! .. Equalization love = معأآدلة الحب .. ] - الصفحة 234

كليـ ـغلا · 03-01-2009, 05:13 PM

ويــــــــــــــــــــــــــــــــــــــــــــــن البارت .. $\38.gif$

بليز نزليه بسرعه بديت انسى الاحداث .. $\38.gif$ __DEFINE_LIKE_SHARE__

دمعة المشتاق · 03-01-2009, 08:55 PM

ويـــــــــــــــــــــــــــــــــــــــــــــــن البارت؟؟؟ __DEFINE_LIKE_SHARE__

{ كلي دفآشة ..~* · 03-01-2009, 10:44 PM

الله يصلمكون ويصمنكون نفرآآت ^.^

لول ان شاء الله ~ الحينه بنزله .. .. ~

بربون __DEFINE_LIKE_SHARE__

{ كلي دفآشة ..~* · 03-01-2009, 10:45 PM

[rainbow]البآآرط الـ / 87 . . ] [/rainbow]

[align=center]وفرح بسابع نومه وغلا وهزاع ما نسوا اللي وصاهم عليه عمر
لبسو الاقنعه 77 .. وبدو الخطه 77 .. انخشت غلوو فالحمام على حسب ما قال لها عمر
وهزاع راح فتح باب الحجرة وسكراه بالقوو وعالسريع انخش ورا الكبت
فرحو قامت مفزوعه

فرح: بسم الله الرحمن الرحيم ة_ة شو هالصوت >_<

تلفت حواليهااا ما شافت لا غلا ولا هزاع ..!
خافت وقامت بتسير اتدورهم .. ظهرت من الحجرة ولا هزاع وراها
وسكر باب الحجرة بالقوو ,, عاد فرح حست عمرها يالسه تصور فلم رعب
وانتفضت مكانها ,,

فرح: شو اللي يالس يستوي ,.؟!

ردت بتفتح باب الحجرة وهي مترددة وخايفه ,, ما ان فتحت الباب ولا تشوف ينيين صغار
اشوي ولا يوقف قلبها .. ولا غلا وهزاع شالين الأقنعه .. وشرررررده ...>
عاد هي وراهم الين ما مسكتهم 77

فرح: يالحميييير اناا اوريكم ,, ما عليه انا اوريكم ،، تتحرون ما يبت الخيزرانه ويانا هاا 77
هزاع: والله العظيم ما يخضنااا >_<
غلا: والله هذا عمرو قال سوو بفرح جذيه >_<
فرح: عمر ...! اشفيه هذا تخبل مرة وحدة ,, بس ما عليه انا اوريييه 77

رجعو حميد واحمد وعادل من حامد وركبو السيارة [ عادل يسوق ,, وحميد عداله واحمد وراهم ] عاد فالطريج وهم رادين
شرا عادل باقة وروود بيضه وحميد واحمد مستغربين

احمد : شنو ذي ..؟!
حميد: بعد شنو ذي..! ورد ما تعرف شو يعني ورد ..؟ أول مرة تشوف شوو ..؟
عادل: ههههههههه صدقك والله
أحمد: عارف انه ورد يا ذكي ..! بس لمن ..؟
حميد: لا تكلم متزوجين لو سمحت 77
أحمد: أهاااا 77
عادل: توني اكتشفت انك ذكي 77

دخلو الحبايب الشقه ولا يشوفون هذاك الهدوء الغير مألوف عاد كل واحد راح لداره

دش عادل الحجرة ولا يشوف فطوم أونها الراقدة 77 عاد يلس يمها عالسرير
وحط باقة الورد عدالها <--مادري اتنذل وما اكمل 77 عشان خاطر العضو محمد بنكمل 77

عادل: احم احم ,, أدري انج مب راقدة 77 يلا عاد نشي :$

فطوم كسر خاطرها عادل 77 جان تقوم

فاطمه [ بتغلي ] : خير..؟
عادل: ليش زعلانه ..؟ حرام تعاقبيني على شي ما سويته ..!
فاطمه: عيل لا تروح المستشفى
عادل: الحين انتي زعلانه عشان رحت المستشفى ..!
فاطمه: لاا ,, بس لا تسير صوب هاي اللي اسمها ايمان ولا تكلمها
عادل: أيوااااااااا الحين فهمت السالفه ،، ماظن هذا تفكيرج ,, أكيد حد وازج علي
بس تامرين امر ولا بروح صوبها ولا بكلمها ^^
فاطمه: ولا حتى تطالعها
عادل: أفاا عليج 77 غالي والطلب رخييييييييص :$
<~ رياييل آخر زمن

اما صوب العلتين أمون وعلايه ،، أمون يلست ترسم رسمة يديده ،، بدل اللي أونها ضاعت
وعلايا فيها ضحكه ،،

عليا: ما حصلتي رسمتج انتي ...؟
امينه: للأسف لا >_<
عليا: ما عليه ما عليه خيرها بغيرها 77
امينه: انجبي وخليني أكمل رسم >_<

عليا عاد تمللت ،، امون صاخه ترسم وهي لاشغل ولا مشغله جان تقوم وتفتح اللاب
وفتحت المسن ولا تشوف بسوم اون لاين .. عاد ما صدقت 77

عليا [ تكتب ] : بسووووووووووووومـ
ابتسام [ تكتب ] : خبلوووووووووووووو وينج 77 لا حس ولا خبر ..؟
عليا [ تكتب ] : موجودة موجودة انتي اشحالج .. ؟ و اشحال الأجواء اللي عندج بتركياا ..؟
ابتسام: ملل >_<
عليا [ تكتب ] : انتي كله ملل ..؟ وين انوديج يعني ..؟ المريخ عسب ما تملين ..؟
ابتسام: لا بيي عندكم لندن :$
عليا [ تكتب ] : عشانا ولا عشان العرب ..؟
ابتسام [ تكتب ] : أكيد عشان العرب 77
عليا [ تكتب ] : مسودة الويه 77 على طاري العرب 77 الحين بطرش لج صورتهم
محلوين شكلهم حابين انجليزيه 77
ابتسام [ تكتب ] : خسي .. يلا يلا بسرعه طرشي الصورة 77

عليا طرشت الصورة وابتسام لا تعليق

ابتسام [ تكتب ] : هيه والله محلوين :$
عليا [ تكتب ] : وينج ...؟ عندي لج سوالف خطيرة 77
ابتسام [ تكتب ] : صج ..؟ يلا قولي :$

عدى الليل وعلايه سوالف ويا بسوم وامون تحاول اتضبط الرسمه 77
واحمد يفكر بالرسمه 77 وحميد راقد ولا عليه .. وحامد يفكر بابتسام 77
وسامي بعده مع مي و وداد بعدها مع بدر و مهوو نفس الحاله مع فروس
عاد وصلنا عند ريمو فاتحه لابها .. يالسه وتنزل الصور اللي صورتهم فالمتحف
فجأة تلمح صورة ظاهر فيها راشد بالغلط ،، عاد البنيه استغربت
وبدا شغل المنكر ،، كبرت الصورة ويلست اتدقق في الريال ،، جان يرن فونها
ولا هاي عواش اخت راشد ،، ردت ريمو على عطووول 77

ريم: هلا وغلا 77
عاشه: اهلين اشحالج ..؟ شخبارج ..؟
ريم: والله تمام الحمدلله ومن صوبج ..؟
عاشه: بخير دامج بخير.. ها بعدكم في دلهي ..؟
ريم: هيه والله كنا فالمتحف
عاشه: اوووه شت رشود راح كنت بيي بس قلت بتملل >_< لو كنت ادري انج هناك كنت ييت >_<
ريم: يلا ما عليه مرة ثانيه ان شاء الله ^^"
عاشه: اشرايج عيل اعزمج باجر عالغدا فـ مطعم ماكدونلز
ريم: خليني اشاور اهلي
عاشه: اوكي خلاص اتريا ردج ^^
ريم: اوكي
عاشه: يلا عيل أخليج الحين ،، تصبحين على خير77
ريم: وانتي من اهله ^^

سكرت عووش من ريم صدت وراها ولا تشوف رشود واقف حضرته ويسمع

عاشه: بسم الله الرحمن الرحيم ..! انت من متى اهني ..؟
راشد: عيل مواعدة ريم عالغدا 77
عاشه: اوووف انا ماكنت ناويه اقول لك الصراحه >_< لانك تفشل >_<
راشد: الله يسامحج جرحتيني :$
عاشه: عدال يا مرهف الحس 77 شوووف اسمعني اذا البنت اهلها خلوها اتيي ويت يا ويلك يا سواد ليلك
ان سويت حركات مني مناك ,, مفهوووووووووووم
راشد: بس بطالعهاا :$
عاشه: اذا تبيني اشلع لك عيونك <.<
راشد: حشا شو امسوي جريمه اناا :$
عاشه: اووووف يا ليتك امسوي جريمه ومسجون ومفتكه منك >_<

قامت عووش وراحت ترقد واخوها عاد بدا يخطط للموعد
وفي اليوم الثاني في لندن يالسين يتريقون عادل واحمد وحميد ومحمد
ويتبادلون السوالف والضحك

محمد: امس رحتو عند حامد ولا خذتوني
حميد: حضرتك الله يعلم وين دارك 77 عيزنا ونحن اندور عليك 77
احمد: هيه والله وين ذالف انت ..؟
محمد: رحت أحلق 77
عادل: يعني ريااال 77 ..؟
محمد: غصباً عنك 77

أحمد: ها شو شو بتصيرون حميد وعلايه 77
عادل & محمد : ههههههههههههههههههه
حميد: يا كرهك يعني تنكت ..؟ <.<

جان توصل أمون ،، ويلست تاكل على طوووول ،،

حميد: اشدعوه ،، عالأقل صباح الخير 77 ولا حتى نظره
محمد: سيييده يت تاكل 77
عادل: مب شايفه خير عافنا الله 77

امون اونها طاااف ،، جان تزقر الخدامه

امينه: روضه روضه

جان اتيي الخدامه ،، فقالت لها امون

امينه: مرة ثانيه ريوقي انا وعلايه اتييبينه لنا الحجرة
عادل: عدااال يالأميرة انتي وياها 77
امينه: ليش بس حرمتك تتشرط 77
عادل: والله حرمتي ما يودون لها ريوقها للحجرة .. بروحها اتيي تاكل 77
امينه: يمه منك يالعيار 77 صدق منكري ،، مدري منو كل يوم شايل ريوقها وريوق عيالها المخابيل و امودنه الحجرة <.<
عادل: الله اكبر عليج ..! الحين على حليب اتسوينها قصه
محمد: والله محد امسويها قصه غييرك ،، انت اللي بديت 77
عادل: هيه هيه صف مع اختك انت 77

ام عادل وصلت وشافت النقاش الحاد

ام عادل: أصبحنا واصبح الملك لله ،، من الصبح عاد هواش ما تملون انتو ..؟
امينه: عموو هذا ولدج حاط دوبه من دوبي >_<
عادل: أعلمج مكارم الأخلاق 77
امينه: علم عيالك بالاول ،، ابوسهم ينشعوني من شعري
الكل: هههههههههههههههههه
امينه: البسهم جواتيهم ،، يشوتون بالجوتي على ويهي >_<
الكل: ههههههههههههههه
امينه: أشربهم ماي يرجعونه عـ ثيابي >_<
الكل: هههههههههههههههههههههههههههههههههه
امينه: شسوي لهم هذول يعني شسوي لهم >_<
عادل : مربيه فاشله
امينه: مربيه فعينك >_<

وصلت ام محمد

ام محمد: امون الواحد ما يقدر يرقد من حشرتج >_<
امينه: حشرتي انا ولا حشرة ريل بنتج <.<
ام محمد: الحين شو ياب صوته عند صوتج يالدفشه
امينه [ اونها المسكينه ] : حتى انتي ..! حتى انتي يا امي >_<
ام محمد: غربل الله بليسج نسيتيني حتى السلام >_<
احمد: بس يلا عاد مب على امون 77
حميد [ بصوت خفيف ] : هيه هيه دافع انت اشعليك 77
امينه: هيه ها ولد العمه السنع 77
ام عادل:فكونا من حشرتكم ويلا خلصو عسب نروح لحامد
امينه: ياي ونااسه بنروح عند حامد
عادل: ومنو قال بنوديج ..؟
امينه: بركب السيارة قبلك ،، أصلاً حامد ما بيستقبلك بدوني :$
<~ محد يقدر على لسانج مووول حتى فالقصه أحاول أسنعج مقدر القلم مب طايع

المهم ،، فرح نشت من الرقاد وهي بعدها مب ناسيه المقلب .. الا تنتقم من عمر
شقتهم جريبه من شقه عيال عمها ،، سارت ودقت الجرس .. فتح لها عمر

عمر: هلااا 77 هلا فبنت عمي 77 صباح الخير
فرح: صباح الورد ولد عمي ،، اشحالك ..؟ عساك مرتاح ..؟
عمر: مرتاح ولله الحمد ^^ ،، عسى نمتي عدل البارحه 77 ..؟
فرح: أكيد أكيد نمت وانا مرتاحه مع اجواء غلا وهزاع السركيه ،، بس الصراحه مخرجهم وداعمهم الفني عجيب
عمر: احم احم أكيد
فرح: عازمتنك عالريوق فبيتنا ^^
عمر: اووه شو هالتطور :$
فرح: بتيي ولا شوو ..؟
عمر: أكيد بيي :$
فرح: اترياك 77

راحت فرح وعمر يدري ان وراها شي ،، قال بسير وبشوف اشعندهااا 77 ...
[/align]

[rainbow].. .. [/rainbow] __DEFINE_LIKE_SHARE__

نعوومه · 03-01-2009, 11:43 PM

ثاانكس الووووت..

بس لاتطولين علينا

خاطري اعرف شو بتسوي فرحوه <> __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM