومي وصلنا
هند : هممممم ،، بناام
فهد : وين تناامين في السيااره ،،، قومي دشي دااخل وصلنا
هند : اوووف ،،،، تعباااانه
فهد : هندوووووه قومي
هند : اووف انزيين
فهد : صبري ،، وين بوستي ؟
هند : مابي زعلااانه
فهد : افاااا ،، ليييش ؟
هند : بس لانك وعيتني من رقاادي
فهد : لا والله تبيني اشلج يعني
هند : هييييييه
فهد : والله !!
هند : هيييه
فهد : بشلج تراني
هند : انزيين شلني
فهد : صدق ارمس ترااني
هند : حتى انا
فهد (( نزل من السيااره وبطل البااب اللي صوب هند وشلها ع كتفه ))
هند (( تصارخ )) : ااااي نزلني
فهد : مااشي انتي قلتي شلني بشلج لين حجرتج
هند (( تصاارخ )) : لا لا خلاااص هونت
فهد (( يدق الجرس بسرعه )) : مااشي بوصلج لين حجرتج
خالد (( فج البااب )) : هههههههههههههههههههههههههه ،، حمدالله والشكر يووم اقوول انها ياااهل محد يصدقني
فهد : خوووز ،، خووز (( وصعد فووق )) ،، ها وين حجرتج
هند (( اشرت ع البااب الي صوب اليمين )) : هااي
فهد (( فج الباااب وعقها ع الشبريه )) : هذاا ادبا ً لج عشاان مره ثاانيه يوم اقوولج بوسيني ما تقولين زعلاانه ومابي ع قوولتج
هند (( قامت ونطت ف حضنه وبااست خده )) : آ سفه
فهد : ههههههه (( باس راسها )) حبيبتي والله ،، خلااص رقدي شكلج تعباانه
هند : واااايد تعبااانه
فهد : يالله تصبحيين خيررر
هند : وانت من اهله
فهد (( نزل تحت ))
خالد : هاا شوه سويتو
فهد : شوه سوينا ؟
خالد : علينااا (( وغمزله ))
فهد (( فهم قصده )) : الله يااخذ عدووووك مسود الويه
خالد : ههههههههههههه ،، اعترف ،، اعترف
فهد : اعترف بشووه ماسويت شي
خالد : ههههههههههه،،، شفتكم ؟
فهد : شوه شفت ؟؟
خالد : ها يعني سويتو شي
فهد : يالله بالعقل بس ،،،، يحلييلها ماتنلاام هندوه متأثرتبك
خالد : الحيين ترده مني اناا
فهد : برووح انااا سلم ع عمي
خالد : ايلس يا رياال بنسهر
فهد : هييه بنسهر وانا ارقد ف المحكمه
خالد : باجر اليمعه
فهد : ادريي بس برتااح شو ي
خاالد : ايلس يااخي ايلس ملاان انا اختك شلت ربيعي عني
فهد : ها يلسنا

(‫(‬ الفندق - الصاله ))
حمد (( اووف تأخرت ،، بقوم اشووفها ،،، دق بااب الغرفه )) : ساااره ،،، سااره (( ماترد ،، شي فيها ،،، يا بيفتح البااب لقااه مقفول )) : ساااره فجي البااااب
ساره : بغيييت شي ؟
حمد : شووه يعني بغييت شي ،، ريلج ترااني
ساره : -----
حمد : سااره فجي البااب بالزيين ماباا ارفع صووتي عليييج
ساره : ماا بفجه
حمد (( ماسك عمره )) : ساره فجي البااب ااحسن لج
سااره (( فجت البااب )) (( كانت لابسه برمودا مالت بيبي بوووب << العايله الكرييمه كلها متأثره هع ،،،، كتوفهاا طاالعه والبرمودا لين ركبتها ))
حمد (( ليش تحرميني منج يا سااره )) : ليش قافله البااب ؟
ساره : بس برقد
حمد : لا والله وانا وين ارقد انشالله ؟
ساره (( لفت ويها عنه )) : مشكلتك
حمد : شوه اللي مشكلتي سااره انا الحيين رييلج
ساره : ادري بس نحن متفقيين من قبل
حمد : على ؟؟
ساره : انه كل وااحد فينا ينام فمكاان
حمد : والله !!! ،،، عيل ليش انا معرس مش عشااان اصوون عمري من درب الحراام وارضي ربي بالحلاال
ساره : بس نحن متفقييين
حمد : بس الاتفااق تغير بعد ماطلعتي وياااي وتقبلتيني وكلمتيني وحبيتيني
ساره : لا انا ماقلت
حمد : ماقلتي ؟!!! ،،، شو اللي ماقلتيه بالضبط
ساره : ------
حمد : يعني تدرين اللي تبييينه مب منطقي عشاان جييه سكتي ،، لو تحبيني جان ما بتقوليلي في ليله عرسنا رووح دورلك مكاان ترقد فييه ،، لو انج مغصووبه علي بنقووول ماعليه ولا طريقه زواجنا غير عن النااس بعذرج ،،، بس سااره انتي وافقتي برضااج وانا خذتج برضاااي
ساره (( احمر ويها واتجمعت الدموع ف عينها ))
حمد (( رفع ذقنها وحط عينه بعينها وضمها لصدره )) : ساره حبيبتي لا تخافين طول ما انا ويااااج
ساره : اخاااف منك اخااف واايد
حمد : ليش حبيبتي انا ما اخوف ،،، شو اللي خوفج فيني
ساره : مادري ،، اخاااف
حمد (( باس راسها )) : لا تخافين ،، انا احبج والله احبج ،،،، خلاص رووحي نامي وانا بسير ارقد ف الصاله
ساره : بييبلك مخده وبطانيه شي ف الكبت زياده
حمد : اووك انا ف الصااله اترياج عشاان نتعشى (( طلع عنها ))

(‫(‬ بيت بو خالد - الصاله ))
فهد : الله ياخذ عدوووك انشالله السااعه ١٢ ونص ،، بترخص انا
خالد : يا ريااال ايلس باات عدنا اليووم
فهد : وين ابات فووق رااسك منقوود ياااخي
خالد : شوه اللي منقوود بيت عمك وبيت ابوو حرمتك ومحد فيه غيرها
فهد : مايستوي يااخي
خاالد : والله تبااات مايستوي ترد حلفتي
فهد : هيييه هااي شغلتك انت واختك تحلفوون وانا اتوهق
خاالد: ههههه يااخي ايلس بنتخبرك عن كمن سالفه
فهد : اتخبر يا خووي اتخبر
خالد : ولا قتلي انك بتعرس عقب اسبووعيين هاا
فهد : شفت عاااد
خالد : والله فهد بسألك سؤال انت من خاطرك تباا هندوووه ولا عشاان عمي ؟
فهد : صرااحه في البداايه عشاان الوااالد بس الحييين لا فديتها عسل ع قلبي
خالد : اوووووه ،،، اوووه مانرووووم
فهد : استح وخيل يا رياال
خالد : لا والله قول حق عمرك تتغزل في اختي وجدامي
فهد : وابووووي؟!؟ ريلها تراني

(‫(‬ صووب الفندق ))
ساره (( يبتله البطاانيه والمخده لقيته منسدح ع الكنبه ويطالع فوووق حسيييته مضااايق حزت فخاطري ضيقته ،، حطييت البطانيه تحت راسه ))
حمد : مشكوووره ،،، هاتي عنج اللحاف
ساره : لا انا بلحفك (( لحفته ويلست عدااله )) حمد
حمد : آمري
ساره : زعلااان مني
حمد : لا حبيبتي مب زعلااان كلاامج صح نحن متفقيين من البداايه وانا لازم اتم عند كلمتي
ساره :حمد
حمد : ساره اباا ارقد لو سمحتي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يآ قلبي الزمنــ هذأإأ جحدني و انتـ ما تدري (( جرييييئه )) ‏للكاتبة mjNontak	دلوعة خدامتنا	استراحة قصص وابداعات الاعضاء	22	02-14-2015 01:34 AM
روايه يا قلبي الزمن هذا جحدني وانت ماتدري (( جريئه )) للكآتبه mjNontak	fruittella	قصص و روايات	24	02-13-2015 05:21 AM
شات تعب قلبي ، شات قلبي لـ أول مره دليل تعب قلبي http://www.chatt3ab.com/te3p	محروم.كوم	منتدى أخبار المواقع والمنتديات العربية والأجنبية	0	10-19-2011 08:20 PM
قلبي شكى البعد ليتك تدري بهمه<توآقيٍعٍ للٍبنوتآت	» [ ™S a s a ] ~	تصاميم الاعضاء	26	05-27-2008 05:43 PM