سؤال

انسان محروم · #1 01-19-2008, 10:46 PM

[align=center]مساء الخير عليكم

//

حبيت اطل عليكم واطمن على احوالكم

\\

واهديكم شي بسيط

//

لانكم تستاهلوا كل خير

\\

سؤال

!!

شالفرق بين اللي يحبك ويغليك؟
وبين الذي لا غبت عنه يخونك؟

الفرق واضح الاولي شخص يفديك
صار اختلاف وراح دربه بدونك

واجه قراره ما حسب للتهاليك
طبعاً / لانه كان يرفض ظنونك

رغم الفراق المر متمسكٍ فيك
ما يسمع الواشين لي يكرهونك

بالخير والمعروف والطيب يطريك
ويصد كل من هم يبوه ويبونك

باع السعاده والهنا لجل يشريك
واضح / ولا خانك ومثل يصونك

تاجٍ على راسه وقلبه مخليك
ولا يمكن يخليك تتبع جنونك

ينصحك لا منها تمادت لياليك
ولا من غدى وقتك سبب في طعونك

تصور انه ما يفكر يجافيك
كم بث لحظات الفرح في شجونك

وايتم قلبه طول عمره يحاتيك
وان ييت له في حاجةٍ قال عونك

منك تسده كلمة الله يخليك
تسد والمفروض ياخذ عيونك

يهواك ويعزك وهمه يهنيك
عايش فكونه بس عايش لكونك

هذا حبيبك بالفعل دون تشكيك
يشبهك في شكلك وذوقك ولونك

لا تحسبه خاتم يزين اياديك
في هالزمن ياكثر من يجرحونك

تزعل وتتغلى ولا احدٍ يراضيك
واقرب قريبٍ لك توقع يخونك

ما هو مثل باقي المحبين يشنيك
يمثلون الحب لك يخدعونك

لا غبت عنهم عددوا في مساويك
هذا اذا هم فكروا يذكرونك

!!

وسلامتكم

\\

وارجو المعذرة على قلة تواجدي

//

ان شاء الله لا زالت الاسباب بعود شرات قبل واحسن

\\

فما زال لكم قلب انسان محروم الكثير

//

رغم غيابي من ذاكرتكم

\\

لكم جل تقديري

//

وتحياتي

!

لمن يرغب في تحميل القصيدة

موجودة في

7
7
7

المرفقات[/align] __DEFINE_LIKE_SHARE__

ونــ أشعاري ــات · 01-19-2008, 10:47 PM

[ إنسان محروم ]

---{صح لسانك واعتلى شانك

كلمات في قمهـ الروعهـ

احساسك عالي في التعبير والوصف مشاعرك

اهنيك ع الاحساس المعبر والقوي

لا تغيب علينا نرقب الزوود من قصايدك المبدعهـ كـ العادهـ }----

__DEFINE_LIKE_SHARE__

εïз~اَلِمَيّث}● · 01-19-2008, 10:59 PM

[ صح منطوقك الشاعـر ]

اول شي :-- وربي انك منور الاستراحه بطرحك الطيب

من مده ماشفنا لك قايد في الاستراحه واكيد الظروف لي تجبر الواحد ع التغيب

بس ياخويه دومك فـ البال ودومنا نترقب قصايدك ... ....

اخوي انسان انته من الشاعر وماعليك زوود مبدع ماشاء الله عليك يعل عين ماتضرك ياخويه

وكل قصيده تطرحها تبهرنا بموضوعها ومضمونها . . .

كل مره تعيشنا بجو امممم اذكر اول مشاركاتك فـ المنتدى كنت تحط قصايدك ويا تصاميم وألحان رووعه

امم لو يوم كنت فاضي واذا التصاميم لين اللحين عندك ودنا نشوفهـ"ن"
مره ثانيه في الاستراحه . . . .

وربي يسهلك امورك الشيخ ويوفقك ان شاء الله ^^

نترقب كل يديد من جداك ياخويه

والسموحه ع القصور البادر منيه

اختكم

الميث

__DEFINE_LIKE_SHARE__

انسان محروم · 01-19-2008, 11:03 PM

من عيوني اختي الميث ما طلبتي

!!

ابشري بعزج وسعدج يابنت ابوج

!

تعجز كلمات الشكر عن الوفاء لج

//
\\
//

لك تقديرا واحتراما انحني __DEFINE_LIKE_SHARE__

انسان محروم · 01-26-2008, 10:24 AM

ونات اشعاري

!!

مشكورة ياطويلة العمر

على المرور والاطراء الجميل

ماهو بغريب عليج يا صاحبة الروح الجميله

تقبلي جل تقديري __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اصعب سؤال ) اللي جوابـہ للأسف مثلـہ ( سؤال ) !!	سمرة وكلي دلع	شعر و خواطر	20	05-20-2010 02:36 PM
سؤال عندي سوال تكفون جاوبوني عليه طالبكم يارجال وقولوا تم اتفضلوا >>>>>>>>	محروم.كوم	منتدى أخبار المواقع والمنتديات العربية والأجنبية	0	01-07-2010 04:00 AM
سؤال سؤال وأرجو الرد بسرعة : وش الطيور السمينة في هذه الأيام ؟	محروم.كوم	منتدى أخبار المواقع والمنتديات العربية والأجنبية	0	11-25-2009 02:20 AM
سؤال سؤال جدا بسيط عن جوال e71 واتمنى ما تبخلون بالدخول	محروم.كوم	منتدى أخبار المواقع والمنتديات العربية والأجنبية	0	10-17-2009 06:10 AM
سؤال سؤال عن الباند والاصلي والكوبي ومتى؟؟ ادخلو >_	محروم.كوم	منتدى أخبار المواقع والمنتديات العربية والأجنبية	0	09-16-2009 11:30 PM