! .. Equalization love = معأآدلة الحب .. ] - الصفحة 66

قرموشـه · 04-11-2008, 06:34 PM

دفشوووه نرقبج >> من وين طلعت هاي خخخخ

نايس القصه الا طر

ونرقب البارت __DEFINE_LIKE_SHARE__

قرموشـه · 04-12-2008, 07:34 PM

؟؟؟؟؟؟؟؟؟؟؟؟؟؟؟ __DEFINE_LIKE_SHARE__

دلوعـــ الغربيه ــــة · 04-14-2008, 03:56 PM

!!!!!!!!!!!!!!!!!!! __DEFINE_LIKE_SHARE__

{ كلي دفآشة ..~* · 04-14-2008, 09:08 PM

هيهي الصموحة ع التأخير :$

والشصمه بااجر بنزله ان شاء الله ^^"

هيهي ترا الصبر زين لاه خخ

ويعطيكون العاافية ع هيك رد :$

مأآ نتحرمش =] . . __DEFINE_LIKE_SHARE__

{ كلي دفآشة ..~* · 04-15-2008, 03:29 PM

هيهي درب درب الباارط وصل .. وصل الباارط

هااع انزين شصمه بذكركم بـ / أآخر حدث في الباارط الـ / 46 هع

وفرح ومحمد في طريق العوده ^^"... غلا راقده ع ريول فرح وهزاع راقد يدام^^"...محمد عاد ملاحظ على فرح انها زعلانه ... لا ياا محمد لــه لازم تراضيها 77
محمد:فــرح
فرح:هلا
محمد:شوبلاج ساكته؟
فرح:فيني ارقاد <<اونه عذر يعني
محمد:اونه يعني اذا فيــج ارقااد ماتسولفين.. انتي حتى وانتي راقده تسولفين^^
فرحو فيها ضحكه بس ماتبي تخرب الزعل^^
ومن هنييه بدا
الباارت الـ / 47 . . ]

فرح:ليـش وقفت؟
محمد:مــزاج
فرح:انزيــن حركـ شوف السياير وراكـ كيف محتشره
محمد:برايها
فرح:!!!
محمد:ماني متحرك الا وانتي تضحكين وراضيه
فرح:ههههههههه ومن قال انا زعلانه ^^"
محمد:ضحك وضحكتي ياالله نتريا ترضين 77
فرح:هههههههه حموود ياالله عااد حرك تراني تصدعت من حشرة الهرنات
محمد:قولي والله هب زعلانه منك يا ولد عمي
فرح:والله هــب زعلانـه منك ياولــد عمــي
هني عاد حمود ارتااح وحرك السياره..وامون وعليا مسوين اكبــر طااف لمبايلاتهم ...وعادل وفطوم محتشرين عليهم !!!!77
امينه:طفرتنـي فطوم بالمسجات والاتصالات
عليا:لاتردين عليها عطيها مليون طاااااف
امينه:اخاف يهدونا في القريه ويردون .. هم بعد ماصدقو ان نحن زعلناا
عليا:ابركهااا من سااااعه
وصوب فطوم وعادل.. عادل حده محرج عليهن اما فطوم فخايفه عليهن

عادل"هذي آخر مره ناخذهم معانا
فاطمه"والله قلبي متروع عليهن ...خايفه صااار فيهن شي
عادل:ماعليييج منهن هذن امهات سبعة ارواح محد يخاف عليهن 77 .. انا متأكد 100% ان هذه اعناااد
فاطمه:كيف يعني؟
عادل:يعني انتي ماتعرفين امون وعلايه..تلاقينهن الحين يشوفن الارقام والرسايل بس مسويات طااااف
فاطمه:مسـودات الويــه
عادل:بس انا اعرف كيف ارجعهن^_*
جان توصل رساله لعليا من عادل 77
عليا:ويييييت هذي رساله من عااادل
امينه:شو يقول
عليا((تقرى المسج)):بسكم دلع وياالله ردوو...تراني وافقت اني آخذكم لبيت اربيعتكم بس اذا تميتو معاندين راح اهووون

امون وعليا طااارن من الفرح ولاعرفن شو يسوون من الونااااسه؟؟؟ وعلى طوول دقت عليا لعااادل..
عليا:انتووو ويــــــــــــن؟
عادل:هههههههههههه نحن عند القريه السوريه ... بالضبط عند البوابه الرئيسيه
عليا:ثوااااني ونكون عندكم
وظهرن امون وعليا من القريه الايرانيه 77... وراحن صوب القريه السوريــه والتقن مع عادل وفطوم ... وظهرو من القريه وركبو السياره ...وتحركت السياره.. جان تقول عليا 77 ..
عليا:اقوول نحن الحين وين بنروح؟
امينه:هيه صح عسب نبااات ؟
عادل:بعد وين بنروح ؟ بيتناا 77
امينه+عليا:شووووووووووووو؟
فاطمه:هههههههههههه صادووووه
يلسن عاااد امون وعليا يصرخن ويزاعجن ويهددن وفطوم وعادل نازلين ضحك عليهم .. وحامد ...حامد في عالم ثاااني يفكر في المبايل اللي في جيبه ...وحمود وحمد مسوين ازعاج مع الاغاني اللي محطينها ...جان ايي حامد ويبند عليهم 77
محمد+حمد:!!!!!
حامد:عن الحشره لو سمحتو
محمد:الحين نحن مسوين حشره!... اشوف رد حط الاغنيه
حامد:شـووف انت وياه ...عن الحشره والهذره وخلوني اركز في طريجي
حمد:بالعدااال
حامد:تراني بعدني مستحملنكم ومستحمل وصاختكم وطلباتكم وحشرتكم ... لاتخلوني اشوتكم برع السياره
محمد+حمد:!!!!!
حمد:تسويهااااا
محمد:مانستبعد !!
وفي نص الطريج صوب سياره عادل...هدووء حااال عالجميع ...امون وعليا رقدن بعد الحشره اللي سونها ...جان تلف صوبهم فطوم وتشوفهن راقدات ...
فاطمه:الحمدلله رقدن^^"
عادل:اف واخيراُ
فاطمه:هههههههههههههههههههه ترى بعدهن مخلصن اتريااالانتقاام 77
عادل:اعرف خخخخ
وفي سيارة قووم ابتسام...
ابتسام:والله مدري وين راح المبايل >.<
ام فيصل:خلاص ضااع لاتحلمين فيييه
بوفيصل:تحملي على اغراضج مره ثانيه
ابتسام:اووف مادري كيف طااح من ايدي >.<
فيصل:من غبائج الزايد ...الحين بيشوفون الصور والارقام
ابتسام:جب انت بعد الثاني مب ناقصتك... اشوف رد دق عليه مره ثانيه.. يمكن يرن الحينه
فيصل:انزين انزين لاتصرخين ..
دق فيصل عالمبايل وطلع مغلق 77
فيصل:مغلق77
ابتسام:اوووف>.<
فيصل:هههههههههههههههههههههه
ابتسام:هيه انت بس شاطر تضحك >.<
اما الشباب فوصلو كل واحد لبيته ...حمد طبعا راسه عالمخده وراح فستين الف نومه 77...وحمود نفس الشي...اما حاااااامد..فهذه الوحيييد اللي مااظن يرقد ..المبايل في ايده ويالس ويتامله <-- فتش لاااه
وفي اليوم الثاني عالريوق ...((ام عادل وفطوم وعادل وحامد))..يالسين يتريقون ..فيت عليا وهي ماده البوز عشرين شبر ..ييت ويلست على طوول لاسلام ولا كلام
كلهم:وعليكم السلام والرحمه
عليا:ميانين!!..انا ماسلمت عليكم
ام عادل:ندري بج مارح تسلمين
عليا:شاااطره>.<
عادل:وش فيج متعكر مزاجج اليوم^^"
عليا:سلاااااااامتك..بس بعض الناس مايستاهلون ان حد يصدقهم ولايوثق بهم..ولا وييه كرم وحفلاات..بس ياالله قاالوها الاولييين سو خير وعقه بحر
فاطمه+عادل((ناقعين ضحك)):هههههههههههههههههههههههههههههههههه
حامد+ام عادل((ناقعين استغراب)):!!!!!!!!!!!!!!!!!!!!!!!!!!!!!!!!!!!!!!!! !!
عليا:على ماظن مافي شي يضحك
فاطمه:سووووري بس تذكرنا نكته هههههههههههههههههههههههههههه
عادل:هههههههههههههههههه
عليا:هيهيهي صدق بايخين
فقامت عليا محرجه ومتجهه صوب حجرتها وفز من بعدها حامد...
عادل:تعال وين ساير لاتقول ساير تراضيهاا
حامد:توولي ماشي شغل ...بس انا اباها بسالفه
فاطمه:هيه عيل رووح ان شااء الله تحط حرتها فييك ههههههه
حامد:لا انا اعرف كيف اتصرف مع هالحلاات خخخ
عادل:لــه يالدكتور حامد ...وخبرك يالدكتور كيف نتصرف مع هالحاله
حامد:ســر المهنه
عادل:انجلع انجلع
راح حامد لعليا وشافها ماسكه مجله ومنسدحه عالسرير وهي ماشافته وعبالها فطوم وعادل يوو يراضونهاا..<-- ماعندهم سالفه خخخ
عليا:ادري ادري ليش ياين بس تحلمون ارضى عليكم ولوسمحتو تفضلو برع من غير مطرود لا عاد اشوف اشكالكم
حامد!!!
عليا:وانته يا استااااذ عادل تذكر افضالي عدل هااولا ليش تتذكرها الزمان بيذكرك غصبن عنك...وانتي يالبرنسيسه فاااطمه..لاتنسين افضالي وكرمي ومعروفي عليج...
حامد يسمع المحاضره وهو ماسك ضحكته بالغصب وعليا في استمرار وجديه خخخ
عليا:شو جايفينا يدامكم يهااال انا وامون..تجذبون علينا وتخلونا نواعد البنت وآخر شي تخونون... بس مو مكنكم من غباءنا الزايد اللي صدقناكم
حامد راح ييلس عالسرير وبالتحديد وراها ,,وهي بعدها تتصفح في المجله وتكمل المحاضره هع
عليا:عالعموم الله يسامحكم وبييك يوم تندمون ياالله خلصت اللي عندي ومابي اسمع منكم أي شي وتفضلوو برع
حامد صفق لها وهو ناقع من الضحك فصدت وراها وشافته وطبعا كانت صدمه @@
عليا((مصدومه)):انته!!
حامد:ههههههههههههههههههههه لاانا
عليا:عنلااااااتك ان شاء الله وجييه ماترمس...!
حامد:هههههههههههه لابس عيبتني المحاضره
عليا((ويها محروق)):المهم الحين خلصني شو تبا؟؟
حامد تذكر الفون!...مايدري كيف يبدى في الموضوع ولا شو يقول ...!
عليا:حووو انت شو عندك!؟!
حامد((بانتباه)):هااااا.؟
عليا:ويعااه قول خلصني شو عندك؟!
حامد:لا لا ولاشي ^^"
عليا:متأكد
رد حامد وسرح مره ثانيه
عليا:لاحووول بعد رد وسرح
حامد:خلاص قلنا لج ولا شي
راح حامد وظهر ...
وعالعصر دقت مها لوداد واتفقو عالمفآجأه اللي بيسونها لمي يوم الخميس <-- يوم الملجه
وداد:خلاااص تم.. وخبري باجي المنحرفات عسب يزهبن اعمارهن من الحين .. بس ها ديرو بالكم مانبا الخبر يوصل لمي
مها:صااار
دقت مها لابتسام وخبرتها 77
ابتسام:يااااااي كشششخه
مها:اكيييد كشخه مدام الفكره فكرتي احم احم 77
ابتسام:بس انتو متأكدين ان الكوشه راح تكون ورديه ؟؟
مها:يعني انتي ماتعرفين مي وحبها للون الوردي..واصلن هي مخبره وداد بالهشي
ابتسام:خلاص عيل تم^^"
مها:خليني اتصل بعلايه عيل^_*
مهوو حاسبي عالفاتوره ...دقت مها لعليا..
عليا:هههههههههههههههههههههه والله عجيييبه الفكره..بس ليش ماخبرتوني من قبل...امس كنت في دبي ...كنت بشتري حاجاتي من اهناك^^"
مها:ياالله مااااعلييييه بوظبي تكفي وتوفي ...المهم انا الحين بخليج دقي لريمو وفرح وقولي لهن
عليا:ان شاااء الله
والحين عاد دور ام الزط فرح...دقت لها علايه^^" طبعا ماحصلت فرح السمااعه الا بعد ضرابه قويه بين غلا وهزاع عالسماعه خخخخ
فرح:ياااااا ربي الفكره فيها خسر >.<
عليا:تستاهل مي يالعبيطه^^"
فرح:انزين ياالله امرنا لله
عليا:مب تنسين ادري بج انتي ياام سلوم؟؟!
فرح:ههههههههههههه لامابنساا
عليا"ياالله عيل فاارجي بدق الحين لريمو وبخبرهااا^_*
فدقت عليا لريم^_*
عليا:شو رايج؟؟
ريم:الله .. رهيييبه ..كووول..غااااويه...حلوووه..سوو ناايس...بيوتيفول
عليا:هههههههههه نسيتي كلمه
ريم:هيه وندرفول ...فري جريييت هع هع
عليا:ههههههههههه الله يعطيج
ريم:ويعطيج قبلي ^^"

CuT

وترقبوا الباارط القاادم بـ / فاارغ الصبر هع ي3[/color] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM