! .. Equalization love = معأآدلة الحب .. ] - الصفحة 128

{ كلي دفآشة ..~* · 08-20-2008, 05:26 PM

البآإرط الـ 64 . . ]

ولما صار العصر ،، صوب المستشفى [ حجرة بسووم ] المنحرفات كلهن متيمعات ومسويات حشرة ^^"

<< عبالهن في سوق الخضرة >.< خخخ

مي : هاا اشحالج الحين ؟؟

ابتسام : الحمدلله انا احسن عن قبل

مها : انزين شو قال لج الدكتور ؟

ابتسام: كالعادة ،، كليتي

وداد : وانتي شو عندج بالضبط ؟

مها: ما عندها شي ،، وما فيها الا كل خير ،، غصب تمرضين البنت ><

وداد : حسبي الله عليج ،، وانا اشقلت الحين ،، وبعدين انا يالسه أتطمن عليها

مها: تطمنين عليها ولا تزيدين همها

وداد: الحمدلله والشكر وليش أزيد همها

مها: مادري عنج 77

وفي وسط ضرابة وداد ومها ،، بسوم همست لعليا اللي كانت يالسه حذاها

ابتسام: شخبار حامد الحين ؟

عليا: الحمدلله بخير

ابتسام ( ارتاحت ) : الحمدلله

و وداد ومها يتضاربن جان تزعق عليهن علياا

عليا: هيه هيه انتي وياها ،، حشا بالعات راديوو ،، ما تعرفن تصخن ؟!!

وداد: هاذي مهوو غصب اتطلعني غلطانه

ريم: انزين خلاص ،، فكنـــا من هذرتكن ><

شما: نحن في مستشفى

مها: انا بسكت بس عشان خاطر بسوم ،، بس بوريج بعدين عالمسن

وداد: أونج تهددين 77

فرح: رديتووو !! ،، انزين خلو الوحدة تاخذ راحتها بأكلها ^^"

المنحرفات !!!

وصوب حامد فالمستشفى ،، حميد وحمد كانو يالسين عنده ^^"

حميد: حامد يالله عاد قوم ،، مصختها تراك

حمد: هيه والله اشتقنا لسوالفك ياريال

حامد: يعني انا لو اقدر اقوم كنت قمت ويا روسكم

حميد: ان شاء الله تسري العمليه وترجع مثل أول واحسن

حامد: ان شاء الله ،، عاد ماوصيكم بعدين 77،، كل العزايم والسهرات عليكم *_^

حمد: ههههههههه انت قووم 77 وما يصير خاطرك الا طيب 77

حامد: ههههه لو ادري انك جيه بتستوي كريم وبتدعلني ،، كنت من زماااان سويت حادث

حمد: اشقصدك يعني؟؟ !!!!! انا بخيل ؟!!!

حامد: هههههههه محشووم محشوووم ،، أقصد اللي عدالك

حميد: مسود الويه .... أنااا !!!

حامد: هههههههه خلاص خلاص لا انته ولا انته ،، زله وان شاء الله ما تنعاد ^^"

وصوب ابتسام 77 ،، المنحرفات قررن يروحن عنها 77

مي: بسووم شدي حيلج وتعافي ،، فاهمه

فرح: عطيها طراق بعد !!

مي: جابلي أكلج انتي

المنحرفات: ههههههههههه

ريم: بنات انا بروح ،، ابوي وصل ^^

شما: وانا بعد ^^

ابتسام: وين ؟ يالسين ^^

ريم:لا لازم اروح ،، يالله الغاليه ما تشوفين شر ^^

ابتسام: الشر ما اييج حبيبتي ^^

ريم: باي منحرفاااات 77

المنحرفات : باااااااااي

شما: ويت ويت بيي وياج ،، يالله بسوم CU

ابتسام: باي حبيبتي ^^

راحن شما و ريم

وداد: يالله ،، انا بعد صار لازم امشي ^^

ابتسام: وين وداد ؟؟ بعدني ما شبعت منج ^^

فرح: مجاملة لا تستانسين 77

عليا: هيه صدقها 77 فرح 77

وداد: جب انتي وياها ،، يالله حياتو بسووم انا لازم اروح سامي يترياني برع .... أقول ميونه 77

مي: هلا

وداد: تعالي معاي ^^

مي: لا استحي

فرح: عشتوو77

وداد: تعالي مافيها شي 77 تراه ريلج 77

مي: ولو ،، تراني ما خبرت امي

وداد: عادي شو فيها يعني؟! يالله نشي نشي

مي: لاااا لااا استحي

وداد: بسوووم شوفي ميووو

ابتسام: هههههه ميوو 77 لا تضيعين الفرصه من ايدج 77

وداد: سمعتي 77

مي: خلاص لا تاكليني بي وياج ><

وسلمو على ابتسام وراحو ،، وتمن مها وفرح وعليا

عليا: يالله حبيباتي مهو وفرح خلصت الزياره 77

فرح: لا والله ،، عيل انتي ليش يالسه ؟ 77

ابتسام: هههههههههه خليهن يالسات يونسني اشوي 77

عليا:هاذن يونسن ،، هاذن يزيدن المرض !

مها: نحن نزيد المرض يالعفريته !!

فرح: يصير خير يزاج بعدين !!

عليا: يالله يالله برع برع 77

مها: يرضيج يا بسووم تطردنا >.<

ابتسام: لا والله ما يرضيني >< ،، عليوو بس خلاص

فرح: وكككككككك سكتووهاااااا 77

عليا: جب انتي ،،، عـ فكرة بسوم ترى حجرة حامد ما تبعد عنج وايد 77

مها+فرح: 77

ابتسام: هههههههه ^^" و شوو المطلوب ؟!!

مها: بعد يعني شو المطلوب؟!77 ،، مري عالريال شوفي حاله واحواله 77

فرح: لا تنسين تاخذين معاج ورد بعد 77

ابتسام: ههههههههه صدق من حط عليكن منحرفاااات 77

وتمن اشويه يسولفن معاها وبعدين راحن ،، وعليا تمت بروحها ويا ابتساام 77

عليا: انا اليوم ما بفارقج ،، باجر ماشي مدرسه،، وأصلاً انا جذي ولا جذي نايمه في المستشفى

عسب اخوي *_^

ابتسام: الا صدق غرفته جريبه مني ؟

عليا: هيه ،، انتي 72 وهو 77

ابتسام: هههههههههههههه

عليا: على شوو تضحكين

ابتسام: ولا شي بس جي

عليا: الحمدلله والشكر ^^"

و حمد وحميد راحو من عند حامد ،، وعادل تم عنده ،، حامد كان راقد ،، وعادل امبطل الدريشه ويناظر القمر << متوله عالحبيبه 77

وجان يوصله مسج من فطوم ،، فطم باسم حبيبي وعادل باسم حياتي 77

حبيبي :=

[mark=FF0066]حبيبي خايفه هالحب يكبر

وقلبي يعشقكـ أكثر وأكثر

واذا شفت اني ما استغني عنكـ

تخيلني ومن جي تنكـــر [/mark]

حيـــاتي :=

[mark=FF0066]من اللي حط هالفكرة في بالكـ

ياروحي لا يصور لكـ خيالكـ

باني أقدر أنسى الحب وابعد

وربي هو الذي خالقني ما أقدر [/mark]

حبيبي :=

[mark=FF0066]أخاف تزهق وتملل

ولا اكون بعيونكـ مثل الأول

أخاف تلاقي غيرلكـ حبيبه

تخيلني على الحب أتحسر [/mark]

حياتي :=

[mark=FF0066]محال انه تجي مني مضره

أحبج والعمر يا عمري مرة

واذا كل شي تغير في حياتي

غرامج مستحيل انه تغير [/mark]

حبيبي :=
[mark=FF0066]أبي منكـ عهد واضح وصادق

معي تبقى وعمركـ ما تفارق

ولكـ مني أحبــكـ للنهـــايه

أسيره حب ومنه ما اتحرر [/mark]

حياتي :=

[mark=FF0066]عهد أبقى على حبي وحبج

ولآخر نبضه في قلبي أحبج

يــا أغلــى حلم حققته فـ عمري

يا فرصة في حياتي ما تكرر [/mark]

وبعدين ظهر عادل برع عسب يتصل لها 77 ،، وعليا نايمه عالغنفه في حجرة بسوم

وبسوم في شي غريب خلاها تلبس شيلتها وتظهر من الحجرة وتمشي لين لقت نفسها

عند حجرة حامد ،، دخلت الحجرة بدون ما تدق الباب او حتى تتغشى ،، وراحت صوب سرير حامد

اللي نايم عليه حامد ويلست ترمس بصوت واطي

ابتسام: ياحليلك يا حامد والله ما تستاهل اللي استوى بك

وبدون ما تحس طاحت دمعه من عينها على ايد حامد ،، انتبهت فمسحتها من على ايده

وهو فتح عيونه وشافها وبسرعه سحبت ايدها وتغشت وسارت صوب الباب ،،، جان يزقرها ..

حامد: تعالي ،،، لا تسيرين ..!

صوته كان يقطع القلب وابتسام مارامت تتحمل تتركه بروحه ،، فوقفت مكانها بدون ما تلتفت صوبه

حامد: انتي ابتسام ؟!

ما ردت عليه ابتسام بس هزت راسها بمعنى هيه

حامد: ممكن تييبين لي ماي ؟

سارت يابت حقه ماي وعطته الكوب ومد ايده ياخذ الكوب جان ايده تلمس ايدها

حست ابتسام ان الدم وقف بعروقها وقلبها يدق شرات الطبول وهذا كان احساس حامد بعد

وطاح كوب الماي على حامد

ابتسام: انا آسفه ،، مب قصدي

حامد: لالا عادي ،، انا ما زخيته عدل

جان تييب كلينكس حقه عسب يمسح الماي عنه

حامد: لالا مافي داعي ،، بروحه بيجف

ابتسام: اسمح لي بسير الحين

حامد ( بكل اهتمام ) : وين ؟!!

ابتسام: بسير غرفتي بنام

حامد: اي غرفه ؟؟!!!

ابتسام: تراني شراتك مرقدة فالمستشفى

حامد: ليش ؟!! محد خبرني

ابتسام: كل شي صار بسرعه ،، لا تخاف بس تعب بسيط

حامد: سلامتج

ابتسام: الله يسلمك

حامد: ادري اني زودتها ،، بس ممكن اطلب منج شي

ابتسام: آمر

حامد: مايامر عليج ظالم ،، اريد اشوفج قبل الساعه 10

ابتسام استغربت

حامد: اكيد بتستغربين اشحقه اطلبج .. انا عمليتي بتكون الساعه 10 وانا حاس ان العمليه

ما بتنحج ،، عسب جي اريد اشوفج ،، لاني .....

جان يسكت

ابتسام: بعيد الشر عنك ،، ان شاء الله بتنجح العمليه وبتغدي احسن عن قبل

حامد: يعني بتزعلين علي اذا ما نجحت العمليه ؟؟

ابتسام: اكيد ،، انت اخو ربيعتي لازم ازعل عليك ،، الحين عن اذنك بسير

حامد: لا ،، لا تسيرين خلج يالسه عندي

ابتسام: لا شوو ايلس عندك بعد ،، افرض حد دخل علينا ،، شو بيقول عنا ؟!

حامد : عادي خطيبتي يايه تشوفني ،، فيها شي ؟

من قال حامد هالكلام ،، ابتسام وقفت مكانها ،، لانها ماتت من المستحى وسارت لغرفتها

وفي اليوم الثاني عليا يالسه تأكل ابتسام << تشتغل عندج ويا هالراس 77

عليا: والله مدري شخبار حامد ؟!! ،،، من زمان ما رحت صوبه ><

ابتسام: لا تحاتين حامد بخير

عليا: وانتي شو دراج انه بخير ؟!!!

ابتسام ( ارتبكت ) : ههه ،، هيه ،، الممرضه يت وخبرتني

عليا: بسووم 77 عليناااا 77 ،، و الممرضه بتي الين هني وبتخربج 77 ،، جذبي جذبه تتصدق عالاقل

ابتسام: قلت لج الممرضه خبرتني

عليا: حلفي بس 77 ،، اونها الممرضه خبرتني

ابتسام: جيه شو يالسه اقص عليج ^^"

عليا: اقص ايديني الثنتين اذا ما سرتي انتي

ابتسام: حشى !! وانتي منو خبرج !!

عليا: الهامي 77

ابتسام: ههههه علبتيني >< ،، كل شي قلتيه صح ،، انا رحت له ><

عليا: وشحقه كنتي سايره غرفته

ابتسام: بصراحه انا بروحي مدري ^^"

عليا : يالله ما صار شي 77 ،، خليني البس عن لا أتأخر على اخوي ^^

وعند حامد ،، حامد متحمس ويالس يوصف ابتسام لحمد وحميد زي الاطرش فالزفه ^^" خخخ

CUT

آإتريآإ تعليقآإتكون ع البآإرط __DEFINE_LIKE_SHARE__

NaBth al.RoO7 · 08-20-2008, 06:50 PM

نآآآيس .. والله اني بمووت ابا اكمل ..

بليز .. دخليج كمليهاا ..
والله اني عيزانة و تعبانه . لكن عادي ابا اقرها

ممكن تنزليها بسرعه .. يعني
ممكن اليوم الفليل ..
لان عقب مابقدر ورانا مدارس ؟!

بلييز حاولي خلال هالويك اندز تكون القصه مخلصة ؟؟

ومشكوورة ع الطرح .. ونترياا البارط الياي

وبليـــــــــــــــز بسرعه __DEFINE_LIKE_SHARE__

NaBth al.RoO7 · 08-20-2008, 08:50 PM

وينج اختي ..؟؟

نترياآ التكمله ..

ولي باآآك ان شاله مع تعليقاآتي ع كل عضو في آلقصهّـ.. __DEFINE_LIKE_SHARE__

دمعة المشتاق · 08-20-2008, 10:42 PM

تسلمين حبوبه ع البارت

ونتريا البارت الياي __DEFINE_LIKE_SHARE__

♕ وليد الجسمي ♕ · 08-21-2008, 12:24 AM

تسلمين اختي على هالقصة بصراحة امبين عليها وااايد روعة

ربي يعطيك ألف عافية

نتريا البارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM