! .. Equalization love = معأآدلة الحب .. ] - الصفحة 137

NaBth al.RoO7 · 08-26-2008, 09:38 PM

عليا : هيه صح بسوم ما قلت لج 77
ابتسام: خير ؟
عليا: عندي لج أمانه 77
ابتسام: أماانه ؟!!!
امينه: ذلتنا فـ هالامانه ،، عاد مدري شو الحين ، طقم الماس ولا ساعه ذهب

عليا: يا شينج ،، ما غلطت وداد لما قالت عنج رزة
ابتسام: ههههههه لا تصيرون وداد ومها وتيلسن تتضاربن ،، مب ناقصه عوار راس
المهم شو هالامانه ؟
عليا: امانه من ناس 77 ،،بعدين بعطيج ياها ،، بس لا تفتحينها الا في بيتكم 77
ابتسام: ليش؟
عليا: عشان الرزه 77
امينه: مالت

فطوم في حجرتها يالسه تأكل نوف ونايف من الصوب الثاني يصيح وعادل ولا هامه فاتح لابه
ومنسدح عالسرير وامركز 77

فاطمة ( شلت نايف ) : بس ماما ،، بس خلاص

جان تصيح نوف

فاطمة: يالله ،، بس ماما بس خلاص صدعتوني اسكتووو نامووو اووف نااامووو >_<
عادل ،،، عااااااااااااااااااااادل
عادل ( عيونه عاللاب ) : ها حبيبتي اشتبين ؟
فاطمة: يعني شو اباا !! تعال سكت عيالك ><
عادل: اوووه حبيبتي انا اشعرفني ><
فاطمة: لا والله ،، قوم قوم شل نوف بتمتوت من الصياح
عادل: يعني اذا شليتها بتسكت ؟؟!!
فاطمه: اللهم طولج يا روح ،، يعني شو مثلاُ بتعضك ،، انت جرب يمكن تسكت
ما تشوف ولدك هذا ما يسكت
عادل: لا حوووول الله ،، بعدين بعدين انا الحين مشغول
فاطمة : اقولك قوم شل البنت تصيح ،، تقول لي مشغووول !!! بالله فـ شو مشغول؟
عادل: يعني في شو مشغول !! ما تشوفيني امركز فاللاب ؟
فاطمة: لا والله ،، الحين هالشي اهم من عيالك ؟
عادل: اووه فطيم ،، دخيلج خليني اركز ><

فطوم راحت صوبه تبا تشوفه في شو مشغول بالضبط ،، جان تشوفه يلعب بلياردو
خخ ،، انذهلت ،، جان تحط العيال عنده امعصبة وظهرت برع وسكرت الباب قووو

عادل: !!! باسم الله اشفيهااا ؟!!!

اليهال يصرخوووون

عادل: بس خلاص بابا ،، بس حبايبي

ويلس يلاعبهم وساعه ويأكلهم و ساعه يشلهم وساعه يبوسهم وحاول ينومهم ^^"
<<زين سوت فيك فطوم 77
فطوم كانت تمشي فالصاله امعصبه ،، فشافتها جواهر

جواهر: اوووب اوووب اشارة حمرة 77

فاطمة راحت لعندها امعصبه

جواهر: خير خير بلاه ويهج معفوووٍس؟
فاطمة: مستحيييل >< اليهال شي لا يطاق ><
جواهر: ههههههه بعدج ما شفتي شي ^^"
فاطمة: والمصيبه الأكبر ان ابوهم اخس عنهم ><
جواهر: هههههههههههه خيبه شو امسوي الريااال ^^" ؟
فاطمة: اليهال يصرخوون وملعوزيني ومتعبيني ومب املحقه وهو حضرته يلعب
جواهر: يلعب ههههه !! يلعب بـ شنووو ؟
فاطمة: فاتح جهازه ويلعب بلياردو ،، اونه يتعذر مشغوووول ><
جواهر: هدي هدي أعصابج حبيبتي ،، دومهم الرياييل مهملين وكسولين ،، يبغون عيال ولما ايوون العيال يتبرون منهم
ونحن نبتلش ><

