! .. Equalization love = معأآدلة الحب .. ] - الصفحة 195

{ كلي دفآشة ..~* · 11-20-2008, 06:23 PM

لو و و ل هدوا هدوا ههههه الحينه بنزله =$

برب =) __DEFINE_LIKE_SHARE__

{ كلي دفآشة ..~* · 11-20-2008, 06:29 PM

البآإرط الـ / 78 . . ]

وصوب حامد وحميد في طريجهم للمستشفى ..طبعاً السايق يسوق^^"..لان محد فيهم فالــح<~تدرون شقد انا احصل ظرب وسب من ورى هالقصه ><..بس ياالله هاانت مابقى شي ^^"

حامد:صار لي يومين ادق على حمد وجهازه كله مغلق!
حميد:منو هذه حمد بعد!!
حامد:بس فالح تحفظ لي اسامي البنات ^^"..حمد اربيعي بعد اي حمد!!
حميد:هييييه حمد الجزراوي ع قولته 77
حامد:هيه حمد الجزراوي <.<
حميد:يمكن تزوج^^"
حامد:فالك ما قبلنااه..اصلاً انا وياه اتفقنا ان عرسنا يكون في يوم واحد^^"
حميد:اي مو على كيف امك هو<.<..يا بابا مرتك اللي تحدد مب انته
حامد:برايها والله ما طاعت ماباخذها..بطلقها^^"
حميد:استغفر الله ان ابغض الحلال عند الله الطلاق ^^"
حامد:طالعوو منو يرمس<.<
حميد:المهم المهم خلنا فسالفة اربيعك حمد..ماعنده رقم ثاني هوو؟
حامد:لا.. بس انا اعرف رقم بيتهم بس استحي اتصل ياخي:$
حميد:اللي يستحي مايعيش^^"
حامد:شبلاك انته اليوم حكم وامثال وآيات واحاديث!!

وصوب الشقــة اووه يقولون ام محمد وام عادل محتشرات ماخلن شي ماسووه حق ايمان ^^"..بخروو البيت وعطرووه وسو هذيج الاكلات الخليجيه 77 وحركاات 77..وامون وعليا وفطيم @_@..جان يظهر احمد من الحجرة وهو توه يالس من الرقاد^^"

احمد:يا سلااااااااام شو ها الريحه الحلوه ^_^
امينه:سلم بالاول قول شي @_@
فاطمه:ماتستحي انت على آخر عمرك امون تعلمك السنـع ^^"..؟
احمد:هيه هاي امون اللي ماتبين من الوصاخه هههههههههههههه77
امينه:جب جب ^^"
احمد:الا ماقلتو لي شسالفه شو اللي قاعد يصير..؟^^"
عليا:استقباااال ظيفه ^^"
احمد:شلــون..؟^^"
عليا:امي وحرمت خالك المتفيجات ..بيستقبلون وحده ..وعفسن البيت فووق تحت..هذه لو بيستقبلن شيخ لندن جان شو سوون^^"..؟

امينه:لندن بعد عندهم شيــخ..؟^^"
عليا:جيه بس نحن عندنا شيوخ <.<
فاطمه : يا بقر اسمه يسمونه حاكم مادري امير ^^"
عليا:نفس الشي <.<
احمد:منو هذي الضيفه المهمه اللي معتفسين عليها^^"..؟
امينه:دكتورة حامد 77
احمد:اوهوو الله يعينها على حميد >_<

جان اتي ام محمد ..~

ام محمد:انتن ايه بدال مايالسات جيه تعالن ساعدنا وسون السلطه
فاطمه:امي كفايه كنسنا البيت كامل..حشا على وحده محتشرات جيه <.<
ام محمد:انا بعلم الصغير ولا بعلم العود..احترام الضيف واااجب..وحنا عرب وهالشي مزروع فينا
امينه:منو هالمتفيج اللي زرعاه .؟<.<
عليا:هيه والله صدقج بس حق الخسر >_<
احمد(يبا يقهرهم 77):ياااللهـ يااللهـ بلا هذرة وذلفن سوون السلطه ع فكره احبها بدون الليمون ها اللي تحطونه عليها ..وبعد لاتنسون اهم شي زيت الزيتون77
ام محمد:وانته!!..توني مريت من عند حجرتكم..حجره هاي ولا سكراب ياالله اشوف نش ورتبها عن حبه

سارت ام محمد.. والبنات شغالين ضحك على احمد

عليا:سمعت احمدوو عدلها عن حبه 77
فاطمه:ياالله قم قم 77
احمد:شو ها ظلم الصراحه <.<..حامدو حميدو يحوطون برع وانا ايلس اعدل حجرتهم!!
امينه:مو مشكــله انا بساعدك ^^"
فاطمه+عليا:@_@

احمد:فيج الخير والله مب مثل بعض الناس 77
امينه:ياالله قوووم خلنا نروح نرتب 77

وراحو امينه واحمد..وفطوم وعليو@_@!!

فاطمه:طالعوو هذي!!.. والله يبالها كف لا صاااار ولا استوى!
عليا:يعني ماتعرفين امينو اختج..تبا تتهرب من شغل السلطه وتروح مع احمدوو وتقص عليه اونه بتساعده <.<..هذه ويهي ان ساعدته
فاطمه:ان كيدهن عظييم 77

وسامي بعده مكيف وداق سالفه مع مي 77..عاد هالمــره طفرت وداد وسارت وسكرت شاشة االلاب في ويهاا :@

سامي:اييييييييييه اشفيج انتي استخفيتي @_@..؟
وداد:قال استخفيتي قال..؟... وانا بيتم عندي ذرة عقل دامك انته اخوي!!..خليتني ارتب هالشقه بكبرها..فوق تحت , يمين يسار , حجرتك والمطبخ والصاله حتى الحمامات ><..وانت متيلس اهني حضرتك ..مرتاح وترمس الاميره ديانا :@
سامي:شفيج انتي ترى هالشي لمصلحتج^^"
وداد:لاوالله!!
سامي:هيه يا غبيه^^".. انا أهيأج للمستقبل..انتي باجر بيكون عندج بيت ورييل واعيال وعفسه وجذيه^^"..فلازم تتعودين عالوضع يعني ^^"
وداد:لاوالله عيل اشتغل على حرمتك حبيبي ..ولا ناسي نفسك ويا هالراس :@

وصوب حامد وحميد وصلوو للمستشفى ويالسين يتريون الدكتورة ايمان تشرف ^^"

حميد:وينها ايمان!!.. اقصد الدكتورة ايمان بعدها ماوصلت ^^"
حامد:وانت ليش مستعيل 77
حميد:ابي اطمن عليك شفيك 77
حامد:هيه ادري 77

السسترات يمرن وحميد يعدل من شعره وكابه ويلسته واونه الغاوي 77 وحامد يضحك عليه

حامد:ههههههههههههههه
حميد:ليش تضحك <.<..؟
حامد:ماشي اضحك عالدكتورة اللي مرت ^^:
حميد:شو فيها^^"..؟
حامد:ولاشي بس وايد سخيفه
حميد:ليش شو قالت^^"..؟
حامد:ماقالت شي ^^"
حميد:عيل ليش تقول عنها سخيفه 77..؟
حامد:اووه حميد مب فايق لك :@.. ترى اعطيك شوته توصلك بيتكم
حميد:ماتقدر 77.. ريولك تعورك.. وكككككك

نشفت ريج الريال خخخ.. وصوب علايه اونها تعبت.تراها اشتغلت وايد 77..جان تعق السجينه عالطاوله وتقوم <.<

فاطمه:حووو حوو وين سايره!!..بعدنا ماخلصناا
عليا:اووف تدرين اني نادمه اني عرفت امي وامج على ايمان >_<
فاطمه: :@ تستاااااهلن انتي واميينو عسب مره ثانيه لاتتلصقن بخلق الله وتتليقفون عليهم
عليا:ذكرتيني في امييينو بسير اشوفها 77

سارت عليا وقبل لاتدخل الحجره ..كان الباب مفتوح شوي جان تسمع صوت كوره..اقتربت شوي ولا اشوف الاخ احمد مع الاخت امينه..مكيفين عالاخير ويلعبون سووني ..احمد مختار البرازيل وامون اليابان.. وطبعاً امينه خسرانه 10 \0..لااا ونص لعيبتها مطرودين ..جان توقف علايه عند الباب ويلست تسمعهم 77

امينه:والله هالحكم غشـــاش >_<
احمد:قوولي ماعرف العب هاي سابع مباراه العبها ويااج وكله تخسرين..ماخليتي فريق ماخترتيه ..كوريا واليابان والصين وماليزيا <.<..حتى الفلبين اخترتيها وبعد مااشي فايده!!
امينه:اصلاً انت غشاااش..اكيد مسوي عمل لجهازك <.<
احمد:لاحول اوكي اوكي ..تعالي نتبادل الاجهزه!!
امينه:الحين هاا ..بعد مارااح مفعول السحر>_<

جان يطالع احمد وراه ولا يشوف عليا !!

احمد:بسم الله!!
امينه:اوه علايه^^"
عليا:هيه حبيبتي علايه !!..خووش شغل والله!!..كفوو كفوو ..الحجره ماشاااء الله تتلامع ونظيفه ومرتبه..حجرة لويس الـ 19 ..ماااشاااااء الله عليكم..الصراحه تستاهلون صفقه!!
امينه:قصدح حامد التاسع عشر ^^"
احمد:اهم شي ان الحجره عيبتج^^"..
عليا:هيه هيه اكييييد عيبتني.. بس صبر خل ازقر امي وعموو ام محمد عسب يقولون رايهم في الحجره
امينه:لااااااااااااااااااااااا
احمد:تعاااالي يالهبله لاتروحين@_@
عليا:لاوالله عيل نحن نتعب ونشتغل وانتو متيلسيين هنيي ضحك ولعب وسوالف::@
احمد:خلاص خلاص يا بنت الحلال.. بنسوي كل اللي تبينه بس لاتفتنيين علينااا
امينه:شبييك لبيييك اميينوو تحت ايديج >_<
عليا:تلعبوني سوني معاكم77
احمد:افااااا عليييج حيااااج 77

cut

و الصموحآإآإه .. .. __DEFINE_LIKE_SHARE__

دمعة المشتاق · 11-20-2008, 07:08 PM

تسلمين الغلا ع البارت

ربي يعطيج الف عافيه __DEFINE_LIKE_SHARE__

نور الليالي · 11-21-2008, 12:54 PM

تسلمين دفووشه ع البارت سوووو نايس

والقصه بعد نايس ..

ونترقب البارت الياي ..

عاااحمد:تعاااالي يالهبله لاتروحين@_@
عليا:لاوالله عيل نحن نتعب ونشتغل وانتو متيلسيين هنيي ضحك ولعب وسوالف::@

احمد:خلاص خلاص يا بنت الحلال.. بنسوي كل اللي تبينه بس لاتفتنيين علينااا
امينه:شبييك لبيييك اميينوو تحت ايديج >_<
عليا:تلعبوني سوني معاكم77
احمد:افااااا عليييج حيااااج 77
اااد لا تتأخرين علينا.. عيبني هالمقطع هع

يسلموووو دفوشه ع القصه الغاويه .. __DEFINE_LIKE_SHARE__

{ كلي دفآشة ..~* · 11-21-2008, 03:59 PM

^
^
لو و و ل حتى انتي عيبتيه خخخ

هيهي ان شاء الله ^.^

و تصلموا لي نفرآت ع هيك طلآآه ^.^

مآآ نتحرمش .. .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM