بسم الله الرحمن الرحيم

السلام عليكم ورحمة الله وبركاته


#poem_4edf78e01ca1e td { font-family: Arial, Helvetica, sans-serif; font-size: x-large; font-weight: bold; } الليل عسعس واسحم الذيب عاوي في ضلعن اعزل من طوال الغرابيب يقنب خلاوي من عنا الجوع طاوي وش حدك لمستاحش الضيق يا ذيب لا تلتجي للصمت فالصمت لاوي ياكل حشاك ولا تنول المكاسيب صكت عليك من الشحوف العناوي وامسيت مثل اللي تلوحه مشاعيب يا ذيب يمك ما تفيد العزاوي رزقك على اللي يعلم الجهر والغيب خلك لي الليله رفيقن مخاوي ما به عليك من المشاريه تثريب اشب ناري واسود الليل داوي لما يلوح النور بين المهاضيب هذي فعول اللي مولع خلاوي طبعن جبله الله قصر دونه العيب الطيب والدله وطرق النحاوي تزيل عوماس الوجيه المغاضيب والطير والبندق وذربن مخاوي هي مبتغا النجاع باقصا الدواريب تكيت وحدي بالطبيعه سلاوي اسامر حسوسي على الخير والطيب اطورق القيفان ما نيب غاوي اسلا بزين القول بين الشخانيب بغيت لو عندي بعيد الهقاوي اللي مخاويني عطيب المضاريب لكنها الدنيا تحوس المناوي عقب الصفاوه تقتفيها الغثاريب ما دامت لروس الملا والغناوي سنونها تقرض سواة المشاذيب تلوح لسبتها كفوف النداوي عقب المواكر يرتخي بالمناشيب يالله عفوك يا مجيب الدعاوي انت الذي تقبل رجا العبد واتثيب


يوسف الخليفة ( أبو عبد الله )