لك ٌ فز ُ قلبي َ فزة ٍ تسبقّ الصوتٌ وأسرعٍ منَ الصاروخّ حزةٌ مطيرهً - الصفحة 35

لٍكّ فز ُ قِلبي َ بطوّع · 01-18-2012, 09:58 PM

..{ اشوفگ يالحزن وافي گأن اللي رضعگ أمي.!
..او انگ جيت من غربه ولقيت فداخلي اوطان..~

Part 14

المستشفى الي فيها عمر :
الموجودين: سالم و منصور و بو منصور و ام منصور
المستشفى الي فيها حامد :
ام فارس و مايد و فارس و مبارك و بو احمد و بو مبارك
.
.
بو مبارك : قوي ايمانج بالله ي اختي *عطاها قرآن و يلست تقرا*
ام فارس ابتسمت بحزن *ابتسامه غصب*
.

محمد: ماعرفتو شي عنهم ؟ ماشفتوهم ؟
مبارك*بضيق*: لاا
محمد تنهد
.
.
نوف : شو قال ؟
محمد: قال ان ماشافوهم و لا حتى عرفو شي عنهم
نوف صاحت
محمد: قوي ايمانج بالله ي نوف , ان شاء الله مافيهم شي
.
.
بو منصور: ها دكتور طمني
الدكتور: ابو عمر
بو منصور : هييه نعم , عمر فييه شي ؟ نقدر نشوفه ؟
الدككتور:والله ماعرف شو اقولك ,
سالم: عمر شو فيه اتكلم ي دكتور
الدكتور: عمر عطاكم عمره , البقا في حياتكم *وسار*
ام منصور تساندت ع الايدار و قعدت و تمت تصيح
بو منصور : لا حول و لا قوه الا بالله *كان جدا منصدم*
منصور سار صوب امه
منصور*بغصه*: ادعيله بالرحمه , مب زين الي تسوينه في عمرج
الدكتور: بو عمر ممكن تتفضل معاي نكمل الاجراءات
مشى ورا الدكتور و لا زال مب مصدق و منصدم
الدكتور: وقع هون لو سمحت
بو منصور يقرا الورقه
بو منصور: ااا , هذا مب اسم عمر ولدي
الدكتور: مش وقت مزح يا ابو عمر وقع مشان نكمل الاجراءات *وجان اخبص فالرمسه لول اونه زلمه ماعرف كيف يرمسون خطفو خطفو*
بو منصور: كييف اوقع , و هذا مب اسم ولدي , ممكن اششوف عمر ؟
الدكتور: طبعا اتفضل
بو منصور مسح ع ويهه : ان شاء الله مب ولدي , يالله يارب طلبتك
.
.
نوف: يعني ششششو ؟
فطامي *تشششهق*: يعني عممممر راااااااااااااح ؟ ><
نوف: انتو جذابيييييييين عمر ما مات عمر ححححححي
احمد سار صوبها وتم يهديها
فطامي*طاحت ع الارض*: جذابين هو مافيه شي قبل مايطلع رمسسني ما كان فييه شي *بصريييخ*جذاااااااااااااااابييييييييييييين
شما ربعت لفطامي و تمت تهديها و تسكتها
محمد: اسستغفر الله يارب , اترحمو علييييه بدال هالصيحه
فهد: ايي طيب و حامد ماعرفتو عنه شي ؟
محمد: حامد بخير الحمدالله , بس كسر بالايد و شويه رضوض, بس بعده مانش

ساره*هدت شوي* سارت صوب نوف و فطامي تهديهم
و البنات الباقيات سارو وياها
.
.
خوزو الغطى عن ويه عمر
بو منصور *بفرحه + حزن ع الولد الي موجود بالفراش و ويهه المشوه* : هذا مب ولدي
الدكتور: لكان كيف طلعو رقمك انت ؟
بو منصور : يا دكتتتور انا عمر ولدي مسسسسوي حادث هو و لد عمته بس هذا مب عمر ولدي
الدكتور: طيب اكيد في خطأ و خربطه شوي
بو منصور: يعني الحين ولدي عمر وين ؟
الدكتور: تفضل لنشيك و نشوفه وين
*طلعو عن الولد*
بو منصور: منصووور , ام منصصصور تعااالو عمممر ما مات عمر بخييييييير ان ششاء الله تعالو
ام منصور نشت بلهفه بس مخنوقه مب رايمه ترمس
.
.
احمد: سلوم مب وقتك , حرمتييه حالتها حالها بسير لها , صدق و له تتمصخر ؟
سالم: واللللله ان عمي دخل و شافه ان مب عمر و الدكتور يقول في حادث ثاني صار قبل هالحادث و اسمه عمر . , اكييد عمر ولد عمي
احمد: اتأكد و رد رمسسسسني
سالم: انزييين
*بند*
احمد تقرب لنوف و وقفها
احمد يرفع ذقنها
احمد: طالعيني ؟
نوف اطالعه و دموعها تذرف
احمد: عمر مافيييه ششي , عمر بخير , عمر الي تووفى مب اخوج مخربطين همم
نوف فجت عيونها ع وسعهن و فطامي اطالعه بأمل
فطامي: يعنننني عمور مافييه شي ؟
احمد: لا مافي شششي , بس بعدهم ما شافوه , الحين بيشوفونه و بيرمسوني
نوف : يارب
.
.
عمر*فج عيونه ببطىء , و بصوت متقطع قال*: ابويه , امايه
ام منصصصور *تضحك و تصيح* : حمدالله ع السلامه حبيييييبي
بو منصور حمد ربه و شكره ع هالنعمه
منصور: سلامات *يعطيه كوب ماي *
عمر: شو صار ؟ وين حامد؟ والربع؟
منصور: حامد بخير و مافيه الا العافيه كسر بسيط فالاييد و ربعك بخير و سهاله
عمر ماتعور وااايد بس رضوض بسيطه في ريله و ايده متيرحه شوي و يبهته
الدكتور: يلا ي عمر فيك تطلع الحين , بس راح تستخدم عكاز لمده اسبوع لانك ما راح تقدر تمشي بدونه
عمر: ان شاء الله
ام منصور تمسكه من ايده و تووقفه
عمر: ابويه بلاك ؟ بخير انا مافيني شي
بو منصور *حب عمر ع يبهته*: حمدالله ع السلامه , شفت الموت بعيوني ي عمر , خوفتني علييك
عمر:الله يسلمك , بسم الله عليك الوالد
.
.
ام فاارس و فارس و مبارك و بو احمد و بو مبارك و مايد
يالسسين حوالين شبرية حامد يتريونه ينش
حامد*يحرك ايده*:ااخخخ
ام فارس*فزت من مكانها *: حبيبي حامد , الحمدالله ع السلامه ماتشوف ششر , شي يعورك الغالي ؟
*تمو يتحمدوله بالسلامه و مادري شو , هالسوالف*
حامد*بتعب*:عمر ويين ؟
مبارك:منصور توه رمسني و قال انه طلعوه من المستشفى و بخير مافيه شي غير رضوض في ريله
حامد: و اانا بتم هني ؟
مبارك: بنشوف الدكتور شو بيقول
.
.

عمر وصل البيت
ام منصور قابضتنه من صوب و بو منصور من صوب
نوف اول ما شافتهم ربعت بفرحه صوبهم و دموعها من الفرحه تتطاير
نوف تحضنه: الحمدالله ع السلامه حبيبي , جي تسوي فينا , خوفتنا عليييييك
عمر: اخخ اخخ ريلي دستيها , الله يسلمج
ام منصور تضربها ع راسها: قومي عن الولد قووومي
*تمو يتحمدوله بالسلامه و هييك*
بو منصور: نوف تعالي قبضيه بسير اشوف حامد انا
ام منصور : بسير وياك دام تطمنت ع عمر , ام فارس اروحها ,
بو منصور: يلا , يلا مع السلامه , نوف حطي بالج ع عمر
نوف: ان شاء الله
عمر شاف فطامي واقفه عند فلتهم, بعييييييييد عن الباب الرئيسي
الي هم واقفين عنده
عمر: نوف وديني صوب فيلا عمي بو مبارك ابا اشوف حمود ماطلع ليش
نوف: اوكي
البنات و فهد و الباقين دخللو فيلا اليده
تقربو صوب فيلا بو مبارك
فطامي واقفه ع الدري عند الباب الي يدخل الفيلا
و تطالعه بعيون لامعه و حاطه ايدها ع شفايفها
اما عمر طالع نوف بمعنى روحي لول
نوف تمت تطالعهم , شافتهم ساكتين فدخلت فيلا عمها
شافت سالم منسدح عالغنفه و حاط الغتره ع ويهه و مبين انه تعبان
نوف: ااااا
سالم انتبه لها
عدل يلسته و تم يطالعها
نوف ماعرفت شو تسوي , تصنمت في مكانها و تمت ساكته
سالم نش من مكانه و تقرب صوبها , ماقدرت تتحرك حست ان ريلوها اتجمدت
مسك ايدينها بقوه , حاولت تفج ايدها , بس كان اقوى منها
سالم: نوف سامحيني
نوف ساكته
سالم: نوف الله يخليج سامحيني
طاحت دمععه من عينها *حست انها شافت شريط الايام الي عاشتها و يا سالم ينعاد جدام عيونها *
خوز ايدينه ببطىء و مسح دمعتها
فهاللحظه احمد دخل من الباب الي اييب من الميلس للصاله
تصنم مكانه
نوف للحين منصدمه و انصدمت اكثر وجود احمد في هالفيلا
مهما يكون فيلا عمه اكيد بيدخلها
,
,
,
عمر تقرب لها و حظنها
فطامي تصيح: خوفتني عليييك , بغييت اموت
عمر: بسم الله عليج الغناه يومي قبل يومج
فطامي تمت تصيح بهدووء
*عنود اطالعهم من الدريشه و تبتسم*
عمر: بس عاد , جدامج انا مافيني شششي
فطامي: الحمدالله انك جدامي و له و الله بنتحر انا , مالي يلسه فالحياه بدونك عمر
عمر: فديييتج لا تقولين جي
فطامي : لا تخليني مره ثانيه , لا تسوي فيني جججي ><
عمر ابتسسم لها و تم يناظرها
.
.
منصور دخل حجرته و عق عمره عالشبريه من التعب
ام مبارك: ميثه وين خ تودي لاخوها ماي و حبتين بندول , تعبان فديت روحه
ميره: محد هنيه خالوه كلهم رقود
ام مبارك: وانتي اميه ليش مب راقده
ميره : بسير عقب ششوي
ام مبارك: انزين الغاليه ودي هذا لمنصور *نولتها بندول و دبه ماي*
ميره بلعت ريجها و شلته و سارت غرفه منصور
وقفت عند الباب سساعه
ادخل و له لا
ادخل و له لا
قفل الباب يتحرك يعني منصور بيطلع
اااا , حاولت اتحرك بس ماقدرت و كأن ريولي ياها شلل
منصور طالعها و سكت
ميره نفس النفس
تعال بضمك ترى ضلوعي جياع
ي مضيف صدري عليك و شارحه
البارحه كابرت قدر المستطاع
و اليوم ماني مثل كبر البارحه
ميره: اا , خالوه تقول لك كل بندول و ارقد
منصور: مافييني و لا حاجه سوى اني فاقد اكثر شي احتاجه , انتي ي ميره انتي , محتاج قربج
ميره نزلت راسها و دموعها طاحن
ميره : مابا غييرك منصور
منصور: عرسج عقب جم شهر , ابا بطاقه عرس بروحي , يصير ؟ *و يمسح بكفوفه ع ويهه*
ميره ساكته
منصور: سيري ميره سيري , لا تزيديني , كلنا بننسى بعضنا فالاخيير
.
.

أداويگ وتداويني..{ .وتخلط دمك بدمي
..قطفت القلب وعروقه وتبدل داخلي شريان..~
__DEFINE_LIKE_SHARE__

لٍكّ فز ُ قِلبي َ بطوّع · 01-18-2012, 10:14 PM

الُسلّام علُيكم ْ و الرحمه ِ
ي هْلاع فيكّم ،
شحاْلكم ؟ ِ عساكکمّ بخير !
.
.

.
احم ٌ طبعُا نزلت ُ بارت ِ ، هع
بس قصير ٌ ججدآ جدآ ٌ ، يحليلهُ
السموحه ُ يعنے ، كتبته ُ بسرعهٌ
وماشے افكار حالياٌ ، هالويكند مابنزل
الا اذا بالسبت ُ ،لان الجدولُ زحمه ٍ -.-
و سوري ُ اذا فے ٍ اخطاء املائيه ٍ
ترانے اكتب و احط ، ما اقرآآ ٌ ><
ماشے وقت ٌ ، و هيييکآآآ
.
.
.
يلا برب
فے حفظ الرحمنٌ __DEFINE_LIKE_SHARE__

amoON104 · 01-18-2012, 10:48 PM

تسسسسلمين عالباارت ..~
روووووعه جنااااان ..~
نتريااج ..~ __DEFINE_LIKE_SHARE__

zoya.1997 · 01-18-2012, 11:41 PM

البارت واايد حلووو و القصة احلى ..
يعطيج الف عااافية و بانتظار البارت اليديد !! __DEFINE_LIKE_SHARE__

ما مني اثنين · 01-18-2012, 11:48 PM

طرررر البآاارت ..
تسلمين غلاآيهٓٓـ و نرقب الي عقبهـ ..

تقبليٌ خطفتيهٓـ .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا مدري اذا قلبي رفـــــض يصبر شسوي له	عســـوله	استراحة قصص وابداعات الاعضاء	68	10-07-2013 06:00 PM
شات تعب قلبي ، شات قلبي لـ أول مره دليل تعب قلبي http://www.chatt3ab.com/te3p	محروم.كوم	منتدى أخبار المواقع والمنتديات العربية والأجنبية	0	10-19-2011 08:20 PM
لو تروح بعيد من قلبي قريب,,في غرامك هام قلبي واكتفى,,	همس العشق	الشيوخ و رؤساء الدول	7	05-05-2011 06:42 PM
ياويل قلبي على من هو سكن قلبي ( من كتابات الشاعر : منصور الدرين ) < لاتحرموني التقييم	محروم.كوم	منتدى أخبار المواقع والمنتديات العربية والأجنبية	0	09-08-2010 03:30 PM
*~[ يا ح ـب انا عانيت من كثر الخ ـمول ..يا كيف يصبر قلبي لطول ع ـاميـن } ..	!!كيفي مواطنه!!	عدسة الاعضاء , كاميرا الاعضاء	18	07-14-2008 02:41 AM