والجماعه بعدهم فالحديقه [ ريم وشما وامينه ] سارو صوب الألعاب يلعبون
[ المقص ومدري الأخطبوط وباجي الألعاب ^^" ]
و [ وداد يالسه تشوفهم وتبا تلعب بس مي ما تخليها ]

مي: اثقلي ،،، صرتي حرمه 77
وداد: أصلاً الالعاب هاي مخصصه للحريم
مي: عـ كيفج ،، يالله يالله ماشي لعب
وداد ( عيونها تتلامع ) : ميووونه ،، ميووونه حبيبتي بس لعبة وحدة >_<
مي: انتي ما تستحين ؟والله لا أخبر بدور عليج

جان يرن فون مي 77
مي ( استحت ) : احم
وداد: ههههههههههاي ساميوو ها 77
مي: هيه
وداد: يالله رمسيه 77
مي: مابي ،، استحي يدامج
وداد: عيل اييج راي .. انا بسير ألعب وانتي رمسيه *_^ ،، يلا جاو

وراحت وداد ،، ويلست مي تكلم سامي77
وصوب ابتسام & عليا

ابتسام: ما اتصل حامد ؟
عليا: لا والله من راح ما كلمته ،، أصلاً بعدهم ما وصلو لندن
ابتسام: أهااا ،، وهناك شو بيسوون له ؟
عليا: يعني شو بيسوون له ؟ بيعالجووونه ^^"
ابتسام: وبيرد يمشي مثل قبل ؟
عليا: ان شاء الله

وصوب فرح ومها ،، يالسات ياكلن اسكريم <<شي أكيد مدام فرح فالسالفه ^^"

مها: بسج بسج زط ،، من الصبح وانتي تاكلين
فرح: وانتي شحارنج ؟ بطني ولا بطنج
مها: بس أبي اعرف ،، على كثر هالأكل اللي تاكلينه ،، وين تودينه ؟؟ والله انج عظم !!
فرح: تف اسم الله علي ،، بتصكيني بعين ،، عمت عينج
مها: وعينج ،، والمشكله كله على حسابي
فرح: شو يعني بتذليني=_=

ويلسو يكملون سوالف وأكل وضرابه ،، فجأة ! وقفت فرح مكانها منصدمه !! اتطالع وحدة !!
وطاح الاسكريم من ايدها ،، ومها مستغربه !!!!

مها: فرح شفيج ؟؟ حووووو فرحوووووووو
فرح: ها ؟
مها: بلاج
فرح: ولا شي

اللي كانت تناظرها فرح كانت سلوى مع شلة بنات ،، سلوى طالعت فرح وعرفتها وراحت لها ووقفت يدامها بكل غرور

سلوى: هلا والله فرح ،، فرصة سعيده

فرح اتطالعها بكل احتقار ولا ترد على سلوى

مها: اهلين اختي
سلوى: ما شاء الله ،، انتي ربيعة فرح ؟
مها: هيه انا ربيعتها
فرح: مها خلينا نمشي
سلوى: عاشت الأسامي والله ،، اسمج مهاا ؟
مها: هيه ^^"
سلوى: وانا سلوى
فرح: مها قلت لج خلينا نمشي
سلوى: لا فديتج لا تمشين ولا اتعبين عمرج ،، انا اللي بمشي cu

وراحت ،، وفرح اتطالعها بكل احتقار ومها مستغربه

فرح: الحقييييرة
مها: منو هاي؟
فرح: بعدين بقول لج

وفاطمه بعدها ويا جواهر

فاطمة: عن اذنج بروح اشوف عيالي ،، اخاف ماتو من الصياح وابوهم يلعب بلياردو
جواهر: ههههههههه الله معاج

