Mms بغيب مثلك و و وَ بجرح غِيآب بَــ/غيآب !

محروم.كوم · #1 11-30-2011, 07:30 AM

ولهتِي ولو شوي عَلي ؟
إشتقتي لي ؟
قُوليلي : وشلُون المسا مِن غِيري ؟
وشلُون الصبآح ؟
وشلُون يمرُ يومك عليك ؟
بآهت وبردآن وحَزين . .
ولآ يمر مِن بعدِي روعة وممتلِي ؟

والحَبيب اللّي تحبّه ،
مهُو نفس ذاك الحَبيب لو غآب !
فِ الغيآب يصير الحَبيب أجمَل . .
الحَبيب يصِير أشهى .
ومآتشوف في من تحب غِير مآ تحِب !
والخطآيآ تصير هدآيا ترتجيهآ . .
ويورق الغفرآن عندك / مِن سرآب عتاب .

كنآ وآحد ما حنا اثنين
كآن لنا نفس الضحكة ،
ونفس الحِزن . . ونفس الصّبح
ونفسِ القهوة والفنجآن .

يمر الوقت مِن بعدك على عكّآز
وصآرت بعدك أوراقِي . .
فِي صف الحزن تنحآز !
ونسيآنك صآر إعجآز .

إجلسِي فالكرسِي هذآ . . أو هذا
ولآ أقولك ، يمكن أفضَل . .
لو عطِيتي الشمس ظهرك !
إنتي دآيم عآدتك كل مآبديت ويآك حديث
عطِيتي للشمس ظهرك .
واختفى صوتِي بظلآمك

الجوّ جَميل اليُوم . .
يستآهِل إحسآسك
غِيم ورذآذ نآعم ،
صبي الندى بكآسك
خلي ربيع الأرض / رجلينك البيضآ
وشآل السمآ رآسِك !

على كِثر العتآب إزعل /
وأنا كِثر الغلآ برضِيك ،
غلآي أكبر من جرُوح همّت . .
من مزنة عتآبك
أبرضَي كل وردة هم يالغضِي
. . تنبت بيديك
وأبرضي كل دمع
هل يالغآلي من أهدآبك

وشلُون أقول : إن إنتي غير !
غِير البنآت !
وأشلون أخلي للحكِي عنك . .
طعم سكّر نبآت .
وشلُون أقول إسمك :
ولآ يصير لسآني نعنآع ؟
وتصِير حرُوفِي غزلآن !
ويصِير قمر صُوتِي صلآة .

وتسألني عن أخباري ؟
وأخباري ربِيع دآيم . .
بدآ في موسم أمطآرك ،
أخباري : صُور مرسُومة بالألوآن
مآبين نجُوم فرحآنة /
بدفآ الألحآن فِي صُوتِك
أخبآري . . ثوآني حُب ممتدة ،
على طُول الفرح والشُوق !

أذكِر إني قلت لِك :
مِن كثر مَ أشتآقيِك أنسى أجِيك
ومن يُومهآ . .
تركت بإيدينك بقآيآ كحلك السآيل !
وعذر يشبه عيُوني . . ضرِيح .

يَ من يودّي له السلآم !
ولآ وسايد السهّر لآ جيت أنام ؟
ولآ الكلآم . .
اللّي ذبَل بأطرآف أصآبعِي
مِن غبت ،
وأزهر بِي الخصآم ؟!

بنزف حكِي اليُوم ،
إلى آخر ضوآ فِي بحتِي .
وفِيض وسمُوم !
آبنزف الليلة مسآ . . مسآ كِثيِر
ليمآ أشوف عرُوقِي برق
وبصُوتِي شمس
وكِل الدرآيش الخضرآ اضمّدهآ ،
وأقُوم .

لآ تجرح عيُون الثوآنِي بالصبر ،
لآ توآعدنِي تجِيني ومآ تمِر !
وتخلّي أيام العمر . .
وردة فرَح من غير عِطر
وأصير أنا بعدك سطر
هآرب مِن أحضآن الكتآب !
وتنسآنِي فِي بحر العذآب ،
مُوجة حَزن / عَلى السوآحل نتنظر .

شلُون خليتيني اثنِين ؟
وآحد فِي المآضِي حبك . .
أو وآحد يكرهك الحِين ؟
ياللّي حبك الدهشة والغربة ،
ومزرُوعة وسط قلبي مِثل سكِين .
وشلُون خليتينِي اثنِين ؟

أنا مِسفر . . ذكرتِيني ؟
أنا مسفِر :
أنا اللّي بغِيت أنسى ،
ونسآنِي في الهوى النسيَآن !
أنا اللّي كنت أسهر على أهدآبك ..
وذآك اليُوم /
تركت أيآمِي وأحلآمي وأقلآمِي . .

على بآبِك

كملي مِن غيري يُومك
لآ يموت اليُوم فجأة !
أو تضِيع اللحظة صُدفة ؟
وسط صمتِي ، أو همُومِك .
كمِلي مِن غيري يُومك . .
مآنِي عآتب ، ولآ ياعمري بلُومِك .

يُموت النُور فِي هجرة
بِين الليل وفرحة صبُح ،
وينزِف حزن !
وعلى شط الحِزن . .
يوقِف خيآل الشرَح !

ليشَ ش ش !
كِل مآبغيت أوطن إيدِيني في إيدِينك
عن كفِي ، فِي كفك تغيب ؟!
وتنطِفي !
ليشَ ش . .
كِل مآرسمت ملآمحك ،
حتى أعرفك بالترآب ،
تصِير غبآر . . وتختفِي !؟

إذكرِيني فاللّي ينكسِر من الظل
فِي البسمة ليمآ تنتشِي !
فِي عيُون الكِل . .
وليمآ تختآال السمآ /
نُور ويآسمين وفل .

وأنا فآرغ ، إلآ من أورآق صفرآ
وجذع آثل مرمِي !
وحِس ليل ، وآهة سكِين
وإنتِي مآتدرين . .

والعتمة تملي الرُوح وتمسِي آمالنآ ،
تصبِح تصِير جرُوح !
ولآ بقى بالقَلب . .
حآلي ولآ مملُوح .
والخطَوة محتآرة ، مآتدري وين ترُوح ؟
وأصوآتنآ خرسا . .
نمُو و و تَ . . قبل لآ نبُوح ،
ولو بحنآ وشَ يصِير ؟

تجِي نسمه ، تجِي ريح
لآ توقف يوم تجنيح القصآيد
لآ ترُوح وتسترِيح ،
كل يُوم إكتِب قِصيدة
كل صبآح ..
ابتدِي باسم الشعر وافتتح يومك ولُون
بعثر اللّي قبل هاللحظة متكُون
عيدَ ترتيبه وهوّن .

يبه شلُونك ؟
ملل هالدنيآ مِن دُونك !

يبه شلُونك ؟
وتمضَي رحلة الدنِيآ . .
بليآ طلة عيُونِك = (

لآ يهمك إن قلبِي . .
كآن قبل شَوي فِ مرمى سهآمِك !
وكآن حبك متقِي . .
ضربةة سهآمِي !

كآن البحر أزرق ،
كآن الشّجر أخضر ..
وطبع الهوى حنِين ،
مِن رقته ينبآس .

مِثل هاللحظة قِبل إسبُوع :
كآن قلب الفرح يُوقد ..
لقلبي شمُوع !
وإنتِي كنتي فَ حضنِي .

تصدقِين ؟
البآرحة اشتقت لِك . . !
البآرحة ، كِلي شجر
وأورقت لِك !
البآرحة أنا امتلِيت . .
من شمس وجهك والحَنِين ،
وأشرقت لِك .

كِل البنآت اللّي قَبل . .
كآنوا ذنُوب !
وحبك الطآهِر نزَل ( تُوبة هَوى )
تمسحَ ندك كِل الذنُوب !
حبك يخلِيني أتُوب ..
كل العيُون اللي زمآن كآنت
سرآ ا ا بَ ,

مِن يُوم مَ تفآرقنآ ،
رحت وضحكِتي عندك !
عسآك مثلي ؟
نسِيتي ضحكتِك عندي !؟

أنا نفس اليآبس اللّي يوم حبك
صآر أحلى . .
صآر أجمَل ،
وامتلتَ كفه نوآرس !
وامتلى دربَه غمآم ، ــــــــــــــــــــــــــــــــــــــــ ــــــــــــ

-
-
-

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بغيب مثلك و و وَ بجرح غِيآب بَــ/غيآب !	محروم.كوم	منتدى أخبار المواقع والمنتديات العربية والأجنبية	0	11-30-2011 04:00 AM
الله يخليكم بغيت ثيمات للبلاك بيري 8520	محروم.كوم	منتدى أخبار المواقع والمنتديات العربية والأجنبية	0	07-04-2010 05:10 PM
بغيت شوركم فالبلاك بيري 9700	محروم.كوم	منتدى أخبار المواقع والمنتديات العربية والأجنبية	0	02-14-2010 05:10 PM
ساعدوني بغيت أعرف كم سعر البلاك بيري في دبي !!	آهـات خـالـد	هواتف , مسجات , وسائط , برامج , ثيمات , نغمات , بلوتوث	4	11-13-2009 09:08 PM
بغيت مساعدة في البلاك بيري 9000 بولد	محروم.كوم	منتدى أخبار المواقع والمنتديات العربية والأجنبية	0	08-15-2009 12:40 AM