قصة خفيفة وطريفة من اخوكم هاوي

محروم.كوم · #1 12-06-2011, 09:40 PM

السلام عليكم ورحمة الله وبركاته

يالله حي الكل والجميع عدت لكم والعود أحمد بقصه خفيفه وطريفه اتمنى انها تنال على رضاكم واستحسانكم .

هذي ياطويلين الاعمار سالفة واحد من اهل نجد كان فسقان وراعي بلاوي الله يغفر له
ويتجاوز عنا وعنه طبعا في صباه ها السالفه لانه كبر وركد وعقل وصار من الرجال اللي
يرفعون الراس المهم مالكم في الطويله ...

كان معروف بكثر مشاكله مع النواب - النواب قديما هم رجال الحسبه - غاثهم غث سهر
وتتن وخمر وكل اسبوع يجلد كم جلده مرتن سهران ومرتن قاضبينه يتتن وهلم جرا

المهم وفي يوم من الايام كان برى الديره سهران مع ربعه وفالها وهو معود للديرة باقين معاه خمر وهو اللي يفضيه في قدير ويحطه على راسه ويمشي معود للديرة يوم اقبل الا ها النواب له بالمرصاد .. وخوينا مقبل بقدره على الراس ... واستلموه

عبيد وينك فيه ؟؟؟ متى بتعقل وتصير ادمي ؟؟؟ ياخوي شكل جلدك استملس على الطق ؟؟
وش ذا اللي معاك في القدر بعد ؟؟؟

يوم انها قفلت معاه .. وقام يهوجس .. مدبوغ مدبوغ ... اعترف وفك عمرك ياعبيد ..
وهو اللي يبيعها ... قال سهران مع الربع ومعاي خمر فوق راسي بكمل شربه في البيت

قالوا له بصوتن واحد ... اخس واقطع تتهزا فينا .. يجيبك الله يالخسيس هين ..
يالله ضف وجهك و لبيتك ولاعاد تتعودها سهر من اليوم مافيه

وهو اللي ينجي منهم نجاة غريبه سبحان الله ماكتب الله انه ينفضح في ذيك الليلة

وسلامتكم طبعا القصة قديمة سمعتها من جدي لامي الله يغفر له ويرحمة
وكان الرجال معروف عندهم وسبحان المغير اصبح بعدها امام مسجد او مؤذن ماني متأكد
اتمنى اني وفقت في الاختيار

تقبلوا مني اعطر التحايا
اخوكم هاوي عبث
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\|[ سؤال لكل مكشاتي هاوي بر و بحر وصقارين ومصوراتي هاوي سيارات و مراسلين ( للجميع ) ]\|	محروم.كوم	منتدى أخبار المواقع والمنتديات العربية والأجنبية	0	06-24-2010 09:40 PM
9 \ 6 لعبة مغامرت جميلة وطريفة Maniac Valera الجيل الخامس الصيغه جافا	محروم.كوم	منتدى أخبار المواقع والمنتديات العربية والأجنبية	0	06-09-2010 02:40 AM
امطار خفيفة الى متوسطة على الاحياء الشرقية من محافظة الدوادمي من اخوكم مطارد البروق	محروم.كوم	منتدى أخبار المواقع والمنتديات العربية والأجنبية	0	05-13-2009 10:00 PM
امطار خفيفة الى متوسطة على الاحياء الشرقية من محافظة الدوادمي من اخوكم مطارد البروق	محروم.كوم	منتدى أخبار المواقع والمنتديات العربية والأجنبية	0	05-13-2009 09:53 PM
أداة جميلة وطريفة .... تفضلو تتعرفو عليها	محروم.كوم	منتدى أخبار المواقع والمنتديات العربية والأجنبية	0	04-12-2009 05:10 AM