××××××( قصة اليوم انت وبكره امك )××××××

محروم.كوم · #1 11-15-2011, 09:10 PM

بسم الله الرحمن الرحيم
والصلاة والسلام على من لانبي بعده
قصه فكاهيه وبها عبره للي يبي يعتبر
يقال ان احد الشباب يتيم وحيد امه عايش معها .ومه من النساء اللي بهم خير ماقصرت ربته على الدين والخلق ومشته مع عم له من اهل الحسبه ولا نزكيه على الله وثابر الولد وكبر وتوضف قالت امه نبي نزوجك قال توكلنا على الله مير وتزوجه بنيتن مزيونه بالحيل تبي ولدها يستانس وهو يستاهل ، تزوج الولد وستانس بعروسه وداوم بعد العرس ويجي تعبان من الدوام يتغدى ويرقد عشر دقايق ويروح لصلاة العصر ثم مع عمه ولاصلى العشى روح معه مقيضياته والولد مانتبه لبعض المواضيع بالبيت مستانس بالعروس المزيونه ولا انتبه للبيت من اللي قايمن به من طباخ وغسل مواعين وملابس وكناسه
يوم روح هاك اليوم عقب العشى خذته امه وبرزتبه وقالتله افطن مرتك مخدمتني
مير ويفطن قال لمه لاتقولي شي باكر لاروحت من الدوام وبدينا نتغدا نبي ناكل من الرز وننثر شوي من الرز على الفرش بجنب السفره
وبجيب المكنسه وتقومي انتي وتعافريني على المكنسه ونرفع صوتنا شوي انتي تقولين رجال ويكنس عيب ونا اقول امويمتي تكنس ونا موجود مايسير ونشوف
يوم جا من بكره سوو اللي اتفقو عليه وجت العروس على الصوت وش فيكم وش فيكم لكم لجه
قال الولد ابد مابه شي به رز منتثر على الارض وبكنسه وامي تقول رجال يكنس وبه مره مايسير
قالت وكل هالجه على كذا بس
اليوم اكنس انت وبكره امك
قال اييه اللي مابها خير بالاصل مالها خير بالفرع
هذي امي اللي لها الفضل بعد الله وصى بها الله بالقرأن وخفض لهم جناح الذل من الرحمه وقل ربي ارحمهما كما ربياني صغيرا
عباتك والله ماتحلين لي بعد الان
وهو خاف ان يجي منها خلف عاق وهو رضي والدين ومثل ماقال المثل (النار من مقباسها)
هذي قصة عبره للي يبي يعتبر ويدور الخلف الصالح ويبي عكاز يتعكز عليه ( ولد صالح) دور اول ام الولد الصالحه

وسلامتن تسلمكم
ااخوكم بالله هزاع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قعود وبكره للبيع	محروم.كوم	منتدى أخبار المواقع والمنتديات العربية والأجنبية	0	11-13-2011 01:10 PM
خلفة وبكره للبيع	محروم.كوم	منتدى أخبار المواقع والمنتديات العربية والأجنبية	0	05-13-2010 07:30 AM
فديتكـْ بالعمر كلهـ اليوم وبكره وامسْ}~	Дјறàl Диsǎήһ	الأناقة والجمال والموضه والطفل	11	05-03-2010 05:14 AM
اليوم وبكره مافيه بحر من شمال جده الى القنفذه	محروم.كوم	منتدى أخبار المواقع والمنتديات العربية والأجنبية	0	07-11-2009 07:10 PM
للبيع جذعه وبكره	محروم.كوم	منتدى أخبار المواقع والمنتديات العربية والأجنبية	0	05-10-2009 12:10 AM