! .. Equalization love = معأآدلة الحب .. ]

{ كلي دفآشة ..~* · 12-01-2008, 05:01 PM

الـبآإرط الـ / 79 . . ]

ولما شرفت الاخت ايمان قصدي الدكتورة ايمان <.< ، وكلت وزطت الين قالت بس ، يلسوا يسولفون طبعاً الحريم بصوب و الرياييل اللي اونه ارياييل بصوب <~ احس اني بنضرب هع هع >.< / وصوب الحريم دق سالفة ^^" ... جان تهمس امون لعليا ^^"
امون : تعبت ^^"
عليا : من شو ؟
امون : من اليلسة >_< و سوالف امي و امج البايخة حتى ايمان قامت تتثاوب
عليا : خخخ يالله ايمان شو عرفها بالأشياء التراثية هاي اللي امي وامج يرمسن عنها ... صدق فاضيات >_<

{ جان تدخل فطوم من بينهن ^^" ]

فاطمة : لا تيلسن تتساسرن جيه <.< ... عيب >_<
امينة : جب انتي جب وسيري جابلي اعيالج <.<

{ جان تقوم ايمان ]

ايمان : يلا عيل انا استأذن
ام عادل : وين ؟ تو الناس ^^"

امينه { تهمس لعليا } : امج ناوية تعشيهن عندنا

ام محمد : ايلسي يا بنت الحلال
ايمان : لا ما عليه عندي شغل ... ومشكورين ع العزيمة الحلوة ^^"

{ اما صوب الشباب ]

حميد : حامد تراك حشرتنا حمد وحمد وحمد !! ... ما صار حمد هذه <.<
حامد : شفيك انته ... أبي اطمن عليه >.<
محمد : يمكن زعلان منك ... عطني رقمه انا بدق له يمكن يرد 77
حامد : أي زعلان انته الثاني ! ، اقولك جهازه مغلق تقولي زعلان .
محمد : يمكن زعل وغلقاه .
عادي : انتوا ما تعرفون تسكتون <.<

{ جان ادش عليهم امينه وهي تتحرطم ]

امينه : اوووف واخيراً رااااحت .
حميد : راحت >_< !
امينه : هيه <.<
احمد : مسرع ما قبلتي على البنية .. أمسات تحبينها وتعزينها و إلا تتعرفين عليها والحين تبين الفكه منها !!
محمد : ان كيدهن عظيم عظيييييم 77
عادل : آآآخ منكن يا الحريم محد يامن لكم

{ وجان تدخل فطوم ^^" .. <~ يهالوقه يا عادل ]

فاطمة : نعم ؟ <.< جني سمعت كلام مب حلو
الكل : هههههههههههههههههههههـ
عادل : الا حرمتي فديتها ... شيخة الحريم ^^"
فاطمة : حسبالي <.<
امينة : والله انتوا اللي كيدكم عظيم وما ينقدر عليكم >_<

{ جان تدخل عليا ]

عليا : ما بغينا >.<
حميد : ايه مب على ايمان :$
عليا (بنظرة) : استح <.<
امينة ( تهمس لأحمد ] : والله داقة دواه هيهيهي
احمد { يمس لها 77 ] : زين تسوي فيه هيهييهي

{ وصوب مها <~ تعالوا مب جنه ناسين مهوي ^^" ، وصلوا لاسافيغاس وفي شقتهم متيمعين الاهل و يتناقشون و يسولفون ^^" ]
فاطمة : امي جنها اول مرة تركب طيارة .. يالسة تقولي قومي ساعدي المظيفة مب زين >_<
الكل : هههههههههههههههههههههههـ
ام عبدالله : كنت يالسة اسولف وياج .. اف منج تم حد ما خبرتيه بالسالفة ؟
فاطمة : وين كنتي تسولفين ويايه .. وانتي كل شوي وطالعتيها وتقولين لي حرام والله تكسر الخاطر قومي ساعديها ولا بعد ازيدكم من الشعر بيت تقول لو فيني شدة جان قمت انا >_< الحمد لله ان اللي يدامنا انجليز وما فهموا علينا >_<
الكل : ههههههههههههههههههههههـ
ام عبدالله : عنلاتج !! ... وايد تزودين من عندج
فارس : ما عليج عمتي بنتج مب غريب عليها الخرط ... بنتج اصلا ام شلاخ
مها + عبدالله : ههههههههههـ
فاطمة : والله ما يضحك <.<
ام عبدالله : تستاهلين ما ياج يا ام شلاخ .. حد قالج تزودين فـ رمستج
ام فارس : اوه ام عبدالله غديتي شرى اليهال ... عاد بتحطين عقلج بعقل فطيم يحليلها _ المهم ما علينا ما علينا خلونا فـ سالفة مها و فروس

{ مهو + فروس .. اختبصوا ^^" ]

فارس : خير امي شو السالفة ؟
عبدالله : ههههههههـ فطوم طالعي شكل مهو وفروس
مهو : جب جب >_<
فارس : انت شكلك ما بتسكت الا لما ادخل نعالي بحلجك .. من ونحن في الطيارة وانت مطفرني بتعليقاتك السخيفة هذي <.<
عبدالله : هدي هدي لا ينط لك عرج <.< .. ما فينا بعد وراك عرس

{ عاد مهو .. الرقيقة .. الحساسة .. مرهفة الحس .. ما استحملت اليلسة ، جان تقوم <~ حركات طوال ^^" ]

ام فارس : زين جذيه
فاطمة : خل تولي خل تولي .. قولي قولي مرت عمي شعندج ^^" ؟
كلي آذان صاغية ^^"
فارس : ويت ويت .. أولاً ولت حياتج .. ثانياً السالفة ما تخصج فـ ياليت لو تنجعمين أو تجلبين ويهج و تقومين <.<
فاطمة : امي جوفي فروس >_<
ام عبدالله : لا حوووول .. انتوا وبعدين وياكم
ام فارس : خلاص خلاص خلونا بالأهم .. اخ فارس ؟
فارس : نعم أخت ام فارس ؟ أي خدمة ^^"
ام فارس : وان شاء الله متى ناوين تلبسون الخاتم ؟

{ يا قفطاتك يا فروس ^^" .. وصوب الهند وعند ريموه وحركاتها .. يالسة في مطعم من مطاعم الهند المكشوفه ^^" ... ودق سالفة مع اخوها سلطانو ^^" ... ما خلوا هندي ما علقوا عليه ]

ريم : ههههههـ سلطانو سلطانو طالع السيكي اللي وراك ههههه والله غترته طر .. تقول ماركة بربري
سلطان ( طالع وراه ) : خخخخ ذكرني بولد صفنا بو قراح .. الله يذكره بالخير .
ريم : بو شو ؟!!
سلطان : قراح قراح ... انتي شو يفهمج لـ هالسوالف ..
ريم : انزين طالع اللي لابس احمر ... مب جنه يشبهك ^^"
سلطان (يطالعه) : تخسيــــــن
ريم ( تبا تنرفزه ) : لا صدق صدق .. سلطون ياخذ من ملامحك شوي
سلطان ( رد يطالع الهندي مرة ثانيه ) : ماااااااااا يخــــصه .. انا ابيض وهذه يلوع الجبد

ريم : لا جد سلطانو .. شوف عيونه وايد تشبه عيونك ع فكرة حتى خشمه
شلطان ( شك بعمره ) : والله ما يخصه ... وين انا عيوني غير >_<
ريم : امبلا ركز ركز بتلاحظ الشبه
سلطان ( ما عاد يتحمل ) : الحين انـــــاااااااااااا اشبه هذه ؟ >_<
ريم : جيه شو انته منو <.< .. ع فكرة ترى هو أحلى عنك ^^"

{ و تكمل ريموه سالفتها البايخه و عبطها مع سطلون اخوها الغبي ^^"
<~ انا مول ما اصدق هالبنيه مادري كيف انت صدقتها ^^" ...
فجأة و بالصدفة <~ ويا ما اكثر الصدف في قصتنا الحلوه ^^" ... أصلا الحياة اكلها عبارة عن صدف .. ولا انتوا شو تقولون ^^" ؟! .. المهم المهم شاف رشود ريم وهي تستعبط مع اخوها سلطون .. طااار عقله وعرفها جان يركض يروح عند اخته عووش .. حتى الاسكريم نسى يشله عن الهندي >_<
<~ ريمو اعترفي شو مسوية في الريال ^^" ]

راشد : عووووش عوووش
عائشة : شفيك ؟ شفيييييك ؟
راشد : شفت ربيعتج :$
عائشة : بسم الله .. أي ربيعة ^^" .. ما احيد عندي ربيعة هنيده ^^"
راشد : هذيج هذيج اللي تعرفتي عليها في الطيارة .. اللي محطية حرفي سلسلة لـ تلفونها :$
عائشة : هييييييييييه قصدك ريم ؟!
راشد : الله اسمها ريم .. يا حلااااات هالاسم :$
عائشة : <.< اف منك ... المهم وين شفتها ؟
راشد : هناك يالسة مع اخوها :$

{ اما ام عادل و ام محمد .. الاخوات يالسات في الصالة و يخططن ويناقشون موضوع مستقبل حامد ^^" ]

ام محمد : هيه والله حتى انا حبيت البينه ودخلت قلبي ... بنت طيبة و حبوبة ما شاء الله عليها ^^"
ام عادل : شرايج نكلم حامد و نخطبها له و ان شاء الله لما يتعافى يملجون ؟!
ام محمد : وانا بعد اقول جذيه .. وخير البر عاجله
<~ وي يا بسوم راحت عليج >_<

{ اما صوب الشباب و البنات دق سالفة .. وحامد بعده بسالفة حمد ^^" ]

حميد : ياااااااا الله .. ذبحتنا يا حامد كل شوي ويبت طاري ربيعك <.< ليت اخلاقنا يا ريال >_<
حامد : ياخي مشتاق له >_< .. يعني لازم اييب طاري بنية عسب تستانس وترتاح ؟!
حميد : وهو في احلى من طاري البنات :$

{ عليا لاعت جبدها و قامت من عندهم .. و أمون تعمدت تفهما غلط 77 .. جان تهمس لـ حميد 77 ]

امينة : اويه عليا زعلت 77
حميد : @_@ ليش ؟!
امينة : تراك زودتها 77 .. ما تراعي شعورها و أحاسيسها >_< كل شوي يبت طاري إيمانو و ربيعاتك البنات
حميد : احم احم اصلا انا متعمد عشان اشوف ردة فعلها
امينة : كفو كفو 77 .. شفت كيف تغار عليك
حميد : فديتها :$

{ يقاطعهم احمد ]

احمد : بشو يالسين تتساسرون ؟ 77
حميد : اسرار اسرار 77

{ و فطوم و عادل فـ حجرتهم .. فطوم تنوم نوفة وعادل يلاعب نايف .. جان يندق الباب .. فـ راح عادل يفتح الباب ولا ام محمد فـ ويهه ]

عادل : آمري عمتي
ام محمد : ما يامر عليك عدو حبيبي .. بس بغيت فطوم
عادل : انا و أنا ؟ ^^"
ام محمد : هههههـ المرة الياية ان شاء الله
عادل : فطيم امج تباج

{ جان تسير فطوم مع امها .. لام عادل اللي كانت تترياهم في الصالة .. جان يكلمون فطوم بموضوع خطوبة حامد لإيمان و صدموها اكيد ]

فاطمة : هاااااااه @_@
ام محمد : بسم الله الرحمن الرحيم .. شفيج ؟!
فاطمة : هااه ؟! لا بس حامد بعده صغير
ام عادل : لا هو صغير ولا هو كبير .. وسنه مناسب للزواج .. ونحن خلاص قررنا نحطب له ايمان .. بس حبينا نسألج عن رايج فيها و في اخلاقها
فاطمة ( توهقت >_< ) : هاه ؟ >_< والله ما اعرف شو اقول ..
ام محمد : شو بعد ما اعرف شو اقول .. شفيج انتي ما يلستي ويا البنت ؟ ما كلمتج وكلمتيها ؟!!
فاطمة : >_< والله هي بنت طيبة وحبوبة وخلوقه بس .... ><
ام عادل : بس شو ؟!
فاطمة : انا اقول تاخذون راي حامد احسن >_< لان الراي الاول و الاخير له >_<

{ اما صوب تركيا .. بسوم يالسة ترمس وداد ع المسن وحدها ملانة وزهقانة ]

وداد ( تكتب ) : والله محد مستانس غير ميو .. مطيحه سوالف و غزل مع ساميو .. ولا عليها من حد >_< .. تصقدين اشتقت لـ بدور >_<
ابتسام ( تكتب ) : عيل انا شو اقول >_< ؟!
وداد ( تكتب ) : له له له مشتاقة لعرب لندن هااا 77
ابتسام : تقصدين علاية و امون صح :$ هيه والله واااااااايد متاقة لهم :$
وداد ( تكتب ) : علاية و امون هااه 77 يالعياااااااارة 77
ابتسام ( تكتب ) : والله ملل اهنيه >_<
وداد ( تكتب ) : يالله هانت هانت بسوم 77 ... ما بقى شي و بيرجعون سالمين غانمين 77
ابتسام ( تكتب ) : ان شاء الله :$

{ راحت فطوم تزقر حامد وباجي الربع للصالفة وهي خايفة و مرتبكة ومب عارفة شو تقول .. فقالت ما لي غير علاية و امون .. دخلت عليهم الحجرة ^^" ]

فاطمة : امون >_<
امينة : هااه ؟!
فاطمة : شو بعد هااه .. تعالي >_<

{ ظهرت فطوم .. والكل مصدوم منها ]

محمد : بلاها ام نايف ؟!
امينة : مادري والله ^^"
احمد : اعترفي شو مسوية فيها
امينة : الله يستر بروح اشوف شو فيها

{ راحت امون برع الحجرة لـ فطوم المختبصة >_< ... فقالت لها فطوم السالفة ع السريع >_< ]

امينة : هاااااااااااه ؟! لا لا مستحيـــــــــــــــل !

c u t

تتوقعون شو بيستوي @_@

و الصموحآآه .. .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM