آلــبــآرت آلـحـــ{ 11 } ــآدي عشـــــر ..,’’


{ ،، يـآ تـًـًرى شِفْتـوو جَسَدْ [،مَيِّــت،] وِرِفَضْ يِسْتَقْبلـهْــ،، قَبْــ}ـرهْ ،،‘؟!


،، أَنـًآ هــآآــذي مُعآنآتـًـًي ،‘ وأظِنْ إِلّي مِضـًـٍـٍـًى يكْفـــيني ،،‘!! }


.
.


آلعيــن ..
يـوم الجمعه ..
آلسـآعه 11 الضحى ..
بيت بو محمــد ..


روضة ~ امس كآن يوم متعب .. من غير الموآقف السخيفة اللي استوت امس .. ومن غير اني اكتشفت اللي يحشرني بالفونآت .. طلع صآحب آلسمو نويصر .. اففف وآلله وأبتليتي يآ روضه .. مآ أقول غير آلله يعييييني .. واليمعه هـ المره بيت عمتيه واكيد بيكون موجود .. يآ ربي والله اني عفت شوفه .. والمشكلة يعرف اني ما ادانيه وبعد يسوي كل ها .. المهم قمت الساعه 7 وصليت الصبح .. مرات من كثر ما اتحس انك تعبان توعى من وقت .. ما قمت الفير أصليها لأني ما حسيت بـ عمري .. ظهرت من الحجرة وسرت آلصآله ما لقيت حد وسرت المطبخ وبعد مآ لقيت حد .. طلعت برع شفت عمي زآيد ويدي عند الزرآعه .. سرت ويلست ويآهم .. ~



روضة : السلـآم عليكم ..
الكل : وعليج آلسلـآم ..
اليد : قومي قومي بنسير المزرعه والعزبة ..
روضة : يدي آلله يهديك وين عزبة ومزرعه صلاة صلاة الحيين ..
زآيد : متفيييج ترآه ..
اليد : قوم قوم انته مني .. قوم ..
زآيد : هي لقيت لك حد أهنا .. ويوم محد عندك تنشني من الرقاد ..
روضة : هههه محد عنده غييرك ..
زآيد : بعرس انا وبروح ..
اليد " يلتفت له " : بذمتك ..؟!
زآيد : إييييييييييها .. انته محد يطريلك العرس .. شرآيك تعرس انته ..؟!
اليد " يفكر ويزاعج على روضه " : روييض ..
روضة " كانت مندمجه فالبي بي وفزت " : بسم الله يدي بلاك ..؟
اليد " يبتسم " : دوريلي عروس وحده من ربيعاتج ..
زآيد : دخييلك بتبلي بنات الناس وياك ..
روضة : لـآ عآد يدي كل حد يبآه ..

زآيد : زيين تمي عند يدج .. وانا " يتثاوب " بسير أرقد ..
اليد " عصب " : صلاه ورآك إذا رقدت حرآم لـ خلي هاي العجوية ترفرف ع ظهرك لين تصلب لك عودك ..
زآيد " يوقف " : خيييييبه .. مآ يسوى عليه .. مب رآقد مب رآقد بسير دآخل ..
روضة " تسويله حركه عشآن يسير وهي بتم عند يدها "
..
روضة ~ تمييت عند يدي لين قبل الصلآة بشوي ودخلت ويآه دآخل .. شفنا زآيد رآقد ع الغنفة يحليله امس رآد متأخر ومن غير التعب ويدي الله يهديه مآ خلـآه يرقد .. وعن حلـآف يدي سآر وضربه ضربه وفز عمي .. ادري به يدي ما يهون عليه زآيد يضربه .. قآم وسآر يتسبح عسب صلآة الجمعه .. دخلت ويآ يدي حجرته وسآر يتسبح وانا طلعت له كندورته وغترته .. طلع من آلحمـآم واتلبس .. دخنته و عطرته وسآر ويا ابويه ورآشد وزآيد المسيد .. وانا سرت حجرتيه واتسبحت لبستلي مخورة ع البني البسكوتي اموت ع هاللون وفيها نقش ورود بالأسود .. خلصت وقريت قرءان و صليت .. حطيتلي جححآل شوييه واتعطرت .. ولبست شيلتيه .. نزلت تحت وشفتهم ألحين بيظهرون وبيسيرون بيت عمتيه .. وصلنا أصلا مب من بعد البيت اليدار باليدار .. أول ما دخلنا شفنا قوم نآصر توهم نآزلين من آلسيآرة .. سلمت على خالوه وحمدوه وسلم عليه نآصر بالكلـآم رديت آلسلـآم عليه عشآن مآ أحرجه جدامهم .. دخلنا نحن الحريم دآخل و الرياييل دخلوا الميلس .. سلمنا ويلست ويا نوير وحمدوه ..~


حمده : انزيين أنا بسير شويه ..
نورة " بدفآشه " : ندري ندري انه رويشد .. سيري سيري ..
حمده : هههههه .. محد يعرفني كثرج .. " وروحت "
روضة : نوروه تدرين انه اللي دوم يحششرني بالتلفونات .. طلع نآصر ..!!
نورة : بذمتج ..!!
روضة : والله انه هو ..
نورة " مستآنسه " : يآ ويل حآلي ع ولد خآلي الرومنسي ..
روضة " اطالعها بنص عين واتقلدها " : يآ ويل حآلي ع ولد خآلي الرومنسي .. عيدي هالرمسه اشوفج .. انتي اكثر وحده اتعرفين اللي بينا ..
نورة : انزيين عنبوه عن تآكليني .. محد يسولف يعني ..
روضة : جآنها إلا سوالفج جيي خليها حققج ..
نورة : خييييييبه .. بلآج طنقرتي ..
روضة : ليش طنجره ..؟!
نورة " اتسوي عمرها تضحك " : هأهأهأهأ .. عبآلي طآسه حرآره ..
روضة : طآسه ولآ صحن ..
نورة : صحن فضآئي ولا صحن أرضي ..
روضة : أرضي ولأ سمآئي ..
نورة : سمآ ولا غيوم ..
روضة : عبآلي مطر ..
نورة : لـآ وانتي آلصآجه نفآف ..
روضة : بلـآه اعتوى لسآنج ..؟!
نورة : مصيحين عليه ويلـآت ..
روضة : ههههه ما تضحكين ..
نورة : اعيل ليش تضحكين ..
روضة : لوعتي بـ جبدي ترآج ..
نورة : اقولج ..
روضة : قوولي ..
نورة : انا سمعت .. سمعت ترآني هآ ..
روضة : انتي كل شئ تسمعينه .. قولي ..
نورة : بس سمعت ترآني ..
روضة : ايييييييييييييها ..
نورة : انه .. احم ككح .. عرسج بعد شهر تقريباً ..
روضة " تلتفت اطالعها "
نورة " باندفاع " : ها تراني بس سمعت ما يخصني ..
روضة " بحزن " : هي صح ..
نورة : أنزين ليش جي حزينه .. ؟؟
روضة " دموعها بعيونها " : مآ أعرف كيف بعيش بعدين .. كيف بنتفاهم .. أصلاً هذا كله أحسسه حلم و بوعى منه .. عشآن جي مب عآطتنه اهتمام ..
نورة : روضة .. حآولي تتقبلين .. هذآ نصيبج وقدر مكتوب لج .. أنتي مـآ تقدرين أتسوين شئ .. الله كاتب لج هالشئ .. مآ تدرين يمكن يسعدج وغيره ما يقدرون ..
روضة " دموعها تنزل " : نورة لا تتكلمين ع أساس أنج مآ تعرفين شئ .. أنتي اتعرفين كل صغيره وكبيرة بيني وبينه .. ولو حمدوه مب اخته بتكون ثآلثتنا .. " وتقوم عنها تسير للـ مطبخ .. اتهدي من نفسها شوي .. ونورة خلتها بروحها .. "


.
.


نفس الوقت ..
بيت بو سعيد ..
ميلس الرياييل ..


حآمد ~ حشرة وربشة وسوآلف وحآله .. خذت عهد ع نفسي أني مآ بفكر بـ حليلة اخويه إلا كأخت .. ونآسة هليه اهم من ونآسيته .. قلت ليش ما استوي شرآت عبدالله من بنت لين بنت ولـآ همه شئ وحتى الدوام ما يسير إلا مرة أو مرتين فـ الأسبوع .. وزين أنه سعيد مآ وصل تقرير عنه لأنه ريل عمتيه قآله بيصطلب ولـآ رآح عبدالله فيهآ .. آلمهم اتصل ليه ربيعي وقمت طلعت برع عن حشرتهم .. وخذتنا السوآلف وآلضحك .. ومآ حسيت بـ عمري إلـا أني دخلت المطبخ وشفت بنت يآلسه ع الكرسي اللي حذآل الطاولة ومحطيه إيدها ع عيونها .. بندت عن ربيعي بدون أي كلمه .. وأجربت منها .. شكلها كانت تصيح والحين اسمع شهقآتها .. مستحيل تكون غريبه اكيد وحده من آلعآيلة .. ~
..
روضة ~ صحت وصحت وصحت بما فيه الكفايه .. حبيت اهدي من نفسي شوي .. لككككن بقت معآي بقآيآ الصيآح اللي هي آلشهقآت .. حسسيت انه في شخص حذآلي .. خوزت أيدي شوي وشفنت كندورة بيضة .. ويوم خوزتها كآمله ورفعت رآسي أنصدمت بوجود حآمد قمت بسرعه .. وعدلت شيلتيه .. واتوجهت لـ مغسلة المطبخ غسلت ويهي ومسحت الجحآل اللي كآن نآزل .. وكنت بروح بس وقفني صوتته يوم قآلي ..~



حامد : روضة فيج شئ ..
روضة " وهي بعدها عآطتنه ظهرها " : لـآ .. مآ .. فيه شـ شـئ ..
حآمد : روضة أذا عندج مشكلة او شئ بسآعدج .. !
روضة " التفت له وقآلت بدون ما اتحس وهي اتصيح " : أنتوا كل مشكلتيه .. انتوا اكبر همومي .. انتوا خرآب حيآتي .. خرآب حيآتي .. " واتصيح بقوة وطلعت من المطبخ واتسآندت ع اليدآر .. أما هو يلس مكانها و تم يفكر بـ كلآمها .. "


حآمد ~ شقصدها أنَّ نحن كل مشكلتها واكبر همومها وخرآب حيآتها ..؟! وليش بالذآت قآلتلي أنا ..؟! وآلله مآ فهمت شئ ..!! بس مآ كنت متوقع بشوف حبيبة روحي يوم بهالحالة وما اروم اسوي شئ ..!! أيه حامد شقاعد تخربط حبيبة ما حبيبة " يضرب رآسه " اسستغفر الله .. بس لـآزم أكتشف آلسر بيوم من الأيآم .. ~


روضة ~ كييف أقوله هالكلـآم كييف ..!! .. أففف يآ ربي إذآ خبر حد وفهموا سآلفتيه .. بتستوي مشآكل لـآ لها اول ولـآ تـآلي .. يآ ربي اكيد بيسأل روحه عن سبب صيآحي .. يآ ربي شو أسوي شوو ..؟! .. ~


{ هدت شوي .. وقآمت وردت مكآنهـآ عند آلبنآت سوت عمرهآ عآديه .. بس مآ تطووف على نورة .. أتغدوا آلكل وأتيمعوا الحريم والريآييل فـ آلصآلة .. }


اليد : اييها يا زمان اول .. لا مكيفآت ولا تلفزونات ولا هـ اللي اتظربونه بـ إيدكم " كمبيوتر " .. غير غير ..
زآيد : عآد آلشيبة أحين فتح لـ عمره موضوع مآ بيسكت إذا بدا فييه ..
بو محمد : خله يرمس .. كل كلـآمه صدق ..
زآيد : لـآ تكبر له رآسه ..
اليد : أنتوا شو عندكم تتصآصرون ..؟! .. " يبتسم " لـآ يكون بتخطبوليه وأنا مآ ادري ..
ام سعيد : آمر منو تبآ انته ..؟!
آليد : والله ما أبا غير عشبة الله يرحمها ..
عبدالله : يدي لـآقلك وحده غرشوب لكنها عيوز .. يآ ويلي ويلـآه أسميها أتعق الطير من السما ..
اليد " يتقرب حذآل عبدالله " : جآنه إلـآ من صدقك حرآم يحبك ع رآسك ..
عبدالله " وفيه ضحكه " :ترآك توك اتقول ما بتاخذ ع يدتيه وحده ..
اليد : أنا ..؟! متى قلت ...؟!
الكل : ههههه
عبدالله : يدي تراها محجوزة حقي ..
اليد : لا لا أنته يبالك وحده اصغر عنك ولا ع كبرك أداريك .. شتبآهآ آلعيوز بتخيسك إلا من ريحة الفقسآت ..
عبدالله " وهو بينطر من الضحك " : هزرك يدي ...؟!
اليد : هي نعم .. العيوز خلها للشيبه .. والشآبة للشباب ..
حامد : يدي ترآه يقص عليك ..
اليد " يلتفت صوب عبدالله " : اذا طلعت اتقص عليه .. صدقني يهالعجوية لتنكسر ع ظهرك ..
عبدالله " يبتعد شوي شوي عن يده " : هآ يدي .. حشم حشم " يوقف " الصراحه يعني والواقع وليس الخيآل أني يآلس أجذب عليك .. " ويسير بعيد شوي وينفجر من الضحك واليد يحليله اتضآيج .."
نآصر " بهمس لـ رآشد " : إيه انته كلت ختيه بـ عوينآتك ..
رآشد : عادي كيفي حرمتيه ..
نآصر : لـآ مب كيفك ..
رآشد : إذا انته غيرآن هكييه رويض طالعها لين تشبع ..
ناصر : والله اخبر يدي عليك وخل يستوي ويهك أسود جآن ترووم بعععد ..
رآشد : عآدي ..
نآصر " يصآرخ " : يدي ..
اليد : آمر ..
نآصر : ترآ رآشد مآ يستحي طآلعه من الصبح يآلس يطآلع ختيه ..
الكل " يلتفت صوب رآشد اللي مآ يدري بالدنيا ويالس يطآلع حمده ويبتسملها .. "
اليد " يفر رآشد بكوب خآلي " : ما عليه يالهرم لآ تستحي ولآ تخيل يالس اطالع البنية جيي .. قوم اشوف اظهر برع ..
رآشد " معصب " : مآ عليه يا نويصر والله اردها لك .. " يلتفت صوب يده " يدي انا ما اطالعها انا اطالع اليدار اللي وراها وايد عايبني ..
اليد : هييي زين .. انا اقول بعد تربية ولديه ..
>.. البنات والشباب نقعوا ضحك عليه وعلى انقاذه السريع للموقف .. <
زآيد : والله خآطري اسير مول من المولات اللي اهنييه ..
عبدالله : فوووقه ..
سعيد : فآلح فـ هالشئ ولـآ الدوآم مآ تبآه ..
عبدالله : بداوم بداوم ..
سعيد : اسمعني يا اداوم شرآت الناس والعالم يا اتسير ادور لك وظيفه غير هاي الوظيفه ..
بو سعيد : اصبر عليه يا ولديه ..
سعيد : كم بصبر ثنوية وما كملها وشغلناه فـ الشرطه .. لا مدرسة فآلح ولـآ وظيفه فآلح .. كل حد قام يرمس فـ الدوام ويقول عسب أني اخوك .. مخلنك عآدي ..
عبدالله : بداوم بداوم .. قوموا يلـآ شباب بنسير ..
نورة : نحن بعد بنسير ..
عبدالله : ع وين ان شاء الله .. امره فزت فزه ..
نورة : الله يخليكم ..
عبدالله : ماشئ سيره ..
نورة : اسكت اننته .. راشد آند نآصر حريمكم يبن يشترن اغراض بسيطه للملجه أقصد العرس فـ لازم اتشلونا ..
>.. حمدة وروضة التفتن ع بعض منصدمآت لأنها نوروه مب أول مرة تسويها ورآشد استانس .. <
بو محمد : هآذيلاك شورهن عند ريآييلهن وانتي ..؟
بو سعيد " يبا يغصص بها " : انتي يوم بتعرسين سيري ويا ريلج ..
نورة : ابووووووووووويه الله يخليك .. والله والله ابا اسير ابوووووووووويه .. هئ هئ هئ والله اصيح ترا ..
الكل: هههههههههههههههههههههههههههههههههههههههه ..
نورة : يعني موافق ..
بو سعيد : هي سيري سيري ..
نورة " تصآرخ " : هيييييييييييييييييييييييييييييييييي .. " وتركض حجرتها .. "
ام سعيد : طولها طول وتناقز شرات اليهال ..
بو محمد : خليها بآجر بييها الريل وبيحكرها ..
بو سعيد : هيي والله ..
عبدالله : يلآ اعيل بنسير قومن ..
روضة : انا بسير اييب عبآتي وشنطتيه من بيتنا وبيي ..
نآصر : اوك ..
روضة " وهي تمشي اطالعته بنظره يعني شـ دخلك .؟! "
..
روضة ~ طلعت وسرت البس عبآتي وشنطتيه .. طلعت ولقيت السيارة عند باب البيت ركبت جدام والتفتت للي يسوق عشآن ما يستويلي ذآك الموقف ومرتين ورد واستوى .. وطلع ناصر اللي يسوق ولآبس نظآرة شمسية الاخ عباله بيذوبني ويبتسم بعد .. وبحركه سريعه نزلت وركبت ورا ..~


نآصر : تعالي جدام ..
روضة : .......
نآصر : اذا ما ييتي صدقيني مب متحرك من هنيييه ..
روضة : ..................
{ تم واقف وهم مصمم إلا انها تركب جدام .. خطف بو محمد حذال السيارة لانه بيسير بيته بيرقد ودق الدريشة ع نآصر .. }


نآصر : هلـآ عمي ..
بو محمد : يالله جييه ما سرت ..؟!
نآصر : عمي بنتك تتدلع مب طايعه تركب ويايه جدام ..
بو محمد : اني رآعيها .. جي مب طايعه بععد " ويسير لها وين يالسه ورا ويزخها من ايدها ويركبها جدام "
بو محمد " يضرب الموتر " : يلا اتوكلوا .. " وروحوا "
..
فـ السيآرة ..
روضة " محرجه وتلف صوبه " : تدري اني اكرهك ..؟! .. تدري اني مغصوبه عليك ..؟! .. تدري لو أن الود ودي اذبحك ..؟! .. تدري اني كرهت حيآتي والسبب أنته ..؟! .. تدري أ... " قآطعها يوم حط إيده ع حجلها .. اقشعر جسمها .. بس هو كآن يحآول يسكتها بأي طريقة .. تموا ع هالحالة لين وصلوا المول .. والتفت صوبها .. وهم بعدهم فالسيارة "


ناصر : كل اللي قلتيه أعرفه .. وشعورج شرآت شعوري .. بس مآ بيغير شئ انتي حليلتيه وعقب كم اسبوع بتستوين حرمتيه .. ويلـآ انزلي يتريونا وحطي وقآيج ع ويهج ..
روضة : مآ بحطها ..
نآصر : إذا ما حطيتها قسم يـييج كف يدور لج رآسج تدويير ..
روضة : لآ تيلس اتكلمني هالأسلوب ..
نآصر : اعيل أي اسلوب تبيني اكلمج فيه الشيخه روضة ..؟!
روضة : .......
نآصر : يوم أرمسج ردي عليه ..
روضة : انا عندي تقلبآت فـ مزآجي ..
نآصر : عشتوا واستووا يعرفون المزآج بععد ..
روضة : مآ برد ع حثآلة ..
نآصر " عصب و صآرخ " : نعععععععععععععم ..؟! عيدي الرمسه أشوف ..
روضة " خآيفة لأنه الكلمة طلعت بالغلط وسكتت .. "
نآصر : انا حثآله .. مآ عليه برآوييج كيف الحثآلة يتصرفون ..
{ وطلع من البآركنات وهو يسسسرع طآرنه طرر .. ويجآوز بجنون وهرنآت وحآله .. ويتنفس بسرعه من كثر مب محرج .. دق له رآشد وكان جوآبه وهو يصآرخ : محد يدق تفهمون وخلوا المول حقكم وانا مب يآينكم .. عشان اتعرفون الحثآله كييف عدل .. وسكر الفون فـ ويهه .. }


روضة " متلومه " : نآصر آسفه .. دخيلك لـآ تسسرع ..
نـاصر " يصارخ " : جب ولـآ كلمة عشآن بس اتعرفين حدودج انا مب اصغر عيآلج اتقولين لي هالكلمة .. والله لو غيري ليفرج فرة جلآب فـ الشارع ..
روضة " مب قآدرة تقول شي من كثر الموقف "


{ وصل البيت بعد ما كان طآير .. نزلها .. وروح بوظبي .. وامه واخته بيشلهن حامد .. دخلت حجرتها وقفلت عليها الباب .. وتمت تصيح خآفت لو رآشد فهم السالفه لانه ناصر قال كلمة حثاله وهو يرمسه ومن غير كان معصصب .. تمت تدعي انه يعدي اليوم ع خييير .. صلت العصصر ورقدت من التعب .. بعد مكالمة ناصر لـ رآشد .. احترق رآشد يبا يعرف شسالفه .. بس مشى الامور وقاللهم انهم كنسلوا ما بيون اتحوطوا وع الساعه 8 ردوا .. روحوا هل بوظبي .. سآر رآشد حجرة روضة عسب يكلمها .. لكن شآفها مقفوله .. اسبح و تلبس ودقله عبدالله عسب بيتيمعون فـ ميلس واحد من ربعهم وسار وياهم زآيد .. نآصر بعده كان ع حرجته ومعصب من آلخآطر .. هاي الكلمة مب شويه وبالنسبة له كبييييييييييرة .. والله يسستر من اللي يآي .. }


.
.

آلبـــآرت آلثــــــــ{ 13 }ــــــــــــآلث عشر ..

{ ياْربي قـوَۑْ شعـوَر . , { اْلّصبر ] فينُۑْ
. . . . . . . . . . . . . . . . وَعسـىَ نُهـاْيـہ صبرنُـاْ
( قرب وَ عنُـاْق } ! . . . . . . . . . . }
.
.

دبي ..
الساعه 8 ..
بيت بو حمد " عم هزآع "


بو حمد " معقد حيآته " : آمر يآ هزآع ..
هزآع : عمي أنته ترضى وآحد يآخذ وحده مآ يبآها ويظلمها ويآه ..
بو حمد : لـآ حشى مآ يرضيني ..
هزآع : اعيل اسمعني عمي .. قبل لأ اخطب بنتك .. سرت لين أبويه ورمسسته وقتله انا أبا اعرس وأبا آخذ وحده من أهلنا فـ العين .. وهو قآلي انا مآ أبآك غير تآخذ وحده من بنآت عمك .. رفضت ورمسسته .. وقتله اني أباها وبنات عمي والنعم فيهن .. لكني أنا أبا اللي خآطريه فييها .. وأبداً مآ طآع .. وباليوم الثاني شلني لين اهنا عندك وخطب لي ميثآ بنتك بدون رضآيآ .. ألحيييين شو قولك ..

بو حمد " معقد حيآته " : يعني ألحيييين أنته ..
هزآع " يقآطعه ومنزل رآسه " : أنا خآطب بنتك وغصبن عني وأنا أبآ غيرها ..
بو حمد : منو تبآ ..؟!
هزآع : أبآ وحده من اهل آمآيا من آلعيين ..
بو حمد " يوقف " : قم أعيل ويآيه ألحين بنسير عند أبوك ..
هزآع " يوقف " : يعني انته مب شآل ع خآطرك ..؟!
بو حمد " يبتسم عشآن يطمنه " : لـآ أمرره .. أنته صآرحتني ورمستني قبل لـآ تآخذ بنتي وتظلمها ويآك ..
هزآع " يبوس رآس عمه " : آلله يخليك لنآ ..
بو حمد " يبتسم ويزخه من إيده " : يلـآ أعيل بنسسسير أنرمس أبوك ..
هزآع " يبتسم " : يلـآ ..

طلعوآ من آلميلس وهزآع كله أمل أنه نورة بتكون لـه ..ومستآنس أنه عمه مآ كآنت ردت فعله سلبيه وتي من ورآهآ مشآكل .. وتوجهوا لـ بيت بو هزآع ..

.
.

فـ شقة من آلشقق .ٌ.

يآلس ع آلغنفة ويرمس بالفون .. يخطط لـ هالبنت .. بنآت وآيد رآحن ضحآيآ لـه .. مآ بقول أجسآد بريئة لأنهن بالأصل مآ يعرفن آلبرآءة .. خيآنة ثقة الأهل خيآنة ثقة ربهن فيهن .. الجسد اللي الله عطآهن إيآه بدآل لـآ يكون نعمه خلنه نقمه .. هآذي مب برآءة ولـآ بـ يوم رآح تكون برآءة .. رآحن ضحآيآ لـ هذآ آلشخص .. كل مرة مآ يكون في دليل عشآن يروح هذآ آلشخص فـ خرآيطها .. يستقل آلشينة و الزينه .. وهن ينجرن ورآه بعد مآ أغرآهن بالكلـآم آلحلو اللي مآ يحصلنه فـ حيآتهن .. همه فـ حيآته ونآسته .. خطط .. لهو .. ونآسه .. بنآت .. { آلحرآم } .. هذآ بس ..

سآلم : عروف ..
عآرف : هآ ..؟
سالم : تعآل الشقة بتفق ويآك ع شئ ..
عآرف : ههه أصلـآ أنا تحت يلـآ يآي ..
سالم : يلـآ أعيل أتريآك ..
{ بعععد 5 دقآيق وصل عآرف الشقه .. فتح آلبآب ببطآقة أوردي " oready " موجوده عنده هو وسآلم .. دخل ويلس حذآل سآلم ع الغنفة .. }

عآرف " يتلفت " : مآ أشوف بنآت أعيل ..؟!
سآلم : آلسآعه 11 بييييين ..
عآرف : أحجزلي غرفه اعيل لين الفير ..
سآلم : انا اول ..
عآرف : عآدي انا عقبك مآ فيها ششششئ ..
سآلم : هههههههههههه .. المهم خلنا نتفق ..
عآرف : آمر ..
سآلم : مقآبل هالشئ بعطيك 200 ألف وع شرط ينجح .. وإذا انا خذت اللي أباه بعطيك 200 ألف زيآده ..
عآرف " مستانس " : خلـآص أعيل تم .. بس أنت آمر ..
سآلم : اسمع أنا أتعرفت ع وحده ويوم جربت آخذ الشئ اللي أبآه يآ وآححد وخذها عني شكله من اهلها .. و
عآرف " يقآطعه " : خييييبه رآحت فيها اعيل .. انزين ..
سآلم " يطآلعه بنص عين " : لـآ تقآطعني ولـآ بخصصصم من الـ 200 ألف ..
عآرف : خلـآص خلـآص كمممل ..
سآلم : أنزيييين .. وأنا إذآ بدقلها مآ أظن أترد .. اكيييد ترسوا رآسها كلـآم فآضي ..
عآرف : وأنا شو شغلتيه ..؟!
سآلم : أنته تفهم ولـآ لـآء ..؟! بخصصم ترآني ..
عآرف : خلـآص كمممل ..
سآلم : فـ أبآك انته تجذبها .. وشوي شوي ويآهآ وجييي وإذآ تعلقت فيك لك 200 ألف .. وبعديين هآتهـآ اهنا فـ الششقه .. وإّآ انا خذذذت آللي أبآه لك مني 200 ألف زيآده .. هآ شو قولك ..
عآرف : شبآآش هذآ التفكير ولـآ بلـآش أفآ عليك كم سليم عندي أنا ..
سآلم : أسسسمي سآلم .. أحترم ولـآ بخصصصصصصصم ..
عآرف " بخآطره : بتخصصم هآ مب أنا آللي يتهدد بس برآوييك .. " : إن شآء الله ..
سآلم : هذآ رقمها .. دقلها ووآعدها وأنت اتعرف البآقي ..
عآرف : اوكيييه .. عطني إيآه ..
سآلم : ******* - 055

>{ سآلم : مثل مآ قلت قبل ريآل همه اللهو واللعب وهتك الأعراض وشرف البنآت .. يلقى من ورآهن ملآييين آلملـآييين .. بكم كلمه حلوه وكم طريقة جذب صآرن حلـآلـه .. }

{ عآرف :ريآل همه آلبيزآت ثم آلبيزآت ثم آلبيزآت .. امه وأبوه متوفين بحآدث وعندهم 3 أعيال بس .. عآرف 22 سنة .. نجود 20 سنة ومريم 19 سنة .. عآدي عنده حتى يبييييع خوآته عسسب آلفلوس .. ومخلي خواته فري ما عدا مريم هي بروحها من نفسها مآ تبآ تكون جي .. }<

.
.

نرد لـ دبي ..
بيت بو هزآع ..
الميلس ..
بو حمد وبو هزاع وخليفة وهزاع ومآيد ..

بو هزآع : حيا الله الخوي نور البيت ..
بو حمد : الله يحييك .. منور بـ أهله .. أبآك فـ شغله ترآني ومآ أبآك تردني ..
بو هزآع : آمر .. " يآلس يطآلع هزآع اللي منزل رآسه وإيد بوحمد ع جتفه .. "
بو حمد : هزآع رمسني .. وأنا فهمت هو شو يبآ .. ليش غصبته ع بنتي يوم هو مآ يبآهآ ..
بو هزآع : شهالرمسه ..؟!
بو حمد : هو يبآ وحده من اهل امه من العين ومآ يبآ بنتي ..
بو هزآع : والحييين انا شو اسوي ..
بو حمد : قم وسير اخطبها له ..
بو هزآع " يوقف " : أسمحلي يآ يآخذ بنت عمه يآ مآشي زوآج ..
بو حمد : بس أنا مب موآفق ..
بو هزآع : برآيك .. بنآت عمه وآيد .. " طلع وخلـآ هزآع بصدمه اكبر وبو حمد بصدمه وخليفة ومآيد مصدومين من الشيئيين .. "
هزآع " وقف وهو منزل رآسه ومشا لين طلع من الميلس ركب سيآرته ويعطي ريس ومآ حس بعمره إلـآ انه وصل العين ووقف جدآم بيتهم بس ع الرصيف لأنه في شآرع جدآمهم وبند الليتآت عشآن مححد ينتبه علييييه .. وتم يطآلع حجرتها اللي ليتها مشغل .. وفتح تلفونه واتصل ع رقم .. "
.
.

بيت بو سعيد ..
نفس الوقت الساعه 10 إلـآ ربع ..
فوق حجرة نورة ..

تررررن ترررن تررررررن ..

نورة " طآيحة ع الشبرية " : ألو ..
هزآع : نورة أنا تعبآن ..
نورة " خآفت وقآمت يلست " : بسسم الله منو أنته ..!!
هزآع : نورة دخيلج أنا أبآج ..
نورة " تعلي صوتها شوي " : منو أنتتتتتتتتتتتتتتته ..؟!
هزآع : انا هـهههزآع ..
نورة : منو هزآع ..
هزآع : حبـيـيـبج ..
نورة : هزآع أخو عليوه ..؟!
هزآع :هييييييييييه ..
نورة : شو فيك ..؟!
هزآع : أنا تعبآن ..
نورة : من ..؟
هزآع : أنا أبآج و أبويه يبآني آخذ بنت عمي ..
نورة : ..............
هزآع : دخييييلج لـآ تمييين سآكته .. أنا جدآم بيتكم ترآني ..
نورة : أنا عمري مآ رمست ريآل غريب ع آلفون مآ أبآ أخون هليه ..
هزآع : أنا غريب ..!!
نورة : انته من ويين يبت رقميه ..؟
هزآع : فون عليوه مآ يقصر ..
نورة : أنآ بسكر .. مع آلسلـآمه ..
هزآع " يتنهد " : آلله يحفظج .. " سكر عنها "

نورة " مغمضة عيونها بشدة ومحطية إيدها ع قلبها " ~ ليييييش جيييي .. قلبيه أحسس خلق الله كلها بتسسمعه .. يآ ربيه أحسسسسه مضآيج بالحييل .. لهدرجه يآ نورة أثرتي فييييييه ..؟! أففففففف أخآف يستويبه شئ وآلسبب انا .. ليتني مآ عرفته .. " قآمت وسآرت توآيج من الدريشه شآفت fj بيضة وآقفه ع طرف .. والشخص اللي فيها الحين شغل ليتات السيآرة سكرت الستآرة وتنهدت " ربيي يحفظك ..~

.
.

أبوظبي ..
بيت بو نآصر ..
آلسآعه 10:30 ..
حجرة حمدة " حامد عندها يآلسين ع الشبرية ويسولفون " ..

حآمد : هآ شي بآقلج ..
حمده : امممم مآشئ غريضآت خفآف بسس ..
حآمد : خلصي مآ بآقي غير اسبوع ..
حمده : إيه لـآ تخوفني أسبوعين مب أسبوع ..
حآمد : هههه والله انتن البنآت نكته .. أول شئ توآفقن وبعدين نخآف ..
حمده : جييي آلبنآت فيهن إحسآس مب شرآتكم انتوا آلريآييل بدون أحسآس ..
حآمد : هآ هآ هآ بدينا بالغلط ..
حمده " تطيح وتحط رآسها ع ريله " : بشتآقلكم بعدين ..
نآصر " يدخل " : احم احم .. أكيييد بتشتآقيلي ..
حمده " تبتسم " : فديت الوآثق أنا ..
حآمد : هههه بتغآر حرمته بعدييين ..
نآصر : دخييييلك ..
حمده : أنته وآيد تتشآءم برويض ..
نآصر : أنا ملـآن ..
حآمد : قوموا بنطلع ..
حمده " ترد تيلس بعد ما كانت طآيحه " : وين نسير ونخلي أمآيه أهنا ..؟!
حآمد : بنتحوط ف الحديقة ..
نآصر : يلـآ أعيل ..
حمده : صبروا بلبس جآكيت ..
نآصر : يت عيوز آلبيت عآد ..
حآمد : محد عيوز كثرها ..
حمد " تلبس جاكيتها واطالعهم بنص عين " : حريمكم عيآيز ..
حآمد : مآ عندي حرررمه ..
حمده : يلـآ يلـآ .. مآ فينا ع تفلسفك من تتفلسف مآ تسسكت ..
نآصر : منو وكلج عني أنا فيني صرآححه ع فلسفة أخويه الصغير .. " يحط إيده ع جتف حآمد "
حآمد " يطلع لسآنه عشآن يغآيضها " : أننننننه ..
حمده : يآآآآآآآآآآآآآآآآآآآآآآآآآآآآآآآآآآآآآآهل ..
نآصر : يلـآ نطلع ..
حمده : يلـآ ..
حامد : يآ وييلج إذآ شليتي فونج وحشرنا ريلج ..
حمده " انحرجت .. وطلعوا يعني الحين يمشون بيظهرون صوب حديقتهم .. "
نآصر : هههههههه لـآ يفوتك يآ خي طآلع شكلها يقول طمآطه معفوصه ..
حمده " تشهق " : هييييييأ انا طمآطه معفوصه يآ بيليآن " بآذنجان " معفن .. < هيييأ يعني يوم يـ / تـشهق يطلع هالصوت ..
حآمد " ناقع من الضحك " : ههههههههههههآي هههههه ههههه ههههههآي وييييو بيليان معفن ..
نآصر " يبتسم " : جب جب .. يآ بآزلا مقطعه ..
حمده : ههههههههههههههههههههههه أكتملنا طماطه وبيليان وبآزلاء ..
حامد : ورآشد حشرة الخضروآت من كثر مب انه حشششره ..
حمده : حرآآآم علييييييييييك ..
نآصر " يصآرخ " : وييييييييييييييل حآلك يآ رويشد تعال وشوف اللي ما يرضون عليك ..
حمده : جب جب جب .. " يلسوا ع الكرآسي اللي ف الحديقة "
حامد : خيييييييييييبه بررررد ..
حمده : ها منو العيوز الحييييين ..
حامد : قصصصدي حرر ..
حمده : أدريبكم بردآنين أعيل حد يلبس كت وشورت لين الركب فـ عز البرد .. اعيل فـ الحر شو بتلبسون ..
نآًصر : بنلبس جعيييييييدي .. " مثل الكوت بس مآ يسكر يكون شرآت البشت ومن داخل كله صووف "
حامد : هييييي وبنطلون جعيدي بعععد ..
حمده : مآ يستوي ..
حآمد : أدررري هههههه ..
حمده " تجرب من نآصر وتحط رآسها ع جتفه وتيود ذرآعه " : خيييييييبه مَ دفآك ..!!
نآصر : بتحسديييني يعلج البرررد ..
حمده : ههههههه .. يآ حظ رويض اسميها بتلقى دفآ ..
نآصر : طآآآآآآآآآآآآآآآآآآع التفكيير ..
حمده : هههههههههه .. يلـآ خلص قسسمك ..
ناصر : مآ بآقي غيير الأثآث ..
حآمد : أف يا حمدوه لو اتشوفين القسم اللي سوآه لج رآشد أسميه غرآم ..
نآصر : الحب ومآ يفعل ..
حمده " ضمت ريولها لـصدرها وحطت إيدها الثنتين ع ويهها دليل ع الأحرآج "
نآصر وحآمد : ههههههههههههه ..
" وكل وآحد سررح بفكره "

.
.

نرد لـ هزآع ..

" تحرك من بيتتهم وهو كله يأس .. حط إيده الثنتين على السكآن ويعطي ريس بكآمل قوته .. وغمض عيونه بششده .. ومآ حس إلـآ بـ وي وي وي وي ويييييييييييييييييي .. وليتآت حمر وزرق .. وغمض عينه من بعدها .. "

.
.

{ بعد يومين .. }
يوم السبت ..
فالمستشفى ..
آلسآعه 8:25 الصبح ..

فتح عينه شوي ورد يسكرها بتعب .. ورد يفتحها .. حسس بشئ ثجيل ع رقبته .. ورآسه وكل جسمه يعوره .. لـآحظه اخوه اللي كآن يآلس حذآل شبريته ..

مآيد " ببتسآمه " : حمدالله ع السلـآمه هزآع ..
هزآع : آلله يـ يـسسلمك ..
عليا " توقف حذآله " : هزوووووووووووووووووووووووووع ..
مآيد : خيبه طريتله أذنيه ..
هزآع " يبتسم "
عليآ : قوم قوم يالله ..
هزآع : شـ شـو آلسسـ .. ـآلفه ..؟!
عليآ : آلله يسلمك يآ خوي أنته مسوي حآدث فـ دآر عرب عيونهم سود مآ يتجحلون إلـآ برآس الأبرة .. وفي ليلة من الليآلي الظلمآء والسودآء ..
مآيد " يقآطعها " : تحسسك ألحين عآد ..
هزآع " يبتسم "
عليآ : الحمدالله ان الحآدث مآ كآن فظيع ..
مآيد : وأخيراً أقتنعتي .. حآشرتني من كثر مآ تصييح وتضربني عسب اييبها العيين ..
هزآع : ليش انا فـ العين ..!!
مآيد : أثر عليك الحآدث بروحك كنت فآقد آلوعي ..
عليآ : ترآني أقولك مسوي حآدث فـ دآر عرب عيونهم سـ ...
مآيد " قآطعها " : بس عآد بترد تفتح الموآل .. عرفنا أنه يحب وبسبآيبها مسوي حآدث ..
هزآع " يبتسم " : أعيل أمـ ..
عليا " تقآطعه " : بسهل عليك .. انا و مآيد غآبشين من آلصبح .. و خليفة يقولك أسمحله عنده شغل أهنا فـ العين ويوم بيخلص بيخطف عليك .. وأمايا وأبويا ألحين فالطريج ..
هزآع : زييين ..
مآيد " يرد ع فونه " : هلـآ .. بخير انته شحآلك عسآك طيب ..؟ هيي نشش .. ههههه هي محطيله وويهه غآدي معفوص .. خلـآص مآ بطنز هههه .. يووصل .. نتريآكم أعيل .. الله يحفظك .. " سكر الفون "
..
مآيد : يسلم عليك سلطآن .. والفليل بيييك هو والربع ..
هزآع : آلله يسـ سـ سـلمه ..
" شوي ودخلوا بو وام هزآع .."
بو هزآع " يبوس رآس ولده " : حمدالله ع آلسلـآمه هزآع ..
هزآع " يصد عنه الطرف الثآني ويطآلع الدريشه " : آلله يسسسلمك ..
بو هزآع " أنحرج وعرف أنه ولده حآط فـ خآطره وحتى البآقين يعرفون "
ام هزآع " تبوس رآس ولدها " : حمدالله ع السلـآمه أبويه ..
هزآع " ع نفس وضعيته " : آلله يسسلمج ..
" تموآ سآكتين شوي وقطع عليهم سؤآل هزآع .. "
هزآع : متى بطلع من هنيييه ..؟!
بو هزآع : بآجر إن شآء الله ..
ام هزآع : لـآ تستعيل بيطآلعونك بعدهم ..
هزآع " يطآلع أبوه " : لـآ بس عشآن أملج بسرعه على " يشد ع الكلمه " بنت عمي ..
" كلهههم طآلعوا بععض "
أم هزآع " تبآ تغير آلسآلفه " : انتي ليش مآ سرتي آلجآمعه ..؟!
عليآ : أخويه أهم ..
أم هزآع : وأنته جييي مآ سرت الكليه ..؟!
مآيد : أخويه أهم ..
ام هزآع : لـآ بلـآه فلحتوا ..
" ويلسوا يسولفون "

.
.

بيت بو محمد ..
آلسآعه 9 الصبح ..
حجرة روضـــة ..

نورة " تسحب اللحآف " : روضوه قومي عآد ..
روضة : اوووووهو علينآ .. " تقوم تيلس " يعني مآ أرقد مآ ارقد .. ؟!!
نورة " تيلس ع طرف الشبريه وتمسح دمعتها اللي كآنت بتطيح " : اتصلي ع عليوه شوفيها شو حآله ..؟
روضة : وتقولين مآ تحبينه ..!!
نورة : روضوه دخيلج أتصلي وارحميني ..
روضة : اوك اوك خلـآص بتغسل وبصلي وبتصل ..
نورة : يلـآ أتريآج ..
" قآمت روضة واتغسلت واتوضت وصلت الصبح .. غيرت ثيآبها ولبستلها جلـآبيه خفيفة وعدلت فرآشها ويلست حذآل نورة واتصلت بـ عليآ .. "
روضة " تحط سبيكر " : هلـآ علـآيه ..
عليآ : أهليين وسهلين ..
روضة : شحآلج .. شخبآرج ؟ " نورة تسويلها حركه يعني بسرعه أسألي "
عليآ : بخير وسهآله الحمدالله .. أنتي شحآلج ..؟
روضة : والله عآيششين لكن أذيه هنيييه حذآلي ..
عليآ : ههههههه نوير لـآه ..؟! " فز هزآع اهنا وشآفها .. "
روضة : منو غيرها .. تسأل عن حبيب القلب .. " ضربتها نورة ع إيدها "
عليآ : هههه حرآم .. طمنييها .. بخيييير وسهآله يرقص يرقص ..
روضة : هههه اتحمديله ع السلـآمه مني ومن نورة .. وسلمي للي عندكم ..
عليآ : يووصل إن شآء الله ..
روضة : مآ بتخطفون علينآ ..
عليآ : مآ أدري والله بشوف .. أنتوا ما بتونا ..
روضة : اممم .. انا ونوروه عادي عندنا .. بس بعدنا بنشوف العيآيز ..
عليآ : هههه بيطنقرن اذا سمعنج ..
روضة : هههههه ..
عليآ : يلـآ نتريآكم ..
روضة : اوك ..
عليآ : سلمي ع عربج ..
روضة : يوصل .. " سكرت "
..
روضة : قومي يلـآ ..
نورة : وين ..؟!
روضة : لـآ مآ سمعتيني لـآ ..
نورة : كنت سرحآنه ..
روضة " تبتسم " : مآ تنلـآمين فديتج .. قليبج فيه عوق ..
نورة : جب جب يلـآ تعآلي نقنع عيوزي وعيوزج ..
روضة : طآع نقنع بعد ما اخذ برآيهن شو مسوي الحب فيييج ..؟
نورة : انتي ما تفهمين انا ما احب ..
روضة : وهذا شتسمينه ..؟!
نورة : نآثينك ..
روضة " تقوم " : هي قصصي عليه نآثينك قآلت ..
نورة : يلـآ يلـآ ..

" نزلن تحت وشآفن يدهن وام محمد وام سعيد ومهرة وفطيم وعيآلهن .. يلسن ويآهم .. "

روضة : أمآيآ ..
ام محمد : عونج ..
روضة : عآنج الرحمن .. أنا كلمت عليوه ..
اليـد : إيه زقري الرياييل بأسآميها ..
روضة : ههههه .. يديه حيآتيه عليا مب علي ..
اليد : هيييي .. من بنتَ هآي ..؟ ما بتخطبيلي إيآهآ .. ؟
فطيم : يآلله جآنه إلا يبآت يهويس بالعرس ..
روضة : ههههه يديه هآي بنت خآلتيه ..
اليد " يآلس يغني وسوآلها طآف .. "
روضة : اوف يالقفطه .. انزين امايا ..
ام محمد : خلصينيه ترآج عورتيليه رآسيه ..
نورة : بتروح بعديين عنج مآ بقى إلـآ أيآم معدودة ..
روضة : عن تفلسفج .. امايا عليوه تقولي ان هزآع نش قومي نسير صوبهم ..
ام سعيد : يالله حد يغبش من الحيييين ..؟؟!
نورة : يالله امايا لا تحسسيني الساعه 10 ألحييين ..
ام محمد : الفليل بنسير ..
روضة : أمايا عآآآد ..
ام سعيد : وذى وذى ترآكن قومن خلصنا تلبسن ..
روضة : يييييييييييييييييييييييييس ..
نورة : عن ينطلج عرج " بهمس " لو نصور ما بتفكرين اسيرين اصلـاً ...
روضة " طآف وسآرت فوق "
ام محمد " مآ بتسيرن ويآنآ .. " تقصد مهرة وفطيم "
فطيم : انا عآدي عندي ..
مهرة : انا مآ اروم تعبآنه ..
لطيفه : لـآ مآمآ انا أبآ أششير ..
سلطآن : أنتي مآ تثيرين ويآنا تمي عند مآمآتج ..
لطيفة : آ تيفت " مب ع كيفك ’ سآمحوني متعقدة من بنت أخويه ’ " حبيب دليولنا هو بيشلنآ ..
سلطآن : جب يلـآ جب ..
فطيم : عن الحشرة يلـآ انته اسبقني ع البيت .. ولطوف اتلبسي وتعآلي ويآ روضة ..
سلطآن و لطيفة : أوتيييه " وركضوآ كل وآحد ع بيتهم يتلبسون وسآرت فطيم ويا ام سعيد ونورة يلبسن عبيهن .. واتصلت ام محمد للدريول عشآن يجهز آلسيآرة وسآرت تلبس عبآتها .. "
..
نزلت رويض من فوق ..
روضة : يديه جيي مآ تلبست ..
اليد : جييه وين ثرني بسيير إلا يآلس فـ البيت حآلي حآلككن ..
روضة : يديه ترآ بنسير المستشفى عند ولد خآلتيه قوم تلبس ..
اليد : سيري طلعيليه كندورتيه وسفرتيه وتعآلي ..
روضة : من عيوني كم يد عندي انا .. " وسآرت "

" أجمعوا كلهم وركبوآ آلسيآرة .. زين سدتهم .. سلطآن ولطوف رآكبين جدآم حذآل كرسي الدريول .. وفطيم والعيايز فالنص .. وفآرين نورة وروضة ورآ .. خطفوا على محل مآل الورود والحلويآت وخذولهم .. وصلوا المستشفى ودخلوا عندهم .. سلموا وطلع مآيد عنهم .. مع انه عآدي لكنه بطبعه خجول و بو هزآع تم يآلس ويآ اليد .. ام محمد وآيهت هزآع لأنها خآلته و آلبآقي سلموا عليه بالكلـآم .. وهو مستآنس عسب نوير موجوده وكل ساعه تضربه عليوه عشآن يحس ع عمره .. يلسوآ يسولفون واليد مسولهم جو ومن غير نظرآت وابتسآمآت طيور الحب .. مآ طولوآ وآيد وروحوا .. بعدين ع الظهر يآ المستشفى خليفة وسلم ع اخوه وجيي .. و ع الفليل تيمعوا ربعه عنده وشآلين الدنيآ < مآشئ آدآب مريض < متأثره بمنهج الدين وآيد .. "

.
.

{ بعد مرور كم يوم }
*’ هزآع طلع من المستشفى ..
*’ وأبوه اقتنع أن يخطب له نوره بعد ماحس انه السبب في حآدث هزآع ..
*’ وقآله بيخطبها له بعد عرس رآشد .. والأخ طآير من الفرحه طآير وقلبي على .... < جب مب وقت أغآني ..
*’ و آلبنآت أتفقن يوم الجمعه يسيرن دبي يدورنلهن فسآتين حق عرس حمدوه ..
*’ وحمده بعد ويآهن عشآن اتدورلها فستان حق عرس روضوه لأنهم بيكونون مسآفرين أسبوعين وبيردون قبل عرس روضة بيوم ..
.
.
يوم الجمعه ..
بعد مآ اتيمع الكل فـ مول من مولـآت دبي ..
سآرن آلبنآت بروحهن { روضة ونورة وحمده ومهرة وفطآمي وعليآ } والشبآب { رآشد وناصر وحامد ومنصور وذيآب وعبدالله وهزآع ومآيد < في حد منهم بس جي يآي } تيمعوا فـ كوفي شوب ويلسوا يسولفون ومن غير سوآلف المغآزل ..
وآلبنآت عآد من محل ليين محل .. و مآ تعبن آلشبآب وآيد لأنهن كلهن خذن فسآتين من نفس المول لأنه معروف بـ محلـآت آلفسآتين ..
البنآت اللي بشرتهن بيضة خذن فسآتين غآمجه .. واللي بشرتهن حنطآويه خذن فسآتين فآتحه وهآدية .. خلصن ع الساعه 7 وهن يآيآت من الساعه 3 .. لين يتنقن ويخلصن ويشوفن القيآس بس في حد منهن عدل القيآس وجيي .. خلصصن وردوا كل حد ع بيتهم ..

.
.

بعععد أسبوع ..
يوم آلعرس ..
عرس رآشد و حمدة ..

{ كآن آلعرس فـ بوظبي بحكم أنه بوظبي تسكن فيها آلعروس .. وصلت آلعروس قبل آلمعآزيم وهذآ المفروض .. وآلبنآت يوصلن بالتدريج .. وشوي شوي بدوا المعآزيم أيون وآلبنآت والحريم فـ الأستقبآل ليين أنترست آلقآعه .. و كل مرة حد يسسير ويرد عند العروس من آلبنآت .. لين أتصورت وطلعوا كلهم .. وبعديين ردن آلبنآت .. }

حمده : رويض زقريلي امآيه أبآهآ ..
نورة : ويي بتصيح آليآهل علينآ ..
مهروه : حرآم عليج بدآل مآ تهدينها ..
حمده : أنا خآيفة والله ..

روضة : والله اخويه مآ يآكل حلفت ..
حمده : أفف مآ تحسسسن ..
روضة : اخييييييييييييييييج علينا حشرة ترآه ريلج بدخل وبدخل اذا العروس ما دخلت انته ليش تدخل ..
عليا : متحمس الأخ ..
حمده : إيه جب لـآ ترمسن ..
نورة : خلـآص اعيل بنروح ..
حمده : لـــــــــــــــــــــــــــــــــــــــــــــــــ آء ..
نورة : هههه احلى شئ يوم تغصص بـ عروس ..
حمده : مآ علييه مردوده ما بتعرسين انتي والله أرآويج ..
نورة : منو قآلج أني بعرس ..؟
روضة وعليا " بحركه سريعه ضربنها ع جتوفها "
نورة : آآي ..
عليآ : مآ بتعرسين هآ ..؟!
نورة : لـآ مآ بعرس وطلعت عنهن ..
" عليا وروضة طآلعن بعض وضحكن .. "
..

عند آلشبآب ..
حربية .. ويويله وأغآني وشلق ومنورآت واستعرآضآت وحآله .. ومن غير الخقة حامد وعبدالله أيولون جدآم الكيمرآ عسب يشوفونهم البنآت فـ القآعه .. وهزآع آيبس لـ جل أعيون نورة .. والمعرس جو جو بروحه .. و اليد يرزف ويآ بو سعيد وبو منصور .. كآن عرسهم ونآسه ..
..

ع آلسآعه 10:30 بتنزل آلعروس ..

روضة : يلـآ حمدوه ..
حمده " توقف " : خآيفه ..
روضة " تبا تهديها " : حيآتي خلـآص .. نزلي شوي شوي وسمي بسم الله وأبتسمي ..
حمده : يالله بسم الله .. " طلعت من آلبآب اللي يودي للكوشه .. الليتآت مبنده وليت أبيض دآئري عليهآ .. وكل عيون النآس عليها .. كآنت جميلة بمعنى آلكلمة .. فستآنها شرآت آلملوك لين نص الظهر شفآف وعليه شرآت الزخآرف بالكريستآل ومن جدآم بعد نفس الشئ بس فوق الصدر .. ومن الصدر تبدآ آلقطعه البيضة النقية بزخآرف من الكريستآلآت .. وذيل طويل و طرحه طوييييله ومزخرفه بالكريستآلـآت ومن غير مكيآجها آلهآدي وتسريحتها المرتفعه شوي .. ومسكتها اللي كآنت أغلبها ورود غريبه وحلوه .. و أشتغلت زفتها ..

صلوا على سيد البريا وعلاها
عدد قلوب قد سكنها وتوده
وعدد النفوس اللي دعآهآ وهدآهآ
وعدد ثوآني آلوقت من يوم عهده
..
يوم أقبلت حمدة غزآل بحلـآها
في وجهها طيب وشموخ وموده
سمحه أصيله عذبه يآ صفآهآ
الكون منها مآخذن كل شهده
..
حمدة يآ طلة نور يسعد مسآهآ
عذب الحلـآ فيها رقى فوق حده
من اكمل الأطبآع ربي حبآهآ
كل بسمه منها لها تفوح ورده


تمشي برقة وهدوء .. ترسم أبتسآمتها ع ويهها يوم تتلفت للنآس .. شوي ووصلت للكوشه .. يلست وحسست برآحه شوي .. وقآمن آلحريم يسلمن ومجآملـآت و غيره .. بعد ربع سآعة من كثر حششرة رآشد دخل هو وبو محمد واليد ونآصر وحآمد .. و اول مآ نزل وهو مبتسم .. سلم على حمده ووقف حذآلها .. وسلموا عليها عمها ويدها وأخوآنها .. وهي توتر الدنيآ كله فيهآ .. روحوا كلهم مآ عدآ نآصر اللي ع قولته مآ يروم يفآرق ربيع عمره ..

رآشد : شو رآيك تعطيني مقفآك ..؟!
نآصر : أعيل هآت اختي أشوف ..
رآشد : يلـآ تخسسي مول مآ بخليها تيكم .. " وأيود أيدها "
نآصر : والله مآ بتطير اختي .. فج إيدك إيه أحرجتها ..
رآشد : جي يلـآ روح كل آلنآس يطآلعونه ..
نآصر " يمسح ع لحيته " : أدري أني غرشوب ..
رآشد : هههه مصصدق عمرك ..
نآصر : يلـآ بسير انا ..
رآشد : لـآ لـآ دخيلك لـآ تسير بصيح ترآنيه ..
نآصر : هههه مآ عليه بشوفك بعدين ..
رآشد " يلتفت لـ حمده " : طآلعي اخوج مصدق عمره ..
حمده " تبتسم "
نآصر : ههه سبآل وآحد ,, يلـآ سآير انا .. " وروح "
..
فوق فـ نفس الغرفة اللي كانت حمده يآلسه فيها .. تفتح ع الكوشه يعني المعرس يوم ايي يدخل من هآي الحجره .. دخل نآصر الحجرة عشآن فيها باب ورا يودي تحت .. أول مآ فتح البآب شآف بنت لآبسه فستآن وردي هآدي وطوييييل وفآله شعرها .. عآطتنه ظهرهآ .. مع انه مآ يعرفها بس حب يزيغها ..

نآصر " يجرب منها " : بووووووووووووووووو ..
**** : أمييييييه " والتفت لـ ورآ لكنها انعوت ريلها وطآحت عليه وحظنته "
نآصر " فـ خآطره " : لـآ مستحيل تكون روضة هآي اللي فـ حظني يالله محلـآتها ..
روضة " فـ خآطرها ومغمضه عينها بقو " : لـآ يكون نآصر لـآ بنتحححر .. اوييييييه يالفشششله !!
" قآمت من حظنه شوي شوي .. ووقفت جدآمه و يآلسه تدعي انه ما يكون هو .. وتفتح عينها بالتدريج .. "
روضة " بصدمه " : نآصر ..!!
نآصر " فآج عينه ع وسعهن "
روضة " تحركت بتروح بس نآصر بحركه سريعه زخها من إيدها وسحبها لـ حظنه .. تم حآظننها ومتمسك فيها وهي مستغربه .. وأثنينتهم يتهم قشعريرة .. هو مآ عرف ليش سحبها وحظنها .. بس حس انه بيتفشل لو فجها من حظنه .. تم حآظننها وهي بتموت من الفشلة والاحرآج لين قطع عليهم شخص .. "

نورة " تفج آلبآب " : حششى يآ رويض سآعتيـ ... " شهقت " آي كآنآت بيليف .. " وردت طلعت "

نآصر " خوز روضة من حظنه .. وبدون لـى يقوللها شئ طلع عنها ورد عند الرياييل .. وروضة ردت ع ورا ويلست ع الغنفة وحطت إيدها ع ويهها من الفشلة .. ردت دخلت نورة وشآفتها ترتجف .. مآ حبت تحرجها وردت طلعت عند البناآت .. خلصوآ مرآسم الاحتفال كيك وعصير وغيره سآروا فوق بيتصورون وأول مآ دخلوا طلعت روضة من الباب الثآني بسرعه .. وتمت متسآنده ع البآب ومغمضة عينها ومحطيه إيدها ع قلبها وقلبها يدق بسسرعه .. "

.
.
.
.