! .. Equalization love = معأآدلة الحب .. ] - الصفحة 215

{ كلي دفآشة ..~* · 01-15-2009, 09:10 PM

لوول هيه صقدكون .. مآشي عن حآمد و ابتسآم .. وحتى فرح وموحآآمد ولاع نسيتوهون لووووووول =p

الموهيم . . تصلمووو لي ع هيك طلآه ^^

وحيــآآكون الله .. .. __DEFINE_LIKE_SHARE__

foяeveя · 01-19-2009, 12:51 AM

وين البــــآرت ..، __DEFINE_LIKE_SHARE__

{ كلي دفآشة ..~* · 01-19-2009, 03:27 PM

البـآإرط الـ 82 . . ]

حبيبي اشحلوها أيامي
حبيبي اشحلوها أيامك
معك روعة إحساس
يا أجمل كل هالدنيا

وصوب ابتسام .. كانت في قسم لللالكترونيات ... يالسه وتتسوق .. وحمد ومحمد وحامد في نفس المكان .. ابتسام كانت متغشيه وتمشي ... والشباب من الصوب الثااني ياااين في نفس طريجها... مرو من صوبها ... حامد بدون قصد اصتدم بها .. طبعا هو ماعرفها لانها كانت متغشيه بس هي عرفته ... <<<عاد اسالوهاا هي كييف كان شعورها^^"...
حامد:آسف اختي..
وبسرعه لحق حمد ومحمد اللي كانو ناقعين ضحك عليه... وابتسام نو تعليييق

يعلني مانحرم منك
ولا في يوم أبتعد عنك
ولا الدنيا تذوقني
مرارتها وقسى حزنك

حامد:زعبوود شو تسوي اهني؟؟
عبوود سااكت بس يالس ويطالع حامد !! خخخ
ابتسام شافت عبوود مع واحد.. رفعت الغشوه شوي عسب تشوف هو واقف مع امنو ..؟... ولا تشووف حامد!
انصدمــت وبسرعه رجعت عند امها وخلت اخوها مع حامد^^"
عبوود طالع وراه يدور ابتسام فماشاافها وعلى طول دمعة اعيونه
عبوود:ابتثااام >.<
حامد سمع صوت ابتسام فز قلبه 77 .. ويلس يمسح دموع عبوود 77< -- عيل ابتسام اهني هاا 77 خخخ
حامد:خلاص لاتصيح انت ريااال صــح؟؟
عبوود:ثــح
حامد:تبا تلعب؟
عبوود:هيه
حامد:ياالله عيل تعال خلنا نلعب

أحبك وأشتهي قربك
وأحب أسير في دربك
تشرقني وتغربني
أحبك بشرقك وغربك

وصوب العلمي ..عليا زقرت ابتسام اللي كانت يالسه مع الشله..جان تروح لها ابتسام ..خذتها عليا بعيد شوووي^^"
ابتسام:شفيييج؟؟.. شو مستوي..؟
عليا:اوووف يا بسووم لو تعرفين شو صااار امس
ابتسام:بسم الله الرحمن الرحيم..زيغتيني..؟!.. شو مستوي..؟
عليا:حااااامد
ابتسام:حامد..؟!... بلاه..؟!
عليا:اناا اقــولج.!
عليا خبرت ابتسام بالسالفه 77..طبعاً ابتسام انذهلت..!
ابتسام:هوو قااال جي..؟!
عليا:هيه..!
ابتسام(استحت 77):اونـــه
عليا:هيه اونه 77
ابتسام:احم احم
عليا:هههههههههههههههههههههه الله يعيطج عقل انا قلت بتموتين 77
ابتسام:اسم الله علي ان شااء الله عدويني

طبيعي لو يحسدوني
وعادي لو يعذلوني
تدري ليه غيرتهم
لأنك ماخذ عيوني

وفي سيااره حامد اهناك الرومنسيه على اصولها 77
..عليا يالسه ورى مع ابتسام اللي شوي ولا تموت من الحيا77..وحامد اللي هـالايام صاير جريء يقول..77
حامد(اونه مايعرف 77):عليا اربيعتج هااي امنو..؟ او وين بيتهم عسب نوصلها 77
عليا(77):اسمها ابتساااااااااام 77
حامد:عاشت الاسامي 77
عليا:عاشت ايامك 77
حامد:احلى عن اسمج 77
عليا:مغصوب تقول هـالرمسه هااا 77
حامد:هههههههههههههههههههه77
ابتسام تسمع الحوار وشوي ولا تموت جان تضرب عليا على ايدها عسب تسكت بس عليو عاندت اكثر 77
عليا:حاااااامد77
حامد:هلاااا77
عليا:اربيعتي تقول مشتهيه كندا دراي 77
حامد:من عيوني 77
ابتسام مصدومه اطالع عليو..وعليو مشتغله كلام وتأليف 77..وحامد مر صوب الدكان ونزل راح يشتري 77

