قصة واقعية حب اليازية و خالد غير عن قصة اليازية و خالد في لندن

ملكة جمال العالم · 11-29-2011, 11:18 PM

الساعة 7 المغرب......
قامت سلامة من رقاد راحت تسبحت وصلت وتكشخت ونزلت تحت وحصلت العنود واليازية والريم يالسات تشربن نسكافية..
سلامة وهي تنزل من الدري :السلام عليكم ....
الكل:وعليكم السلام .....
راحت سلامة وسلمت على العنود اللي ما شفتها من يومين :اشحالج العنود ....
العنود:بخير ....اشحالج أنتي ؟؟؟؟
سلامة:بخير ...لو ما الفحص ؟؟؟؟الله يغربلهم ....عسى
العنود وهي تضحك : هههههه ليش فحصتي اليوم حق الجامعة ؟؟
سلامة:هيه ....
العنود:أكيد اليوم كان طماشه ....ياليتني أدريبج كان راحت عندج ؟؟؟
سلامة:ياليتج رحتي عندنا .............رحنا أنا وسارة وأمها ......
العنود:رحتن السوق ؟؟؟
سلامة:لا....... بس ....أم سارة راحت السوق بروحها ...
الريم:أصبلج سلامة نسكافية ؟؟؟؟
سلامة:منو مسويه ؟؟؟
الريم:العنود وسلامة .......
سلامة:خلاص صبيلي ........
الريم:من عيوني ؟؟؟
سلامة:تسلم عيونج يا قلبي ...متى قمتي من النوم الريم؟؟؟
الريم:الساعة 6 المغرب ....
سلامة:سلام عليج .......نومج ملخبط فوق تحت ؟.........
العنود:بترتبه بعد العرس ....
الريم وفيها ضحكه :لا والله؟
سلامة:وين هل البيت عنكن .؟.؟.؟
اليازية:راحوا صوب العزبة بيتعشون هناك ......
سلامة:أشوف البيت هادى ....قومن نطلع صوب الخيمة ؟!!!!!
فها للحظة دخل سالم الصالة ....وكان شكله تعبان
سالم:السلام عليكم ...
الكل:و عليكم السلام ...
راحن البنات(اليازية وسلامة والريم) وسلمن على سالم....
العنود:اشحالك سالم ؟؟
سالم:بخير ...يسرج الحال ...اشحالج أنتي ؟؟
العنود:بخير الحمد لله ....
سالم: استرحن..........
سلامة:علومك سالم من وين ياي ....
سالم:ياي من أبوظبي ....
سلامة:ليش رايح أبوظبي ؟؟؟؟
سالم:عندي شغل ...
سلامة:اها ............ أصبلك شاي ولا نسكافية ....
سالم:صبيلي شاهي ...
سلامة وهي تصب شاي :من عيوني ....
سالم وهو يمسك الكوب:تسلم عيونج يالشيخة ....
وتموا يرمسون أما العنود فكانت ساكتة وطالع سالم في كل حركة يسويها ......

............................

في الكلية ...
مبارك : تصدق .. و الله اشتقت للعين ..والله تقول هندي مسافر وما شفت البلاد من 20 سنة ....
أحمد : ههههههههههههه .. الله يرحم سفرات أول .. خيييييييييبه تحيد يوم يلست شهرين الا من ماليزيا لتايلاند لما ادري وين؟
مبارك : يييه هذيج أيام الشباب ..والطيش ؟؟؟؟
أحمد : ليش بوحمد ثرك شيبه اللحين ..؟؟؟!!!.. بعدك شباب ..
مبارك : وين شباب الله يخليك جني داق نص العشرين ..
أحمد : تدري مبارك ....أحلا عمر لريال عمر أخر العشرين وأول الثلاثين ..
مبارك : ههههههههههههههههههههههههه و شو الي محلنه ..؟؟..
أحمد : الشعر الأبيض .. هههههه ههههههههههههه ..
مبارك : ههههههههههههه ... بعدنا صغار على الشعر الابيض ....
أحمد:مو الحين تقول الله يرحم أيام الشباب ؟؟؟؟
مبارك:قلت ...بس
أحمد يقطعه:خلاص لا تكذبني ....
مبارك:ما كذبتك ....بس قصدي بأيام الشباب ...أيام السفرات من بلاد لبلاد ... والضحك والسوالف .....مو الحين يالسين في الكلية من تدريب لتدريب وأخر الليل غسل حمامات ....وتنظيف ساحة التدريب ....
أحمد: ههههههههههههه الله يعودها هذيك الأيام ... .أيام السفر ؟!؟!؟!؟!؟!؟
مبارك وهو يأشر بأيده :الله لا يعودها ...
أحمد مستغرب:ليش ؟؟؟الشيخ مبارك ...
مبارك:نحنا الحين في سن زواج وأن شاء الله الواحد فينا يتزوج ويسافر بزوجته .....
أحمد:أن شاء الله ....

.................................................. ...............

الساعة 1ونص الفير .....
كانت العنود تقلب في الرسايل اللي في تلفونها راحت وأرسلت مسج لسالم .......

أرسلت له ....

شلون أكتب عن "غيابك"

وأنا في غيابك "غايب" !!

ماني قايل "عــــــــــذاب"

شيء أشد من "الـــعذاب"

شيء مثل "الاكتئــــــاب "

شيء مثل "الاغــــــتراب"

شيء مثل "الاضطــــراب"

بختصار تقدر تسمي غيابك

{{مـــــــــــوت في عز الشباب}}

سالم كان يتقلب في الفراش ومقدر ينام ... ....بس من سمع بالمسج أفتر صوب التلفون اللي في الجرج وفتح الرسالة ومن قرأها تم يتبسم .....

رد عليها .......

الشوق يسريي جداكم ....

يوم العرب بالنوم غافين ....

مدري متى عيني تراكم ....

وأشوفكم يا أغلى المحبين ....

الله يااااااامكبر غلااااااكم .....

يسوى من العالم ملايين .....

مشتاق وأتمنى لقاكم ......

يالله عسى هالموعد يحين....

ردت عليه ......

انته

وأنا

أنا وأنته

فهمت

فكر

بعدك شوي

أضغط لا تيأس

مستعجل تبي تعرف

اضغط بعد شوي

بعد شوي

أخر محاولة

بعد مرة

أنته وأنا

أقوووووووول

**"عسى الله لا يفرقنا "**

رد عليها ......

ودي أكون "قربك"

ودي أسمع"صوتك"

ودي أرتمي "بحضنك"

ودي أشبك أيدي "بيدك"

ودي أنسيك كل "همك"

ماودي أجرحك

ماودي أزعلك

ماودي أخدعك

ماودي أخونك

ماودي أعيش بدونك

بحياتي وروحي

أصونك....

بس؟؟؟؟؟

حبني مثل ما أحبك """

ردت عليه......

الشـــــــــــــــــوق(ذوبني)

وأنا ميت فـــــــــــــــــــيك

والعين من فرقـــــــــــــاك

حتت هدبــــــــــــــــــــــها

أشفق على وصــــــــــــــلك

والقلب يرجيــــــــــــــــــــك

وأنت الحبيب اللي ........

حياتي نـــــــــــــــــــــــهبها.....

ميت وعاشق كل مافيك وأبغيك !!!

وراحتي (أنت)وحدك سببها ......!!!

تموا ساعة يالسين ومن بينهم المسجات ....وبعد أستأذن سالم من شمسة علشان ينام لان ورآه باجر دوام ......
....................................

في السيارة ...

الريم : بتخبركن .. انا قاصرني قشار من الجمعيه .. شو رايكن اوديكن كارفور..؟؟..
اليازية : لا دخيلج ... ما ابغض شي كثر جمعية كارفور ... وااااااايد زحمة ؟؟
الريم : وين عيل تبيني اوديج ..؟؟..
سلامة : شوفي بنروووح الجمعية اللي في العين مول .... و مناك بنرووح نتسوق في الموووول ..
العنود : سلامة عقلي .. وين المول و ما عندنا ريال ... لالالالالا ..
سلامة : يالله عليج ... ترى الريم عندنا ...عادي
الريم : بسم الله عليّه .. ليش سلامي شو تشوفيني جدامج .. ريال ؟؟؟..
سلامة : هههههههههههههههه .. و الله انتي ادرى بنفسج ... هههههههههههههه ...

و في النهاية راحن الجمعيه اللي في العين مول و اشترت الريم الي قاصر عليها .. و بعدين راحن من الدري الي بين الجمعيه و المول علشان ترحن الطابق الثاني ... و هن توهن عند السلم المتحرك ...
اليازية : العنود .. تحذري لا يطويج هالسير ...!؟!؟!؟!
العنود : يالله يعله يطويج قبلي ...
اليازية : هههههههه ههههههههههههه ...

و في هاللحظه كانو اربعة شباب راكبين السلم علشان يروحون الطابق الثاني ... كانت العنود واااايد تخاف من السلم المتحرك ... ركبت سلامة و ركبت الريم ... واليازية والعنود بعدها ...
اليازية : العنود ... يالله ...
العنود : انزييييييين لا تحشريني ...
انتبهوا الشباب على اليازية والعنود و هن يالسات يكلمن بعض و معليات صوتهن ... و لا واحد منهم قدر انه يرفع عينه عن العنود ... حشى يا عرضتها اسميها تعق الطير من السماء ..
قال واحد : الشييييييييييييييييييييييييمه مستشفى ...
و يلسوو الباقين يضحكون ... من شافتهم العنود .. ما حست بعمرها .. الا و هي تركب الدري ..
...: و الله ما اخليها ..
...: شو وين تبى ... يا بويه خلها عنك ...
...: لا و الله ما اخليها ....

و يروحون الشبيبه صوب الدري الي يودي صوب الطابق الثاني ... العنود من ربشتها و خوفها من الشباب ... ركبت الدري بسرعه .. فداست على عباتها بالنعال .. فأنفتحت العباه .. ما انتبهت العنود .. و وصلن الطابق الثاني .. كان كل الشباب من يشوفونهن لازم يعلقون عليهن .... كانن حاشمات عامارهن ... كانت العنود لابسه لبس بني وااااااااايد حلو .. و سلامة لابسه وردي .. الريم لابسه عباه مسكره و متنقبه .. واليازية لابسه عباه مسكرة وفيها شغل حلو ومتنقبة (تقول أنها يوم تلبس النقاب ترتاح أكثر من الغشوة)و تمو هالاربعه يلحقونهن من مكان لمكان .. راحن صوب نكست و عيبتهن لبوسه فأشترلهن من عنده لبوسه...

سلامة : اريد ارووح كان كان ... ربعي يقولن في تشكيله يديده نازله عندهم حلوه ..أمانة خليني أروح ...
علق واحد عليها : انتي بكبرج حلوه لو لابسه يونيه بتطلعين قمر .. ما تخربين في ذمتيه ...

ذبحوهن الشباب بتعليقاتهن ... كانت العنود واليازية سكتات .. ما تحبين انهن تردين على حد ... بس سلامة و الريم ما كانن يقصرن في السب.....(((بس اذا شافهن مبارك راح يذبحهن))) ....
تمن يدورن كان كان ... مب متذكرات هو في أي طابق و الا وين مكانه .. نزلن للطابق الاول و هالاربعه بعدهم وراهن ...

الريم : انتبهتي لهالسبلان .. من الجمعيه و هم يلحقونا ..
سلامة : منوه ..؟؟؟ .. و جان تفتر وراها ..
....: يا ويل حالي على اللابس الوردي و الله ..
سلامة : يعل حالك السل انشالله ...
...: انزين ليييييييش تدعين ؟؟؟..
سلامة : عيب عليكم ..
رد واحد ثاني عليها : انزين انتي ليش معصبه ..؟؟؟.. هدي اعصابج ..
الريم: يا بويه حشمو من الحرمات .. شو هالحركات ..؟؟...
رد عليها هو نفسه : و الله يوم هالحركات مب عايبتنج .. شعنه تحوطين في المووووووووول ..؟؟..
العنود : و الله انك ما تستحي و لا تخيل ...
...: الغاليه .. لو استحي ما يبت عيال ...
سكتت العنود من قالها جذيه ..
اليازية : الا ما ظني بتظوي الرياييل .. يوم ان المريله بعيده عن لحيتك ...
سكتوا كلهم .. كانت اليازية ساكته و لا تكلمة و هذي اول مره ترد عواحد ...
رد واحد غير عن هالاثنين الي كانو يترادودن معاهن : السمووووووحه منج الشيخه .. و ااسفين ان ازعجناكن و الا غثيناكن .. شباب يله ..(وهو يأشر بأيده للشباب))...
مشن قوم الريم و سمعن واحد يقوله ..
...: بوغيث شو بلاك ...؟؟؟...
مطر : .. ياخي عيب و الله ... و الله بهدلتو البنات ..
...: و انت شو عليك منهن ..
مطر : لو هن من هلك بتقول شو عليك منهن ..؟؟؟..

و ما سمعن باقي الرمسه .. و في النهاية راحن و لقن كان كان .. و عقب ما خلصن طلعن من المول .. و نزلن عند الباركنات وين كان الدريول(محي الدين) موقف السياره ... بس مالقنه ..

تمت الريم تتصلبه .. كان الحبيب في المول يحووط .. تمن واقفات عند السياره يرقبن الدريول ... خطف واحد عليهن و طول عالمسجل .. كان حاط خالد عبدالرحمن ..
( احبك لو تجافيني .. على كل الخطى مسامح.. احبك يا نظر عيني .. و رضاك الزم .. )
سلامة : ما حطيت ميحد يوم حطيت ...
ما انتبهت سلامة ان الريال سمعها .. كان عنده اكس فايف ابيض ..
الريم : ايه ياالسباله سمعج ..
سلامة : و الله ؟؟؟؟...
....: ما طلبتي الشيخه ..
و جان يحط ميحد ..
( ورد جوري يفوح وجناتك ... و الزمرد فيك خصيته .. و المحاسن في تحياتك .. رد قلبي يوم شليته ..ما خلج مثلك و شرواتك .. بالخليج و لا بعد ريته ..)
...: الشيخه الرقم ########..
و في هاللحظه وقف عندهن واحد و نزل الدريشة ...
....: رب ما شر خاواتي ...؟؟؟..
عرفنه ... كان مطر الي كان واحد من الاربعه الي لحقوهن و تواجعن معاهم ..
الريم قوية البأس : ما شر ... يالسات نرقب الدريول ايي ..
سلامة وهي تتكلم بصوت خفيف:وأنت شو يخصك ؟؟؟؟
العنود سمعت سلامة و تمت تغمزها علشان تسكت .....
مطر : اها ... عيل الشيخات لو ترووحن .. و تتترينه هناك أخير لكن .. بدل ما يعلق عليكن كل من هب و دب ...
و ان الدريول توه ياي صوبهن ...
الريم : لا مشكووور الشيخ .. الدريول وصل .. تسلم ..
مطر : ربي يسلمج ...
ركبن السيارة ....
اليازية:الله لا يوفقج يا سلامة ....يعلج الموت يالبقرة؟؟؟؟
سلامة وهي مبوزة:ليش تدعين عليه....
اليازية:خليتينا نروح المول بلا شغله ....والله أن اليوم أنذلينا بسبتج ....
سلامة:لا والله ؟؟؟ على الأقل تسوقنا ...
العنود:صح ...لو خلينا سيف يروح عندنا كان أحسن ....
سلامة:ما صار الا الخير ....
الريم:صدج ....واااايد زحمة اليوم في المول اذا شافنا مبارك والله أنه راح يذبحنا قدام خلق الله ....لا وبعدج يا سلامة أنتي والعنود كاشخات و لابسات لبوس و عبايه مفتوحة ...
سلامة وهي طلع لسانها :عادي والله ماراح يقولي شيء مبارك ؟؟؟
الريم:واثقة ميه بالميه؟؟؟؟؟..
...........................................

الأربعاء( العصر)....

خلصوا أحمد ومبارك دوام الكليه .. و عطوهم اجازه اسبوعين .. و من بعدها بيبدى التطبيق العملي مالهم تبع الكليه بس في مراكز و وظائف عسكريه مختلفة .. عشان يكتسبون خبره و يطبقون دراستهم النظريه عمليا في ميادين الحياه ..

رجع مبارك من الكلية وراح حجرته وتسبح وتكشخ على الاخر ((تقول معرس)) وراح صوب حجرة سلامة .....

مبارك وهو يدق الباب:سلامة فتحي الباب ......
سارة من سمعت صوت مبارك تمت تدور في الحجرة :يا ربي شو أسوي !؟!.!؟!.!؟!.
مبارك وهو يزيد الدق:سلالالالالالامي فتحي الباب ....بس ما حد رد عليه ...راح وفتح الباب وحصل جدامه سارة وكانت لابسه وكاشخه على الاخر وحاطة مكياج خفيف وطالعه شكلها غــــــــــــــــــــــــــرام ...

مبارك تم يطالع سارة .....سارة و هي اتشوف مبارك و هو لابس كندوره بيضى و سفره حمرى و طاونها و لابس نظارات شمسيه .. آآآآآآآه محلالالالالالالالاته .. و مبارك مستغل الوضع و عينه ما فارقت سارة من راسها لريولها .. الله يغربلها محلات اللون الوردي عليها ..
مبارك:أشحالج سارة؟؟؟
سارة:بخير يسرك الحال .!.!.!.وأنت اشحالك؟؟؟؟
مبارك : آآآآآه ياقلبي ..
سلامة وهي توها داخل الحجرة : شعندك ..؟؟؟..
مبارك : آآآه .. مستصيب ..
جان تبتسم سارة و تنزل راسها .. ياويلي ذابحني هالريال ...
مبارك : "أخذت قلبي و روحي وشلك بعيني .. ما تدري انك عيوني لي اشوف بها .. امشي مع الوقت و اطيوفك تخاويني .. نشوت غرامي المحبه من سبايبها .. من سلم لحباب تأمرني و تنهيني .. و لي عاد بيدك حياتي لا تعذبها .. الشييييييييمه طلبتج ..
سارة ميته عليه .. و من يشوفها مستحيه يتخبل .. الله يغربلها بتخبلبي هالبنت .و تموا واقفين ....
سلامة:علوم الدوام ؟؟؟
مبارك وهو يطالع سارة:خلاص ما شيء علينا دوام ...من اليوم ورايح راح تشوفيني ياسارة 24 ساعة ....
سلامة وهي تناقز:صدج ...
مبارك وهو يطالعها بنص عين:أنتي شو خصج؟؟؟؟ ...
سلامة وهي تحك شعرها:هااا ؟؟؟؟.....ما شيء بس فرحت لربيعتي ...
مبارك:يا حيج .....استريحي سارة ....
وراح مبارك عنهن وتمت سارة هب في حاله متخبله والسبب مبارك ......
سارة وهي تلعب بشعرها:عنلالالالالالالالالاته وينه من زمان ما شفته ....
سلامة وهي مبوزة:يا سلام يا سارة أنتي كل يوم تشوفين مبارك وأنا من زمان ما شفت أحمد.....
سارة:خلاص قومي خلينا نروح بيتنا ....
سلامة:ليش أن شاء الله ....
سارة:بتشوفين أحمد علشان نكون متعادلين .....
سلامة:أخاف مبارك يحس بشيء ....
سارة:لا ما راح يحس بشيء ......خلينا نروح .....
سلامة:أمايه راح تسألني شو راح أقول لها .....
سارة:معـــــــــــــــــــــقدة .....
سلامة:والله ما روح أخاف يشكون فيني وبعدين أنا راح اتلعوز .....
سارة:كيفج ....وقامت بتروح ....
سلامة : وين رايح ؟؟؟؟
سارة:بروح البيت ...
سلامة:ليش تو الناس يلسي حتى المغرب ....
سارة:يا ويلي منج بروح أسلم على أخوي وأيلس عنده ....
سلامة:أوكية سلمي عليه واااااااااااااااايد ..
سارة وهي تبتسم:أن شاء الله ..
سلامة وهي تمسك سارة من ايدها:أمانة يلسي سارة ......
سارة وهي مستغربة:ليش ؟؟؟
سلامة:بتشوفين فستاني ...
سارة:صدج ...
سلامة:هيه يلسي ...
سارة:أنزين ......
وراحت سلامة ويابت فستانها من الكبت وكان روعة ....لونه وردي وله إكسسوارات ونعول .....
سارة:غرام ....الله لا يوفقج ....فستاني حتى الحين ما خلص ....
سلامة:متى قالج أنه راح يخلص ...
سارة:يوم الاثنين ....
سلامة:خيبة وليش مطول .....
سارة:لاني فصلت متأخر .....كل منج يعني لازم تكون فساتين متشابه ...
سلامة: هيه لازم مو نحنا ربع .......واصلا عادي العرس بيكون الخميس ...
.................................................. ....................
بالاربعاء فليل أملك راشد على الريم وكانوا كل الرياييل مواجدين في بيت حمد الكتبي ؟؟....

بالخميس الصبح .. كانو كلهم مرتبشين .. الي شل الذبايح و وداهن المطبخ و الي راح ياكد على طلبات العشى و كانو ياييبين سيارة فيها ثلاجة عووده فيه صياني الخضره .. و الماي و العصير .. والحلويات اللي مكتووب فيها راشد والريم وحرارات الحلوى .... و من العصر البيت انترس .. ماشاء الله كل هل زاخر كانو عندهم من شباب لشواب لحرمات .. حتى احمد .. كان مرتبش ويعابل .. من قبل المغرب اغلب العرب راحو صوب القاعة .. و راشد من العصر و وهو عند قاعة الحريم وكان مرتبش ..

و محد تم فالبيت الا سلامة وسارة و مبارك ........
و الا الباجين كلهم راحو((اليازية والعنود خلصن و{طالعات غرام كانن لابسات فساتين تتشابهن وكان لونه عنابي وفيه شغل ذهبي وحطات مكياج وردي عجييييييييييييييييب وفتحات شعورهن وكانن عيوووون اليازية شكلهن وايد حلو أما العنود فكان جسمه مش طبيعي من جماله وكل اللي شافهن تم يتشاهد على ويه من حلاتهن }........
اليازية والعنود وعفراء راحن عند الريم اللي تتعدل في قسم محمد اللي في الحوش )) ..
أم محمد محتشرة كل شوي تدق للسلامة علشان تي القاعة علشان تعابل (ومناك حريم تبين تشفنها هي واليازية )..

وسلامة وسارة كانن مرتبشات لان راعية الصالون كانت عندهن و تعدلهن وأما الباقي كانن مخلصات وتترين الريم علشان ترحن القاعة مع بعض ..... و مبارك محتشر يريد يروووح .. الا ملزوم بسلامة اللي أمه مخبرته أيبها القاعة .. كانت الساعه 8:20 و مبارك وصل حده من الغيض عليها و يلس يتحرطم بالتيلفونات .....

سلامة وسارة كانن توهن مخلصات .. و راعية الصالون مسويتلهن مكياج وردي رهيب على لون فساتينهن .. و شعرهن رفعتنه شوي من فوق بحركه حلوه و شعورهن مفتوحه .. كانن رهيبات .. و من جدام كانن منزلات خصل .. كان شكلهن رهيب من الخاطر .. واللي يشوفهن يقول توأم ...و مبارك يالس في سيارته الاكس فايف و يصيح ..

و من الربشه ظهرت سلامة و سارة وراها و فالحوش يالسه و اتعدل عباتها ..

سلامة : اللحين شو بسوي بشعري ..؟؟؟..
سارة : لحظه بحطه لج داخل العباه ..
جان تفتر سلامة و تعطي ظهرها لسارة جان اتدخل سارة شعر سلامة تحت العباه .. و حطت الغشوه فوق شيلة سلامة و جان تتغشى .. فهاللحظه انتبهلهن مبارك .. و من انتبه لسارة .. نزل ..

و سارة من شافته ينزل من سيارته تغشت .. و مبارك امبونه حادر و هو يبتسم الا من شاف سارة متغشيه مات غيض ..
مبارك وعيونه بتطلعن من مكانه:مرحبا ملالالالالالالالالايين ....
سارة وهي منزله رأسها:مرحبا الساع ....
مبارك:اشحالج ياقلبي ؟؟؟
سارة وهي تضحك:بخير يسرك الحال يالشيخ .....
سلامة:يالله برايج سارة .....نتلاقى في القاعة ؟؟؟؟
مبارك من سمع أن سارة ماهي رايحه عندهم تغير لونه:شو ......قسم بالله ما وديج القاعة الا اذا راحت سارة عندنا .....
سلامة وهي حاطة ايدينها على خصرها:شـــــــــــــــــــــو..... يا سلام وأنا شو ذنبي ....
سارة:لا مبارك أنتوا راحو وأنا بروح عند دريولنا .....
مبارك:مع السلامة ...
سلامة وهي تمسكه من أيده:لا حرام عليك مبارك طالع الساعة كم والله أنا تأخرنا .....
مبارك:سارة تروح عندنا ؟؟؟
سلامة وهي تلتف لسارة:سارة الله يخليج لهلج تروحين ويانا .....
سارة:حرام عليج سلامة أخاف حد يشوفنا ....
مبارك:لا بوصلكن من الباب الوراني .....
سارة وهي طالع سلامة :مممممممممم!؟!؟!؟!
سلامة:حرام عليج العرس بيفوتنا ...
سارة:خلاص بروح وأمري لله .....
راحت سلامة وفتحت الباب اللي قدام ويلست ....أما مبارك تم يسير وراء سارة وفتح لها الباب اللي وراه ....
سارة من شافت مبارك يفتح لها الباب نقعت من الضحك......
مبارك وهو يسكر الباب :يالله عني أفداء هالضحكه .....
ركب مبارك وراحوا صوب القاعة ....وطول الطريق وهو منزل المنظرة ويطالع سارة منها وكل شوي يبتسم لها.....
سلامة وهي متغيضه:بس من الابتسامات ؟؟؟؟
مبارك:أنتي شو خصج ...
سلامة:ياسلام ....
مبارك:مستغيرة ....
سلامة وهي تكابر وقلبها يتقطع :أنا أستغير ثرك ما تعرفني عدل!!!!
مبارك وهو يطالع من المنظرة سارة:سارة فتحي غشوتج ....
سارة وهي مرتبكة:سوري مبارك ....ما أقدر ....
راح مبارك وطول ع الاخر على غنية ميحد حمد(يا طيب القلب).....

يا طيب القلب حــــكم قلبك الطيــــــــب
أخرت غـــــــيرك وبعـــــدته وقربـــته
ليه تباعد مع أنـــــــك دايم قريــــــــب
من وين ما صــــــد في عيوني تخيلتك
ليه أنت ناســـــي ؟وذكري عندك مغيب
تنسى وأنا أذكـــرك وأنسى أني تذكرتك
صارحتك بما يـــــكن القلب يا حــــــبيب
والظاهر أخطيت في ظني وصارحــــتك
مبارك:عاشوووو ....ما فيك حيله يا ميحد .....
مبارك: سارة هذي الاغنية أهداء خاص مني لج .....
سلامة مبوزة :كل هذا علشان سارة؟؟؟
مبارك:هيه ....أنتي ما جربتي الحب يا سلامة ,,,,,,بس اذا جربته راح أذبحج و لا تحـــــــــــــاولين ....
سلامة:ياويلي حلال عليكم وحرام علينا .....
وصلوا للقاعة ونزلت سلامة ...وسارة توها بتنزل فتح لها مبارك الباب كله .....
سارة تمت تدعي على نفسه اذا حد شافها راح يفضحها:مشكور .....
مبارك وهو يتقرب من سلامة أكثر ويهمس في أذنها :أحبج ....
سارة وهي مرتبكة ومتوترة :أنت شو تسوي مبارك تباني أمووووت ....
راحت سارة صوب سلامة .....ومن سارت وهي طالع وراه وتتشوف مبارك وكان مبارك شكله عجيب .....وتم يعطيها ابتسامات ...
سلامة وهي طالع سارة اللي كانت بتمووووت من الفرحة:ياويلي منج أنتي ومبارك ؟؟؟؟
سارة:غياااااااارة .......
سلامة:والله أني بموووووت من الغيض على تصرفات مبارك شو يعني اذا حبيت ....حرام ولا عيب ....
سارة:خليه يولي يخوفج بس .....
دخلن سلامة وسارة القاعة وكل الأنظار اتجهت صوبهن والحريم تمدحن فيهن.......................

عند الرياييل.....
كان الجو ربشه .. و ما شالله ما تم حد ما ياهم .. و من الساعه 4 العصر و الحوربيه ادق ... و اليويله ما قصروو...
و راشد مرتبش بطريقة مب طبيعية .. و الريم من بعد ما تعدلت و خلصت .. كانن البنات عندها ....
العنود : الريم شلي فستانج شوي ..
الريم : ليش ..؟؟..
العنود: اريد اقرصج في ركبتج .. جاد ربج اعرس عقبج ..
عفراء: لاحجه عالعرس و عوار القلب ..
العنود وهي تبتسم : بس عرس عن عرس يفرق ..
و من عقب دخلت الريم عشان يصورونها ..

و عند خيمة الرياييل ..

محمد : هاه الكتبي شو هباتك .. ؟؟؟..
راشد : ياخي بفلعه هذا راعي الكيمره تراه طفربي ..
و في اللحظه يووه الشباب و تمو ايبسوون عنده ..
أحمد الخييلي : ياااااااابس بو سالم ..
مبارك : هيه عاااااااشووو ..
و اشتلو الشبيبه ..

و انحط العشى و تعشوو الرياييل و حطو العشى للحرمات .. بس تأخرت الريم الين ما ظهروها الخيمة ما ظهرت الا الساعه 11 ..
دخلوها مبارك وسالم خوانها......وكان مبارك وسالم كاشخين على الأخر اللي يشوفهم تقول واحد منهم المعرس من جمالهم ووسامتهم .....

و مشوها فالممر بين الحرمات .. كانت عذاااااااااااااااااااااااب .. طرحتها طوييييييييييييييييييل و شعرها .. مسويله تسريحه نازله .. و مطلعين منها خصلات على ويها و على جتوفها و ظهرها .. كاااااااااااان شكلها واااااااااااااايد حلو .. و حطتلها مكياج وردي رهييييييييييييييييييب .... و الحرمات يردن الشهادة عليها .. من الخاطر كانت حلوه.. تجذب اعيون الناظر لها .. رقيقه بمشيتها .. و حركاتها .. و.. من شافتها امها .. صاحت .. {{يالله الريم كبرت و اشوفها عروس جدامي}} و كانت دخلتها على غنية راشد الماجد " حد منكم شاف فالدنيا "

(حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. هذا ما هو بدر ليل يختفي مع طلوع صبح وبزوغ الفجر ,, أو بدر يصبح بعد مدة هلال... هذا بدر مكتمل طول الشهر ... لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله... و الا اله الا الله و على العروس اسم الله )

مبارك وسالم مشوا الريم في ممر الكوشة ....ومن عقب يلست الريم عالكوشة وراح مبارك وخلهم يبدلون الغنية ...وتم هو سالم يولون وكانن الحريم متخبلات على سالم و مبارك وحركاته الغرام .....

البنات واقفات عدال الكوشة ومتخبلات على مبارك وسالم ..
وحده من البنات : رهيييييييب خوها ..
الثانيه : لا مب حلو ..الا غرام يارب يكون من نصيبي ...
البنت : شخصيه .. شوفيه شو فيه و هو يظحك ..أحس بعمري بموت ؟؟؟؟
مبارك أرتبش وكل شوي يي عدال سلامة اللي كانت عدالها سارة.....ويبس
سلامة وهي تصفق لمبارك:عاشوووو .....يعيش مبارك .....
مبارك وهو يأشر على سارة :عني أفداء عيونج ......
سالم يلس عدال الريم بعد ما يال أما مبارك مرتبش على تصفيق وتصفير الحريم له ......وتم مبارك ايوول وبعدين قامت سلامة وتمت ترقص ومبارك أيووول عندها ....

و دخلو خوان الريم كلهم الخيمه و بوها و عمها و سلمو عليها و تصورو عندها .. و يالوو فالخيمه .. كان الجو ربشه..
و كان راشد يريد انه يدخل على الريم فالخيمه بس أمه حالفه على راشد ما يدخل على الريم فالخيمه .. و راشد محتشر يباهم يظهروون الريم من الخيمه .. و البنات يرقصن و مشتلات في خيمة الحرمات .. و عالساعه وحده الا ربع طلعو الريم من الخيمه و توها بتنزل من الكوووشه .. كانوا خوانها يرقبونها ورى الكوشة عشان يرجعونها البيت .. و كانت عندها ختها اليازية والعنود وسلامة .. و من شافت الريم خوانها .. جان تصيح ..
العنود : لا فديتج الريم لا تصيحين ..
اليازية : يالسباله لا تصيحين تخربين المكياج .. راشد بعده ما شافج ..
و دخلو الريم البيت .. و توها تستريح و الكل عندها امهاتها و خالاتها .. ما شالله ما تم حد ما دخل الحجره عندها .. و دخل مبارك و سالم و محمد و بوها وراشد ..
مبارك : لا اظني مغلط .. شكلي الا دخلت جبرة السمج .. خيبه تخيبكن .. شو انتقلتن من الخيمه للحجرة .. انا ابا أصور على راحتي ....
ام محمد : يا ويلي من هالصبي ... فضحنا تقول أول مرة يشوف كيمرة ...
راشد :.. الشيمه .. انا الليله معرس .. امايه شلي طايفج و راوني مقفى عباياتكن ..كلكن ..
سلامة : لالالا .. الريم خايفه .. ما نقدر نخليها بروحها ..
راشد : لا انتي ما عليج منها .. خليها عليه ..
سلامة:أنا عن نفسي ما راح أطلع ....
مبارك وهو يضحك :هيه وأنا ما راح أطلع أبا أشوفكم ....
راشد:تراك كل يوم تشوفنا شو اللي تغير علينا ...
مبارك وهو يغمز بعينه لراشد :أول عزابية والحين متزوجين ؟؟؟؟غــــــــــــــــــــــــيـــــــــــــر
و تمو يتصورون مع راشد و الريم .. و الريم تتحاشى انها تشوووف راشد ..
مبارك:قولوا أمــــــــــــــــــين ...
الكل:أمـــــــــــــــــــــــــــــــــين ..
مبارك:الفل لي في إجازة الربيع ...
سالم:شو أنا أكبر عنك أنا راح أتزوج قبلك .....
مبارك:تبا تتزوج ...
سالم:هيه...
مبارك:عنود ....روح عندي؟؟؟
العنود:وين ....
مبارك:بروح ايب المازون على قولت أخوان المصريين و أخليه يملكبج بسالم....
العنود تمت تضحك على مبارك أما سالم ما تكلم وألتزام بسكوت ...
و من عقب ظهرو كلهم و تمت الريم و راشد و المصوره ....
وكل شوي راشد يسوي حركات اللي تطلبهن المصورة منهم و الريم تمت تدعي على المصورة ... كانت بتمووووت من المستحى ....
...............................

بالباجر اليمعة ....
الساعة 11ونص دق مبارك على راشد والريم .....((ما هو بخير منهم ))

فهاللحظه كان راشد توه ظاهر من الحمام و هو يمش شعره بالفوده من الماي .. و كانت الريم يالسه عالشبريه .. و اتشوفه ...... وسمعوا دق مش طبيعي .. و نشت الريم و فتحت الباب ..
مبارك وهو يغمز لها :صباح الخير يالعروس؟؟؟؟
الريم:صباح النور والسرور ....
مبارك:وين راشد؟؟؟
الريم:داخل ...
مبارك وهو يتشوف في راشد:عاااااااشووو ....علومك النسيب؟؟؟
ضحك راشد:ههههههههههههههههههههههه .....بخير يعلك الخير؟؟
مبارك:هاه سمعت أنكم بترحون دبي متى !!!!
راشد:الحين ...
مبارك : ما بتصلي اليمعة و تتغدى هني تراهم الربع مسوين عزيمة ..؟؟؟..
راشد : ف دبي ان شاء الله ..
مبارك : ع خير ان شاء الله...

ظهروا مبارك وراشد في الصالة .....
فهاللحظه دخلت ام محمد وعفراء على الريم اللي كانت يالسه بروحها في الحجرة ..
ام محمد : الريم .. نشي تلبسي و تعدلي .. بتسرحين انتي و ريلج ..
الريم بغباء : وين ..؟؟؟..
ام محمد: بتسرحون دبي و من عقب بتسافرون ..
الريم: شووووو ..؟؟؟.. سافر ..........لا لا ماريد ..
ام محمد: حزن ..
عفراء و هي تنش و تمسك الريم : ان شاء الله عموه .. من تزهب بتظهر صوبكم ..
و ظهرت ام محمد عنهم .. و الريم يلست عالشبريه .. و نشت عفراء و ظهرت للريم ثيابها .. و حطتهن عدالها ..
عفراء : نشي اتلبسي ..
طالعت الريم الفستان .. و كان مكسي ابيض وااااااايد حلو ..
الريم : ماريد ..
عفراء : الريم .. عن الدلع .. يله قومي ..
فهاللحظة دخلن العنود واليازية وسلامة حجرة الريم .....
سلامة من دخلت وهي تزغرط: كلـــــــــــــــــــــــــــــــــــووووووووش ...وين العروس؟؟؟
عفراء وهي تضحك على تصرفات سلامة:في الحمام تتلبس.....
سلامة:من قدج يالريم خذت اللي تحبه مو نحنا كان متشردات ...وتأشر على عمرها وعلى العنود واليازية .....

عفراء:ليش سلامة أنتي تحبين؟؟؟؟
سلامة ولونها مخطوف:لا ....بس أرمس .... أسوي سوالف ؟؟؟
اليازية:بيروحون الحين ؟؟؟؟؟
عفراء:هيه.....
سلامة:وين بيسافرون؟؟؟
عفراء:ما طاع راشد يخبرني يقول مفاجأة ...
سلامة:أنا عن نفسي بروح عندهم ؟؟؟؟
العنود:شخص غير مرغوب فيه....
سلامة:ليش أروح عندهم ....أن شاء الله أتزوج وريلي بيروحبي كل مكان في العالم .....

الريم نشت و تلبست .. و عفراء والبنات ارتبشن في ترتيب شنطتها .. و اتحطيلها الثياب و القشار الضروري الي بتحتايه فهالسفره .. و من عقب لقت عفراء الريم مب متعدله بس نشفت شعرها .. جان تنش عفراء صوبها و اتعدلها وحطتلها مكياج وردي حلو وخفيف .. عفراء و هي يالسه و اتدخن شعر الريم سمعو دق عالباب ..

عفراء : منو ..؟؟؟..
راشد : انا ..
عفراء و هي أتحط المدخن عالطاوله وتلتفت للريم : هذا ريلج ..
وقف شعر الريم من قالت عفراء ريلج ....!!!.....الريم استحت و نزلت رأسها.....
اليازية:يالله يالريم ....صايرة تستحين ...ورقيقة ...
سلامة:الحمد لله يوم تزوجت الريم ممكن تعقل شوي....
نشت عفراء و فتحت الباب....
رشد: السموحه جني ازعجتكن .. و افتر بيرجع . ...
العنود:ياويلي يأخوي ....تعال ما حد غريب الا نحنا ....
راشد وهو يضحك:هههههههه حسبته عندكن حريم ....
راحت العنود صوب راشد وحبته على خده:ألف ألف ألف مبروك يا بوسنيدة....
راشد:الفال لج يا بنت سالم .....
سلامة:مبروك يالمعرس ؟؟؟
راشد:الله يبارك فيج سلامة....
اليازية من شافت راشد حادر ...طلعت من الحجرة وراحت حجرتها وسكرت على عمرها الباب ........
العنود استغربت من تصرف اليازية شو فيها هذي بس ما راحت صوبها يلست عند أخواها وعيال عمها.....
راشد : الريم خلصي بسرعه لاننا بعد شوي بنروح ..
الريم و هي تفتر صوبه بطريقه عفويه : وين ..؟؟..
حركتها و هي تفتر و شعرها اينوف وراها ذبحته ..
راشد:بروح بعيد عن هذي الحشرات .....وهو يأشر على العنود وسلامة .....
سلامة:يالله الحين نحنا حشرات ...عالفكرة العالم يدورون شراتنا يا ولد عمي ....
راشد:لا والله فكرة يديده؟؟؟؟؟
سلامة:راشد وين بتروحون؟؟؟؟
راشد:بنروح مكان وااااااايد حلو ...
سلامة:أمانه خبرني ما راح أخبر حد ؟؟؟
راشد:لا تحاولين هذي مفاجأة لعيون حبيبتي الريم....
سلامة وهي مبوزة:حرام عليك ....
راشد:لا تحاولين ....
فهاللحظة دخل عليهم مبارك وسالم .....
سالم:السلام عليكم ...
الكل:وعليكم السلام ...
سالم:مبروك الريم ...
الريم وهي منزلة رأسها:الله يبارك في حياتك ....
مبارك وهو يحك عيونه:لا ما صدق هذي الريم اللي قدامي .....
راشد:ليش مبارك...
مبارك:وايد متغيرة ....وصايرة هادية ....
راشد:عني أفداء روحها امبونها هادية ....
سالم:بترحون مكان ....
مبارك وهي تلتفت صوب سالم:وأنت وين عايش يأخوي ...أكيد بيرحون دبي ومناك أمكن يرحون لندن...
سالم من قال مبارك لندن تغير لونه وتذكر شوق يالله وينج ياشوق ..وتذكر الأيام اللي قضوها في لندن وفي دبي كانت أحلى أيام في حياتي بس ليش ذكرتها ......طلع سالم من عندهم وراح أتوضأ وراح صوب المسيد علشان يقرأ قرأن .....

و راحو الصاله و كل امبونهم يالسين هناك .. يلسو شوي عندهم .. و من عقب شلو الشنط و الريم ما خلنها الحرمات تعق المكسي الي امبونها لابستنه .. و حدرت حجرتها وياها سلامه و العنود .. و سلامة مب قادره انها تمنع اعيونها و ما تصيح .. خص انها اول مره الريم تفارجها فيها .. دوم هن ويا بعض و لا فارجن بعض ..

الريم:وين اليازية ؟؟؟؟
العنود:في حجرتها ما رضت تفتح الباب ....
الريم راحت ولوت على سلامة وتمت تصيح .....
العنود وفي عيونها دموع:يالله عليج يالريم الا كم من يوم بترجعين ؟؟؟؟أن شاء الله ما بطولين ....
سلامة وهي تمسح دموعها: لا الحين خلاص بتمي دوم عند راشد وقليل تي صوبنا ....
العنود:مو من بعد البيت يا سلامة .....الا خطوتين
الريم تمت تصيح على فراق خونها وهلها والبيت اللي عاشت فيه 19 وبتروح صوب بيت عمها ..واللي تنتظرها حياة يديدة؟؟

نزلن تحت.... عنود و سلامه ماقدرن انهن يظهرن ويا الريم عند السياره أما اليازية ما طلعت من حجرتها .. و أم محمد و ام راشد يسلمن عليهم .. و من عقب ما انحطن الشنط فالسيارة ..راحوا الريم وراشد صوب دبي ومناك بيسافرون ..
.................................................. ...

حجرة اليازية....

العنود:اليازية فتحي الباب ....
اليازية ما ردت عليها ....
العنود:اليازية أمانة فتحي ابا أرمسج ....
اليازية و بصوت تعبان من البكاء:نايمه عنود....
العنود:قومي ابا أكلمج ....
اليازية:ما أقدر ....تعبانه حــــــــــــــــيـــــــــــــــــــــــــل ...
راحت العنود عن اليازية .....واليازية كانت تبكي من الخاطر على حالها ......وتذكرت يوم كانت صغير وعلاقتها براشد ولد عمها....

اول شي طرى عبالها هو راشد... كانت واااايد تحب راشد ... كانت اول انسان شافته عينها .. راشد أطيب انسان عرفته اليازية .... كانت مب بس تحبه الا كانت تموووت عالتراب الي يدوووسه .... حبووو بعض و هم صغار ..... كان راشد دوووم يرقبها و هي راده من المدرسة.... مشي هي و بنات ييرانها والعنود ... كان يطول عالمسجل كل ما طاف من عدالهن ....
.... و كل البنات ييلسن يتظاحكن لنهن يعرفن انه يعني اليازية بهالغنيه .... كانت اول مره راشد يتجرأ و يطول عالمسجل و كانت غنية اصيل .. (اعجبك في كل شي الا الزعل ... لو يطول العمر عايش في سلالالام ... لو تخاصمني اخاصمك بغزل .. و لو تراظيني اجاذبك الغرام .... ) ... كانت تشووفه كل يووم و هو ظاهر و الا داخل البيت ... كانت ترووح بيتهم وتيلس عند العنود و تشوووف حجرته .. كانت قريبه منه بكل شي.....تموا على هالحال حتى خلص الثانوية العامة ...وكانت العنود مرسال الغرام من بينهم .... حتى دخل جامعة الإمارات ....ومن دخل الجامعة تغير على اليازية ...ونسى حبه لها ...ونسى أيام الطفولة اللي كانت من بينهم .....اليازية ما نست الماضي اللي حتى الحين عايش فيها .....العنود كل ما سألت راشد ليش أنت متغير على اليازية ...يقول شو من بيننا أصلا حتى أتغير عليها ....اليازية من سمعت رد راشد يتها حالة هستيرية ....كان راشد حاط عينه على الريم وحيرها له ....العنود كانت تحس باليازية والظلم اللي جازت به ....راشد نسى الماضي اللي عاشه عند اليازية ...بس اليازية ما نست شيء من ماضيها الحلو ... ومن هذيك الفترة واليازية ما تروح بيت عمها الا وقت المناسبات علشان ما تشوف راشد .....والحين هي عايشه على القهر والظلم اللي جزاها راشد وهو أنه تزوج بالريم..ما حد يدري بهذي السالفة الا العنود واليازية وراشد نفسه ....من الحزن فتحت اليازية لاب توب وقعدت تكتب خاطرة ..... .... ااااااااااااااااااااااااااااااااااااااااااااااااه من ظلم القدر ...

عافت عيوني نظرة الحزن ... و آهات خوف ٍ تسكن الـــــــبدر
تملكني حنين ماضي الزمن ... من همسه و ذكرى سالف العمر
تناشدنا عن الدنيا و المحن ... عرفنا كلمة الفرقى و الـــــــكدر
سلبني الحب نشوات الذهن ... و قلب ٍ مالك الفرحه و الـــمـكر
تصابينا على الدمعه و الحزن ... و ما نلنا سوى هم ٍ و الكـسر
ترافجنا و طلبنا باقي الاذن ... ترامينا على أوهام العـــــــــصر
عنيت اليوم آهاتي و اللحن ... كفاني الصمت في قلبي و الـعذر

&*((الجزء السابع عشر))*&

اليازية ما طلعت من حجرتها .....أما سلامة نامت الساعة 4 العصر لانها تعبانه وما نامت زين أمس ....العنود متقطع قلبها على ربيعتها الروح بالروح شو فيها وليش ما تبا تشوفني ....
الساعة 10 ونص فالليل .....
العنود كانت مشغله التلفزيون وتسمع غنية عباس إبراهيم .....

"ناديت والليل جاوبني وبكاني ......محدا سمعني سوى ليل نزع دمعي...ما غير ليلي من الأحباب وساني ...ياويل من همله ربعه مثل ربعي ... طالت مسافتي وتاهت بي أزماني....وعلمني الوقت كيف أقسى على طبعي .... "

العنود من سمعت الغنية تذكرت اليازية .....وقالت في خاطرها أكيد الحين اليازية تبكي ...ليش ما روح أتصل عليها....
راحت العنود واتصلت باليازية ...بس تلفون اليازية كان مغلق .....
راحت وأرسلت مسج لسالم لانها من يومين ما طرشت له.....

قلت:للقلب خفف من شوقك واشتياقك

قال"وغلاته" ما أقدر أتبع وصــــاتك

شفت أشكثر هالقلب بالزين يغليك

شفت أشكثر يهوى"سموك وذاتك"

هالقلب دايم لا حكى يفــــــتخر فيك

وإذا فكر ما يفكر الا "بغــــــــــلاتك"

سالم كان يالس في الخيمة عند محمد ومبارك وبومحمد وأم محمد....من سمع المسج... قرأه وطلع من الخيمة ....
مبارك:وين رايح بو غنيم؟؟؟
سالم:الا في الدار ....
مبارك:على مين..... ياولد الحلال ....
طلع سالم من الخيمة وهي يضحك على مبارك ..... ركب سالم سيارته الرنج وراح صوب العراقيب اللي وراء الشعبية ...
وتم يتأمل المنظر الهادئ...والسكون والصمت اللي مخيم على المكان .....
العنود أستهمت على سالم وردت وأرسلت له .....

أهديك لك ....
عمري..
وروحي ...
هدية....
وحنا...
ترى لين أخر العمر
>><أصحاب><<
قلوب تتصافى...
وروح رضية...
وأيام حلوة"مالها"
((عد وحساب))...

سالم من شاف المسج ضحك ورد عليها .....

أكتب غلاك بصفحة "الطيب والجود"

على الوفاء يا صـــــاحبي ما نســيتك

وأنا الذي في صحبتك حيل محـــسود

لو تطلب عيوني وروحي عطــــيتـــك

باب المراجل عنك ما هـــــوب مردود

وأنا بصفحات المراجل قـــــريـــــــتك

ردت عليه .....

عليك

ما أخبي ..

كل...

هالكون يشهد بحبي ...

ياساكن ...

و
س
ط

ق
ل
ب
ي

أ
ح
ب
ك

وقــــــــــــــــــــــــــــــسم بــــــــــــــــربـــــــــــــــي ......

رد عليها...

وصلك علي غالي ولا فيه تبديل

لو الثمن روحي لعـــــــينك بذلته

شوقي لكم ما تفيد فيه المراسيل

ما ينفع المشتاق حرف كتـــــبته

أبيك عندي نقضي الوقت تعليل

وأنسى أنا وياك هم عرفــتـــــه

تموا يترسلون ...وكانوا على سوالف وحب وغرام وترجي سالم من شمسة أنها تكلمه بس لو مرة وحدة ..بس هي مصرة على أن تكون المسجات من بينهم ....بدون وجود المكلمات ,, __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة واقعية : قصة حب في لندن( خالد و اليازية)	ملكة جمال العالم	قصص و روايات	24	03-03-2012 04:12 PM
إمام جامع الملك خالد الشيخ خالد الجليل يتعرض لحادث مروري	محروم.كوم	منتدى أخبار المواقع والمنتديات العربية والأجنبية	0	10-20-2011 10:40 PM
[طلب] تصميم لوجو لمنتدى شبابى خالى من الاغانى والافلام	محروم.كوم	منتدى أخبار المواقع والمنتديات العربية والأجنبية	0	06-03-2009 11:40 PM
«الأمن» يجبر عمرو خالد على الرحيل إلى لندن.. ويمنع برامجه فى الفضائيات	محروم.كوم	منتدى أخبار المواقع والمنتديات العربية والأجنبية	0	06-03-2009 07:40 PM
صورة حربي العامري و اليازية فالهايد بارك في ( لندن )	+[ ملاك الحسن ]+	صور فنانين و فنانات	53	01-29-2009 05:51 PM