! .. Equalization love = معأآدلة الحب .. ] - الصفحة 110

دمعة المشتاق · 07-21-2008, 02:35 PM

يش ماتنزلينه اليوووم

بليز نزليه __DEFINE_LIKE_SHARE__

{ كلي دفآشة ..~* · 07-21-2008, 03:09 PM

هع الحينه بنزله =) __DEFINE_LIKE_SHARE__

{ كلي دفآشة ..~* · 07-21-2008, 03:22 PM

آإلـبآإرط ـإإلـ / 61 . . ]

وصوب العلمي الحصة الاولى .. صخه ..... المنحرفات كله وحدة اتفكر في منحرف
مي بـ سامي و وداد فـ بدر ومها بـ فارس وابتسام بـ حامد والقصيدة

وفي بيت بوعادل .. عادل وفطوم مع اعيالهم نوف ونايف في الصالة يلاعبونهم

عادل: طالعي نيوف يشبهني
فاطمة: أبداً .. يشبهني انا
عادل:والله يشبهني .. شوفي عيونه علي
فاطمه: عاد عن الخرط77 ... عيونه علي 77
عادل: !!!! طالعي عدل !!!
فاطمه: شو قالو لك ؟ عميا ؟

جان تدخل عليا وهي يايه من المدرسة.. وتسمعهم وهم يتضاربون خخ

عادل: عليا
عليا ( تعبانه ) : شو؟
عادل: تعالي تعالي .. طالعي عيون نايف .. تشبه عيوني ولا عيون فطيم؟
عليا ( تطالع عيونه ) : بسم الله !!
فاطمه: شو شو ها ولدي مب يني !!
عليا: اصلاً اعيالكم ما يشبهونكم !!
فاطمه: عيل يشبهونج ؟!!
عليا: خسي .. اعيالكم كائنات فضائية .. اول مرة اشوف هالاشكال الصراحه !!
عادل: اسم الله عليهم... اذا من الفضاء ... عيل طالعين عليج

جان ايي حميد

حميد: صباح الخير
عادل: اي صباح ... تغدينا نحن وخلصنا
حميد: لا والله .. زين عيل عليا روحي حطي لي غدا
عليا: شوف حميد ... بروحي تعبانه ومالي خلق ... وحدي يوعانه .. فيوز عني احسن لك
حميد: هدي هدي .... حشا ما قلنا شي !! ... عيل انا ساير اتغدى .. بتيين معاي؟
عليا: بغير ملابس وبلحقك
حميد: اووووك

فراح حميد يزط ^^" ..وعليا متجهه لحجرتها جان تسمع فطوم تقول بخبث

فاطمه ( المنكريه ) : عادل 77 ما تحس ان حميد وعليا لايقين على بعض 77؟
عادل: هيه والله صدقج ... وايد 77
عليا: عن الرحكااااااات 77 ترا بذبح اعيالكم وقد اعذر من انذر 77

وراحت عليا خخخ وعادل وفطوم ناقعين ضحك عليها .. حزتها ظهر حامد وهو كاشخ ..بيروح الكليه ^^"

حامد: يالله ... انا رايح ... اتوصوني على شي؟
عادل: سلامتك
حامد: الله يسلمك ^_^ ... نوفي ونايف ما يبون شي ؟
فاطمة: هههههه امبلااا ... يبون سلامتك
حامد: زين ما بيعطون عمهم بوسه ؟ 77
فاطمه: اي بوسه الله يهدالك .. بعدهم صغار هههههه
حامد: هههههه زين عيل ذكريهم لما يكبرون... يلا مع السلامه
فاطمه: مع السلامه
عادل: الله معاك ^^"

وحميد وعليا كانو في المطبخ على طاولة الاكل يتغدون

حميد: شخبار الدراسه ؟
عليا ( اسميه متفيج ) : الحمدلله
حميد: هيه زين زين ...شدي حيلج
عليا ( مدري اعطيه كف >< ): شادة حيلي ما اتريا حد يخبرني
حميد: انزيين ممكن سؤال؟
عليا : اسأل
حميد: انتي تحبيني ؟
عليا ( اووف ) : ما اكرهك
حميد: انزين سؤال ثاني ؟
عليا: شوو؟
حميد: انتي ليش دفشة ؟
عليا: عشانك رقيق يالرقيق
حميد: اهاااا .. زين خلج عيل ذووق لان باجر امسافرين 77
عليا: توصلون بالسلامه ... مع اني مابي خالتي و جواهر وفهد يروحون
حميد: عـ فكرة كنت اقص عليج .. ما بنروح 77
عليا ( بالعه الغصة ): اووف

وصوب محمد وامون اللي كانو يتغدون 77

امينه: حمود اليوم خذني لبيت عمتي ابي اشوف نوف ونايف
محمد: امس شفتيهم
امينه: ولو لشتقت لهم ><
محمد: اشتقتي لهم ولا اشتقتي للمآمرات والخطط والمقالب مع عليوو
امينه: هيهيهيهيهي تبي الصدق
محمد: هيه
امينه: الاثنييييين هيهيهيهيهي
محمد: عيل قري مكانج 77
امينه: اوووف

وعليا وحميد خلصو غدا ... جان تفز عليا تزقر الخدامه عسب اتغسل الصحون

عليا: عبيرووو عبيرووو عبيييييييروووو و ثول ان شاء الله ^^"

دخلت فطوم

فاطمه: عبيرو في اجازة .. تصرفي واغسلي الصحون

وراحت

عليا: خدامات اخر زمن ><
حميد: ههههه يالله علايه شوفي شغلج
عليا: انا اغسل ؟!!!
حميد: وليش 77 فوق راسج ريشة وانا مدري ؟!!
عليا: لاااا بس مب متعودة !!
حميد: انا لما كنت بسنج .. كنت اغسل

عليا ( ناقعه ضحك ) : ههههههههههههههههههههه
حميد: مافي شي يضحك
عليا: علمني يا استاذ يا خبير الغسيل انته .. كيف يغسلون؟
حميد: اعلمج ؟
عليا: هيه
حميد: قومي

شل حميد الصحون وراح صوب المغسله ...وعليا مستغربه !!! ... وجهز الصابون وكل شي

حميد: شفيج قاعده ؟!! .... يالله قومي ما تبيني اعلمج ؟

عليا قامت وهي مصدومه !! وراحت تتعلم كيف يغسلون الصحون هههه
وصار الليل ... وكانت ابتسام ترمس مي عالمسن

ابتسام( تكتب): حاسه بشي غريب !
مي(تكتب): مثل شوو؟
ابتسام(تكتب): حاسه ان بيصير شي مب زين
مي(تكتب): وين ؟ فالمدرسة يعني ؟
ابتسام(تكتب): ماعرف !! المهم قلبي مو متطمن
مي(تكتب): الله يستر منج ! .. حتى انا بديت اخاف ><

cut

آإتريآإ تعليقآإتكم ع آإلبآإرط __DEFINE_LIKE_SHARE__

دمعة المشتاق · 07-21-2008, 07:02 PM

حراااااااااااااااااااااااام البارت واااااااااااااايد قصير

ونتريا البارت الياي __DEFINE_LIKE_SHARE__

دلوعـــ الغربيه ــــة · 07-22-2008, 04:37 PM

طــآآع

شو هـأإأ دفشؤؤؤه

وآآآآآآآآآآآآآآآآآيد قصيييييييييييير

اهىء اهىء

ثاانكس ع الباارت الاقصيير

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM