رواية اماراتيه --كفاية يالغلا كفاية ...... كفاية منك تعذيبي - الصفحة 5

! ĐįƠЯ ƒάṦђịǑη ! · #1 01-28-2012, 07:55 PM

فاطمه : انا ظهرت يلا خالو انتي نزلي وانا بقومهن لج .
ام ضاعن : فديتج فطووم انتي بس اللي نافعتني .
فاطمه تزاعج : يلا ريمووووه قومي نشي الحمااام يلا.
الريم : انزيين .
وحدرت داخل و شكلها ناامت.

عند الشباب نفس الشيء ف بيت بومنصور .
بومنصور : يسهرووون الليل واللحين ينامون .
ام منصور : قم خليفه جوووف الشباب خل ينشووون لننظف الميلس.
بومنصور : سيري هاتيي العقال ومااي بارد .
ام منصور : الله يستر.
ف الميلس
حارب وسيف ناشين يلعبون سوني .
وحشررة ازعاج التيلفزيوون.
حمد: بس عيال سكرو هالزعيييج لا اقوووم واقطع الوايرات .
حارب : يلا قم اجوووف .
حمد : افف [ تغطى باللحاف اكثر ].
منصوور و ضاعن ناايمين فوووق والباقي فارشين لهم تحت.
حمدان ف سااابع نومة.
فجأة حمد قام يركض للحماام .
وبعد دقايق حدر بومنصور ومعاه العقال اللي شخطه بالباب والماي اللي شالتنه ام منصور.
بومنصور : شباب يلا نشو اجوووف.
ولا حياة لمن تنادي.
بومنصور شخط منصور وضاعن بالعقال ع ظهروهم وقامو يتحيسون شرات السمجة يوم تظهرونها من الماي .
منصور وضاعن شردو برع الميلس
حارب وسيف يوم جافو السالفه عقال ومااي نشو يربعووون فوق .
حمدان ناايم للحين .
بومنصور : شكله العقال ماايفيد عطيني عووييش المااي .
ويصبه ع حمدان و حمدان تقولون تووه ظاهر من البحر
حمدان منصدم مايعرف شو السالفه : بلاك عمي .
بومنصور : يلا قم اخ عليك ناايم معفن للحين نش لا صلاة ولا عبادة بس رقاد واكل تنسووون موعد صلاتكم بس ماتنسون موعد أكلكم ولا موعد رقادكم لا.
حمدان قاام للحمام بس مقفووول .
وحمد واقف من داخل يتسمع ليين ماظهر ابووه من الميلس .
حمد فتح : شو خلصت المحاضرة .
حمدان : ومنو كلاها غيري.
حمد : هههه.
حمدان : تعالو يالحميير ليش خليتوني ورحتو وانا اللي انضربت وبقيت بروحي.
حمد: اصلا كلنا ما نعرف وكنّا نايمين ومنصور وضاعن شخطهم بالعقال وانت سبحت وحرووب وسيفو شردو وانا اصلا كنت داخل بس يوم سمعت الصريخ وقفت لين ماحسيت انّ ابويه ظهر ظهرت انا بعده .
حمدان : بسك انزييين [ حدر الحمام بدون لا يتعوذ ولا شيء].
حمد : انزيين سكر الباب .
حمدان : اووف نسيت غربلك قم من عند الباب .
حمد راح وهو يضحك : هيهيههيهيه.

ف بيت بوسعيد
ام سعيد : سعيد ترا اليوم بنسير العزبة .
سعيد : هيه زيين.
ام سعيد : انا بسير اقوم اخوك ناصر وانت اجهز لان بعد شوي بنظهر.
سعيد : ان شاء الله .
ام سعيد حدرت الحجرة وفتحت الستاير والدرايش وسكرت المكيف وخذت معلاق الملابس وشخطت ناصر كم شخطه وظهرت .
نااصر : استغفر الله.

ف بيت بو خالد
ليلى وغيث حشرة من الصبح يالسين يتضاربون غيث يسحب شعر ليلى وليلى تسحب شعره وكل واحد فيهم يرفس الثاني .
ليلى واخيرا فرت غيث ع الطاولة
ليلى بصوت عالي : الله أكبر [ شردت الحجرة ].
غيث : ماعليه براويج [ كل هذا وهو ماسك راسه ].
ظهر بو غيث معصب : بلاك انت واختك تتوايعون .
غيث : ها.
بو خالد : بلاه راسك.
غيث : هي اللي بدت .
شيخه : تتأدب غيثو اعرف حركاتك بس زين سوت فيك تتحسبها بتسكت عنك .
غيث : جب انتي .
بوخالد : بس اخ عليكم اخوان انتو ماتستحون في حد يقول هالرمسة لأخته .
غيث : انزيين هيه اللي بدت .
بوخالد : بس اسكت .
غيث : اووف.
شيخه : هيهيهيهييه [سوت لغيث مالت وظهرت لسانها وراحت عند ليلى ].
تك تك تك
ليلى : منو هاللي يتجرأ ويدق باب الشيخه ليلى .
شيخه : الشيخه شيخه .
ليلى فتحت الباب : حلوه هااي .
شيخه : عادي اتفضل .
ليلى : اقربي.
شيخه : شو تسوييييييين .
ليلى تعابل بالصندوووق : ولا شيء احاول افتحه.
شيخه : ها هههههههه.
ليلى : ليش تضحكين ماقلت شيء يضحك.
شيخه : لا بس تذكرت شيء .
ليلى : شو .
شيخه : امم تذكرين قبل يوم كنّا صغار خالد ميمعنا أنا وأنتي وغيث اوونه يدربنا كاراتييه .
ليلى : ههههههههههه هيه ذكرت وبعدين يوم سوه الامتحان انا فزت ف تضاربت وياه وكسرت ايده اليسار.
شيخه : هيهيهيهيهيه.
ليلى : نياهاهاهاهاهاهاها.
شيخه : هيهيهيهيهيهيه.
ليلى : بسنا سخافه .
شيخه وليلى : هههههههه.
ويلسن يسولفن وليلى اتقألمت وقامت تسوولف.
بس حذال الغرفه ومن برع .
خالد : حمدووووه شو تسوين يالسه تتجسسين.
حمده: اشش خوفتني حمار تعال اسمع وانت ساكت.
خالد : شو اسمع .
حمده : اشش شو تسمع .
خالد: اسمع صوت ليلى وشيخه يرمسون .
حمده : انزيين عجيبه شيخو يالسه ترمس مع ليلو ويضحكون .
خالد : انزيين استغفر الله تبين ترمسين روحي يلسي وياهن.
غيث من وراهم وهو يرمس بصوت عالي : زخيتكم شو تسووون.
حمده : وييييييه .
وتربع حمده ووياها خالد حجرة غيث .
غيث : لا بعد ف حجرتيه .
ليلى ظهرت : بلاك غيثو .
شيخه : انت من الصبح كل ماتتوايه ويا حد تتوايع معاه مستخف.
غيث : حمدوو وخويلد ظهرو بسرعه.
حمده وخالد ظهرو.
حمده : اووه غيثو انت هنيي وانا من الصبح ادورك.
خالد : بعدين منو خويلد .
غيث : انت .
خالد : أنا لا اوكي .
[خالد شلّ غيث من ملابسه ويركض فيه ع الدري ].
غيث : نزلني بطيح نزلني .
ام خالد : خلوود بلاك وشو مسوي ف اخووك.
خالد : ماسويت فيه شيئ بسس ألعب معااه صح غيثو .
ومن ورا ماسكنه من ملابسسه .
غيث : صح صح .
و فوق
حمده : يلا انا بسير حجرتيه .
ليلى : يلا شيخو تعالي.
شيخه : يايه .
شيخه وهي تمشي صوب الكبت فتحته وجافت صندوق كبير.
ليلى : لا شيخو لا تفتحين هالصندوووق.
شيخه : ليش .
ليلى : أسرار خااصة .
شيخه : والله نسيت كل شيء ف حجرتج واستوت مغارة ومتاهه.
ليلى : ....
شيخه : من زمان مايلست فيها ولا حدرتها ولا حتى رمست معاج شو استوا فيج ليلى ليش تغيرتي علينا كلنا وأنا أنا قبل كنتي تقولين لي كل شيء و تيلسين معايه واللحين غير شو استوى.
ليلى : أنا بسير شوي .
شيخه : جوووفي وكل ما ارمسج تشردين.
ليلى : اذا تبيني ايلس وياج وارجع شرات قبل خلاص سكري الموضوع ولا تفتحينه مرة ثانيه لانج جذي تفتحين اوجااعي.

شيخه : اوجاااع أي اوجاع اللي ترمسين عنها.
ليلى : خلاص شيخه انا ابا انسى الموضوع اذا ممكن.
شيخه: ممكن ههههه انزيين شو هالرسمه ليلوو اووه من متى وانتي ترسمين.
ليلى : ههههه سكري عينج يلا لا تجوفين.
شيخه : هههههههههه.
نطت ليلى ع الشبريه وخذت اللوحه وشقتها وفرتها ف الزبالة .
شيخه: ليش حراام واايد حلوه .
ليلى : لا تطنزين حضرتج .
شيخه : لا والله .
ليلى : انزيين .

ف بيت بو ضاعن
مهره: أمايه نحن اللحين ساعدناج و خلاص كل شيء زاهب نحن بنروح فوق نزهب .
ام ضاعن : روحن.
الريم وهي تآآكل : لحظة بيي معاكن.
فاطمه : الله يلوع جبدج لاترمسين والاكل ف حلجج.
عليا: خلصي ولحقينا.
الريم : هيهيهيهيه.
ام ضاعن : هههههه .
الريم : خلصت.
ام ضاعن : اذا ماعليج امر حبيبتي ودي المدخن ف الميلس .
الريم : ان شاء الله.

الظهر ف بيت بو ضاعن
ف الميلس
حارب : اووه بيتنا اشتقت له.
حمدان: ماعرف وين ساير مسافر حضرتك الا هو يوووم.

عند البنات ف الصالة
متيمعات بروحهن ويسولفن .
مهره: تعرفوون منو بيي اليوم.
البنات : منو.
مهره : احم احم.
الريم ضربتها بالخفيف : يلا
مهره : بلاج انزيين بقوول امم عفاري.
فاطمه : اوونه.
ليلى : منو هذي .
مهره: امم مرت اخويه ف المستقبل.
الريم : متشوقة أجوف شكلها.
عليا: شو حلوه .
مهره : هيه ماشاء الله عليها جمال ودلال ومال .
حمده : بسج انزيين كيف شكلها.
مهره: لا طويلة ولا قصيرة متوسطة ف الطوول بس ماشاء الله عليها جد جد حلوه وييه عن أحسدها.
اسما : انزيين كم عمرها .
مهره: خمسة وعشرين سنة ولا دارسه ف فرنسا بعد .
موزة : زين زين.
هند : زين الله يهنيهم.
الكل : آآآمين.

ف سيارة بو سعيد [ فالدرب للعزبه ].
بوسعيد يسووق وأم سعيد يالسة حذاله وناصر و سعيد ورا لان سعيد مايقدر يسووق .
ناصر : أمايه بتيي موزان.
ام سعيد : وااي نصور استح تقول ع أختك جذي .
ناصر : انزيين ادلعها انا جذي .
ام سعيد : هيه بتيي .
ناصر : آهآآ.
سعيد : مادري متى بنوصل ونحن نمشي ع السرعة هذي.
ناصر : افف انا اذا جفت هذا حمدان بكسر رااسه لان كسر ريلك وماتقدر تسوق .
سعيد [ انا اذا جفته ببوس راسه لاني قدرت اجووف د.موزة].
ناصر : أقووول سهيل ماتقدر تسرع .
بو سعيد : ومنو سهيل يالهررم.
ام سعيد: انت واايد اجوفك مطيح الميانه عمري ماجفت حد يزقر ابوووه جذي.
سعيد :ههههههههههه.
بوسعيد خفف السرعه عنااد ف نااصر ويمشي 50.
ناصر : لالالا.
سعيد: انت لسانك يباله قص .
ناصر : شو يعرفني انه بيعاند .
بوسعيد : هيه ارمس زيادة عسب امشي واوقف .
ناصر : لا دخيلك آآسف وحقك عليه .
ام سعيد تتعبث بالراديو وآآخر شيء حطت قناة أغاني.
ام سعيد : سهيل ليش حاط هالاغاني ف سيارتك .
بوسعيد : هههه هذا راديو هو بروحه يظهر يوم تفرينه .
ام سعيد : عيل ليش يوم سألت سعيد هذيج المره قاللي بروحه حاطنه واي شيء يبيه هو اللي يحطيه.
سعيد : هههههه هيه هذيج المره كنت حاط شريط بس أبويه حاط المسجل .
ام سعيد : هيه.
بو سعيد : اسميج هرمه يا مريووم.
ام سعيد : وأنا شوو يعرفني بالخفه اللي تظهر اللحين كل شيء مغير هالزمن.
ناصر : لا و الله مافي شيء متغير والزمن ثابت هو زمن واحد بس الاجيال تختلف والناس اللي تتغير .
سعيد : ههههههههههه .
بو سعيد : صدقه بعد شوو.
ناصر : احم اخذو الحكمه مني .

محمد : يلا مهوووي مع السلامه .
مها : الله يحفظك .
معضد : يلا اركبو لا تسووون فلم هندي.
مها تصيح : انا بيي مابتم روحي.
محمد: تعالي فديتج .

ف بيت بو ضاعن
ف الصالة
وصلت ام عبيد وبناتها وعفرا يالسة ومتيمعات عليها البنات .
عند مهرة ف المطبخ مع ضاعن
مهره : شوو تعال داخل بعد عسب تصدق انها داخل.
ضاعن : تعالي انتي ماقلتي لي شو اسمها.
مهره : عفاري.
ضاعن : هيه .
مهره: شو هيه شكله الاسم هب عايبنك.
ضاعن : يعني شو تبيني اقوول اتمدح من اليوم لباجر.
مهره [ انزيين ماعليه بنجووف يوم بتجوفها شو بتسوي]: كيفك كيفك.
ضاعن: بلاج .
مهره: يلا انا بسير داخل تعال جووف انت بس البنات كلهن متيمعات عندها مسرع ماحبوها.
ضاعن : بسج انزيين سيري.
مهره: هههه يلا جاااو.

ف الصالة
عند البنات
الريم : انزيين وأنتي أختها غزلان .
غزلان : هيه .
الريم : منو الكبيرة فيكن.
غزلان : أنا أكبر منها.
فاطمه : هيه انتن الثلاث خوات.
غزلان : لا هذي هب أختنا مرت أخويه عبيد واسمها خلود.
عليا: هيه ماشاء الله عليكن كلكن حلوات.
غزلان : يلا عن اذنكن برد ع المكالمه.
عفرا: هههههه روحي روحي ردي ع حبيب القلب.
حمده: ليش هي معرسه.
عفرا: لا مخطووبه .
الريم : ياي ع بالي أغني .
هند: هههه صح ريموووه شو سويتي ف الخطه اللي عطيتج اياها.
الريم : اي خطه.
هند : اي خطه ها الخطه اللي .
الريم : هيه بس سكتي بعدين بقولج.
عليا سارت عند هند : أي خطه .
هند : ليش هيه ماسوتها قالت لي ملل قلت لها تسوي فونات وتلعوز الاوادم.
عليا: ههههه هيه سويناها ف حمد .
هند : عيبتكم عيل .
عليا : عليج أفكار خطيره بس حلوه الخطه .
هند: ههه.
نشت هند وسحبت الريم ع صووب.
هند : ريمووو انا ما قلت لج تدقين لحمدان.
الريم: هيه بغيت أدق له بس قلت خل اسويها ف حمود وبعدين بدق لحمدان بسس للأسف خربت علينا خالتج.
هند: افا.
الريم: وبعدين ليش بالذات حمدان.
هند : لان ...امم ..هيه جذي احب العوزه وبعدين بلا اسئلة .
الريم : الكتاب مبين من عنوانه.
هند: ريمووو جب.
الريم : ههههههههههه بلاج جلبتي انا هالمثل يا ع بالي وقلته.
هند: هيه عليه حركاتج.
الريم: وانا بعد اعرف حركاتج .
هند : ههههههههههه هذي اللي بتفضحني بس صخي.
الريم: يعني صح.
هند : شووو صح .
الريم : انّ تــ.........
تقاطعها عليا : عن شو ترمسون.
هند: يالسه اقولها كم نسبتج.
عليا: وييع شو هالطاري.
الريم : جذاابه هندوو.
هند: ريموو سكتي قبضي لسانج اذا كانت عليوو هنيي وسمعتج .
الريم : شوو يعني انا قلت شيء خطأ.
هند : ابد انا اللي اقوول.
الريم : ع بالي ههههههههههه.
هند تغني : ع بالي حبيبي ع بالي حبيبي ...
الريم : زخيتج منو حبيبج ها عرفته عرفته عيل ع بالج ها انزيين اللحين بزقره اذا ع بالج.
اسما: انتي بلاج ملعوزة البنيه حراام عليج شكلج ذالتها ذلّ جوفي شكلها.
هند : هيه والله.
الريم : نياهاهاهاها.

العصر
الكل راح البيت و الاهل روحو العزبة.
ف الطريج ف سيارة حمد واللي كان فيها الريم وفاطمه وسيف.
الريم : حمووود وقف المحطه بسير الحمام.
حمد: يلا ماشي .
الريم: ماعليه بسويها ف سيارتك .
حمد: يا ويلج يا ريموووه لا تسوينها اللحين بوقف.
حمد وقف ف الباركن.
الريم: يلا فطيم تعالي معايه.
حمد : لا مححد بينزل معاج بروحج نزلي.
الريم : لا أخاف انا بيخطفوني.
حمد: ههه انتي تخوفين ولا تخافين .
الريم :لا .
نزلت وضربت الباب بالقو وراحت وهي تسوي مالت.
حمد حرك السيارة ومشى عنها.
سيف : ههههههههه شو تسوي الله يغربلك.
فاطمه: اووويه حرام بتصيح.
حمد: منو ريموووه بتصيح اقص ايدي هذي تصيّح ولا تصيح.
ونزل حمد بعد ما وقف السيارة بعيدة عن المحطه وراح يراقب الريم.
عند الريم
راحت الحمام و بعدين سارت المحطة ويلست تتشرا نص ساعة و ظهرت جافت السيارة هب موجودة فــ الوضع عاادي متعوده هالشيء من حمد ف رجعت مرة ثانيه داخل تتمشى وهي تاكل ويالسه تسولف ويا اللي تحسب لان المحطه فاضيه ف اثنينتهن متمللات يلسن يدقن سوالف .
لا و اللي تشتغل بعد يابت للريم كووفي.
حمد وهو يجوووف من بعيد : ههه غربلج ريموووه انا ادري بها ولا فطوم شو تقول بتصيح.
الريم : هههه الله يقطع سوالفج ههه وبعدين .
العاملة [ نورما ] : بعد انا يسير يضرب ويسوي مووت .
الريم : جتلتيه.
نورما: لا بس هو يتيح ع الارز ودم كلوووه تحت وانا يدووس ع هزا حرامي .
الترجمه [ لا بس هو يطيح ع الارض والدم كله تحته وانا دست ع هالحرامي ].
الريم: لا الشغله خطيره .
حمد: ريمووو اجوفج داقه سوالف ويا الحرمه منو اللي بتسير الحمام.
الريم : والله انا سرت الحمام بس جفت السياره مححد ييت هنيي.
حمد: لا اصلا انا كنت اجوفج انتي ظهرتي من الحمام وع طوول ييتي هنيي وبعد ماخلصتي تشريي يتي تبين تركبين.
الريم: انزيين يلا.
حمد: امشي اجووف.
نورما : ويت .
عطت الريم جالكلسي هديه.
الريم : ثانكس .
وخذت الريم 3 زيادة وظهرت.
حمد: ههههههههه ع كيفج تاخذين .
الريم: هيه تمصلحت وياها وخلاص كل مابيي هنيي باخذ مجانا.
حمد: يصير خير.
ركبت الريم السيارة وعطت فاطمه وسيف وحمد الجالاكسي .

ف سيارة موزة
اسما : موزان مري بنااخذ شيء لهنااك.
موزة : اوكي عليوه وحمدووه نزلن واخذن اذا تبين اسووم نزلي معاهن.
اسما : لا خلاص هن يباخذن.
نزلن عليا وحمده.

ف عزبة بو سعيد
ام سعيد : اقوول سهيل عزبة منو حذالنا .
بو سعيد: عبدالله اللي ماخذ اخت خليفه ومحمد .
ام سعيد: هيه شكلهم اليوم بيون لاني اجووف سيارتين وصلن.
بوسعيد: هذيها بنتج وصلت.

وبعد ما وصل الكل وارتاح .
فاطمه & مهره يتمشون بروحهم
فاطمه: امشي بنسير هنيي ماعرف شو عندهم متيمعين.
مهره: منو .
فاطمه : ابويه وعمي وعمو ومنصور.
مهره: اوكي يلا.

فاطمه : ها شو عندكم متيمعيين.
مهره : بلاهم ساكتين ويجوفون الصور.
منصور : الشياب يالسين يسترجعون ذكرياتهم ويجوفون صور الطفولة.
فاطمه : اووه.
بومنصور : هههههههههه جوفي فاطمه هذا أنا يوم صغير حلو صح.
فاطمه : ههههههههههههههه.
مهره: اووييه عمي هذا أنته ههههههه.
منصور: وليش هنيي كششه.
بوضاعن: هيه ابوك قبل مايمشط شعره جذي مخلنه مهدود اوونه نعيم.
منصور : ههه مبينه النعوومه.
فاطمه وماسكه ف ايدها صورة جماعيه: اذا هذا انت وهذا عمي وهذي عمو آآمنه وهذا يدي وهذي يدووه الله يرحمهم منو هالطويل اللي حاضنتنه عمو .
ام هزاع قامت وهي تصيح.
بو منصور: هذا عمكم الله يرحمه .
مهره : ليش انتو ثلاثة .
فاطمه : خبرني عنه ابوويه.
بومنصور ساكت ومايقدر يرمسس .
بوضاعن : خلاص يا عيال امشو نسير عند الباجين.
سارت مهره وفاطمه
فاطمه : كيف مات .
مهره : مادري اذا ريوم عادتني بس فيني فضووول اعرف السالفه كلها.
الريم : اعتقد اني سمعت اسمي { يلست } اي سالفه .
مهره : اقولها فطوم.
فاطمه : ما اعرف هيه قوليلها خلاص .
الريم مستانسه : شو السالفه .

سيف : شو فيك منصور تفكر.
منصور : مافيني شيء بس .
سيف : بس شوو صح تعال انا اليوم كنت ساير المطبخ ولا اجووف عمو آآمنه يالسه ف زاوية وتصييح تتوقع ليش.
منصور : وانا شو يعرفني .[ قام وظهر ]

الريم : اوونه .
فاطمه : تجوفين هذا الشيء في حد يمزح فييه.
الريم : خلاص انا بجووف شو السالفه وبرد عليكم.
مهره : هيه لا تنسين تخبريني.
الريم : بدت اللقافه .
فاطمه : اصلا هذا هب لقافه هذا حب استطلاع .
الريم : صح صح .
مشت الريم صوب ابوها بس حسته مشغوول ف يلست وحست انه ابوها يرمس مع عمها ولا حاسين بوجودها وهي تسمع وتسمع .
بومنصور: اقولك يا محمد قلبي حاسس.
بوضاعن : استغفر الله انزيين وينهم .
بومنصور: نحن لازم ندور عليهم هم كانو صغار ومايعرفون شيء.
بوضاعن : خلاص ان شاء الله ولا يهمك.
الريم : منو ابوويه .
بومنصور: انتي هنيي ,, من متى .
الريم : من زمان .
بوضاعن : يلا نشو نسير عند الباقين.
الريم نشت وسارت عند مهره وفاطمه
الريم : عرفت شيء ثاني كبير.
مهره متحمسه: شوو ارمسي.
الريم : احم الله يسلمكن عمي الكبير الله يرحمه اسمه خلفان كان يدرس برع وهو تزوج هناك وياب عيال ماعرف كم بس يوم رجع يدي كان هب راضي وقاله انه لا ولده ولايعرفه وهذاك الوقت كانت يدتي متوفيه من زمان بس يدي مات من الغصه والندم ع الرمسه اللي قالها لعمي .
فاطمه : اوييييه وبعدين .
مهره : سكتي انتي خلينا نسمع .
الريم: بعدما اتوفى يدي رجع عمي وهو وزوجته وعياله بس وهو كان ياي البيت سوا حادث وتوفه وحرمته الله يغربلها خذت العيال ورجعت بلادها .
مهره: وابويه وعمي خليفه وين كانو هذاك الوقت .
الريم : كانو صغار بس يذكرون لان ابويه كان عمره 20سنة .
فاطمه : يعني عمي خلفان عمره 25.
مهره: وانتي كيف عرفتي انه اكبر منه بخمس سنوات .
فاطمه : سألت عمي محمد.
مهره : بس في سؤال يدور ف راسي ابا اجابته .
فاطمه : وهو.
مهره : ليش انفتحت هالسالفه بعد هالسنين اللي مرت .
الريم: يالهبله اذا ماتعرفين ريل عمووه عبدالله يستوي ولد عم ابويه وابوج .
مهره: انزيين.
الريم : امم و عبدالله عنده الصور ف عزبته .
فاطمه : خلاص الفليل بنيي هنيي وبنجووف الصور الباجيه.
الريم : وهالايام ابويه ترجع ذاكرته ويتذكر عمي وهو يوصيه ع عياله قبل لا يتوفي.
مهره: بس في حد نااقص منا لان هو يمكن يعرف.
الريم: لا اثنين ناقصين عليووه وحمدووه.
مهره: عليج ذكاء .
فاطمه : خارق .
الريم : اعرف اعرف مايحتااي.
مهره: يلا عيل نخبرهن.
الريم : بسير اخبرهن ايون هنيي.

بومنصور: عيل وين الشباب ماجوفهم .
ضاعن : هه يلعبون ويراكضون .
منصور :ماعندهم غير الركيض.
بوضاعن : ههه ذكرتوني بايام اول.
بوهزاع : اقوول حمود وخلوووف شو رايكم نلعب مع الشباب .
ضاعن ومنصور : هههههههه.
بومنصور : اجوفك عبوود وايد مصغر عمرك.
بوضاعن : هيه والله هب جنه اكبر واحد فينا.
بوهزاع : هيه مبين منو الكبير.
بومنصور : صح مبين.
بوهزاع : والله انا يا حبيبي مايبين عليه الكبر والشيب انا انسان طموح ومثقف و مهتم ف صحتي وبعدني شباب.
بوضاعن : اشك بالاخيره.
منصور: عيل اذا انت شباب نحن شو يهال.
بومنصور: بعدكم يهال ف عينا.
ضاعن : يلا مدام انكم شباب بنجووف منو اللي بيغلب نشو يلا بنلعب طايره.
بومنصور: ف هالحر.
بوهزاع : يلا خلووف لا تظهر اعذار الجو معتدل وبارد يلا نش اصلا اذا كان حر مابتيي هنيي.
بوضاعن : عيل تتحدوون اذا السالفه جذي بنلعب طايره وقدم وسلة.
منصور: لا مانروم ع الطوال نحن مانروم .
بومنصور : قم وانا ابووك خل نراويهم شغلنا يلا حمود.

ف الصوب الثاني
موزة يالسه ف مكان بعييد عن الكل ويالسه تلعب بالرمل ويا محمد [ ولد أختها ].
محمد: خالو موزة ابا اروح الحمام.
موزة : صدق متفيج شو اسوي انزيين.
محمد: ابا ماما.
موزة : سير عند امك محد ماسكك.
محمد: حرااام بسويها ف ملابسي حراام .
.....: هههه قم بوديك الحمام.

نــــــهـايـة الـبـارتــــــــ
توقعاتكم
تتوقعون منو اللي رمسس ف النهآآيه ؟؟
وشو ممكن يسوون البنات الفليل ؟
شو بيسوي بومنصور ليحصل عيال أخووه ؟؟
وبسس
^__^
__DEFINE_LIKE_SHARE__

! ĐįƠЯ ƒάṦђịǑη ! · 01-28-2012, 07:57 PM

سوري على التاخير

اتمنى البارتات عيبتكم

مع السلامه

انتظر ردودكم + تقيمكم هه __DEFINE_LIKE_SHARE__

عجيبهـ و غريبهـ · 02-04-2012, 11:32 AM

لحظة لحظة هالرواية ما اعتقد انج انتي الللي كاتبتنتها كيف تنسبينها باسمج وانها من كتاباتج لو سمحتي عدلي الغلطه وانسبي الرواي لكاتبتها الأصليه لان حرام البنيه تكتب وانتي تنسبينها لج... __DEFINE_LIKE_SHARE__

! ĐįƠЯ ƒάṦђịǑη ! · 02-04-2012, 01:32 PM

المشاركة الأصلية كتبت بواسطة عجيبهـ و غريبهـ

لحظة لحظة هالرواية ما اعتقد انج انتي الللي كاتبتنتها كيف تنسبينها باسمج وانها من كتاباتج لو سمحتي عدلي الغلطه وانسبي الرواي لكاتبتها الأصليه لان حرام البنيه تكتب وانتي تنسبينها لج...

مب انا الي كاتبتنها متى قلت انا الي كتبتها ؟ وهاي من الروايات المنقوله

مشكوره على ردج >> مانسبتها لي << دوريلي وين نسبتها باسمي اترياج ياااا عجيبه

لاتتاخرين علي لو سمحتي ...... __DEFINE_LIKE_SHARE__

! ĐįƠЯ ƒάṦђịǑη ! · 02-04-2012, 08:44 PM

البارت 23

ف الصوب الثاني

موزة يالسه ف مكان بعييد عن الكل ويالسه تلعب بالرمل ويا محمد [ ولد أختها ].

محمد: خالو موزة ابا اروح الحمام.

موزة : صدق متفيج شو اسوي انزيين.

محمد: ابا ماما.

موزة : سير عند امك محد ماسكك.

محمد: حرااام بسويها ف ملابسي حراام .

.....: هههه قم بوديك الحمام.

محمد : منو أنت .

سعيد : اللحين انت بتسير الحمام ولا؟؟

محمد : بسير .

سعيد : قم عيل .

سار سعيد مع محمد يوديه الحمام وكانت معاه أخته موزة

تجدمت موزة أخت سعيد : مرحبا .

موزة : مرحبتين هلا والله.

موزة أخت سعيد : والله نحن عزبتنا حذال عزبتكم وحبيت اتعرف اذا مافي مانع .

موزة : لا مافي مانع حيااج .

موزة أ.س [ اختصار لموزة أخت سعيد ]

موزة أ.س: معاج موزة.

موزة : هههه انا بعد موزة.

موزة أ.س اونها ماتعرف : ههه هيه زين .

و يلست تسولف معاها

بومنصور : اقوول محمد هذا هب سهيل بوسعيد .

بوضاعن : هو شكله ياي بعد العزبه .

بوهزاع : عيل عزبته حذالنا خل يقرب ونيلس وياه.

بومنصور : امشو شكله واقف ويا ولده.

حمد : عيل العيايز بيلعبون ها.

حمدان : شكلهم انسحبو وشردو.

منصور: خاينين ليش جذي سوا انا اللحين مبدل ومتعب عمري آخر شيء يروحون.

هزاع : امشو بنسير لهم .

ضاعن : يلا بنخليهم يلعبون غصبا عنهم.

سلطان : هههههه اشك انهم بينسدحون .

سيف : ع فكره انا يوم اعصب مححد يعرفني ولا اعرف احد.

حارب: هيه صح .

حمدان : حمود قلهم يتشهدون .

حمد : بلاك خارط ع عمرك انتو بتلعبون ولا بتجاتلون .

هزاع : الاثنين.

ام هزاع : ماعرف اذا بوهزاع خبرهم ولا.

ام ضاعن : منو .

ام هزاع : اخووه وحرمته .

ام منصور : صح شخبارهم مانجوفهم هالايام .

ام هزاع : بخير صح ام ذياب تسلم عليكن .

ام ضاعن و أم منصور : الله يسلمها .

اسما : أمييه وين موزوه ما اجوفها مختفيه.

خوله : صح حموود وياها .

اسما : قومي ام محمد بنجوفها .

خوله : يلا.

حمده : خلاص انا عرفت كيف نتقسم ,, بما اني اكبر من علايه بــ...

عليا تقاطعها: حمدووه تعرفين ماحب حد يقولي علايه.

البنات: اشش خليها تكمل.

حمده : احم بما اني اكبر من عليووه بجم دقيقه الا اني اعقل منها وارزن واذكى.

عليا: مالت عليج .

الريم : والله يا حمدووه اذا مارمستي اعطيج يمع ع ظهرج.

حمده : خلاص برمس ههه .

فاطمه : بدوون مقدمات اذا سمحتي ووزعي الادوار.

مهره: اصلا ليش خليتو حمدووه توزع ماتعرف شيء انا الاكبر .

حمده : تفضلي .

مهره : همم الريم انتي وانا وحمده بنحدر نفتش و عليوه وفطوم يراقبن.

حمده: والله انا كنت جذي بقووول.

الريم : انزيين علايه [تبي تقهرها] علايه .

عليا سرحاانه

حمده ف خاطرها : ههه تفكر ف الحبيب .

عليا : بسم الله ريموه وويع ليش جذي انتي اسلوبج دفش بصراحه.

الريم : ماخذه منج .

مهره: ف شو كنتي تفكرين.

عليا : تدرون انّ نحن بسرعه بنلقا الدليل .

فاطمه : ليش .

عليا: لان يا قلبي هذي عزبة يدي الله يرحمه يوم ابويه خطب امايه هوو عطاه هديه لان يدي جذي كان كل مايستوي شيء ولا مناسبه يوزع هدايه.

الريم : حساافه راحت علي اذا كان عايش كنت محصله هدايا اللحين .

البنات : هههههههه.

فاطمة : استغفري ربج .

الريم : استغفر الله بس جد .

عليا : جد ولا جدة .

الريم : هيهيهي مايضحك.

عليا : ما قلت لج اضحكي.

مهره: بسس خل نرجع لموضوعنا .

عليا : وتدرون انّ بيت يدي موجود شرات ماهو ماتغير فيه شيء كل شيء ع حطته .

حمده : هيهي منو خارط عليج امايه قالت انه اجرووه.

عليا: هيه بسس بعدين تراجعو.

فاطمه : زين.

الريم : اذا ماحصلنا شيء عندي خطة بديله بتنجح غصبا عن اللي يابها.

عليا : قولي غصبا عني وخلاص .

الريم متخصره : لييييش.

عليا : لان انتي اللي يبتيها ههههههه.

عند الموزات خخ

موزة : اقوول شو رايج تتفضلين عندنا .

موزة أ.س : لا ماعليه اجوفج وقت ثاني اووه هذا ابويه شو عنده واقف هناك .

موزة : شكله ربيع خالي .

موزة أ.س : صح هذووه ريلي.

موزة : والله ماشاء الله لايقين ع بعض.

موزة أ.س : تسلمين الغاليه .

موزة : عيل تعالي اقربي.

موزة أ.س : مدام اصريتي تعالي بسير اخبر امايه وبيي.

موزة : خليها تتفضل بعد .

عند الشياب

حمدان : ها الشياب اجوفكم انسحبتو .

بومنصور : منو قالك عسب يرفع معنوياتكم.

عمار :ههههههههههه .

بوسعيد : هيه هذا اكيد حمدان ولدك يا محمد.

بوضاعن : هههه هيه تحيده.

بوسعيد : هيه احيده يوم صغير جفته ف بيت خليفه لسانه طويل.

حمد: اخ عليك حمدانوه فشلتنا.

وسلمو الشباب ع بوسعيد و عمار [ ريل موزة ] و سعيد اللي وصل.

وبدو يلعبوون كره

الا سعيد اللي يالس لان ريله مازالت مجبسه

ف صوب شوي بعيد

ام سعيد : بلاهم الكل اختفى ماجووف حد انا.

ناصر : حليلج يا امي ماتعرفين شوو السالفه ولا وين ابويه مروح.

ام سعيد : وين راح ابوك الهررم بعد.

نااصر خخ: عند حرمته الثانيه ووده موزة وسعيد وعمار ويااه وقالي ايلس عندج عسب ماتحسين .

ام سعيد : ارمسس عدل نصوور لا اعوي لك لسانك .

ناصر: هذا يزاي اخبرج.

ام سعيد : ووين ذلف .

ناصر : ماخذ لها عزبة حذال عزبتنا و لا حرمته صغيره وحلوه .

ام سعيد : يعني جرييب.

ناصر : هذيها العزبه .

ام سعيد : غربلك ربي يا نويصرو هذي عزبة بو هزاع.

ناصر [ ويييييييه ] : ها لا صح صح انزيين ترا هو ماخذ له وحده من البنات اللي هنيي.

ف الصوب الثاني عليا واقفه عند الباب يالسه تدور موزة.

الريم : انزيين يمكن هالصوب جفتيها.

عليا : اسوم وخوله راحن هنيي انتي جوفي هالصوب وانا بسير ورا .

الريم : اوكي خلاص .

ناصر [هذي منو يايه هالصوب امم ياك الموت ياتارك الصلاة دواها] : امييه لحقي هذيها حرمته جوفي كيف احلى عنج .

ام سعيد : مسودت الويه رايحتلها انا.

ناصر [ الشرررده ] شررد بعمره وهو يضحك و يتخيل الموقف.

ام سعيد تمشي و مغطيه ويهها ورافعه المخوره وتررربع للريم وتمسكها من جتفها.

الريم : اميييييييه بسم الله ينيه.

ام سعيد : انتي ماتستحين يالحراميه ماتخيلين ماعندج احد قمتي وخذتي ريلي.

الريم : شووو اي ريل ههههههههههه تخبلتي انتي.

ام سعيد : اي ريل ها .

الريم : انا اصلا هب متزوجه كيف تقولين عني جذي بعدين منو انتي ها.

ام سعيد كشفت ويهها: شو يعني هب متزوجــ...

الريم : خالو ههههههه .

ام سعيد : ويييه بنيتي شحالج وشخبارج والله من زمان هب جايفتنج لج غيبه .

الريم : حمدلله والله مانشكي بسس شو السالفه بلاج منهده عليه .

ام سعيد : الله يغربلك يا ناصر فشلتني .

الريم بسس سمعت ناصر نقزت : ليش شو السالفه.

ام سعيد : تعالي بقولج .

وسارت الريم عند ام سعيد العزبة ويلست وياها.

وتخبرها السالفه وتستسمح منها وتعتذر بس قاطعها صوت موزة و موزة : السلام عليكن .

موزة أ.س: ههه اووه ريمو والله وكبرتي شو تسوين عندنا.

الريم : ههه ادري حلويت .

موزة أ.س: ههه ماتيوزين عن سوالفج .

الريم : اوووه موزوه شو تسوين يا ويلج من امج اليوم مابتنامين يالسين يدورون عليج من الصبح .

موزة أ.س : ليش تعرفينها .

الريم : هذي موزة بنت عمتيه.

وسلمت موزة ع ام سعيد ويلسن يسولفن واخر شيء راحن عزبة بو هزاع .

نرجع لخوله واسما

خوله : وااي ريلي تكسرت غربلاتها موزوه وين راحت.

اسما : اقوول امشي نرجع .

خوله : يلا .

عند الشباب خخ

طبعا عايلة بوسعيد انضمت مع الكل ويلسو يلعبون كره الا سعيد اللي يالس يجوفهم واليهال ميلسين حذاله.

عند العيايز [ النسوة ] هع

ام هزاع : انا اقووول عبوودي بيفوز.

ام منصور : قصوورج اموون خلووف اللي بيفوز الفريق وبييب قوول.

ام ضاعن : بسج انتي وياها حشرتونا.

ام سعيد : اقوول عوااشش.

ام منصور : هللا.

ام سعيد : امم شو رايج نسير عزبتنا اريح لنا .

ام منصور : انزيين وبنسوي شيء هناك.

ام ضاعن : هيـــهـ عويش من صدقج بتسوينها.

ام منصور : عيل شو قالو لكم انا اخطر عيوزة .

الكل : ههههه.

خوله : حمود غربلاتك وين ذلفت .

محمد : سرت ويا خالو موزة .

خوله : انزيين وين خالتك .

محمد : مادري ماما خلاص خليني العب ويا علاوي لا تسوين حشره اووف.

وروح عنها يلعب ويا ولد موزة .

خوله : مسود الويه [ وراحت عند البنات].

عند البنات

الكل : ههههههه .

الريم : اووونه لا لا ماسويت جذي جذابه .

موزة أ.س: اللحين انا جذابه .

الريم : لا محشوومة بسس مادري والله يمكن سويتهآآ.

موزة أ.س : ههه ولا مره اذكر كنت يالسسه اذاكر امتحانات الثانويه وانتي و فطوم كنتي تلعبين ويا نآاآصر و مسوين حششره يوم سرت بفج امبينكم هه قولو ليش يتضاربون؟؟.

البنات : ليش ؟؟

موزة أ.س : ههه ريووم ماسكه شعر ناصر وتسحبه وتقول تعال العب معايه وهو هب طايع يبا يلعب ويا فاطمه اوونه ماألعب ويا اليهال انا.

البنات : ههههههههههه.

موزة أ.س جافت اخوها سعيد يأشر لها من بعيد وسارت صووبهـ

موزة : ها شو تبا سعيدان.

سعيد: يلسي ختيه موزان .

موزة : هلا.

سعيد : احم ها موزتي شو سويتي.

موزة : ف شو.

سعيد : موزان لا تستهبلين لا امرغج بالحصى.

موزة : ههههههه اهدا انزيين بقولك .

سعيد: يلا شو استوى بالتفصيل .

بو ضاعن : حرووووب انا محححد صوبي فرلي الكره .

حارب : لا بتطيح عنك انت ماتعرف تمسسك.

بوضاعن يزاعج : اقووولك هاتها مسسود الويه.

حارب زااغ : امسسسسسسسسك .

وبوضاعن حليله يركض شاد حيله بس مايدري ان فيه واحد من بينهم نذل ولا جريب منه .

حمدان: حمووود هات الكره ولا بطيحك.

بوضاعن : وصلت لك عيل .

منصور يزاعج : عميييه لا تعطيه هذا هب ويانا.

بوضاعن : حمداانوه انجلع عيل.

حمدان : هههههههه .

وحمدان يرابع ورا بوضاعن و بو ضاعن من الخوف قاام يربع برا الملعب وف ايده الكره و حمدان و البقيه يرابعووون ورا وهم ناقعين ضحك.

عليا : اقووول ريووم امشي بنسير ورا العيايز مادري وين مروحات .

الريم : نشن يا بنيات .

حمده: اقووول فطيم شكلها امج نااويه ع شر جوفيها متحمسسه اول فيهن تترابع ويا خالو .

البنات : هههههههه.

ام هزااع تباغم : عويييشوووه و ميييثوووه بلاكن استخفيتن.

ام سعيد : عندي فكره .

الكل اصطف ام هزاع حذالها ام سعيد و بعدها ام منصور وآآخر وحده ام ضاعن.

ام سعيد: يلا واحد اثنين ثلاثه.

وكل وحده فيهن رافعه العباه وتربع للعزبة الثانية.

والبنات وراهن منسدحات من الضحك.

فاطمه : حليلهن امهاتنا يسترجعن ذكرياتهن.

الريم : ويحطن علينا يوم نرابع.

حمده : هههههههه اسميهن فنتك ولا جفتو امايه جيف ترابع.

عليا : هههههههه صدقج هههههههه والله عيايز هالزمـــن كل شيء يظهر منهن.

عند الشباب

بوهزاع : حموود بلاك خربت اللعبه.

بوضاعن : هههه حليله ابوويه زااغ من شكل حمدانوه.

بوضاعن : وانت الصاج ماجذبت هههههههه.

حمدان : تدري ابويه اني بغيت اكسر ريلك.

بوضاعن : قصووورك ولديه جاان تبا ريلك اللي تنكسسر جرب صوبيه عسسب تعرف الويل والآآه.

بومنصور : ههه عاااش حموود ع فكره ابوكن ماخذ الحزام الاسوود ف الكاراتيه.

بوسعيد : هههه هيه اذكر ايام المراهقه طاايش يمشي و يكسسر بخلق الله .

منصور : الله حلو موضوعكم تعالو عيال يلسو والشياب بيرمسسون عن مراهقتهم وطفولتهم.

حمد : يلا يلسنا .

بو هزااع : هههههههههههه اذكر اني مرة كنت ويا الشباب ف البر وفجأة اختفى سلطان يلسنا ندوره ولقيته ورا الخيمه يوم جربت منه ..

سلطان : ماذكر .

بوهزاع : كنت صغير ويــن تذكر .

سيف : وبعدين .

بوهزاع : يوم جربت منه قالي : ابويه لا تجرب ماتجوفني ف بيت الراحه .

الشباب كلهم : ههههههههههههههههههههه.

هزاع : ها يالهررم يالس تسوي شغلك .

بوهزاع : وقالي يلا روح انا خلاف بلحقك بسس لا تخبر حد اني هنيي لا لا خبر امايه اتييب لي ماي .

سلطان : الله يسامحك ابويه فضحتني .

ناآاصر : خلنا نتونس شوي .

سلطان : وعني لا وألف لا .

بوسعيد : هههه اسكت نصوور ماتدري بسواياك يوم صغير.

حمد : سمعوونا .

ناصر : اششش غيرو السالفه.

بوسعيد : لا وبقووول انت يوم صغير كنت تاكل كل اللي تظهره .

الكل : هههههههه اخ عليك .

سعيد : انزيين لا تنسيني موازي .

عمار : حوووه وين تبا تتغزل ف حرمتيه ويدامي بعد .

سعيد : وانت شو حارنك ياخي .

عمار : اقولك انقفظ يلا .

موزة : وانتو بلاكم كل ماتتوايهون تنجلبون.

سعيد + عمار : كيفنا .

موزة : خيبه هب جنكم توكم تتوايعوون.

سعيد : هــــــــع.

عمار :اقول ام علاوي .

موزة : اخييييييييج اشوووه هذا ام علاوي حسستني ياخي اني عيووز.

سعيد : انا احب اتدخل جووفي يا ختيه العزيزة هذا ريلج هب أخووج ثانيا جذي ولا جذي ولا جذاك تراج ف النهاية بتغدين عيوز.

موزة : حرمتك العيوز .

سعيد : بسم الله ع حرمتيه لا تفاولين.

موزة : سعيدوووه بتعقل ولا .

سعيد : خلاص خلاص .

عمار : سكتووه حليله .

سعيد ضربه بالعكاز ع ريله بالخفيف.

عمار : آآآآآآآآآخ حششى كسرتني حماار.

سعيد : ولدك الحمار.

علي ياي من بعيد صوب امه : انا حمار يا ابو الحمار.

موزة : علااوي منو معلمنك هالرمسسه عيب تقول لخالك جذي.

علي وهو مروح : منو غير ريلج .

موزة : صدق انك حمار بسس خل امسكك انا.

عمار يغير السالفه: يلا موزة انا بروح أنتي بترجعين ويايه ولا ويا اخوج.

سعيد : يلا اتوكل انا برجعها لك بسس خلها اللحين شيء سالفه.

عمار : علينا هالحركات .

سعيد : شو هاللقافه متى بتيــــــوز عن طبعك.

عمار لولده : يلا بابا بنروح.

علي : لا انا بيلس هنيي.

عمار : لا بنروح مكان حلوو .

علي : وين .

عمار : تعال بقولك ف الدرب.

ام هزاع : شو بتسوون.

ام منصور : اقوول آآمنه مابتركبين ويايه.

ام ضاعن : هههههههههههههههه شو ها طفولة متأخرة .

ام منصور : ترا بروح عنكن.

ام سعيد : تعالي ميثا ركبي ويايه.

طبعا شو يسوون العيايز راكبين الدراجات ويشوحون مححد يدري عنهن الا ...

الريم : ههههههههههه بلاهن هذيل اكيد استخفن.

عليا : امشي بنلعب معاهن.

الريم: مابيخلونا جوفي كيف يلعبون انتي .

عليا : اذا ماخلونا بنخبر عليهن.

الريم : يلا .

و أذن المغرب والكل سار يصلي و يرتاح وبعد صلاة العشا الكل صلى وناآآام الا البنات ~~.

عليا : يلا امشي فطيم نحن بنراقب.

الريم : يلا مهره وحمده يدامي وانا وراكن.

وبعد كم ساعه

حمده : افف جوفن الساعه جم ونحن انفتش ولا حصلنا شيء.

مهره : ليش الساعه كم.

الريم : امم 3:30.

مهره : اوييه امشن بنظهر ما بنحصل شيء .

البنات يالسات يسولفن ليأذن الفير.

حمده : وأخيرا أذن يلا.

الريم : انا مابتوظأ.

فاطمه : ليش .

الريم : برررررررد ما اقدر .

مهره : لج وضوووء.

الريم : يب.

مهره : خلاص.

وبعد ما صلت كل وحده فيهن راحت تنام بس قبل النوم.

الريم : اخييييييج اللحين اميييه بتي توعينا ماتدري انّ نحن صلينا .

عليا سارت وخذت ورقة ولصقتها ع الباب.

فاطمه : شو تسوييين .

عليا : جوفن .

مهره : شو كاتبه.

عليا : {{ نحن صلينا الصبح ورقدنا لا توعينا }}.

الريم : هههههههه يلا بنام

الكل نام الا الريم يالسسه تفكر ف اليوم شو سوت وشو ماسوت وقطع افكارها صوت الباب وهي تظاهرت بالنوم.

حدرت ام هزاع بعد ما قرت الورقه بسس عناد يلست توعيهن.

ام هزاع : يلا بنات قومن وصلن .

عليا : افف امييييه مصليات .

ظهرت ام هزاع

الريم : والله عمو تستهبل يعني جافت الورقه وقرتها بسس عناد.

عليا : هيه نامي خلاص.

الريم يلست سااكته لين ظهرت الشمس وماقدرت تنام نششت وظهرت خاري.

موزة : اوووه ريووم ليش ناشه اللحين.

الريم : من صريخكن.

اسما : انزيين تعالي المطبخ بنسوي شيء لنا.

وسارن المطبخ

يلست الريم ع الطاولة وتشرب الحليب.

وفجأأأة انفتح الباب ولان اللحين الصبح مححد واعي الكل خاف.

والريم من الزيغه يلست تصارخ : امييييييييييييه.

خوله : هههه بلاكن متصرقعات .

اسما: الله يسامحج قلبي طااح ف حضني.

محمد ولد خوله : انا ما اجوفه.

اسما: استريح ابويه مححد يقول شيء يدام اليهال.

وبعد الريوووق الكل سار يلسس عند العيايز و الريم سارت تلعب مريحانه وبعدها داخت ونامت.

ف بيت بو فهد

هند : انزيين تعالي عندي.

حمده : اوكي خلاص بيي مع خواتي.

هند : هيه وهاتي البودي قارد مالج [ غيث ].

حمده: ليش هالصدعه بيطفر بنا ومابناخذ شيء.

هند : هه لا انا ناوييه عليه هالمره احب اضايجه شكله كيوووت يوم يعصب.

حمده : هه اللحين غيثو كيوت.

هند : هه لا تقولين لريلي المستقبلي غيثو.

حمده : والله اذا سمعج بينتحر.

هند : ههههههههه يحمد ربه الشيخه هند بتاخذه.

حمده: انزيين وين بنروح.

هند : بنسير دبي مول .

حمده : اوكي.

حدر فهد غرفة هند ويلس مجابلنها

هند : خلاص برمسسج بعد شوي.

حمده: يلا باااي.

هند : بايات.

فهد : منو ترمسين .

هند: حرمتك.

فهد : وليش ما عطيتيني ارمسسها.

هند : بترمسسها وبتشبع .

فهد : ليش باكلها انا.

هند : يا ربي منك قوووم تحت .

فهدد : ويـــن.

هند: امم بنسير نجووف التلفزيون.

فهد: اوكي.

و عند حمده بعد ماسكرت

ظهرت وسارت الصالة

ليلى : وقسسسم انّ ما يلستو بتصفعون انتو الاثنين.

غيث : افف شو ها انزيين حطي ام بي سي اكشن.

شيخه : لالالا ام بي سي 4.

ليلى : لا هذا ولا هذا انا بحطي ام بي سي ماكسس او 2 غير جذي نوووووب.

حمده : ليش.

ليلى: لاني انا اللي فتحت التلفزيون.

شيخه : افف.

حمده : قومي شوااخ بنجووف مسرحيه ف غرفة خلووود.

شيخه : اوكي.

ليلى فرت الريموت ع غيث : هالمره سمااح.

غيث :هه يعني بتفهميني انج عطيتيني جذي مني والدرب.

ليلى : غيثو ترا باخذه عنك.

غيث { ف احلامج } : خلاص روحي لحقيهن.

الظهر ف العزبة

الكل تغدى ورجع بيته قبل صلاة العصر.

ف بيت بومنصور

الريم : اسمينا شادات حيلنا ع الاخير.

فاطمه : لييييييش.

الريم : يعني ندور ع شيء مستحيل نحصله.

قامت الريم وتوجهت لغرفة حمد اللي يالس فيها مع سيف ويجوفون فلم هندي رعب.

الريم : شو تسسسوون.

حمد : برررررررع .

الريم حدرت ويلست تجووف.

سيف : كيفج ريموووه فلم رعب.

الريم : هه اللحين هذا رعب.

حممد مندمج ع الاخر : بس جب انزيين.

وفجأة يت لقطة الرعب.

الريم : لالالالالالالالالالا { يلست تصارخ }.

سيف: هههههههههه.

حمد عصب لانها صارخت ف اذنه : ذلفي بررررررع

الريم ماتقدر تتحرك ودها تصارخ ع فاطمه اتيي تاخذها بسس حمد ماعطاها مجال شردت وهي تصارخ .

بومنصور: ريموووه شو هالخفه بلاج تصارخين.

الريم : لا ولا شيء.

بومنصور : عيل لشوو هالزعيج.

الريم : هو في سبب بسس السالفه طويله.

و الايام اللي مرمت عاديه كلها روتين بس هاليوم هو ملجة ضاعن .

الصبح ف بيت بوضاعن

ام ضاعن : يلا مهاري قومي.

مهره : ما اقدر امايه تكسرت البارحه من كثر الحواطه.

ام ضاعن : ها حصلتي لج شيء.

مهره: هيه خذت فستان جاهز بسس العرس ان شاء الله بفصل.

ام ضاعن : ع خير.

مهره : امم واللحين غلايه خليني انام لان الفليل بسهر.

ام ضاعن : عيل قومي الساعه 4:30 لتساعديني.

مهره : تآآمرين.

نزلت ام ضاعن تحت وجافت ضاعن يقرا الجريده وبو ضاعن يجوف التيلفزيون.

ام ضاعن : ضاعن سير نام لك ساعتين ارتاح ليش واعي من الصبح.

ضاعن : مافيني رقااد.

بوضاعن : خليه ع راحته لا تزيدين عليه.

ام ضاعن : وانا شو سويت اسير المطبخ ابرك لي بواايد.

ف بيت ام عبيد

عفرا ف الصالة مع مرت اخوها خلود

عفرا : هيه مهووي اباج اول وحده.

مها : ههه يستوي خير.

عفرا: يلا اللحين بخليج عندي اشغال .

خلوود : شكلج بتصيحين .

عفرا : لا تذكريني والله خايفه بسويها وبصيح.

خلود : لا دخيلج هب وقته اللحين.

غزلان وهي نازله بالبجامه: صباح الورد والجوري لأحلى عروس.

عفرا : صباح الياسمين لاحلى أخت عروس.

خلود : هههههه وأنا.

عبيد وهو ياي للصالة : صباح النرجسس لاحلى زوجه بالدنيا.

غزلان و عفرا : اووووب منو قدج .

خلود : وييه استحيت.

امم وراحن البنات الصالون و الكل يتزهب لهاليوم .

ضاعن >> ف البدايه كان معاند ومتضايج يحسس انه بيسوي شراات الافلام ويشرد بسس بعدين اقتنع من امه واخته وابوه اللي ساعه يحاولون فيه.

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بس حرام كفاية كدا	محروم.كوم	منتدى أخبار المواقع والمنتديات العربية والأجنبية	0	08-28-2010 05:10 PM
كفاية ارجوكم	محروم.كوم	منتدى أخبار المواقع والمنتديات العربية والأجنبية	0	06-01-2010 03:40 AM
كفاية لا تزودها	محروم.كوم	منتدى أخبار المواقع والمنتديات العربية والأجنبية	0	04-24-2010 11:20 PM
كفاية بدع - كفاية ذنوب - الرد على مصطفى حسنى - للشيخ أيمن صيدح	محروم.كوم	منتدى أخبار المواقع والمنتديات العربية والأجنبية	0	07-06-2009 02:20 AM
كفاية جرح	mis 3soola	الشعر المنقول	12	08-14-2008 04:02 PM