#poem_4ec81429227c4 td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} جيب الدقيق وولع النار ياذعار والما عليه شوي وشوي صبه ثم ملحه بقعوس من شط الابحار والساسا واخوانه حذر لايطبه ودق الهوند ينادي الضيف والجار وخل المطاحن للعذارا تحبه وليا انعجن غطه اذا ودك الشار وبرح لنارك عن مخافة تشبه وعلى المليله نزله واحذر النار ولقط عليه الجمر حبه وحبه والسمن خله جاهز لوقت الافطار نشيش من زبدة غنم زان حلبه وبراد شاهي لقمه صنع فخار ثلثين مليه يافتى لاتعبه والقرص لاتنساه من تحت الاجمار لافاحت الريحه تفنن بقلبه وليا استوى دقه بنجرن وهو حار وشمر وفته قشر مع كل لبه والسمن صبه واللبن طب الازوار ومدوا يديكم ويذكر الكل ربه وكلن يحدد وجهته وينها الدار أخاف ينسى وين شرقه وغربه