....شعر/جمعه بن نايم الكعبي....

الحب العنيد · #1 01-19-2008, 05:22 AM

[align=center]يا صاحبــي خل الخفـــوق يغنّي ... ما دام قلبــك شـــد في ترحاله

ودامك تقــــول بغيبتـــي متهنّي ... أنا بعــد قلبـــي عــــزف موّاله

بختــار دربٍ غيــــــر دربك لنّي ... ودّي بقلبـــك تستقـــــر أحواله

ودّي أشوفـك عايــــش ومتهنّي ... وكــلٍّ مريّـــح مالشقــاوي باله

ما حب أعيـــش بعيشة المتمنّي ... عيني على من هو يبشّــر فاله

ولا حـــب أطوّل بالحكـي وآثنّي ... ولانــي من اللــي بالوهـم آماله

ولا أهتم باللي صـــك بابه عنّي ... أعطــي خفوقــي للــذي يسعاله

يا صاحبـــي بالك تجــــي متعنّي ... وتنْبِش بجـــرحٍ محتفظ بهواله

تهدم وترجَـــع ما هدمـــت تبنّي ... من قال حبــــي للهدم تمثاله !!

خلّك على الحشمه وضنّك ضنّي ... دامــك عنادي تعرفـــه وتختاله

لا تنحنـــي للعاطفـــــــه وتحنّي ... ولا تندفع .. عنّي الزمان تساله

بوصيك لنّي أحيـــدك موصّنّي ... مانْشد على قلبك وأقــول شحاله

شعر / جمعة بن نايم الكعبي[/align] __DEFINE_LIKE_SHARE__

εïз~اَلِمَيّث}● · 01-19-2008, 08:33 PM

[ صح منطوق الشاعر ]

من قصااايده اللي احبها ^^

وربي انه يضرب فـ الصميم

تسلمين الغاليه ع الطرح الطيب

ربي لاهانج

نترقب كل يديد من جداج

السموحه ع القصور البادر منيه

اختكم

الميث

__DEFINE_LIKE_SHARE__

المتفيـ ج ـة · 01-19-2008, 09:15 PM

يسلمــوو علـى هـ النقـل الغـآآآوي ..

.. .. __DEFINE_LIKE_SHARE__

.: الـشـامـخ :. · 01-20-2008, 02:40 PM

السلام عليكم

تسلمين على النقل

تقبلي مروري

@@@ أخوج @@@ __DEFINE_LIKE_SHARE__

MS theeba · 03-19-2009, 11:34 PM

يسلمووووووووو ع الطرررررح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألبوم الشاعر جمعه بن نايم الكعبي	غلا البحرين	الشعر المسموع	2	03-06-2012 09:44 PM
نغمآت لقصآيد جمعه بن نآيم الكعبي .؛	ŁỞηёł¥.ĞỊяľ	نغمــات للهــواتف	321	05-06-2011 02:49 PM
جمعه مباركه...	ونة الشوق	هواتف , مسجات , وسائط , برامج , ثيمات , نغمات , بلوتوث	8	01-06-2009 02:09 PM
@أجمل دمعه@	22الهاجس22	شعر و خواطر	8	01-16-2008 10:05 PM