جان تروح فاطمة ،، ودخلت الحجرة ،، وشافت نايف على يمين عادل ونوف على يساره وكلهم نايمين
عيبها المنظر وسارت تناظرهم وهي مبتسمه وفرحانه ^_______^ ،، جان يرن تلفون عادل ،،
فردت عليه فاطمة بسرعه وبصوت خفيف قبل لا صوت التلفون يقعدهم ^^"

فاطمة: ألووو
عليا: باسم الله !! اخوي انجلب بنت !!
فاطمة: خير شو تبين ؟
عليا: اوووه انتي حرمته المصوونه 77 ،، قولي لريلج ايي ياخذنا من الحديقة ،، ولا تبونا نبات فالحديقه ؟
فاطمة: ياليت
عليا: اقولج علي على صوتج ،، وبسرعه خبري ريلج ايينا
فاطمة: ريلي راقد ،، اتصلي على حمود اخوي خلـ ياخذكم
عليا: عشتوووو ،، ديايه راقد هالحزة !! الحين الساعه 8 !! ليكوون تعشيتو ،، تراني ميته يوع
فاطمة: حسبي الله ونعم الوكيل ،، لا ما تعشينا >< ياللي اجلبي ويهج

وسكرت فطوم عن عليا ،، وعليا دقت على محمد المذله ^^"

محمد: نعم ؟
عليا: هلا والله ،، هلا فـ بوجااسم ،،هلا بعين السيييييح 77
محمد: ما تمدحين الا وتبين شي ،، حافظ حركاتج انتي وامون
عليا: ههههه اشدعووه ^^" ابن خالي 77 ،، مب لهالدرجه ^^"
محمد: خلصيني اشتبين ؟
عليا: انا وامون بحديقة المشرف ^^" تقدر اتيي تاخذنا ^^"
محمد: شو شو شو ؟!!! يالله يااالله مب فاضي لكم
عليا: عيل من فاضي لنا ،، كل البنات روحووو ،، الا انا وياها
محمد: يزاكن ،، حد قال لكم تروحون حديقة وتتأخرون جيه ؟!!
عليا: ألحين نحن متأخرين يالعبيط>_< ،، بتيي ولا شوو ؟
محمد: أوووووف >< خلاص بيي وأمري لله ><
عليا: بسرعه لان الرطوبه لعوزتنا
محمد: انزين انزين =_=

وفرح وصلت لبيتهم ،، وصورت سلوى مب راضيه تفارقها ،، مستحقرة البنت من الخاطر
دخلت البيت ^^" وشافت الأهل متيمعين [ يدها & امها & محمد ولد عمها & غلا وهزاع الشياطين ^^" ]

فرح: السلام عليكم !
الكل: وعليكم السلام والرحمه
يدتها: وينج انتي ؟
فرح: هلا والله يدوو امنورة البيت حبيبتي ،، كنت في الحديقة
ام هزاع: من ردج ؟
فرح: رديت مع ربيعتي مها ،، امها وصلتنا
محمد: اشحالج فرح ؟
فرح: تمام =_=

وراحت بدون ما تسأل محمد عن أحواله ،، وهو مستغرب !! فقام من عندهم وظهر من البيت
وراح للحوش ودق لها بس ما ترد ،، فطرش مسج ،، وفرح كانت تفصخ عباتها وشيلتها فياها مسج محمد
[ فرح اشفيج ؟ ]
فرح قرت المسج وفرت التلفون ولا ردت<<مسكين حمود مالك ذنب ^^" بس محد قالك حب فرح
وصوب امون وعليا بعدهن فالحديقه يترين اتصال من محمد عسب يظهرن
وكل اشوي عليا اتطالع فونها

عليا: يااالله الجرج قرب يخلص واخوج المدمغ هذا بعده ما وصل
امينه: هههههههه احسن الأجواء اهني حلوه 77
عليا: أي حلوة !! ما تشوفين الناس يخرعون باسم الله ^^"
امينه: هههه ترا هذا اللي امحلي اليلسه ،، الناس 77 جنهم افلام رعب ويا ويوهم ^^"
عليا: الله يخلي ويهج

فجأة انغلق الفون

عليا: شت ،، خلص الجارج
امينه: ههههههه اكتمل الفلم الرعب الأكشن هذا 77 وااااااااااااااااااو 77
عليا: اووووس وصمخ جلااااب ان شاء الله >_< فضحتينا ،، ماعندح فون
امينه: ههههههههههه للأسف ^^" نوووووو 77
عليا: والحل ؟
امينه: وانا اشدراني ،، شايفتني فوزيه الدريع ^^"
عليا: اشدخل فوزيه الدريع الحين ؟!! الحمدلله والشكر !!
امينه: ترا هاذي أونها تحل مشاكل الناس ،، يعطونها فلوس عالفاضي ^^"
عليا: صدقج والله ^^" لا منها فايده ولا عايده ،، المهم الحين شو بنسوي
امينه: بعد وردت وتسألني !! وانا اشدراني
عليا: لا حول ولا قوة الا بالله ،، نشي نشي يالله خلينا نظهر

امينه: وليييييييييييييين وين ^^"
عليا: المول 77 ،،، يعني وين ؟؟ برع بنشوف اخوج اذا وصل ولا لا

وفجأة قامت السما تنفنف ^^"

امينه: واااااااااااااو ،، صدقيني مافي أحلى من هذا الفلم ،، رعب & أكشن & مغامرات & غموض
عليا: اوووووووف منج >_< ،، اشقد انتي بارده ،،،، وقته الحين !!!!!؟ امشي خلينا نظهر >_<

وظهرن برع ويلسن يدورن على سيارة محمد ،، بس ما شافو لها أثر ^^" وأمون عايشه الدور
ومستانسه وعلينا منقهرة منها ،، والمطر يزيد ،، وتبهدلو من فوق لين تحت ^^"

امينه: هههههههه
عليا: انتي سكرانه ولا شوو ؟ نحن في مصيبة وانتي تضحكين !!
امينه: خلك ايزي يا عزيزي 77 تلقى الدنيا كلها ايزي 77 هههههههه
عليا: الله يعطيج عقل !! تلفتي يمين يسار يمكن نلاقي حمود

وعملية البحث مستمرة ،، وفاطمة يالسة تحضر العشا فالمطبخ لها ولعادل
جان اتييها ام عادل

ام عادل: فطيم الدنيا مطر حبيبتي ،، وعلينا بعدها ما ردت البيت
فاطمة: لا تخافين عموو ،، هي دقت لي وقلت لها خلـ اتدق لحمود يروح ياخذها هي وامون من الحديقه
ام عادل: الله يهداج بس ،، وماقيتي غير حمود هالطايش ،، انزين عادل وينه ؟
فاطمة: نايم ،، مسكين تعبان وما حبيت أوقضه ،، ما عليج عموو ،، تلاقينهن الحين فبيتنا يالسات يتعشن
ام عادل: انا الحين بروح أصلي ،، صلاة العشا طافتني ،، وبعدين بدق بشوف وينهم

وبــــس ^^" __DEFINE_LIKE_SHARE__

NaBth al.RoO7 · 08-26-2008, 09:46 PM

الكل فينا فضوول لاجل الصندوق الاحمر ..
سووري كل دفاشه لاني نزلت البارت عنج .. __DEFINE_LIKE_SHARE__

بحر_الحب · 08-26-2008, 10:07 PM

يسلموووو اختي ع البارت

نتريا البارت ثاني __DEFINE_LIKE_SHARE__

bent aboha · 08-26-2008, 11:49 PM

تســلم يدج اختي ع البارت الحلوو

ونتريااا الباارت اليدييد... __DEFINE_LIKE_SHARE__

{ كلي دفآشة ..~* · 08-27-2008, 01:06 AM

ذلتهم ابتسامتي . . ]

اوقيق نو بروبلم دلب =)

بس المرة الياايهـ اكتبي البآإرط الـ ( ... ) هيهي مادري كم وصلنا ^^"

الموهييم . . جيكي اوك لوول ^.*

ويعطيج آإلعآإفيه ^.^

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM