( ليته تغلـى بالثمـن يـوم باعـه )

ĝŘềξБ ễĺ đǻŗ · #1 04-10-2009, 03:47 AM

السلام عليكم ورحمة الله وبركاته

●
●
●

يقولكم هذا شيخ يقاله " عبدالله البجادي القحطاني " من اهل الخرج عاش في القرن الثالث عشر الهجري
وتوفي رحمه الله في عام 1280 وكان عبدالله الله يسلمكم معروف بالكرم وبيته ريف لنشاما يجوون
ويتقهوون عنده ... مجلسه عامر ما شاء الله ....
ويجي هاك اليوم اللي ما عاد عنده شي يقدمه لضيوفه ومسته الحاجة وقعد الرجال يفكر وش يسوي وش الدبره ... انا الحين محتاج ولا معي شي ابد ..

والله وهي تطق براسه ويبيع اغلى ما يمكله وهو غلامه " عويس غيفان " بس ما كانت بيعة هالغلام سهله على قلب الشيخ عبدالله ..
بس الظروف اجبرته على البيع ... والمشكله انه باعه بأرخص الاثمان ما باعه بثمن غالي
لان الغلام معروف انه ما يحتاج يقوم بواجبه واكثر ...
وسأل الغلام عويس نفسه : ليه يبيعني بهالثمن الرخيص .. .. وانكسر خاطره بعد البيعه

الايام راحت .. وزانت ظروف الشيخ عبدالله البجادي وتحسنت اموره الماديه
وقال الشيخ عبدالله البجادي : ما دام يالله لك الحمد اموري
متيسره ابروح أسترجع الغلام اللي انا بعت ...

المهم راح الشيخ عبدالله وطق الباب على اللي باعه له الغلام ... ويوم فتح له الباب
السلام عليكم .. وعليكم السلام ... السالفه كيت وكيت .. وانا ابيك ترجع لي غلامي
واعطيك كل اللي تبي ....

عاد قال اللي شراء الغلام : والله يا شيخ عبدالله على حسب رغبه الغلام
اللي انا شريته منك ...
ويوم راح وسأل الغلام : قاله ان عمك الشيخ عبدالله يبيك
ترجع له وانت وش رايك .. ؟

فجاوبهم بهالابيات اللي تقول :

يا عم ياللي سفرته للنضـا عيـد ... ومن جاع في نجد تذكـر متاعـه
من عادكم يا عـم لاعـاده العيـد ... جعله يطر ومخرفـة فـي دراعـه
عبد الخطا باردى الثمن باعه ... السيدليته تغلـى بالثمـن يـوم باعـه
بيعه حصان هايت عقب مـا قيـد ... ومن اول ما يعطي الخيـل طاعـه
سباق لا جناسه على صحصح البيد ... ما هو باصيل مار أخذهـا ذراعـه

معاني بعض الكلمات :

النضا : الركايب
عادكم : عاد إليكم
يطر : يشحذ : يطلب الناس دراهم
عبد الخطا : يعني كنه يقول وانا اللي مستبعد قهراً
تغلى : يعني طلب فلوس تسثير

وأخر بيتين يقصد فيهم الشاعر ان الشيخ عبدالله باعه مثل بيعة الحصان الاصيل
اللي لم يلحقه اي حصان على البيداءوكل من جاء يشتري هالحصان عيا راعيه
ويوم صار الحصان بكامل عافيته باعه راعيه بأرخص الاثمان

●
●
●
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لآ حـول ولآ قوة آلا بآلله ، . .	-»•ً7ٍâًBٍOoًbٍ-ًAٍLâîn•«-	التبريكات والمناسبات	2	01-07-2010 12:11 AM
فضـل يـوم عرفـه ..!	» βỊη άℓ đόόŁα «	الإسلام والشريعة	10	06-01-2009 06:35 PM
عاشق راشـد الماجد يـوم مات .. ليته سكت ولم ينطق بحرف	محروم.كوم	منتدى أخبار المواقع والمنتديات العربية والأجنبية	0	04-12-2009 01:50 PM