ما هو بمنك .. نهيان الكثيري


ما هو بمنك ولكن الخطا مني
واللي شراتك حرام أزعل علشانه
المشكله حب مثلك ما يطمني

حبٍ يتوهـ ولا أعرف وين عنوانه


مره تبيني ومراتٍ تجاملني
لا انته مقفي ولا لك روح شفقانه
بالطيب أعاملك والإحساس لكني
من بعده اليوم قلبي بكتم أعنانه


يا جارح القلب تكفى لا تكلمني
منك عيوني وروحي حيل زعلانه
منته بكيفك على كيفك تعاملني
قلبٍ يحبك تبيعه بأرخص أثمانه


ياما تحملت وياما كنت تظلمني
ياما جرحت الخفوق وثار بركانه
حتى غدا الحب عندي شي ما يعني
من بعد ما كنت مدمن حبك إدمانه