رواية لبى الربع اللي لاقلتيهم نشرد من الحصة رفعوا المريول ! وقالوا بسرعة قبل لاتيي الابلة

أسيرة الأحزآن · #1 11-18-2011, 02:56 PM

رواية لبى الربع اللي لاقلتيهم نشرد من الحصة رفعوا المريول ! وقالوا بسرعة قبل لاتيي الابلة

السلام عليكم ورحمة الله وبركاتة :

شحآلكم عرب .................,, << عسى مآ تشكون بآس ؟!!

أول شي حبيت أنزل روايتي آنآ وشلتي الحبية
طبعا هاي اول تجربه لنآ فكتابه الروايات فياليت تنال إعجابكم
مثل ما أنتو جايفين العنوان
حبينآ بهالرواية انه نغير عن الروايات الباقيه اللي معظمها حب وغيره
خليناها تتكلم عن السكول وخصوصا لبنات الإعداديه اللي نادرا ماتحصلون شرات هاي الروايات
فهالرواية بتكلم عن شلة تتكون من ( 9 ) بنات وبكلاس 9
فأغلب الاشياء اللي بنتكلم عنها بتكون بالسكول ,
وطبعآآ هايالرواية حقيقية تتكلم عني وعن مآي بست فرند مدموجه ببعض من الخيآل
.. وكل خميس بنزل لكم بآآآرت ....<
والحين بنعرفكم على الشخصيات

همسة : رجاء مآ أحلل النقل إلا بذكر المصدر

تعريف عن شلة بنات الإعداديه

1 ) فطوم : بنية حلوه وضعيفة ومهما كلت مآتمتن ,وبيضه , واللي يجوفهآ يحس أنهآ يآهله من شكلها وحركاتها وهذا أحلى شي فيها عمرها 14 سنه, يسمونها فطوم علوم , لأنهأ صدق علوم و تعرف نص بنات السكول تقريبا , ويآحبهآ للمقالب والشرده من الحصص والتأخير عليها
__________________________________________________
2 ) زوز : بنية ضعيفة وبيضه وحلوه وأحلى مافيها رموشها و عفويتها واللي بقلبها على لسانها عمرها 14, اسمها مواز بس لقبها زوز , أحيانا تكون جريئة وأحيانا خوآفه وحساسه حيل وتحب الشرده من الحصص

__________________________________________________ _
3 )الريم : بنية ضعيفة وعليها سمار ذبوحي وأحلى شي فيها عيونها اللي تجذب الكل عمرها 14, وتموت على شي اسمه جحل فعمرها ماظهرت بدونه , واكثر كلمه غثت فيهآ ربيعاتها (جحالي مخترب) , وانسانه مرحه وتحب الضحك وياحبها للسوالف والشرده بعد

__________________________________________________
4 ) ساروه : بنية ضعيفة وبيضه وطويلة عمرها 14 سنه , شخصيتها قويه وهادية وماترضى على نفسها , وتهتم لكلام الناس , احيانا تحب الشرده من الحصص , واحيانا تفضل القعده بالكلاس .

__________________________________________________ _

5) أماني : مب ضعيفة ولا متينه , وسط , وطولها وسط , بيضه ,
عمرها 14 , أكبر نذلة وحركاتها كله مال نذاله , جريئة وبالقووو وتحب شي اسمه مغايض وعنيده حيل

__________________________________________________ _

6) مهروه : متينه وبيضه ومب طويله قصيره بس مب وايد
طولها عادي وسط , تحب شي اسمه اكل عمرها 14 , حساسه بالقو وتعطي بالويه وتخاف على درجاتها يعني لو نقصت درجه وحده بتسوي لكم فلم هندي وماتحب تشرد من الحصص , حبوبة وتحب تضحك الواحد

__________________________________________________
_ 7) نوف :مب متينه ولا ضعيفة حنطاوية مايله
للبياض عمرها 14 سنه , إنسانه هاديه وتحب تساعد الناس وآكثر شي ربعها , يكفي انها متحمله الريم وضرابتها معاها , تزعل بسرعه لكن ترضا بسرعه وماتحب حد يزعل منها , وكله تخالف بالسكول خخخ

__________________________________________________ _
8) ميامي : بنية ضعيفه وطويله عمرها 14 , هادية بالقووووووو
وغامضه , وفي حالها ماتحب تدخل فشي , طيوبة بالقو وحبوبه
وعمرها مازعلت حد وماتحب تشرد من الحصص وحساسه

__________________________________________________ _
9) خديجة : ضعيفة , بيضه مب طويله ولا قصيرة , عمرها 14 سنه
تحب السوالف , وتحب تدخل عمرها فاي شي ., تجذب احيانا وشبيهة الثعلب المكار
تحب اجحل البنات وتلعب بعيونهم خخ

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

هذا تعريف الشله
ووان شاء الله بتتعرفون أكثر على الشخصيات الباقية من خلال البارتات

والحين ترقبو البارت الاول __DEFINE_LIKE_SHARE__

أسيرة الأحزآن · 11-18-2011, 02:57 PM

البارت الاول

أصبح ساعة 7:00 بيت الريم
الريم نازلة من الدري بشكل سريع
الام : الريم عن اطيحين بتسيرين المدرسة مابطير عنج
الريم تبوس راس امها: صباح الخير امايه
الام: صباح نور بنيتي
الريم : يالله امايه شي بخاطرج
الام : لاالله يحفظج بنيتي بس ماتريقتي
الريم : لامايه مافيني فطوم محتشرة علي تأخرت عليها
الام : الله يحفظكم

للعلم : كل السكول لابسه عبايات
وتطلع الريم من بيتهم وتسير عند فطامي وتركب سيارة
الريم : سلام علييكم
فطامي : توه ناس ليش ماقعدتي عند امج اشوي وعند مطوري اشوي بعدين تعالي
الريم : بلاج خذتيني بشراع وميداف ردي سلام اول
فطوم : وعليكم سلام ..... افف الحين اخترب كل كشختي من كثر ما انتظرج
الريم : انزين نزلي عدليها
فطوم: عسب نتأخر زيادة يالله يالله ماشي نزله وحركوا سيارة
في السكول ....... كانت الشله قاعدة اخر الكلاس وشوي يدخلوا فطوم والريم
فطوم والريم : هلا هلا
الكل : اهلين
فطامي: شحالكم صبايا
الكل : تمام ومن صوبكم
الريم وفطوم: دوم يارب والله بخير الحمدالله
مهروه عرض أزياء اليوم
زوز: ههه شفتي عاد
ساروه: مهروه ليش لابسه كويتي ما لابسة عباية
مهروه: بصراحة ماأحب ألبس عبايات أحلى كويتي
فطوم: يالله يالله ماعندنا بنات يلبسن كويتي
امون: متى بيعطونا ملابس السكول
فطوم : يقولون اليوم
زوز: ههه تراج فطوم علوم تعرفي كل شي بلسكول
امون : زوز شحالج وشحال أهلج
زوز: تمام ههههههههه
خدوي : امون ساروه ميامي تعالوا انحوط بلسكول
وراحوا نص الشله وبقوا فطوم والريم ونوف وزوز ومهروه
الريم: اليوم انا يوعانه
فطوم: انا بعد
زوز: انا بعد
نوف: انا بعد
مهروه: اكيد انا بعد

الريم : اوك انا عندي فكرة انا اليوم يايبه فوني وبنتصل لراعي المطعم وبنطلب ألي نبغية وبنقوله ايبه من ورى السكوول
زوز : فكرة حلوة
فطامي: وناسه اكشن اكيد فكرة حلوه
مهروه: لا لا تخيلي حد جافنا
الريم: انتي خبله محد بيجوفنا
مهروه : عادي يجوفونا
فطامي: عيل تمي لاتلحقينا
مهوه: لا لا بلحقكم
وطلبوا من المطعم
الريم : خلاص كل وحده ومهمتها زوز انتي كوني عدنا بس راقبي الباب مهروه انتي لاتسيرين ويانا اريدج اتكونين جدام الباب وحاولي تلهين كل الي يريدون يسيرون ورى السكول واذا ماقدرتي نبهينا وفطامي ونوف كونوا معايه
الكل : اوك
ملاحظة: كان حد يسمعهم شو يقولون
الكل ادى مهمتة وكانت نوف راكبه على جتف الريم عسب يستلوم الاكل وقبل عن يستلمون كان تشرد مهروه
وحد يدخل ويقول: بنات شو تسون أهني
الكل تفاجأ بوجودها
وطيح نوف بقوو على راسها ........................

تتوقعون من كان الشخص الي دخل على البنات؟؟
تتوقعون منوألي كان يتسمعهم ؟؟
وهل بينجون ولا لا؟؟
وشو بيستوي لنوف؟؟ __DEFINE_LIKE_SHARE__

أسيرة الأحزآن · 11-18-2011, 02:59 PM

البارت ( 2 )

الشخص اللي دخل علينا هو الأخصائية ويوم جافتها نوف طاحت على الأرض والكل سوو عمرهم أنهم مايعرفون شي ويصارخون : نوف شو فيج بلآج ؟
والأخصائية قالت لهم : وحده توديها عند النيرس والبقية وراي على المكتب
فطوم خذت نوف عند النيرس وزوز والريم رآحو غرفة الأخصائية
( قبل مايروحو خططو خطه علشان ينجحو )

في غرفة الأخصائيه :
الأخصائية : شو كنتو قآعدين تسوو هنآك وتطالع الريم وتقول وليش هآذيك البنت كآنت واقفه على فوق جتفج ؟؟؟؟؟؟؟ ..... شو كنتو ناويين الشرده ؟؟!!

زوز والريم : لا أبلة والله كنا بس قاعدين نلعب كرة طايرة فطارت الكرة برع ومس رياضة قالت لنا إذا طارت الكرة بر علينا نحن المسؤولية فقلنا وحده منا تروح وتيبها ...

الأخصائية : لا والله بعد !! ... أنزين جان قلتو لي أنا بخبر الحارس اييبها ماتروحو وتخاطرو بحياة وحده منكم ( للعم قبل مايروحو لغرفه الاخصائية وبعد ماراحت عنهم فروو كرة برع وخذو الطلبية ودسوها بمكان سري )
الريم وهي متوترة من رده فعل الأخصائية: أبلة سوري آخر مرة نسوييها مرة 2 بنقول لج إذا الكورة طارت برع بس سامحينا وخلينا نروح عند نوف ونطمن عليها

الأخصائية وهي تقوم من من الكرسي : أنآ بيي وياكم بجوفها

فطوم وهي تساسر نوف : ترا لو حد سألج ليش كنتي راكبة فوق جتف الريم قولي انج كنتي تبغي تروحي تييبي الكرة
نوف بتعب : أنزين أنزين تراا والله تعورت وايد
فطوم : عن الخقة والدلع بعد اللهم جرح خفيف على يبهتج .... وتضحك عليها

( دخلت الأخصائية عليهم وفطوم تأشر لــ الريم وزوز على أنهم سوو اللي اتفقو عليه )
الأخصائية تروح صوب نوف : ليش كنتي راكبة على جتف ربيعتج ؟؟
نوف ( سوت نفسها نفسها انه بيغمى عليها وقاعده تقول للأخصائية : والله علشان أن أأأن أنيي وسكتت
والأخصائية قالت لها إرتاحي وروحت من عندها
عقب ربع ساعة قالت النيرس لنوف : تقدري تروحي الصف
( راحو الشله الكلاس وهم معصبين من مهرو )
>>>> ووصلو الكلاس <<<<

ومهرو مفاجأتهم واهيه تقول والله مس انجليزي يت صوب الباب ويوم جافتكم شو كنتو اتسوو راحت على طول عند الأخصائية عقب قلت لكم وشردت .. وتقاطعها زوز وتقول : متى قلتي وقسم بالله مآسمعنآج تقولي شي وفطوم تشهد بعد

مهرو : قلت لكم وأنآ رايحه صوب الكلاس
فطوم : أكيد بصوت خفيف علشان جي ماسمعناج
(( تمو الشلة مايكلمونها ويعطوها طاف )
مهرو وهي معصبة : لو ماتبغوني بالشله عادي بظهر من الشله
وتقاطعها الريم وتقول لها : لا لو ظهرتي من الشلة بيكون فراغ في مكانج ومنو بياكل أكلنا ؟؟؟؟
( ضحكو الكل وتصالحو عقب راحو ياكلون الأكل اللي طلبوه )
عقب دشت أمون وساروه وميامي وخدوي الكلاس وراحو ورى

أمون : مواز اليوم بيي بيتكم أوكي ( الكل لف صوب امون وضحكو )
فطوم : أمون ليش تبغي تروحي بيتعم ؟؟
أمون : أسرار المهنه
الريم : هيه هيه أسرآر من ورانا ها ( والكل يضحك )
نوف بتعب : وآآآآي أمون مآجفتيلهم شو سوولي
سآروه وميامي : يب شو هاللي بيبهتج
نوف ( أونها عاد ) : الله يسامحهم زوز والريم وفطوم طرحوني بقوه
وقاطعوها والريم وفطوم : هيه احنا اللي طرحناج قلنا لج طيحي ورطينا بسالفة
خدوي : هيه تستاهل نوف والله أحسن اللي صار لج
ميامي : حرآم عليج تقولين لها جي ترا عقب الله بيبليج
فطوم : ههههههههه
فطوم مره 2 : واااااي هلآك اليوم
الريم : حسيتي ...... فطوم فطوم جحالي مخترب ؟؟؟
فطوم تضحك : بدينا من اليوم عآد أرحمينآ شوي ...... نو مب مخترب
تيي صوبهم زوز إلآ شوي الريم تسألها زوز جحالي مخترب ( تضحك زوز ) نو مب مخترب
تمو يسولفو وماحسو بالوقت ودق الجرس ( باك 2 هوم )
وتجمعو الشلة عسب يظهرون مع بعض
أمون وبصوت خفيف بإذن مواز : زوز اليوم موعدنا الساعه 5 العصر
زوز : إن شاء الله ترى البيت بيتج وحيآج بأي وقت

السآعة 5 العصر فبيت زوز
كآن في حد يدق الجرس ..,<

يروح اخو زوز محمد يفتح الباب
أمون : السلام عليكم
محمد : وعليكم السلام .. >>> محمد هو يصير أخو زوز وعمره 18سنة وبيكون له دور بالقصه >>>>>

قاطعته زوز : هلآ أمون دخلي البيت بيتج ( عطت اخوها اكبر طاف ) دخلت أمون بيتهم وهي مستحية

في غرفة زوز :

أمون : زوز هذا اخوج حمد ولا محمد
زوز : محمد بس ليش هالسؤال
أمون : بس حبي , حرام ولا حلال بعد ؟!
زوز : حلال هع أنزين شو كنتي تبغي تقولي لي أي سالفة ؟
أمون : أمممممم ولاشي بس كنت أبغي اسولف سوالف عادية فعلشان جي ييت خخخخ
زوز : زين والله انا بعد كنت ملانة

تمر الساعات بسرعة وهم ماحسو بالوقت وصارت الساعه 9 باليل
وأمون نست تقول للدريول ايمر لها وهي مب حافظه رقم احد من أهلها فقالت لها مواز : عادي أنا واخوي محمد بنوصلج البيت
أمون : لا حرام بتعبكم ... قاطعتها زوز : لا حبيبتي تعبج راحة

( وفي الطريق لبيت أمون )
محمد : وين بيتكم !!
زوز : أنآ بدليك
( عم الهدوء لين وصلو صوب بيت أمون )
أمون : والله ثانكس وسوري تعبتكم وياي
محمد : لا عادي تعبج راحة
زوز : العفو ولوووو ... عادي ترى مب أنآ اللي اسوق ماتعبت عادي هع هع
( محمد يطالع زوز بنظرات وفخاطرة يقول فشلتني هاي )
نزلت زوز عسب توصل امون وتسلم عليها وتقول : يلا باجر اجوفج
أمون : أكيد يالهبلة وتضحك
وركبت زوز مع محمد ورجعو للبيت
ولا شوي ويدق فون زوز
وترد زوز وهي مصدووووووووووووومة وشوي وبتصيح من التهديد اللي وصلها

.................................................. .................................................. ...

كتتتتتتتتت

تتوقعون منو اللي دق على زوز ؟؟؟؟؟
وشو قال لهآ ؟؟؟؟؟
وشو التهديد ؟؟؟؟؟
وشو السالفة ؟؟؟؟؟

كل هذا بتعرفونة بالبارت القادم ترقبوني __DEFINE_LIKE_SHARE__

أسيرة الأحزآن · 11-18-2011, 03:02 PM

( البارت الثــــــــــــالث ) :

مواز فجت حلجها لما جافت الرقم وقلبها عورها وقالت لأخوها محمد
زوز : حمود رقم غريب ارد ولا لاا؟!
حمود : كيفج ردي
ردت مواز ... السلام عليكم ...
....... : وعليكم السلام
زوز : أممم منو ويآي ؟
...... : مآ عليج منو أنآ ولا ولد منو !! خلج من هالأسئلة , المهم آنآ دآق أقولج أن أخوج محمد في ورطه , وتقاطعة زوز : شوووووووو شوصآير وشو هي الورطه؟؟؟!
....... : أنتي سكتي خليني أكمل كلآمي , وخذ نفس طويل وقآل :
يآ تخلين أخوج يدفع الدين اللي عليه , ولا بيجوف شي ماجافه بحياته مثل أنه يموت , او يخطفون حد من أهله مثلآ أنتي !!
زوز : شو تبون منه , وهو شو سوالكم
قآطعها وقآل : خبري أخوج وخليه يقرر ترة نحن ندري أنج معاه في السيارة , والقرار بإيده والمبلغ المطلوب 15,000 يدفعه لنا كآآآآآآش

.زوز منصدمه وبالقووووو ولاتعرف شو ترد ومحمد مب مهتم للمتصل ,, قطع تفكريها الشخص اللي على الفون وقال لها : سمعي خليني على الخط وقولي لأخوج . وخليه يسمعنا جوآبه , ولا بيصير شي بتندمو عليه .., موآز فجت حلجها ومب عارفة شو تسوي وقالت : انزين بــ بببس الله يخلييييك عطني فرصة اكلمه
وفي هالوقت كآن أخو موآآز يكلم الفون ونزل من السياره
ومواز حآولت ويا الشخص المجهول أنه يعطيها فرصه
وسكرت من عنده وهي شوي وبتصيح وخآآآآآيفة حيييييييل
بعدهآ ركب أخوها السيآرة
وكانت تحآول تفتح معآه الموضوع بأي طريقة بس ماتدري
بعدين قآلت : أممممم محمد عندك أعداء قآآآل : شو هالسؤال الغبيييييييي
زوز : أممم لآبس جي يعني أنت جآوب
قآل : ومنو ماعنده أعداء
زوز : آآآآ هي صح صدقك , انزين يعني متضارب ويآ حد أووو عندك ديون
قآل : أنتي بلآآج
زوز : ها لا ولا شي بس خذينا شي بالسكول ويعني آذآ عندك بخبرك شي
قآل : شو هالشي أن شاء الله
زوز بإرتبآك : هآ لا خلآص مآشي
محمد : كيفج
سكتت مواز وقعدت تفكر فحل لهاي المصيبة

في اليوم الثاني ( بيت زوز )
زوز من كثر ماتفكر بسالفه البارح مآرقدت عدل ومبين على وييها التعب والخوف فنفس الوقت والتوتر , , وكل ساعة تجيك على فونها ..

وراحت السكول ., ودخلت السكول بنفس حالتها , وعقلها مشتت وقلبها عند اخوها

الريم : أوي بلاها موآز أول مو على بعضها وعادتها
نوف : يمكن زعلانة منا
الريم : من شو بالله بتزعل قومي عني لااعطيج كفففف , وأساسا حتى لو زعلانه مابتكون جييييييي
نوف : أنزين أنزين كليتيني افففف
الريم : جب جب
عند فطوم : قلبها عورها على حالة مواز بس فضلت السكوت
فطوم : الريم , نوف , خلوها بحالها يمكن تعبانه وماتبي حد يروح لها
الريم : لاآآآآآ أنآآآ بروح لها ,, راحت الريم لهآ ولحقتهاآآ فطوم
الريم : هلآآآ مواز شحآلج
موآز وهي تتصنع أنه مآفيها شي : أهلين الريم تمآم ومن صوبج ؟؟
الريم : تمآآآم
فطوم : الحلوة شو بلاها اليوم ؟؟؟
زوز : مآفيني شي
الريم : لآآآآه .,,!! وآضح وآآيد ,, يلأآ أعترفي
فطوم : مآآ يقولون الصديق وقت الضيق ؟؟
الريم : هي صح ولانحن ربع على الفاضي ؟؟
موآز وهي تتصنع البسمه : صدق مآفيني شي بس مضآربه ويآ أخوي
<…..( كذبة بيضآآ )
الريم : آيوااااا مآعليج بتضاربون وبترجعون تتصآلحون
موآز : أنآ بعد قلت جي بسسس
وقطع عليهم رمستهم مس رياضه
تبغي زوز وساروه وميامي وأمون
ملآحظه : ( هالأربعة مشتركين في التنس ودآيم تآخذهم بالحصص الفآضيين منهآ وهذا اللي مخرب على الشلة )

ورآحو بنآت التنس وباقي البنات راحو لحصة فنية

أمآ فطوم والريم ونوف قررو يحوطون بالسكول بعدين يوم بيتفيجون بيروحون حصة الفنية

نوف : أمممم قرب العيد الوطني شو بتسوون
فطوم : هي صح شو نسوي
الريم : فكرو فكره حلوة نظهر فيها من السكول يعني جي فعآليات
فطوم : أنآ عندي فكره عجيبة
نوف & الريم : شو الفكره
فطوم : نقترح عليهم نروح اليبل ونرسم علم الإمارات
الريم : الله كشخه , فكره حلوه
نوف : يب يب
نوف مره 2 : أقول مب جنه تأخرنآ على الحصة
فطوم : هي والله يلا نروح
ورآحو حصة الفنيه وأول مادخلو الكلاس
مس الفنيه بأعلى صوت : أوآفو أنتي وهيآ ( اوقفو انتي وهي )
نحن تفآجأنآ لأنهآ كانت تكتب على الصبورة مآدري كيف جآفتنآ !!!!!!
وتفآجئنا بمهرو موقفتنها قلنالها شو مسوية يالدبه قآلت ضحكت وايد ووقفتني
طبعا خذينا هزآآآآآب محترم وووقفنا ونحن نضحك ونسولف ونستهبل
بعدين شفقت علينا وقعدتنا وقالت لنا انه ييلسون ويرسمون بدون صوت وهاي اخر مرة
,,,,, بعدهآ قعدت الريم وفطوم وكل وحده ظهرت لهآ عبآد الشمس
وفجأة والريم بعدها تآكل دوار الشمس ومب حاسة بالمس يوم تطآلعهآ
يت المس وتحرطمت فوق راسها وجافت فطوم وقآلت بعدددد ما شاء الله
وعطتهم كم هزبة ودخلت ايدها فمخباهم وآدور دوار الشمس عسب تشله عنهم والريم وزوز منصدمين ويضحكو وباقي الكلاس يضحك وقآلت للريم وزو بتخبر عليهم الأخصائية , بعد مآخلصت الحصة قآلت للريم وفطوم تعالو خذوه وهاي اخر مره وقالت مابتخبر عليهم
وراحو لمس فنية وقالو ببرآءه آسفين أبلة مابنعيدها مرة 2
وقالت لهم انها مسامحتنهم ولايعيدونها ومن هالكلام
راحو الكلاس ويوم دخلو جآفو مواز على وضعيتها

فطوم حز بنفسهآ وقآلت بخآطرهآ لآزم أخبرها عن اللي اعرفة
رآحت فطوم لمواز وقالت : زوز زوز تعآلي معاآي ابآ اقولج شي
موآز : هلآ شو بغيتي ؟!
فطوم : لآ مآيصير هني لآزم نكون بروحنآ لآزم نروح برع الكلاس
وظهرو برع الكلاس

فطوم : أنآ بقول .................................................. .....................
؟؟؟؟!!

كتتتت
تتوقعون هل حآلة موآز بتزيد سوء ؟؟
وشو كآنت تبي فطوم من موآآز ؟؟
وليش تبآ تقولهآ هالشي على إنفرآد ؟؟؟
وشو تتوقعون بيصير لمحمد

كل هذآ فالبآرت الثآني ترقبونآ
وأنتظر تعليقاتكم __DEFINE_LIKE_SHARE__

أسيرة الأحزآن · 11-18-2011, 03:03 PM

البارت (( 4))
فطووم سحبت زوز برع الكلاس لان جاافتها حزينة ومتوتره ..
فطووم : زوز كنت ابغي أكمل الشغله بس ما قدرت أجووفج حزينة ..
زووز : شوو قصدج ؟؟ >_<
فطووم : عن أخوج يوم البارحه حد هددج وكنتي خيفاانه و شووي بتصييحي .
زوز تقااطعهاا : منوو اللي اتصل ؟؟!! ... انتي تعرفينه ؟؟
فطووم : كنت اناا واخووي عباادي نسوي حق أخووج محمد مقلب .. واناا سوويت فيج مقلب .. واخوي اللي رمسج وسوووووري اذاا خووفتج ...
زوز واهييه طاايره من الونااسه : ههههههههه قولي والله يالهبلة فطوووم والله اني ماا نمت عدل وكله خيفاانه ... هههههه مردووده ان شااء الله
فطوووم : بنجووف ... يالله عااد ردي بطبعج القبلي ..
زوز : برد بس ترااهاا مردووده ان شااء الله .. هع وين الشلة الكريمة ؟؟!
فطووم : اممم ع ماا اظن في السااحه .. تعالي بنسير ليهم ..
زوز : اوكيك .. يلا قبل لا يدق الجرس ..
(( في الساحه ))
الريم + مهرووه + نووف ... كاانووا قااعدين صووب العموود ماال المظله ... فجأه في حد ينااديهم الريم نووف مهرووه : تعالووا بسرعه .. ويتلفتووا ويطاالعواا منوو اللي ينااديهم ...
كانت زووز وفطوم يبغووهم بساالفه ..
الريم : لاا يكوون عن ساللفه الجبل ..
فطووم : يب .. ترااهم ماا واافقووا على الفكره ان نرووح الجبل ونرسم علم الاماارات ..

زوز : اوونه علشاان لازم إسعافات ماادري شوو !! اوونه لووطحناا وتعورناا .
نووف : لاوالله جاايفين عمرهم اهم .. ليش يعني احناا نعرف كل شي هب يهاال ..
ورجعووا الكلاس وفي الطريق ...
فطووم : تعرفووا ليش زوز كاانت زعلانه ولا تسوولف ..
زوز تقااطعهاا : ايييييييه فطوووم عااد لا تفضحيني ...
الريم : والله وقسم بالله تقوولي ...
فطووم و اهييه تضحك : تعرفووا اني كنت مسوويه لي زوز مقلب .
زوز : خلاص اناا بكملهاا لييهم ..
فطووم : اوكي .
زوز : تراا امس كنت اناا واخووي حموود بنرجع البيت فاتصلت فطوووم ع رقم منوو مااعرف ومخليه اخووهاا ...
فطووم تقااطعهاا : عباادي يكلمهاا ويقوول ليهاا ان اخوووها حموود عليه دين ولازم يدفع5000 ولا بتمووتوا هههههههه ..
الكل : بسم الله عليهم ..
فطووم : ههههه علشاان جي كاانت مضاايجه ولا كاانت تسوولف .
الريم : هيه كنت متووقعه ان حد مسوي لج شي و طلعت هذي السووسه ..هههه

((( وصلووا الكلاس ))

>> وجاافووا علياا قااعده تضاارب ساارووه واموون ومي وخدووي ..<<
اموون : بس عااد ترااج زودتيهاا
مي : هيه والله احترمي نفسج احسن لج ولا بنرااويج شي ماا شفتيه ..
علياا ( قااعده تضرب وتمط شعر مي )) : والله محترمه نفسي بس انتي اللي شاايفه نفسج ومدخله عمرج ف السالفه ...
مي : هاا شوو اناا اللي مدخله نفسي ف الساالفه ولا انتي اللي مدخلتناا ؟؟!!
سارووه : تراا احناا سااكتين عنج ولا بنرااويج شي ماا جفتيه ف حيااتج ..
(( على فكره يووم ساارووه كانت تقوول لي علياا احناا سااكتين عنج ضربتهاا علياا ع ايدهاا بقوو ))
دخلت زوز وراهاا فطوووم والريم ونووف ومهرووه الكلاس وهم مبقين عيوونهم عليهم ..

زوز : اييه بس عااد اصوااتكم وااصله لي آآخر الدنياا ..
فطووم والريم : شوو اللي مستووي ؟؟!!
ساارووه : هذي الخبله قااعده تضااربناا وترفسناا وتمط شعوورناا ..
زوز وفطووم والريم : هاااا ؟؟ شوووو ؟؟ الا شلنتاا ...
الريم : ترااج واايد جاايفه عمرج انج الكبتن ماال الكلاس
مهرووه : هدووني هدووني عليها ..
ساارروه : امسكووها قبل لا يسووى ليناا مشااكل ..
اموون : مهرووه برايهاا خلاص ترووح تلتعن في آآخر الدنياا
(( عقب الضراابه ))
الحصه (( 4 )) كاان علينا دين >> والابلة كان عاادي عندهاا اللي يظهرووا من الحصه للعلم يعي البناات يخرطووا عليهاا ويظهرووا ..
ساروووه : اموووووون ااااااااخ ايدي واايد يعوورني .. >_<
اموون : مي 2 جسمي كله يعوورني بسبت هذي السبااله .. انزين شوو فيه ايدج (( الا وتلاحظ ))
ساروووووه ايدج ينزف ...؟؟><"
سارووه : تعالي بنرووح عند النيرس ..
اموون : اوكي ..
استأذنوواا من الابلة ورااحووا .. ف نص السااحه ساارووه تطييح ع اموون واموون ساارووه شووفيج اييه حد يسااعدني سااروه طاايحه على بسرعه تعالووا ..
الاخصاائية سمعت صووتهاا ورااحت ليهم وعقب ودووهاا عند النيرس ...
(( دق الجرس كاان الحصة ((5 )) وكاانوا فااضيين
زوز وفطووم والريم رااحووا يجووفووا ليش اموون وسااروه رااحوا عند النيرس ..
دخلووا الغرفة .....
زوز و فطووم والريم : سارووه شووفيهاا اموون تكلمي شوو صارر لي سارووه ؟؟!! ><"
اموون واهيه مرتجفه وخيفاانه على سااروه : ماادري والله طااحت علي بنص السااحه ويووم ياابوها اهناا قالت النيرس : ان ساروه فقدت دم و لازم ترووح المستشفى ..

فطووم : شوووو ؟؟ ><"
اموون : اقوول اناا برد الكلاس ماا اقدر اجووف سااروه جي
زوز : انزين اناا بتم عندهاا ..
تقااطعهاا فطووم : لا رووحووا انتووا واناا بتم وتأشر على الريم وزو تراا اموون واايد خيفاانه رووحووا وغيروا جووها شووي
وعقب ماا طلعواا بدقاايق ..
سارووه : اااخ راااسي .. منوو انتي ؟؟
فطووم : انا فطووم .. شوو بسرعه نسيتيني ..
سارووه : فطووم هيه لا والله راسي يعوورني ماا اقدر استووعب شي
النيرس : ساره بسألكي سؤال حد ضربك ؟؟ ولا حاادثه بس
فطووم : ابلة تراا ...
سارووه تقااطعها : لا تراا كنت ابغي اظهر من الكلاس حد دزني على الطااوله وماا لاحظت على ايدي الا يووم عوورتني ..
النيرس : اهاا انزين كم رقم اهلك علشاان ايووا ويااخذووك ؟؟!!
سارووه : ********** هذاا رقم امي ..
النيرس : انتي شوو اسمك ؟؟
فطووم : فااطمة .. بس ليش ؟؟
النيرس : روحي وجيبي حااقااتها لانهاا بترووح ..
فطووم : اوكي ويت دقاايق وبرد ..
(( ومن عقب ان النيرس رااحت واتصلت لي ام ساروه وفطووم ياابت جنطة سااروه )) رووحت سااروه وماا قدرت فطووم تسالهاا ليش ماا قاالت الصدق ان عليا اللي ضربتهاا ؟؟
رجعت فطووم الكلاس واهييه محتااره ان ليش سارووه ماا قاالت اسم علياا ... وصلت الكلاس الا اموون تدخل من ورااهاا اهييه والريم و زوز ..
امون : فطووم وين سااروه ؟؟ ليش ماا يبتيهاا ويااج (( تطاالع مكاان سااروه )) وين اغرااضها ؟؟؟
فطووم : رووحت بترووح المستشفى .. وبااجر ان شااء الله بتجووفيهاا ..
زوز والريم : اموون بنسألج سؤال وبصدق واماانه تجااوبي عليناا ..
اموون : اوكي
زووز والريم : صح ان علياا السبب ف اللي صاار ب سااروه ؟؟!!
فطووم طاالعت امووون وكاانت تأشر لا تقوولي دخيلج ... وترجااها بس علشاان ماا تقول ..
كــــــــــــــــــــــــــــــتتت
شوو السبب اللي خلا فطووم تسكت اموون وليش
وشوو بصير حق سااروه
وهل بتعترف سارووه لي الاداره ان علياا السبب ولا ؟؟
تاابعوون ف الباارت الخاامس
بس ساامحووني لاني بنزل الباارت عقب الامتحانات لان عندي ضغووطات ف الدراسه وهذاا البارت يالله يالله كتبته
يلا عيل بالتووفييق للجميع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة واقعية : خليفــﮧ " اهو الحبيب اللي انرسم عمري عليه { رواية اماراتيه ..	ڛيريلاڪ	قصص و روايات	31	04-07-2014 04:43 AM
هل فيه حل للارضه او العثه اللي تاكل الخشب ......!!؟؟؟	محروم.كوم	منتدى أخبار المواقع والمنتديات العربية والأجنبية	0	05-03-2010 11:00 AM
صورة المرحوم سيد محمد صالح وخلفه المرحوم ابن خالته احمد جعفر العرادي	محروم.كوم	منتدى أخبار المواقع والمنتديات العربية والأجنبية	0	09-26-2009 12:20 AM
بسرعة اللي عنده جوال الرهيب والرهيب المطور يتفضل على طول بسرعة	محروم.كوم	منتدى أخبار المواقع والمنتديات العربية والأجنبية	0	04-14-2009 02:30 AM
يابائع الحُب صُبّ الحُب لي بالكاس	اميـ اليافعي ـن	شعر و خواطر	15	06-05-2008 07:38 PM