طفت ابتسام الليت وحاولت تنام
,,,,,,,,,,,,
يا غلا.. يا هو غلا
مابيننا يا هو غلا
يا غلا تبقى بقلبي.. لو اسافر يا غلا
يا انا، يا انت يا ابن الناس، يا نبقى سوا
لو تجرحنا الليالي,, حبنا يبقى دوا

[ يلس حامد ورمس ابتسام على اساس انه عليا...! لانه يدري ان عليا اذا رمست امون للصبح مابيخلصن سوالف وحش وخرط..! هـــع...
حامد((يكتب)): اوونه!!.. ومن خذاه؟؟
ابتسام((تكتب)):وانا شدراااني l.. لو ادري كنت مااا جابلت ويهج
حامد((يكتب)): انزين انتي شو تبين في الحرف
ابتسام((تكتب)):اونه شو ابا في الحرف... حياتي وموتي ها الحرف
يافرحة حامد وياقفطة بسووم 77 < ---- ^_*

حامد((يكتب)):اونه عاد.. ليييش؟
ابتسام(تكتب)):ماايخصج انتي.... وياا ها الفيس لااازم تحرجني ]

يا غلاتي يا حياتي
يا بعد كل البشر،،
طالبك وانت حبيبي، ماعلى الغالي امر..
اذكر اني لو بغت بي عنك ايامي بعيد
ما ابيك تبيح دمعك،،
خلك بدوني سعيد

راح حاامد ..! ودخل الحجره وشااف جهازه مفتووح <<شسالفه؟؟!... اكيد حميد كان ياالس
..وجان يرووح وييلس وبالصدفه فتح المستنداات وشاف (سجل محادثااتي)..
<<فتحه عبااله حميد مرمس بنت ولا شي 77 عاد هو بييلس يقرى 77..لما فتح شاف محادثه دخلها 77.
..ولا محادثة عليا وابتسام..طبعاً الاخ ماصدق ييلس وقااام يقرى 77..!

عليا(تكتب):بعد أي حبيب يعني ..؟! حااااامد 77
ابتسام(تكتب):اونــــــه 77..شو تسوين انتي اهنااكـ... اظهري بسرعه ياالله اظهري

<<حامد نقع ضحك على رمست ابتساام خخخ ..وكمل قرايه 77
عليا(تكتب):تصدقين ريلج ارتب عنج.. حجرته مرتبه اكثر عن حجرتج 77

<<عاد اهني حامد تشقق احم احم 77
ابتسام(تكتب): صوريها حقي ..احيييييييم^^"
<<اووه حامد من قدك 77 تعمق في القراءه تعمق 77..
وكمل باقي المحادثه وييلس يضحك مع شوية خجل 77..ووقف عند لما قالت ابتسام..! وتولعت خدوده 77..77
عليا(تكتب):هاا اشرااايج 77؟
ابتسام(تكتب):حلووووة على صااحبهاا 77
<<كح كح من قدك 77..ولما خلص حامد قراية المحاادثه صورهاا..ومسحها من السجل 77..

يا غلا لولا الغلا..
مابيننا ذرة قدر
يا غلا ما تذرف عيونك، بلا عيني غدر
انت بين الناس حاجه
كانها مني انا..
فيك ضيجي وانفراجه،، فيك همي والهنا

وصوب الشباب قررو يظهرون من القريه ورجعون البيت وهم يتمشون ويسولفون متجهيين للبوابه الرئيسيه
... حامد شاف ابتسام كانت رافعه الغشوه وشكلها كانت ادور شي طااح من عندها^^"..
عاد حامد راح فعالم ثااني وقف يطالعها شو تسويرجع حامد مكان ماا كانت ابتسام واقفه ..بس ماحصلها !!..
رص على اسنانه بالقو وتمنى انه يمسك حمدو ويكفخه كفييخ خخ...
بس لاحظ ان شي مبايل كان عالارض..
شله من عالارض .. وفتح المبايل ..ِشاف خلفية المبايل صورة زايد اخو ابتسام..
وعرف ان هالشي اللي كانت ادور عليه ابتسام!!..
بس وين يحصل ابتسام الحين.؟؟؟.. يلس يدورها يمين يسااار
.. بس من الزحمه ماا حصلها..
فغلق المبايل وحطه في مخباه

قطع تفكير حامد أحمد

أحمد : يالله حامد تزهب اليوم موعد عمليتك الأخيرة ^^ وان شاء الله تنجح وترجع تمشي طبيعي مثل أول و أحسن ^^
حامد : ان شاء الله
أحمد: يالله عاد ليش جذيه شكلك ما يبشر بالخير ^^" ابتسم ياخي اضحك للدنيا تضحك لك ^^"
حامد [ بابتسامة ذابلة ] : خل عنك ،، تعال ساعدتني عسب أنش
أحمد : تامر أمر

أحمد راح يساعد حامد وهو يقول له ..

احمد: يالله ان شاء الله بعد هالعملية محد بيساعدك بروحك بتنش عـ قولتك ^^"
حامد: الله يسمع منك

جان تدخل عليهم أمينه وهي زاهبه << الربع كلهم بيروحون المستشفى مع الريال للحشرة بس شو بيوديكم >_<

أمينه: حامدوووووو @.@
أحمد: بسم الله الرحمن الرحيم ..! اشفيج .؟
أمينه: يالعبيط بعدك ما لبست ولا تجهزت ..!؟ ونحن اللي يالسين نترياك =_= بسرعه راح تتأخر عالعملية :@
حامد: انزين ثواني بس ^^"
أحمد: يالله أمون لو سمحتي اطلعي برع <.<
أمينه: بل فالويه =_= انزين يلا بسرعه جنك معرس ^^"

راحت أمينه واحمد يضحك عليها ومستغرب من حامد اللي مش عـ طبيعته اليوم

أحمد: حامد
حامد: هلا
احمد: ماشي اشفيك ياخووي ..؟ خايف من العمليه ..؟

حامد تم ساكت

أحمد: اوووه ماخبرك ضعيف ..! يالله خل ايمانك بالله قوي وان شاء الله ختامها مسك
اوردي الدكتورة طمنتنا عليك وقالت نسبة نجاح العملية كبيرة وهي وايد متفائلة

و وداد بعدها مش ناسيه اللي سواه فيها سامي ،، و وعدته ترد له الصاع صاعين من بعد ما حصل نصيبه من السب ،، صار الصبح في ألمانيا وسامي في سابع نومه و وداد اللي ما ياها رقاد من الخوف راحت بتوعيه بس هالمرة غييير 77
ماي بارد بويه سامي خلاه يزيغ ويرتعش عالصبح و وداد تضحك

سامي [ ينشف الماي عن ويهه ] : انتي مينونه ...!
وداد: تستاهل نسيت أمس شو سويت يالعاقل ..؟
سامي: تستاهلين نسيتي انج حرميتيني من شوفة مي >_<
وداد: لا يعني اذا ما شفتها مدري شو بيستوي فيك =¬_= بتموت =_= موت فكة منك 77
سامي: أفاا أفااا انا اخووج أنا سامي منو بيوول فعرسج اذا متت
وداد: علاوي فديت قلبه موجوود 77
سامي: زين ما عليه خل يفيدج علاويووه الغلس =_=
وداد: ما أسمح لك =_=

وأخيراً المعرس حامد خلص تلبس 77
وراح هو واحمد ولا الكل يترياه عند باب الشقه 77
[ ام عادل + ام محمد + محمد + أمينه + فاطمة + عادل + عيالهم + عليا + حميد ]

أحمد: خيبه شو هالتجمع ..!
أمينه: واخيراً أخ حامد خلصت 77
ام عادل: يالله امي يالله حبيبي تراك وايد تأخرت
احمد: الحين انتو من صجكم كلكم بتوون ؟؟
أمينه: هيه بعد شوو بنيي نوقف معاه نآآزره نآآآزره ^^
محمد: حشى المنتخب بيلعب
حميد: ههههههههههههههاي
أمينه: نطق البومه =_=
عادل: اووهووو يالله خلصونا امشوووو
عليا: تراني ماحب الوقفه وايد
أحمد: امرنا لله امشوو ،، الله يعينج يالمستشفى =.=

وفي لاس فيغاس عندهم ليل ومهووو طايره من الفرح يالسه فالحجرة مع اختها فطوم وتوصف لها اللحظات الحلوة اللي أمضتها مع فارس وفطوم منقهره

مها: يا ربي ما تتصورين اشقد استحيت :$
فاطمه: أونه يعني فروس رجل المفاجآت ..؟ =_=
مها: فديته :$
فاطمه: وععععععع
مها: تغارين :$
فاطمه: على شوو يا حظي =_= الا ما راويتيني خاتمج 77

مهوو تمد ايدها لفطوم وهي مستااانسه 77
ومن الصوب الثاني وصلو الخلق للمستشفى ،، وحان دخول حامد لغرفة العمليات وقبل لا يدخلونه كانو الاهل عنده وهو راقد عالسرير
جان تروح له عليا وهي بايدها ربطة من صوف صغيرة وعليها حرف الـe
ومسكت ايد اخوها وربطته في ايده وحااامد ..!!!!

حامد: ..!! شو هااا ..؟!
عليا: يمدك بالقوة 77 شوف الحرف أبد لا تفصخه 77

حامد شاف الحرف ارتاح نفسياً وطالع علايه بنظرات 77

حامد: يالشيطانه 77

جان تدخل عليهم الدكتورة ايمان 77 المشرفة عالعمليه 77

ايمان : ممكن ناخذ منكم حامد ..؟ ^^
عادل: خذيه هالله هالله فيه ^^
ايمان: أفاا عليك فـ عيونا ^_*خذت حامد وراحت

امينه [ بحقد ]: شو هالكريهه =_=
ام محمد: عيب :@

ومرت ساعتين والاهل يترييون
عاد امينه وعليوو ملن ^^" فبدن قرض وحش بخلق الله 77 < مشكله هالبينتين لما يملوون 77

امينه : شفتيييهااا 77
عليا: منوو 77
امينه: ايمانوووو
عليا: تطرين الدكتورة 77
امينه: هيه الدكتورة بعدشوو ،، حسبي الله عليهاا تبي تفرق من بين حبيب وحبيبه حراام حراام >_<
عليا: امون بسألج 77
امينه: ها ..؟
عليا: انتي مينونه ..؟
امينه: لا
عليا: خبلة ..؟
امينه: لاا
عليا: هبله ..؟
امينه: لاااا
عليا: غبية ..؟
امينه: ليش تسبيينيي >_<
عليا: الحين بالله عليج الدكتورة اشدخلهاا >_< امج وامي اللي يبون يفرقون بين حبيب وحبيبته عـ قولتج
امينه: امي وامج ما يدرون ان حامد يحب ابتسام وابتسام تحب حامد >_<
عليا: لا يعني ايمان اللي تدري
امينه: اووووووه عليوو لا تلوميني >_< مادري جي كرهتها من الخاطر >_<
عليا: خلاص الحين فكينا من سريتهاا ،، اهم شي الحين حامد تنجح عمليته

وصوب الصين فرحوو رقاااد هي وغلوو وهزاع
جان يندق باب الشقه وتفتح امها

ام هزاع : هلا حموود صباح الخير ^^
محمد: صباح النور ^^ أشوف البيت هادي ^^
ام هزاع: هههههه كلهم رقود حياك تفضل الريوق زاهب ^^

بعد حمود ما يقول لا 77 دخل يتريق ويا حرمة عمه ^^"
واخوه عمر بعده راقد 77 جان ينش ويروح يغسل ويهه
ولما خلص شاف على سريره شال فرح ،، عطته ياه فاليوم اللي قبله لما كان بردان
<~ جنه عيوزة =_=
جان يروح ويشل الشال بايده ويتذكر فرحوو ومواقفها الغبية والعبيطه ويضحك
جان يقول

عمر: هههههههههههه هالانسانه هب صاحيه

< عمروو اوووعك اتطيح فـ حبهاا 77

وفي المستشفى طال الانتظار و امون ما تحب الانتظار ،،

امينه: اوف يا ربي مب جنهم تأخرو >_<
محمد: لا تأخرو ولا شي العملية مدتها 3 ساعات اتريي اشوي
فاطمة: أخ منج ما تشوفين الكل على أعصابه ..؟ ما تسكتين اشوي :@
امينه: بس جب انتي =_=
فاطمة: ترا ريلي موجود 77
امينه: لا يعني مادري اشبيسوي ريلج =_=
عليا: بس بس صخن =_=
فاطمة: علايه اليوم هاديه مب على عوايدهااا 77
امينه: بعد .........77
عليا[ تقاطعهاا ] : جب =_=

CUT

والصموحـآآه .. ..
__DEFINE_LIKE_SHARE__

بنتوتة كيوت · 01-20-2009, 12:27 PM

البارت حلوووو

نتريا البارت الياي
يعطيج العافية __DEFINE_LIKE_SHARE__

فروشة الملاك · 01-20-2009, 03:30 PM

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM