! .. Equalization love = معأآدلة الحب .. ] - الصفحة 27

{ كلي دفآشة ..~* · 02-15-2008, 09:55 AM

البأآرت الـ / 21 . . ]

خخخ...وفارس كل شوي يطالعها ويبتسم <<ببلاش ترى خخخخ
اونها استحت وراحت صوب المطبخ...جان ايهاا فارس من وراها
فارس:احم
مها((انتفضت)):بسم الله
فارس:خخخخ اسم الله عليج...خفتي
مها:لاتخرعت
فارس:ههههههههههههههههههههههههههههههههههههههههههههه ههههههههه...وابوييه تعرفين تنكتين
مها:فروس اخلص شو تبا؟
فارس:مااباا شي ....
مها:خلاص عييل...تشووف اهناااك<<تأشر على الميلس
فارس:هيه اشوف
مها:انقلع اهناك
فارس:افااا انا انقلع ...خلاص مقبوله....ياالله مع السلامه
مها:لحظه فرووسي بلاك انت زعلت
فروس حده تفجج ..هيه لا فروسي 77 ياا الماتستحين خخخ
مها((حدها قافطه)):...سوري
فارس:ليش تتأسفين؟
مها:سخييييف..تعرف لييش لاتيلس تتغيشم؟
فارس:هههههههههههه..انا ريلج عااادي تزقريني بأي اسم تبينه ...
مها((مصدومه)):ريلي!!
فارس:هيه والدليل الخاتم اللي مب طاايعه تفصخينه
مها((اونها عصبت)):ذليتنا تراكـ على ها الخاتم ...خلاااص بفصخه اذا تباا
فارس:لاااااا..اصلن انتي ماتستوين حلوه الا بهالخاتم
مها:لاااااااوااااالله..يعني انا هب حلوه!؟!
فارس:شو قالولج فرووس ماعنده ذووق...حبيبتي دامج حرمتي...ومن اختياري يعني اكيد قمر
مهو حدها انصدمت ومن القفطه شلت عمرها وراحت..والاخ فروس مستاانس..
وفاطمه تعبت شوي حاسه بدوخه ولوعه ..وعادل هب موجود في الدوام..فأخذهاا حامد للمستشفى ومحد كاان يدري <<صاير دريول هالايام خخخ...ظهرت من عند الدكتور
حامد:هاا فطامي....بشري؟
فطوم سااكته وماكله تبن ...وويهاا صاااير احمر
حامد:بسم الله...شبلاااج ردي علي
فاطمه:ها؟
حامد:خرفتي!!؟؟! خخخخ..اقولج السستر شوو قالت لج؟
فاطمه:ولاشي ..ارهااق بسيط وراح يخوز..خلنا نرجع البيت
وفي البيت رجع عادل..وماشاف فاطمه ..ومبايلهاا كان في البيت..تخبل الريال <<ماايقدر على فرقااهاا ولاثاانيه77...فراح لعليا وعبدالله اللي كانو في الصاله يشاهدون التلفزيون.
عادل:عليا
عليا:نعم؟
عادل:وين فطوم؟
عاد علايه اهني فكرت بخطه جهنميه 77..وطالعت عبود وغمزت له وعبود عاد فهم كل شي
عليا:والله يااخوي مدري شو اقولك
عادل((تلفت اعصابه)):شووووووووووووووو؟...قوووولي
عبدالله:نحن للحين ماااخبرناك وجيه معصب....عيل لما نخبرك شو بتسوي
عادل:شساااااالفه؟
عليا:تبي الصراحه يعني
عادل:عليووو لاتلعبين في اعصااابي وقولي
عبدالله:انصحج يا عليا انج مااتخبرينه ...اخاف يموت عليناا ولا تصيبه نوبه قلبيه
عليا:يااااخوي حرمتك صايره دلوعه هالايام...انت فشو زعلتها؟؟
عادل:زعلتها!!..متى زعلتها
عليا:هي راحت بيتهم ...زعلانه....تقول انت مزعلنها
عادل:!!!!!!
عبدالله:وكاانت تصيح وتصرخ..وسبتك سب ياااخوي
وجان يدخلون حامد وفطوم..
حامد+فاطمه:السلام عليكم
عادل:وعليكم السلام والرحمه!!...انتو من ويين ياااين؟
حامد:من المستشفى!
عادل:مستشفى ليييييييييييش؟؟!!
حامد:فطيم تعبت علينا شوي وخذيتها للمستشفى
عادل التفت لعبدالله وعلياا وماشااف الا غباارهم <<دقوهااا شرده ههههههههه
فاطمه كانت تعبانه ومب راايمه توقف فراحت حجرتها ...
عادل:خير ؟***شو قال لكم الطبيب؟
حامد:فطوم تقول ماااااقااال حقهاا شي
عادل راح ودخل على فاطمه وشافهاا على السرير لامه الدبدوب فحظنهاا وتلعب بخصله من شعرها ...وسرحااانه الاخت...فراح ويلس حذها
عادل:حياتي
فاطمه:هلا حبيبي
عادل:شوفيييج؟
فاطمه((اونها استحت)):ولاشي
عادل:كيف ولاشي والتعب بااين عليييج
فاطمه:حبيبي انا....
عادل:انتي شووو؟
فاطمه:انا حامل
<<يا الماتستحين خخخخ...الف مبروكـ مقدمأ...عاد ياافرحة عدووول ...من الوناااسه ماعرف شو يسوي بعمره ..باس حرمته 100 بوسه <<بل خخخخخخخ
وسرعااان ماانتشر خبر الحمل بين العائله <<شفيني قلبت لغة عربيه خخخ
وتيمعت العايله في بيت بوعادل..!
امينه:الله وناااسه يعني بستوي خاله
عليا:الله ونااسه امون بتستوي خاله
امينه:جب ويا ها الراس فهمت عليج خخخخ
فاطمه:لو سمحتو يعني انا مااحب الازعاااج ..بتتضاربن نشن من اهني
عليا+امينه:!!!!
عليا:تتوحمين في الازعاج
فاطمه:هيهيهيهيهي نكتت البرنسيسه عليا
امينه:والله وكبر راسج ياافطيييم
عليا:فطيم ضبطي حالج..لااتييييج شووته في بطنج
فاطمه:اسم اللله علي...حشااا مو بنات انتن
فقامت عنهن ... وهن ناقعات ضحكـ عليهاا
وفرح فبيت يدها ...متيلسه في الصاله وتخم بهالاكل خخخ...وجاان يدخل حموود...
محمد:السلام عليكم
فرح((مصدومه)):وعليكم السلاام
محمد:اشحالج فرح؟
فرح:تمام الحمدلله
محمد:عساا دووم
فرح:تسلم
فرح سكتت عن محمد...جان يقول
محمد:مابتسالين عن احوالي ...ولا ماتهمج
فرح:سوري نسييت....اشحالك؟

محمد:تبين الصراحه؟
فرح:اكيد
محمد:ماتسر
فرح سكتت عن محمد وفهمت المقصود..
محمد:فرح.؟؟..انتي ليش مب طاايعه تفهميني ...صدقيني مااا من بيناتنا شي ... هي طلبت تشوفني عسب نحط لموضوعنا حد.. وبس هااي كل السالفه
فرح راسها بالارض ولا ترد على محمد..
محمد:فرح ارجووج افهميني
فرح راحت عن محمد ..ومحمد حس بالضيج وظهر من بيت يده ...
وعليا مع امينه في الصاله يسولفون وحامد يالس يتابع التلفزيون
عليا:اليوم عيد ميلاد اربيعتي بسوم ...
حامد انصدم وطااالع امون وعليا
امينه:بسم الله...بلااااك تتطالع جييه؟؟
حامد:اليوم عيد ميلاد ابتسام؟!
امينه:وانت شو لك؟
حامد:انتي انجبي محد اخذ راايج
عليا:خخخ هيه اليوم عيد ميلاد ابتسام
حامد:بعد انا!!
امينه:لاااا اخوج اكييييد استخف!!!
عليا:حامد حبيبي شو بلااك؟...استخفيييت!
حامد:يااا الخبلاااات..اليوم عيد ميلادي بعد
عليا+امينه:!!!
عليا ترمس ابتسام عالمسن ....!
عليا((تكتب)):كل عاااام وانتي بخير 77
ابتسام((تكتب)):وانتي بخيييييييير77...ها شو بتيبين لي هديه؟!
عليا((تكتب)):انا اول شي خل اييب لاخوي بعديين اييب لج 77

ابتسام((تكتب)):شدخل اخوج؟!!
عليا((تكتب)):اليوم عيد ميلاد خيوو 77
ابتسام((تكتب)):أي اخو؟!!
عليا((تكتب)):حامد 77
ابتسام انصدمت...!!!
وبسرعه دخلت المنتدى ولاتشووف موضوع منزله حامد لهاا
HAPPY BIRTHDAY BNT ALEMIRATE
<<هاا طبعا عنوان الموضوع خخخ..تعالوو خلوناا نحدر الموضوع هع 77
السلاااام عليكم جميعاً
اليوم عيد ميلاد دبدوبة المنتدى
((بنت الامارات))
كل عامـ وانتي بخير وصحه وسلامه^_^
والعمر كله ان شاااء الله ^_^

كل القلوب افـ عيـد ميلادك ورود
ياورةماتـــشبـــهــك ايــــ وردة
هذا الفرح ماله بهاللحظـة حدود
وده يســولف للـزمن عنـك ود ِّه
ياللي القلوب افـ عيـد ميلادك ورود
ياوردة ٍ بـك ياصل الزين حــد ِّه
كـل عـام وإنـــت الحب الأكــيـد
كـل عـام وإنت في خير وســرور
لـك معا ني الود في حرف القصيد
ولـك عناويـنـه ومــا بين الـسـطـور
ودوك شوقي دامه بجنبك سـعــيــد
احـتـفــل بـه بين تغريد الـطـيـور

الحين دوور الهدايااا^_^

ان شااء الله تكفيج ياا الدبه^_^

والكيكه

<<مب تاكلينها بروحج عطي اربيعاتج بعد 77

وكل عاام وانتي بخير^____________^

عاد بسووم شو صاار فيهااا ... شوي ولا اطييير من الفرح
ردت لعلياا في المسن

ابتسام((تكتب)):عليوووووو
عليا((تكتب)):هلا
ابتسام((تكتب)):اخوج ها الماصخ مسوي حقي موضوع في المنتدى عن عيد ميلادي 77
عليا((تكتب)):هيه هيه من قدج 77...انا سوييت لكم هديه بس كييف اعطيكم ياها 77
ابتسام((تكتب)):سخيفه 77 خخخ
فراحت علياا لحامد في المسن...
عليا((تكتب)):حاااااااامد 77
حامد((يكتب)):هاا الدبه شتبين ؟ 77
عليا((تكتب)):سويت لك هديه ...لك ولابتسام 77...اثنين في واحد 77
حامد((يكتب)):خخ شو هي؟77
عليا..طرشت لحامد التوقيع ...وطرشت لابتسام بعد <<اونج علايه تعرفين تصممين خخخ

[flash=http://www.uaeboyz.com/myfiles/uploads/fbfb11cd20.swf]WIDTH=443 HEIGHT=407[/flash]

وجاان يتفججون من الفرحه 77....

CuT

يتبع في البأآرت القأآدم هيع __DEFINE_LIKE_SHARE__

دلوعـــ بوظبي ــــة · 02-15-2008, 12:28 PM

اووؤوؤنـه ظهــرت عليؤوهـ تعرف تصمم خخخخ

انزين بسؤوم وحآمد بيحطوون التوقيـع ولاا ؟
<<اونهم بيطقموؤن ككك

دفشوؤهـ ياللهـ كملــي البــآرت اللي بعدهـ بسررعه ..! __DEFINE_LIKE_SHARE__

][ نبضـ UaE ][ · 02-15-2008, 12:51 PM

ههههههههههه

حامد وبسووم لايقين حق بعض ..

الله كشوووووخي هالبـــاارت هع ..

ثان** حبوبه ونتريا الباقي ^^ __DEFINE_LIKE_SHARE__

بنت الشوامس · 02-15-2008, 01:26 PM

البـآآآآرت حيييييييييلوووو ..
يالله انا متشوقه للي بعدهـ

بسرعه خيتوو كمليهاا

ومشكوورة .. :] __DEFINE_LIKE_SHARE__

بنت من البناات · 02-15-2008, 03:54 PM

مرحباا كلي دفاشه
شحالج حبيبتي ؟

قصتج طرر الصراحه و انطر اليديد ولا تبطين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM