بسم الله الرحمن الرحيم

السلام عليكم ورحمة الله وبركاته



#poem_4ecbaaafd72be td {font-family: Arial, Helvetica, sans-serif;font-size: x-large;font-weight: bold;} لا تحقرون اللي بدا بالصقاره باكر يصير من الزحول الصقاقير انتم تعلمتوا فنون الشطاره لين التحقتوا مع صفوف المخابير وهم كذلك من طمان لزباره لما يجون الدرب عقب العثامير العرف ما ينشا بشربة غضاره والزرع يبدا من دقاق المباذير والنار تضرم من قديح الشراره وابلكه وثنتين تعطينا تعمير والحر يلحق سطوته من صغاره ياتي زمان تصير ضمن الكواسير كلن وهبه الله برغبة مساره حسب هواياته ميولاته تصير كم من شبابن ما تعدا مداره تعلم فنون الصقاره عن الطير وامسا على كل البلاد افتراره ما يجهله طرح البحر والمواكير وصلها واردف كسبها بالجداره يبخصها بخص العارفين المناعير يا مجتهد لا تلتفت للخساره واحرص على الوزنه بحسن المعايير لا ترتخي لو جرحتك العباره ترا بعضهم فاتحين الدناقير ما همهم غير الزرا والقشاره ما كفوا الالسن ولا قدموا خير يتلون قال وقيل مع كل ثاره وتفريكة الاشناب بين الغنادير ما تلحق العليا بغير المراره لا بدها تحداك بعض المعاسير لكن توقا عن حنيش الجحاره واضرب مدا القفرا لروض المزاهير خلك على نور الضحا من نهاره واترك ظلام الليل واجف المغابير

يوسف الخليفة ( أبو عبد الله )