السلام عليكم ورحمة الله وبركاته

يا اخواني انا عندي مشكله في الباترول 98 بخاخ فيه تفتفه من كم شهر كانت الطرنبه خربانه وعلى حسب

كلام المكانيكي ان البنزين فيه ماء وغير الطرنبه والصفايه ومن عقبها وهي ترج على خفيف ثم جت مشكله العزم

طاح رحت لفلبيني ووزن الديلكو بيده وزان ثم رحت للصناعية القديمه ابشوف حل للرجه وخرب علي اتماتيك

المروحه وصلحته لقيت سعره عند ابن ماضي 600 ريال ولقيت سعره عند بن شبيب 450 ريال وخذته وعلى الله

ما عد ندري من الصادق كلن يقول الاصلي عندي والوكاله غاليه المهم ركبته وغيرت على الطريق السيور

كلها

يوم مشيت والاعزمه طايح وفيه مثل الونه وارجع للعامل قال يمكن الصفايه قلت له انا مغيرها جديده بس

مهوب منها لان التفتفه من يوم رركبتها والطرنبه المهم رحت لعامل قلت له اوزن الديلكو ووزنه بيده لاني

وزنتها بالمسدس واحس انه خرطي المهم تحسن بس فيه مشكله الونه والتفتفه والعزم

ارجو الفزعه لاخيكم بالنصح وان كان هناك ورشه متميزه في الباترول والا واحد سعودي ثقه دلوني عليه والا انتم اللي يعرف شي لايبخل علي لانها شانت نفسي من هالموتر والنفس اذا شانت قل على الموتر السلام ما يرده الا المعارض والا وادي نمار هههههههه