#poem_4ec19bc4164c7 td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} قلت ياشايب مضى وقت الشباب والعصا اللي بيدك وش هي قصته قال ماقصرت خذ هذا الجواب من رجل هرم الليالي رصته شاف فيها الزين والوان العذاب وبالحبال الجيده قد مسته وشاف نكران الصداقه والصحاب لاتلومه لو روالك قصته قلت هات ولا تعجل بالخطاب منهو مثلك ودنا في جلسته من لفاك وشاف طيبك مايخاب ولا حنا بوقت عفنا هرجته قال ياوليدي سواد الراس شاب قام يضحك وهو ينزل غترته قلت له ياعم هذا بالكتاب وحكم ربي مالنا في صرفته قام ينظر بالسما وشاف السحاب ومد يديه وقام يردد دعوته وقال لي اول نحرث بالهضاب ونبذر بذاره ونرجي غرسته الامل بالله فوق اقسى الصعاب رغم شح الوقت وضيقة عسرته ونحتري باب الفرج ماحلاه باب ويعطي الله كل واحد حصته ماحسبنا للنجوم وللحساب اتكلنا بالكريم وحسبته القلوب نظاف مافيها خراب واللي الله يكتبه مانمقته والرجل واضح نهر ماهو سراب تعرفه يضحك وتعرف كشرته ولا وقتك شايفن فيه العجاب عازفه كله ومبغي حزته ودام فيه روح واقوى الاكتساب والعصا بيدي واقوى هزته عنده الاعمار سبحانه حجاب مايعرفها غير هو وبحكمته والعمر دله وناقه واحتلاب وقبلها الطاعه وفيها عزته ولا وقفت بالصدر ماعنه المصاب ولامدا عمك يطفي جزته