| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
| | LinkBack | أدوات الموضوع | انواع عرض الموضوع |
11-30-2011, 03:40 PM
| رقم المشاركة : [ 21 ] |
| عضو جديد  |  محمد وهو يتحنحن مرة ثانية بصوت أطول :أحم ... اليازية قامت من مكانه وهي تمثل أنها معصبة وطلعت بس أنصد مت .... يوم حصلت الريال اللي شافته في المول قدامها ....اليازية من شافته ربعت داخل الخيمة ...وشلت شيلتها ولابستها وتغشت .....كنت اليازية بتمووووت من الخوف ... محمد كان مستصيب من اليازية ويقول في خاطره ((عنلالالالالالالاتها مطول شعرها ...ومحلى عيونها ...والله أنها غرام ...فيها جمال مش طبيعي ...بس... صدج لي قالوا ... أن الصدفة خير من ألف ميعاد ))... اليازية :مرحبا السااااااع ....قرب أخوي ؟؟؟؟ محمد وهو يبتسم :مرحبا ملالالالالايين ...أشحالج أختي...((شنو أختي والله أنج أحلى من خواتي بمليون مرة)) اليازية:بخير يسرك الحال ..ومن صوبك؟؟؟؟ محمد:الحمد لله ... اليازية :تفضل البيت بيتك ؟؟؟ محمد:السموحة أختي ... اليازية وفيها ضحكة:افاااا عليك ....أنا الغلطانة حسبتك واحد من خواني يلعب عليه علشان أعصب .... محمد وهو ييلس :والله ما تسوين شيء .... اليازية:لا والله كله زاهب يا طويل العمر .... محمد:تراني حلفت يالشيخة ..... راحت اليازية وخلت محمدوه يسوي شاي وقهوة وعصير بارد و يوديه للخيمة ...... اليازية راحت صوب الخيمة وهي متغشية :مرحبا السااااع .... محمد يوم شاف اليازية يايه وقف لها ...... اليازية:أستريح طويل العمر .... محمد:أقول الشيخة وين سالم؟؟؟؟ ماله شيفه تراني أستهمت عليه... أدق له من الظهر بس ما يرد عليه .... و تخبرت عليه في الدوام فقالوا لي ما داوم اليوم...... اليازية:والله هو نايم الحين .... محمد وهو يقوم من مكانه :أوكية ..خبريه أني يت أسال عليه ...وخليه يدق لي ... اليازية:لا والله ما تروح حتى تقهوى ....أما سالم تلقه الحين قايم من النوم ....بروح أخبره أنك هني ..... محمد:مشكورة ....تعبنا ج ويانا ... اليازية:افاااا عليك ...تعبك راحة يا طويل العمر ..... راحت اليازية عن محمد ..... أما محمد تم قلبه يرقص ويقول في خاطره ((يالله محلى منطوقها ...ومحلى سنعها أسميه بنت عرب غاليين على قلبي ....)) راحت اليازية صوب حجرة سالم .....وفتحت الباب وحصلت الحجرة باردة ..و ريحت الحجرة كلها سيجارة ..... اليازية:حشى كم سيجارة دخن أمس ؟؟؟ اليازية راحت صوب الفراش وحصلت سالم نايم ..... اليازية :سالم ....سالم.... قوم الصلاة راح تفوتك ؟؟؟ سالم وهو يطالع اليازية:صليت العصر خليني أنام ...من كم من يوم وأنا ما نمت.... اليازية:قوم ...خويك محمد في الخيمة ...يباك .... سالم وهو نبضان:منوووووووووووو؟؟؟ اليازية:محمد الكعبي أظني ..... سالم وهو يقوم من الفراش :خلاص أنا بتسبح وبروح صوبه ..... اليازية:أوكيه .... راحت اليازية حجرتها وتمت تطالع من الدريشة على الخيمة ....... أما محمد تم يتقهوى و يالس يطالع الفلم اللي كانت اليازية أتابعه ...يالله قطعت عليها الفلم ....بس أنا ما خسرت اليوم شيء والله أنها غرااااااااااااااااااااااااااااام أكيد هذي اليازية ...هيه هي نفسها اللي تلفونها طاح في العين مول ....عليه أنها ما فيها حيله .... راح سالم وخذ له شاور ... وطلع وهو في قمة الجمال والأناقة كان حالق... ويه مــــــــنـــــور لانه نام وعوض عن الأيام اللي طافت... وما نام فيهن ....ولبس كندورة كويتية بيضاء وتسفر التسفيرة الحمدانية وتعطر ...وراح صوب الخيمة ....... سالم:السلام عليكم ... محمد وهو يقوم من مكانه:وعليكم السلام .... وراح محمد وسلم عليه .... سالم:اشحالك؟؟؟محمد محمد:بخير الحمد ...أشحالك أنت ...عساك طيب؟!؟!؟!؟ ... سالم:الحمد لله... محمد:لا ما شاء الله نمت زين أمس ...أشوف ويهك يشع نظارة وحيوية ..... سالم تم يضحك على محمد:هيه نمت أمس الحمد لله .... محمد:الحمد لله ....أقول لك ليش مغلق تلفونك أمس .... سالم:والله ما أدري .... محمد:عنلالالالاتك زاااااد ...والله خفت ليكون صاير لك شيء ..... سالم:ما فيني على حشرة ...وأغلقته ....... راحوا سالم ومحمد صوب الميالس علشان يأخذون راحتهم على الاخر ..... أما اليازية من شافتهم رايحين صوب الميالس ....راحت صوب بيت عمها علشان تشوف العنود ليش ما يتهم حتى الحين .... دخلت اليازية البيت وسمعت أصوات في الصالة ... فقالت في خاطره بروح صوب حجرة العنود ما فيني على نظرات راشد السخيفة ... فهاللحظة كان راشد طالع من الصالة ......و من شاف اليازية تركب الدري علشان تروح الطابق الفوقي تم يتبسم ..... راشد وهو يطالع اليازية:أهليين ....اليازية ... على ما أعتقد السلام لله؟؟؟؟ اليازية من سمعت صوت راشد أفترت صوبه ..... اليازية:مرحبا ...راشد ....أشحالك ؟؟؟ راشد وهو يبتسم لها :بخير ...دامج بخير..... يالغالية؟؟؟؟ .... اليازية وبنقمة:لا والله .... راشد بغرور :ليش ما تسلمين ...ولا ما فيج تشوفيني ويتقطع قلبج ....على حالج ؟؟؟؟؟ اليازية وهي تضحك:هههههه ...... ضحكتني وأنا ما أريد أضحك ..... وااااااايد واثق من نفسك ....ترى اذا تفكر بهالشيء ....فقولك استريح ....أنت ما تستاهل نظرة مني ... وعلى فكرة ترى أختي على ذمتك ...وحرام عليك ...اللي تسويه فيها .... راشد بثقة :أفففففففففف شو يعني أختج ؟؟؟ ... أنا حر بشو أفكر .....ما حد له خص فيني .؟؟؟؟ اليازية راحت وما ردت عليه ........ ... وسارت لحجرة العنود وهي تدعي من الخاطر على حركات راشد البايخة لها ... وتم تقول ((الحمد لله يوم أني ما عرست به ...صدج أنه ممل ....الحمد لله ...ربي يحبني يوم أني ما تزوجت هالثور ...الله يعينج يا ريموه عليه))..... اليازية وهي دق الباب: عنوووووود فتحي الباب ؟؟؟؟ بس العنود ما ردت عليها ..... اليازية:العنود فتحي بسرعة ابا أقولج شيء ؟؟؟؟ العنود كانت تصلي ومن خلصت راحت صوب الباب وفتحت لليازية..... العنود:أهليين اليازية ... اليازية:ساعتين حتى تفتحين ...... العنود:حرام عليج كنت أصلي .....وراحت وسلمت عليها....... اليازية وهي تيلس على الكرسي:سبحان الله نفس سالم ...توه قايم من النوم ؟؟؟؟ العنود وهي تجفف شعرها :صدج .. اليازية:هيه ...أقول العنود ...ترا أخوج كريه ؟؟؟؟ العنود وهي أطالع اليازية:افاااا ليش شو سوا بج ؟؟؟؟ اليازية:ما شيء بس حصلته طالع من الصالة وسلم عليه وقال السلام لله ....ويقول لي الغالية ...وشو بعد ....أمممممممم .....أيوه وقال ما تبين تسلمين عليه حتى قلبج ما يتقطع على حالج .... ((وهي تأشر على عمرها ))يعني الحين أنا حالي يكسر الخاطر ...... العنود:صدجه ..... اليازية:لا والله ....أنتي عند حزب أخوج ؟؟؟؟ العنود:لا والله بس صح أنتي تأثرتي بزواجه من الريم ....... اليازية:قبل ؟...الحين الوضع أختلف ..... العنود:شو اللي أختلف .... اليازية:خافي ربج العنود .....ألحين راشد متزوج من الريم ...وصح أنتي تأثرت في البداية ..بس الحين متزوج بأختي ..وريموه وايد فرحانة بس هو الخام تفكيره خايس .... العنود:أوكيه .... اليازية وهي أطالع العنود :عينه زايغه الحمد لله أني متزوجته .... العنود:الحين عرفتي عيوبه ...أولا يوم أقولج راشد يطالع الحريم تقولين لي بالعكس من يشوف الحريم ينزل رأسه .... اليازية:أااااااااااااااااااه ....صدج أن الحب أعمى ....أول كنت أشوفه مثل الملاك ......وعمره ما راح يخطي في حقي .. العنود:خلي راشد في حاله ..... اليازية:راشد أنا مخلته في حاله ....بس قلبي عند ريموه المينونة الله يعينها على رشود هذا .... العنود:خليهم بيتفاهمون روحهم .... اليازية:اااااااااااااااه ....غير خواني .....ما يطلعون في الحريم ؟!؟!؟!؟!؟... العنود:جب ...جب ...بقول سالم ومحمد ما يطالعون بس مبارك عينه بتطلع من مكانها يوم يشوف حرمة خاطفة جدامه .... اليازية تمت تضحك على العنود ...... اليازية:عنود قولي شفت منو اليوم ؟؟؟؟ العنود وهي تتعطر :منوووووو؟؟؟.... اليازية: محمد؟؟..... العنود :منو محمد؟؟؟ اليازية: محمد الكعبي... العنود:منو هذا محمد الكعبي.... اليازية:أففففففف منج يالعنود راعي العين مول .... العنود:وين شفتيه ..... اليازية:في بيتنا العنود وهي مستغربة :بيتك ليش ياي ؟؟؟؟ اليازية:يتخبر عن سالم ...اللي كان مغلق تلفونه و نايم وحتى أنه ما راح الدوام اليوم .... العنود وهي مستهمة على سالم:ليش ما راح الدوام ؟؟؟؟..... اليازية:يقول أنه تعبان ... العنود:عني أفداه .....أن شاء الله ما يشوف شر ... اليازية:أن شاء الله ....يا ويل حالي محلى ابتسامة محمد ....ومحلى الغمزات يوم يضحك ....غراااام الله يخليه لأهله .... العنود وهي طالع اليازية بنص عين :أمممممممم ...اليازية ما يكون قلبج دق ...... اليازية وفيها ضحكه:حرام عليج عنود.....هذا اللي أنتي تعرفين عدل تقولين عني جذي ....وين الناس اللي ما يعرفوني .. العنود:لا بس أشوفج تمدحينه ..... اليازية:بسم الله منج ... الرحيم يمدحونه العرب ...ما فيها شيء العنود ما ردت عليها ..... اليازية :يا ويلي محلى عيونه ..... العنود:أفففففففففف منج ياليازية خلاص فهمت أنه حلو الله يهنيه بجماله .......غيري الموضوع ؟؟؟ اليازية:يالله ليش مضايجه أنتي؟..؟؟؟ .... العنود وهي تيلس على الكرسي وخانقتها العبرة :خلاص اليازية ما أقدر أستحمل أكثر من جذي .... اليازية:تستحملين شنو ؟؟؟؟؟ العنود وهي مبوزة:سالم .... اليازية:شو فيه سالم؟؟؟ العنود:كلمته أمس .... اليازية:يا ويلي منج يالعنود ...شو تبينه ؟؟؟؟ العنود واللي تنزل الدمعة من عينها :أحبه .... اليازية:ما أختلفنا..... أنتي ليش تيصحين؟؟؟؟؟ .... العنود:قالي ؟؟؟ اليازية:شنو قالج ؟؟؟؟ العنود:أني لازم أعترف له منو أنا ....لأن هله يجبرونه أنه يتزوج من بنت عمه واللي هي أنا وهو مو راضي ...وقال لي ما تتصورين أشكثر أكرها من كثر ما يرمسوني عنها ويقنعوني أني أتزوجها ....فهاللحظة تمت العنود تبكي ... راحت اليازية ولوت عليها علشان تهديها ....... اليازية: خلاص عنود ما يستاهل كل هالدموع؟؟؟ العنود:أشلون ما يستاهل و انسان أنتي تحبينه وتموتين على التراب اللي يسير عليه..ويقول لج أنه يكرهج شو تتوقعين ردة فعلي .......والله أني تعبت حاولت أبين له بأي طريقة بس هو ما يفهم عليه ...شو أسوي .... اليازية:لا تكلمينه خليه ينسى شمسة ....وبعدين فالاول و الأخير راح يتزوج بج ؟؟؟؟ العنود وهي تمسح دموعها :شو يعرس بي بالغصب ...والله أني أتمنى ما أعرس امره ولا أتزوجه وهو مغصوب عليه ... اليازية:خلاص أنا بكلمه ولا بخبر مبارك ؟؟؟ العنود:والله ما تقولين لحد ......واللي بيني وبينه أن شاء الله بنتفاهم عليه ...واللي كاتبه الله بيصير ..... اليازية:قومي غسلي ويهج .......وخلينا نروح بيتنا .... العنود:ما أريد أروح بيتكم .... اليازية:أفففففففففف قومي خلينا نروح ....ترى أنا ما أحب أجواء بيتكم ..... العنود:يرحم أيام زمان ... اليازية:أمانة لا تذكريني ولا ترى بصيح .. &&&&&&&&&&&&&&&&&&&&&&&&&&&&&&&&&&&&& في بيت سيف الخييلي ..... في حجرة سارة.... سلامة وسارة الوحدة يالسة و طالع الثانية ..... من الضيج ....... سلامة:مليت كل يوم نفس الشيء ؟؟ ... ... سارة:حتى أنا مليت ...ياربي متى بيي شهر تسع .... سلامة:ياليتنا ندوام الحين والله ضيج ..... سارة:يا ليت ما تبني بيت ..... سلامة وهي طالع سارة:أقول سارة حد في بيتكم .... سارة:لا ....ليش ؟؟؟ سلامة:متأكدة ... سارة:هيه ... سلامة:يالله نشي ...خلينا نغير جـــــــــــــــــــــــــــــــو .... سارة وهي مستغربة :وين بروح ؟؟؟؟؟.... سلامة:ما بروح مكان خلينا نشغل المسجل ونرقص.... سارة:ظنج؟؟؟؟؟ ..... سلامة:هيه ...شوري أبرك من شورج .... وراحت سارة وشغلت المسجل غنية عيضة المنهالي مصدر جنوني وطولت على الاخر ..... و تمين من غنية لأغنيه والبنات أرتبشن و قامن يرقصن...وكل وحده فجت شعرها و قامن ينعشن... سلامة :تعيش حرمت أخوي ؟؟ راحت سارة وتمت تيبس عدال سلامة:الله لا شلج يا سلامة ...هيه عااااااااااااااااشو .... سارة بصوت عالي: والله إنا مخبل... سلامة: براينا....خلينا ......نفكك رؤسنا .... سارة:هيه صدقج..... فهاللحظة كان أحمد يصلي صلاة العصر ومن سمع الربشة قال في خاطره أكيد هذي سارووووووه مستهويه ... وراح وخذ له شاور وتلبس وتعطر وتكشخ على الاخر ......يوم طلع من حجرته سمع صراخ وتصفيق من حجرة سارة ... أحمد وهو يسير صوب حجرة سارة و يكلم عمره (( شو هالتصفيق والصريخ كله... أمكن سارة مسويه حفلة في حجرتها ....وأنا ما أدري ))... سارة وسلامة وهن بعدهن شالات البقعه بالأغاني......... إلا ينفج باب الغرفة بقوه وكانت سلامة من حظها إنها مجابله الباب...حتى في هذيج اللحظه كانت تنعش وشعرها مغطي على ويها وما نتبهت إلا يوم شافت كندوره بيضى ... ورفعت رأسها بسرعة وطاحت عيونها بعيون أحمد إلي من شكله كان مستغرب منهن ...و تمت أطالعه وهو يطالعها في البدايه كان شكله منصدم...بس بعدين تم يضحك عليهن ...أما سارة فربعت بسرعة صوب المسجل وبندته... أحمد وهو يتبسم :ليش بندتي المسجل كملن ....سارة شغلي المسجل أبا أشوفج يا سلامة وأنتي ترقصين .... وسلامة على حالها ... بعدين أداركت الموضوع و انتبهت لوضعها فربعت بسرعة وشلت شيلتها وغطت شعرها ... كان ويه سلامة كل شوي يتغير بلون .... سارة تمت ميته من الضحك على أشكلهن .... أحمد:أسميه يا حظي يوم بكون ريلج يا سلامة ... سلامة ما تكلمت ونزلت رأسها (يونها مستحية )....... أحمد:سلامي ... سلامة وهي ترفع رأسها ...وطالعه.... أحمد:أحبج ..أحبج ..أحبج ...أحبج ... سلامة من سمعت يقول لها أحبج ربعت صوب الحمام وسكرت على عمرها وتمت تضحك بتمووووووت من الفرحة تقول أول مرة يقولها حقها ..... أحمد وهو يطلع :كملن رقصكن ....عليه أنكن غرااااااااااااااااااام .... سارة:ضنك .... أحمد:أه من الغزال اللي عندج .... تمت سارة تضحك على أحمد ,,,,,وبعد ما راح أحمد عنهن .... راحت سارة وقفلت الباب وراحت صوب حجرة الملابس وتمت واقفة قدام الحمام.... سارة وهي تضحك:فتحي سلالالامي ؟؟؟ سلامة وهي تفتح الباب:والله أنه عجيب أحمد .... سارة:أنزين طلعي ... سلامة من فتحت الباب راحت صوب سارة وقرصتها بقوا على كتفها.... سارة:اييييييييييييييي عورتيني أنا شو سويت ؟؟؟ سلامة:ليش ما قفلتي الباب وراج ؟؟؟ سارة:نسيت ... سلامة:اهااااا نسيتي والله أنج متعمدة هالشيء ؟؟ .... أنزين ليش ما قلتي أن أحمد موجود في البيت .... سارة: ...أمممممممم ..... كان نايم ... سلامة:يعني موجود في البيت ... سارة:هيه ...بس من ينام ما يحس بلي حوليه ... سلامة:بقرة ... سارة:حقيرة ... سلامة:نذلة .. سارة:متوحشة ... سلامة:حيوانة ... سارة:أفففففففففففففففف خلاص والله أني مليت ... سلامة:أنزين فتحي الانترنت خلينا نضيع وقتنا شوي .... سارة:من عيوني ... سلامة:تسلم عيونج ...يا حرمة أخوي ... وتمين سارة وسلامة على سوالف وضحك .... .................................................. .................................................. .. بالباجر ..... كان الجو رهيبة ....على الرغم من أنه شويه حر الا الجو كان غيم .....والكل مرتبش لأنهم بيرحون العزبة بعد ما رتبوا أغراضهم اللي يحتاجونها ... الكل كان فرحان بها لطلعة لأنهم يحتاجون تغير جـــــــو ...... اليازية:أنا بروح عند سالم في سيارته ؟؟؟ سلامة:.......أنا بروح عند مبارك ... العنود وهي محتارة تروح عند منو :وأنا أروح عند منو؟؟؟ ... اليازية وهي تغمز للعنود :أكيد عند حبيب القلب .... العنود وفيها ضحكة :ظنج ؟.... اليازية:هيه ...... راحت العنود واليازية ومنير ونيرة وسيف عند سالم في سيارته ....أما سلامة راحت عند مبارك وعندهم سعيد ....محمد راح في سيارته هو وأم محمد وبو محمد وعفراء وحمد الصغير ....... في سيارة سالم ..... كان سالم مطول على غنية ميحد حمد _دموع المحبين _ منابع دموع المحبين عيني .. تبكي على نفسي وتبكي على الــــغير وعن الغلا يا ساريه خبريني .. هل عاد له في قلوب الأحباب تأثير قلب الفراق اللي غدى له حنيني .. ظميان والقصة ما هي جمة البير لكنها شوق يدفه ضنيني .. يا الله عســـــــــاها ما تطول المــــشاوير نوارتي .. تجمعي واجمعيني .. وتغــــــــطرسي على جميع النواوير مالي عذر حتى أقول اعذريني .. بس احفظي تركـــــيبة البيت الاخير أشرف مثل مقاصده تحتويني .. قل العــــــــــــطا .. ولا كبار المعاذير خلي علامات الشــــــقا في جبيني .. عطر وبساتين وورود وعصافير أبي أشوف العيد في مقلتيني .. وآركــــــــــــــب لقلبي جناحين واطير وابي أعيش العمر ما عاد فيني .. أصادم الأيام والا المـــــــــــــقادير يا مشغلة خط الغرام اشغليني .. تراي جــــــــــــــــــــــوال بليا فواتير تمردي على النظر في وسط عيني .. وتعددي على وجيه الجــــماهير لأن المنام اللي بغيه يجيني .. عيا يجيني لين مــــــــــــــسيت بالخــير العنود كانت يالسه وراء سيت سالم ....وكانت طالع شعر سالم اللي طالع من الغترة ...... وتقول في خاطرها :ياويلي على ألمس شعرك .... ...سكتت ..... أاااااااااااااااااااااااااااااااااااااه يا سالم خسارة الغلا ...ليش تحاول أنك تعذبني بأي طريقة ...حرام عليك اللي تسويه فيني ...والله أني ما أستاهل كل هذا ...بس شو أسوي هذي حكمة الله وهذا المكتوب ..... اليازية وهي تغمز العنود:عنوووووود شو فيج ؟؟؟؟ العنود وهي تلتفت لليازية : هاه ...ما فيني شيء ...بس الغنية وايد حلوة .... اليازية:أكيد حلوة مدام ميحد يغنيها .... العنود وهي تفتر للمنظرة وتمت طالع سالم منها ..... فهاللحظة طاحت عين سالم في عين العنود .....لأحظ سالم لمعة حزن في عيونها وشكلها كان يكسر الخاطر ..... سالم وهو يقول في خاطرها ((أدري أنج تحبيني يالعنود ....بس ما أقدر أكون ريلج ...أنا انسان أحب ولازم أتزوج بالانسانة اللي أحبها ....يالله أنك تعوض العنود بواحد أحسن عني وتسعدها ...)) اليازية كانت تلاحظ نظرات سالم للعنود ....ونظرات العنود لسالم ... كانت تقول في خاطرها ((والله أنج مظلومة يالعنود ....تحبين واحد ما فيه قلبه ذرة الحب أو الرحمة تجاهج ...ياربي تسعد العنود وتفرحها وتجبر بخاطرها ....يالله)) في سيارة مبارك ..... مبارك:سلامي .... سلامة واللي ماسكة سعيد وتكلمه :عيون سلامة لك ؟؟؟... مبارك:الله يخلي عيونج ......سارة قالت لج شيء ؟؟؟؟ سلامة:بموضوع الخطوبة ...... مبارك:هيه ... سلامة:لا ما كلمتني ... مبارك:ظنج بتوافق ... سلامة:أكيد .... مبارك:الله يسمع منج ... سلامة:أممممممممم ....مبارك ... مبارك وهو يطالعها :شو فيج ؟؟؟ سلامة:هاه ابا أقول شيء بس مستحيه ؟؟؟؟ مبارك:افاااااا عليج تستحين مني ؟؟؟ سلامة:لا.......... بس .... مبارك:رمسي شعندج ؟؟؟؟ سلامة:أنسى الموضوع .... مبارك وهو يطالعها بنص عين:سلامة؟؟؟؟ سلامة :أنزين ؟؟؟؟أنزين بس لا أطالعني جذي .... مبارك: لا حول ولا قوة الا بالله ... سلامة:سالم .... مبارك:شو فيه ؟؟؟؟ سلامة:أحس به واااايد متغير ....وشيء في خاطره .... مبارك:وأنا شو خصني في الموضوع .... سلامة وهي تغمز لمبارك بعينها :ممكن مخبرك بشيء مني ولا مناك؟؟؟ .... مبارك:على شو ؟؟؟؟؟ سلامة:ممكن يحب بوحدة ....وتزوجت من قريب .....وهو حزين على فراقها ؟؟؟؟؟ مبارك وهو يضحك : والله ما عندي خبر ....يوم بنوصل العزبة تخبريه ... سلامة:لا ...أخاف يزعل مني ...... مبارك ما رد على سلامة وتم يقول في خاطرها ((هذي الإنسانة ذكيه وتفهم كل اللي يصير من حولها ))....والله يعينك يا سالم على أسئلة هل البيت تخلي الواحد يمووووت من القهر ..... وبعد نص ساعة ...وصلوا العزبة ونزلوا أغراضهم.....وبعدين الصغارين راحو صوب العراقيب يلعبون ....وأم محمد وبو محمد راحوا صوب الحلال ومحمد راح عندهم ....أما البنات وعفراء وسالم ومبارك توا يالسين في الخيمة (( اللي مسوينها يوم يروحون العزبة يلسون فيها)) ..... اليازية:عنوووود قومي خلينا نروح صوب رأس العرقوب ؟؟؟ العنود ما تبا تتحرك تبي بس اطالع سالم وتتأمل فيه :ما فيني ...خليها بعد شوي ؟؟؟؟ اليازية:قومي عنود أمانة و رفجة عيون الغالي .... العنود وهي اطالع سالم :بس علشان عيونه أنا بروح .... سالم ما تكلم ....وتم يتبسم .... مبارك وهو يضحك :منو هذا الغالي ....أمممممم ....أدري تتكلمين على منو .... ((تم يطالع سالم ويرمس ))بس المشكلة ...أن الحبيب انسان ما يحس ولا عنده ذرة رحمة تجاه الحبيبة ........أاااااااااه خسارة..... لو كنت أنا والله لا أعيشج في الاحلام الوردية .... العنود ما تكلمت وتم ويها مثل الطماطة من المستحى ............ اليازية:العنود قومي خلصينا .... قامت العنود وراحن هي و اليازية صوب رأس العرقوب .....وتمين يالسات على سوالف وتعليقات على قوم منيرة ونيرة .... اليازية:خاطري في نسكافية ؟؟؟؟ العنود:حتى أنا ...... اليازية:أتصلي بحد منهم علشان يب لنا النسكافية هني ..... العنود:لا والله وين تلفونج ؟؟؟؟ اليازية:في البيت .... العنود:وليش حاطته في البيت .... اليازية:بسم الله ....تحقيق ...ما فيه جرج ..... العنود:صدقتج .... اليازية:عنود حرام عليج والله ما أكذب ..... العنود:أنزين تبينا نتصل بمنو ؟؟؟؟ اليازية:أي حد منهم ؟؟؟ العنود:شو رايج نتصل بمبارك ....هو ما يعرف رقمي صح .... اليازية:شو دراه عن رقمج؟؟.... العنود وهي تضحك :بنلعب به ..... اليازية :يالله ما ورانا شغلة ....وبعدين بنخلي سلامة تيب النسكافية صوبنا ..... العنود:فكرة عجيبة ...... اليازية:أكيد ...يا أم الأفكار .... اتصلت العنود بمبارك .......صاح التلفون ..... راح مبارك وطلع التلفون من مخباه .....ومن شاف الرقم تم مصدوم وما قدر يتحرك ...... سلامة:مبارك رد على التلفون ....شو فيك ؟؟؟؟؟ مبارك وهو يطالع الرقم :هاه .... وشوي .....راح مبارك وطلع من الخيمة ....ورد على التلفون .... مبارك:ألووووو .... العنود بصوت ناعم :ألووووووو.... مبارك:هلا وغلا بشيخة المزايين ... العنود وهي تحط أيدها على التلفون : خطير مبارك ....يتغزل بعد؟؟؟ اليازية:ردي عليه .... العنود:أشحالك ؟؟ مبارك:بخير يسرج الحال ....يا ................... العنود بدلع :منو ؟؟؟؟؟أنا ؟..... مبارك:أمممممم .... العنود:تكلم الشيخ ....ليش ساكت ؟؟؟؟ مبارك :شمسة ...... العنود وهي مصدومة :شوووووووووووووووو؟؟؟؟؟ منو شمسة أنا العنود بنت عمك ..... مبارك تم مصدوم مستحيل تكون شمسة هي نفسها العنود ....لا أكيد أن مغلط في الرقم بس كيف أنا مسجل شمسة في تلفوني بأسم راعيه المسجات ........يعني هذا رقم العنود .....هو نفسه رقم شمسة .... العنود تمت مرتبكة وبتموووووت من الخوف ....وسكرت في ويه مبارك ..... العنود وهي تصيح وماسكة على رأسها :ياويلي شو دراه مبارك بشمسة ؟؟؟ اليازية وهي تحت تأثير الصدمة :هاه......ما أدري ؟؟؟؟ العنود وهي تصيح:اليازية والله أني بموت من الخوف ......ياربي أستر عليه ..... اليازية:لا تخافين أنا عندج ....... تمت العنود بتموت من الصياح واليازية يالسة تهاديها وما نزلن من العرقوب حتى المغرب .....نزلن علشان تصلين صلاة المغرب ...... العنود وهي تنزل من العرقوب: أاااااااااااااااااااااااااه صدق أني منحوسة .......يا ليتني مت قبل لحد يكشفني ....ياربي شو راح تكون ردت فعل سالم اذا عرف بالموضوع ....اليازية..... اليازية:شنوووو؟؟؟؟ العنود:ظنج مبارك بيخبر سالم بالموضوع ؟؟؟؟ اليازية:لا مستحيل يخبره .... العنود:الله يسمع منج قولي أمين ؟؟؟؟ اليازية وهي خايفة على العنود:أمين .... نزلن وحصلن مبارك يطالعهن واللي كان يتوضأ..... العنود وهي تحاول أنها ما طالع مبارك ....أما اليازية كانت خايفة أكثر من العنود ...... مبارك:أهليين ....ليش ما نزلتن ....من الصبح ؟؟؟؟ اليازية:كنا نتكلم ....واصلا مافينا على حشرة قوم نيرة..... مبارك:اها جذي السالفة ؟؟؟؟ اليازية:هيه ..... مبارك:أقول عنود تعالي ابا أكلمج .... العنود وهي مرتبكة :بعدين ...الحين بروح أصلي .... مبارك:ما لج مفر مني .....تراني أدري بالسالفة ...بس ما خبرت سالم .... العنود ((و خانقتها العبرة)) وهي تتقدم للمبارك :مبارك؟؟؟؟ ..... مبارك وهو يطالع في العنود:أمريني ؟؟؟؟ راحت العنود ومسكت أيد مبارك (((كأنها تترجاه أنه ما يخبر سالم ))) :أمانة ما تخبر سالم ....اذا لي معزة في قلبك لا تخبره .. مبارك وهو يبعد أيد العنود منه :أمره لا تفكرين بالموضوع ما دامني أنا عندج .... العنود وهي تصيح :الله لا يحرمني منك ..... مبارك وقلبه يتقطع على العنود اللي كاسره خاطره :روحي صلي ممكن ترتاحين شوي ..... دخلت العنود وتمت تصلي وتدعي أن ربها يستر عليها .....يوم كانت تصلي كانن الدموع تنزلن من عيونها .... سلامة تمت مستغربه من العنود ............... واللي كانت تصلي عدالها .................. سلامة بعد ما سلمت تمت اطالع العنود ..... العنود كانت فهاللحظة تدعى ربها وبعد ما خلصت تمت تستغفر والدموع تنزل من عيونها ...... سلامة وهي تمسك أيد العنود:عنوووووود ....شو فيج ليش تصيحين يا قلبي؟؟؟؟ العنود وهي تمسح دموعها :ما فيني شيء ....بس تراب دخل عيني ....... سلامة:لا تكذبين عليه ....شو فيج ...خبريني حد تواجع عندج ...... العنود وهي تقوم من مكانها :أقول لج ما فيني شيء ....صدقيني ..... سلامة تمت مستغربه وتقول في خاطرها (ليش العنود تبكي ....ياربي أنا لازم أعرف السالفة شو فيها ممكن متواجعة عند اليازية لا ما ظني ....بس ليش تبكي أكيد في خاطرها شيء...) العنود طلعت من الخيمة وراحت صوب العرقوب وتمت يالسه بروحها .....أما سالم بعد ما صلى تم يطالع العنود اللي يالسه بروحه ...... اليازية وهي تيلس عدال سالم :علومك سالم ؟؟؟؟ سالم واللي عيونه في العنود:هاه ....علومي طيبة ؟؟؟ اليازية: شو فيك ؟؟؟ سالم:اليازية ..ليش العنود يالسه بروحه لا يكون زعلتيها .... اليازية:أنا لا والله ...بس تلقها تبي تيلس بروحها .... سالم:تصدقين اليازية ؟؟؟؟ اليازية:شنو ..... سالم:كاسرة خاطري العنود أحس أني ظالمها .... اليازية:توك تدري أنك ظالمة ..... سالم:ليش هي تحبني ؟؟؟؟؟..... اليازية:............. ما تكلم سالم وتم يطالع العنود وقلبه يلومه ليش أعذب العنود هي شو سوت حتى أكون عليها قاسي ....العنود ماهي أحسن عن شوق بشيء ....بس .... فهاللحظة يلس مبارك .......وقطع أفكار سالم ... مبارك وهو يطالع اليازية:وين عنود عنج ؟؟؟؟ اليازية وهي تأشر على رأس العرقوب :يالس هناك .... مبارك:خليها تنزل ...... اليازية وهي مستغربة :ليش ..... مبارك:قومي بنروح البيت .... سالم:ليش بتروحون البيت ..........من الحين؟؟؟؟ مبارك ((وهو يدور على كذبة)):العنود رأسها يعورها وتبي تروح البيت .... سالم وهو مستغرب من هذا العذر :ليش يعورها رأسها .... مبارك وفيه ضحكه : والله ما أدري يا أخوي.....روح أسالها ... سالم:وليش أنت ناقم ..... مبارك ما رد على سالم وركب سيارتها وخلى اليازية تركب عنده وراحوا صوب العنود اللي يالسه على العرقوب ..... العنود من شافت سيارة مبارك مقبلة صوبها تمت تمسح دموعها ...... مبارك وهو ينزل الدريشة :عنود ؟ العنود:هلا .... مبارك:قومي ركبي .... العنود:ليش ... مبارك:بنروح البيت .... العنود:ليش ... مبارك:ركبي أقولج .... العنود:أن شاء الله.... ركبت العنود من وراء وطول الطريق ولا نطقت بكلمه .... مبارك تم يعابل المسجل وحط منوعات ...... وكانت غنية راشد الماجد _تضحك الدنيا_ &((..الله لا يجيب الزعل بينك وبيني وأن زعلت أرضيك أنا يا نور عيني ...تضحك الدنيا في عيني لا رضيت وأقبل أعذارك وأسامح لو خطيت لو أقول أنك حياتي ما وفيت كيف أنا أضيع حياتي من أيديني ...الله لا يحرمني منك ومن حلاك ومن دلالك ما تمنى غير شوفك تبتسم مرتاح بالك أنا محتاج لحنانك مهما كان شوفتك عندي لها قدر وشأن أنت في بالي وأحبك من زمان أنت من يقدر يخيب فيك ظني ..))& العنود من سمعت الغنية تمت تبكي بدون صوت ...بس مبارك لأحظ هالشيء على حركات العنود وبند المسجل ... مبارك:العنود ليش تصيحين ؟؟ العنود ما ردت على مبارك ..... مبارك وقف السيارة ......وأفتر صوب العنود .... مبارك:العنود شو فيج .....ليش تصيحين ؟؟؟؟ العنود وهي تفتر صوب الدريشة :ما فيني شيء بس خاطري أبكي ... مبارك:على شنو تبكين ؟؟؟ العنود:على كل شيء .... مبارك:على سالم .... العنود ما ردت على مبارك ... مبارك:العنود ...تدرين أن سالم يحب بنت أسمها شمسة و يترسلون بالمسجات ....والحين طلعت هذي البنت هي أنتي ... ليش تصيحين أن شاء الله سالم بيكون لج ..... العنود:خلاص ما أبه ..... مبارك:بها لسهولة راح تفرطين فيه ؟؟؟ العنود ما ردت على مبارك .... مبارك:العنود أنا أكلمج ردي عليه ... العنود:شو تبيني أقول لك ؟؟؟؟ مبارك:بكل شيء .....ليش سويتي جذي ...تدرين أن سالم ما راح يأخذ غيرج .... العنود:تعبت من كثر ما أبين له بس هو ما يحس .... اليازية:منو قالج أن سالم ما حس فيج الحين هو قالي أنه ظالمج ....وسألني اذا أنتي تحبينه أو لا ...يعني حاس بشيء تجاهج ... العنود:خلاص راح أحاول أنساه ..... مبارك:عنود سالم لج وأنتي لسالم خلي هالشيء في بالج .....وأنا تراني عندج و بحاول أقنع سالم أنه يأخذج .... العنود تمت تصيح :أمانة لا تخبر سالم أني شمسة ؟؟؟.... مبارك:أن شاء الله بس أنتي لا تصيحين .... العنود وهي تمسح دموعها :مشكور يا مبارك على وقوفك عندي ؟؟؟ مبارك:افاااااا عليج كم العنود عندنا ...... فهاللحظة صاح تلفون مبارك وكانت سلامة ..... مبارك:ألووووو سلامة:يا سلام ليش تروحون وتخلوني بروحي عند هالوحوش ..... مبارك:لا والله تراج تصيحين العزبة ....يلسي حتى تشبعين .... سلامة وهي مبوزة:وين أنتوا ؟؟؟؟ مبارك:والله قريبة من الشعبية ..... سلامة:اااااااااااااااه يالقهر ليش ما خبرتوني ........ مبارك: السموحة يالشيخة سلامة ......نسيتج .... سلامة:منو عندك أنزين...... مبارك:منو غيرهن العنود اليازية .... سلامة:أنزين العنود ليش تصيح ؟؟؟ مبارك وهو مستغرب منها وتم يقول في خاطره ((يالله يا سلامة حشى ما يفوتج شيء )) :تصيح ...والله ما أدري عنها .... تبيني أسالها .... سلامة:لا ...أوكيه مع السلامة __DEFINE_LIKE_SHARE__ |
|
| |
 |
| مواقع النشر (المفضلة) |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية : قصة حب في لندن( خالد و اليازية) | ملكة جمال العالم | قصص و روايات | 24 | 03-03-2012 04:12 PM |
| إمام جامع الملك خالد الشيخ خالد الجليل يتعرض لحادث مروري | محروم.كوم | منتدى أخبار المواقع والمنتديات العربية والأجنبية | 0 | 10-20-2011 10:40 PM |
| [طلب] تصميم لوجو لمنتدى شبابى خالى من الاغانى والافلام | محروم.كوم | منتدى أخبار المواقع والمنتديات العربية والأجنبية | 0 | 06-03-2009 11:40 PM |
| «الأمن» يجبر عمرو خالد على الرحيل إلى لندن.. ويمنع برامجه فى الفضائيات | محروم.كوم | منتدى أخبار المواقع والمنتديات العربية والأجنبية | 0 | 06-03-2009 07:40 PM |
| صورة حربي العامري و اليازية فالهايد بارك في ( لندن ) | +[ ملاك الحسن ]+ | صور فنانين و فنانات | 53 | 01-29-2009 05:51 PM |
الساعة الآن 01:27 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227