! .. Equalization love = معأآدلة الحب .. ] - الصفحة 96

{ كلي دفآشة ..~* · 06-30-2008, 04:43 PM

هع هع اوكيك الحينه بنزله

و بيكون طويل ^.* __DEFINE_LIKE_SHARE__

{ كلي دفآشة ..~* · 06-30-2008, 05:00 PM

البآإرت الـ / 58 . . ]

والمنحرفات يتصورن مع العروس 77..فجأه رن فون امون اللي كانت تسولف مع جواهر ويعلقن على حركات عليووه ولا حمود المتصل 77..!
امينه:خير..؟
محمد:فطوم شكلها بتولد واخذها عادل للمستشفى
امينه:شووو بتولد..!!!
محمد:هيه بتولد شو تبينها اتم حامل يعني ؟؟!
امينه:انزييييييين ياا العبييط بسرعه تعال خذنا من القااعه
محمد:انزين انزين
امينه:وامي..؟
محمد:امي وعمتي راحو مع فطيم..!
امينه:اوكي بسرعه تعال خذنا
سكرت امون من حمود..
جواهر:فطوم بتولد..!!
امينهخايفه): هيـه.
جواهر : شو بلاج تغيرت ملامح ويهج؟,, ادعي انه الله يقومها بالسلامه
امينـه: الله يسهل عليها ان شاء الله. بروح ازقر علايا عسب نروح المستشفى,
جواهر: وليـش؟خليها هي مع رفيجاتها لا تخربين عليها فرحتها,
اميـنه: واذا عرفت بعدين انه فطوم فالمستشفى ونحن ما خبرناها بتزعل,
جواهر: زين عيل روحي خبريها.
راحت امينه وسحبت عليا من عند ربيعاتها وخبرتها بالسالفة
عليا: اونآآآآآآآآآآآآآآآآآآآه,!
امينه: شو بعد هاي اونـه بتين ولا شو؟
عليا:اكيييد بسس ويا راااسج, بس خليني اروح اسلم ع مي,,
امينـه: زين عيل روحي بترياااج
راحت عليا وسلمت ع مي وباركت لها مره ثانيـه, راحت مع امون وجواهر المستشفى,
وفي المستشفى حظرته الاخ روميوو خايف ع حرمتـه, وام عادل وام محمد يحاول يهدونـه,,
وفي البيت دخل حامد وهو ياي من برع ولا يعرف شو السالفه وشاف فهد متيلس في الصاله

حامد: وينهــم؟
فهد: كلهم راحو المستشفى.
حامد: ليش؟
فهد: يقولون حرمه عادل بتربي,
حامد: اهاا, وأخووك وينـه.
فهـد: ناايـم
حامد: وهذا دوم نايـم,, عيل بدق ع عليا خل أخذها من الخطوبـة واوديها للمستشفى, أخاف تحتشر علينا بعدين,
دق حامد ع عليا بس هي ما ترد, لانها نست مبايلها في حجره العروس اللي في القاعه وراحت للمستشفى
ابتسام دخلت بالصدفه ادور ع شيلتها وعباتها, لانه سامي اللحين بيدخل . وسمعت صوت تلفون ترد واقتربت من مصدر الصوت وشافت انه هذا فون عليا ناستنه ولما شافت المتصل كان (حآآآآمــد) انصدمت الاخت ما عرفت شو تسوي؟والتلفون يرن يرن . وابتسام ( ارد ولا مارد)<< 77
تمت ابتسام ماسكه الفون ولا هي عارفه شو تسوي! دخلت عليها فرح وهي بعد كانت ادور ع عباتها وشيلتها وشافتها ماسكه الفون وهو يررن, فرح وهي تفتش جان
تقول: ردييي
ابتسام: مب لي؟!
فرح: عيـل
ابستام: هذا فون عليا,
فرح:اووه الغبيه نسته, انزين ماعليه ردي وقولي انه عليا نست مبايلها.
ابتسام: اخوها المتصل,
على طوول فرح شلت الفون عسب تشوف أي اخوو, وشافت انه حااامد 77
فرح : اهااا حاااااااااااااااااااامد 77 زين ردي لا تخليني الولد جيه محترق
ابتسام:هيييييييييييييه حاااااااااااااااااامد 77 وانا شلي ارررد,!؟
فرح: ياا بنت الحلال ردييييييييييييييييييي ولا اقولج دزيله مسج من الفون نفسه وقوليله انه عليا نست الفون وعاد تحت اكتبي اسمـج ههههههههههههههه
ابتسام: تتمصخرين ويا ويهـج؟؟
ابتسام طرشت مسج لحاامـد من فون عليا وكتبت في المسج
( عليا نست فونها في القاعه وراحت مع امينـه للمستشفى
انا ربيعتها)
حامد شاف المسج وفهم السالفه بس ماعرف أي ربيعه فيهم ,<< الله مكثر المنحرفات عند عليوو,
وفي المستشفى وصلوا قوم عليا ( امينه وحموود اخوها وجواهر) بس فطوم بعدها في غرفه الولاده
امينـه ( تهمس لعيا77): طااعي اخووج بيموت ع حرمتـه,,
عليا( تهمس لامينوو): الله ياخذج انا احاتي فطوم وانتي يالسه تنكتيين!!
قطع حديثهم حموود : بشوو تتساسرن هااا 77
امينـه: هااا,, يالسات نخمن انا اقول فطيم بتييب بنت وعلايا تقول ولــد,
محمد: لا ان شاء الله بتييب ولد وبيطلع ع خاله احمم احمم
امينـه: عشتوو لا فديتك بنت وبتطلع حلووه وامور شرى خالتها,
عليا: اقول بلا هذره وادعوا انه الله يقومها بالسلامـه.
وفي القاعه سااميوو 77 دخل ولبس مي الخااتـم الاخ يبا يسوولف ومي مب عااطتنه وييه والمنحرفات عيونهم عليه77 ابتسام تتخيل عمرها هي وحاااامد 77 وودااد يالسه تتذكر خطوبتها مع بدر 77 فرح همها بطنها تفكر بالاكل تبا تااكل ومهوو عايشه الدور اشوي ولا تصيييـح.وشمه وريم يالسات يعلقن 77 جاان تنتبه ريم ع سرحااان ابتسام فـ نغزتها 77
ريم: اللي وااخذ عألك يتهني بووه 77
ابتسام: ههههههههه قصدج فستان مي لاااه
ريم: فستاان مي هااا 77 فستان ميي ولا احيـــم
ابتسام: لاا احم ولا احييييم ولا احوووم, ودري هالحركات
وصوب المستشفى فطوم بعدها في غرفه الولاده والحماعه بررع جان تشوف عليا حميـد وحامد يايين من بعيد,
عليا: اوووف
امينه: شفييج من اللحين ملييتي ترى تونا في البدايه,
عليا : لا مليت ولا شي بس شوفي من ياي,
امينه( جان تشوف حميـد): ههههههههه حمييد حلييله حميــد يدخل القلب حتى اليوم فكرنا انا وجواهر نخطبج له,
عليا: خســـــــي
اميـنه: يخس اعظاامـج,, اشفيـه ولد عموو كامل والكامل الله,!
عليا: عيل خذييه انتي
امينـه: لا انا باخذ حاااامد
عليا: جاان تبين بسوم ادووس في بطنج 77
ويلسن يضحكن وجان يقاطعهم
حميد: انا وصلــت
عليا: وخير ان شاء الله
حميـد: افا علايا ما تولهتي علي؟
امينـه: هههههههههههههه
حميد: وانتي ليش تضحكين؟
عليا: الضحك من دون سبب... 77
حميـد: قله اخلاااق 77
امينـه: شو هاي بعد؟ يديده
حميـد: اشعرفج انتي حميتد مايب الا الشي اليديد
عليا ( بصوت وااطي): امحــق
حميــد: نعـــآآم؟
عليا: سلامتــك
وبعد انتظار طوويل عدت فتره الولاده وولدت فطوم,<< ما بغيتي يا كرشج هع هع .. ويابت توم ( ولد وبنت) < شو هايل علـه؟,, طبعا الاهل استانسوا وكانت فرحه عادل ما تنوصف < اشعليييك يوولك دبل 77 وفي اليوم الثاني نقلوا فطوم لحجره ثانيـه ودخلوا عندها عادل وامه وعمته, عليوو واموون كانوا بيدخلون بس سكورا الباب في وييوهم,
عليا: بآآل
حامد وحميـد: هههههههههههههههههههههههههههههههههههههههه
امينـه: لا والله, ليش تضحكوون؟
حامد: شو سايريين تزعجون الحرمه من اللحين؟اصبروا عليها اشوي
عليا: اللله واخييييييييييييييرا بصير عمـه
اموون: وانا بعد بصير خااله << خاله خاله 77
عليا: حااامد حااامد تعال بنروح نشوف اليهال
حاامد: اصبروا اشوي اللحين, هايلك نقلوهم للحظانه مدري شو
امينـه: ومتى نقدر نشوفها؟ حامد وانا شدراني شايفييني دكتــوره!!
عليا: امون تعال بنسير نسأل الدكتوره
اموون: يلا امشي
حميـد: حووو حووو بعد هاي تقول لها يلا نمشي؟ على وين ان شاء الله اقعدين مكان واحد ولا تتحركن
امون: لا والله,!
عليا: بصفتك منو يالس تعطي اواامر يالشيخ حميــد؟
حميـد: احم احم زوج المستقبل
امينـه وحاامد: ههههههههههههههههههههههههههههه
عليا: شوووووووووو .....!!!؟؟؟
حميــد: ليكون طاايح من عينج وانا مدري؟
عليا: خسي تكون زوجي في المستقبل, اذا انت زوج المتسقبل انا من اللحين بنتحر
حميــد: اوووب جيه يسوووي الحب
اميييييينه وحااااامد: ههههههههههههههههههههههههههههههه
عليا: قاال حب قاال, بنتحر مقهووره ومنغااظه على حظي الردي مب حبآ فيــك
جاان اتيي جوااهر
جوااهر: حشى شو بلاكم تتهاوشون حتى في المستشفى
حميــد :هذه عليا مب راضيه تاخذني؟
جوااهر: ههههههههه ليش وانت خطبتها؟
حميـد: لا بس ياالس افكر 77
اموون وحااااااامد: هههههههههههههههههههههههههههههههههههههه
عليا ( معصبـه): جبببببب انتوا جببب بس فالحيين تضحكون,!
وعلى العصر دخلوا كلهم عند فطوم,, وبدى النقاش والضرب ع اسم الولـد والبنت
عليا: انا اقول سمووا البنت ( عليا) والولد ( علي )
عادل: هييييييه عشان يطلعون بقر شرى عمتهم
امييينه: لا لا عندي اسميين ياخذذوون العقل
حاامد: غرردي يا استاذه امينه
امينـه ( اونها مستحيه): البنت ( امينـه ) والولد ( اميين)
حاامد: اااخ لااا عشان يطلعون شرى خالتهم حمييييير
امييينه: عداال انته اللحين
حاامد: عادل ما عليك منهم سمي الولد حاامد والبنت....77
حميــد: شووو
حامد( اونه استحى): البنت .....
فطوم اللي كانت منسدحه ع السرير فهمت عل حاامد جان تضحك بتعب وتقول
فطوم: الصراحه انا اقول تسمي الولد حامد ع راي حااامد 77 والبنت ابتسام 77
امينــه وعليا ( موجهيين النظرات لـ حامد ): هييييييييييييه صح
عادل: مب مقتنع: ابتسام,,!!
حميــد: هيييييييييييه ابتسام هاي حبيبتي الجديــمه
عليا: خخخخخخ شو صوماليه
حميـد: لا يا بنت خاالتي بحريينيه
امينـه: وانت ماخذ من كل دوله ست ولا سبع بنات؟
حميــد: هييه احتيااط بعد شو 77
حاامد (مهتم في السالفه): ها عادل شراايك؟
عادل: خلووني افكر,!
جان يدخلون ام عادل ام ومحمد , ومحمد كان وياهم, سلموا ويلسوا
ام عادل: فديتهم شفتــهم , الولد ع ابوه, والبنت ع امها
ام محمد: بسم الله انتوا كيف شبهتييهم جيه واهم مساكيين ما يبيين منهم شي
ام عااادل: لا وانا اختتج انتي ما ركزتي,!الولد فيه شبه من عادل, والبنت قمر ع امها
عليا: امايا ابا اشوفهم؟؟
اموون: هييه صح وبعد انا
حامد: وانا بعــد
حميــد: وانــــــا
ام محمد: حموود حبيبي خذفهم عشان يشوفون,
وابتسام اللي خذت فون علايا معاها يلست حظرتها تفتش فيه77 < ملقووفـه عاد هي تهد كل الرسايل وتروح صوب رسايل حامد فتحت اول رساله77

عليا متى بتخلصين من الصالون؟

ثاني رساله

انا مش موجود في البيت

ثالث رساله < واللي طارت عليا بسوم 77

اذا بتروحين لبيت احــم E مستعـد افضي كل اشغالي واييج
بس لبيت ثاني لااا 77

اهني بسووم احمرت من الخااطر وعلى طوول سكرت بس ما شبعت لقاافـه 77 واحت صوب الاستووديو صوب الصور تحديدا ويلست تشوف الصور شافت صور اليهالوا وبعض للسوالف عليا الغبيه وتصوريها البايخ وورود وهالشغلات وبعدين نزلت وشافت صوره حاامد 77 يلست عااد الاخت تكبر الصوره 77 وادقق في الملامح عدل 77 وقلبها يدق < له شاافت الحبيب , بعد ما خلصت من صوب الصور راحت صوب لسته الاسماء وراحت صوب اسم حامد وشافت رقمـه 77 ابتسام: اووب اوووب رقمه حلوو ما بيسلفني ايااه
<<<مدري والله اسأليييه 77
وصوب العبااقره اللي راحوا يشوفون الولد والبنت خلصووا واهم راجعيين حامد كان يمشي مع عليا المخترشه
والحااشره المستشفى جان يقول حامد: علايا وين فوونج.؟؟
عليا: اوووه تصدق نسيته في القاعه
حامد: هييه ادري
عليا: وشدرااك؟
حامد: امس يلست ادقلج وما رديتي ومدري منو من ربيعاتج ردتلي بمسج وقالت انج نسيتي فونج
عليا: اشوه عيل اكيد عند وحده منهم.
حامد: ان شاء الله عند اللي في بالي
عليا: عطني عيل بدق من فونك عسب نتأكد
حامد: ما بترد لاا
عليا: بطرش مسج وبقول لها انا عليا وردي علي وبترد
حامد: اووكي
خذت عليا الفون وطرشت المسـج بس بسوم ما شافته لانها كانت ع اللاب ترمس مي وحظرتها هي وميوو طبرانات ومطوولات ع اغنيـه (مشكلتي اهواه) ويتسمعن , فـ ما مسعت صوت نغمه المسج

ابتسام ( تكتب): هييه من قدج يا مي 77
مي ( تكتب): احم احم ما دريتي, لما رحتوا انتوا بعدين رحنا نحن في غرفه العروس وخذا رقمي وخذيت رقمه
ابتسام ( تكتب): اوونه كم رقمـه 77
مي( تكتب): تبين تغازلين ريلي هاا
ابتسام( تكتب): ماعندي ساااالفه بس بشووف اذا رقمه حلو ولا لا
مي ( تكبت) : سير شوفي رقم ريلج حامدوو
ابتسام( تكتب) : والله رقمه حلووو 050..........
مي( تكتب) : له له اشعرفج في رقمـه 77
ابتسام ( تكتب) سررر المهنـه 77

Cut

اترياا تعليقآإتكم ع البارط هع __DEFINE_LIKE_SHARE__

دمعة المشتاق · 06-30-2008, 07:29 PM

تسلمين حبوبه ع البارت نااااااااااااااايس

ونتريا البارت بفارغ الصبر __DEFINE_LIKE_SHARE__

@روح وعدي وخذ التحدي@ · 06-30-2008, 08:31 PM

يسلمووووووووووو __DEFINE_LIKE_SHARE__

حكومة الغلا · 06-30-2008, 10:49 PM

يسلموو حبي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM