بسم الله الرحمن الرحيم

السلام عليكم ورحمة الله وبركاته





#poem_4eb43d83efbe0 td {font-family: Arial, Helvetica, sans-serif;font-size: x-large;font-weight: bold;} يا معدي النابي بروس اللواليح ما شفت من بين الشطابه مواري تسبر يابو مشعل ونومك شلافيح والرزق عند اللي بالاكوان باري كن الذعيذع بالرجم ينسم الشيح والصيد لايذ عن هبوب الذواري صفق الروابع بالصخور الصلافيح مثل الوهايس تنحدر بالف طاري القنص ولعه لاسريت المراويح عليه سجات الضماير تماري اليا تنصيت الضلوع المشاريح اللي لها تهفي فروق الخضاري ملاذ للحوام عن صافق الريح تقيل في عالي حصاها الضواري تنزل ذراها والوجيه المفاليح القوت عفري والقطا والحباري النار تومي والدلال المدابيح والهيل يلطم في شقار الهراري تعاين بشوفك عشاش الجواريح واتراقب اشجار الطوال العساري تبي الطريده في مهل السوافيح لعلها تظهر بذيك المحاري يا حلوها روس الرجوم المشابيح يقنب بها سرحان ذيب الغداري خمسة ليالي تلقا فيها التفاريح عن زحمة الدنيا تزين المساري هلت عليها من المزون المقاديح صوت الرعد يدوي بكون الصحاري ترشق هماليل المطر بالمساريح تزيل عن شهب الغصون الغباري يهل من روس العناقير وايسيح لين يتلايم بالحبوس وخباري


يوسف الخليفة ( أبو عبد الله )