الهايلكس الجديد

محروم.كوم · #1 11-02-2011, 05:00 PM

السلام عليكم ورحمة الله

مساكم / صبحكم الله بالخير

ذكرتني سالفة اخوي خوي مخباته المعنونه ب( راح سليم وطبيعي ورجع مختل)
بسالفه حصلت بديرتنا
هذا طالت عماركم فيه شعب جنوب ديرتنا اسمه شعب السكون
شعب بين جبلين فيه اشجار واجد ( اصلح مخرج لفيلم رعب)
ورا هالشعب بيتين او ثلاثه لعيال عم ولا فيه طريق لهم الا مع هالشعب
يقوم واحد من العيال دوبه شاري هايلكس 2001 جديييد
ومشخص فيه معزوم على العشا عند واحد من اهل هالبيوت
يوم اقبل على البيت الا ويشوف هايلكس نفس موديل سيارته
وهو يصفط جنبها (حركات ترزز عندنا ياعيال البدو)
السيارة الثانيه لولد جايب امه معه
المهم قلط الرجال وسالفه تروح وسالفه تجي
سال الولد معزبهم عن سبب تسمية هالشعب بهالاسم(ياهو ملقوف)
قال المعزب هذا لان فيه جنيه عجوز شعرها ابيض دايم بها الشعب
صاحبنا انخرش ع الاخر
العجوز اللي جايه بعد ماتعشت ارسلت هاك الورع لولدها يعلمه انها
جاهزه وانتظرت عند السياره
الورع راح يلعب مع الورعان ولا علمه
العجوز ملت من الانتظار وهي تركب بصندوق السياره وأدقها نومه
مو سيارة ولدها لا سيارة صاحبنا
صاحبنا استأذن من معازيبه وجاك ساري
ركب السياره ومشى ( طبعا العجوز بالصندوق:good2: لا حد يدري)
خش بالشعب ويتذكر السالفه وعيونه شوي يمين وشوي يسار تقول يتفرج على تنس
وهي تصحي العجوز وتقوم تصايح وتضرب البدي أخونا في الله قال بس حضرت
وهو يدز للسياره وصياح العجوز يرتفع
ماصدق يدخل الديرة ويدخل الخط المنور ويناظر بالمرايه الا العجوز طايح ملثمها

وفاكت فمها اللي مافيه الا ضرسين
وهو يزيد جنانه جنااان
وقف السياره وأنحاش على رجله
تجمعوا الناس وتبينت السالفه عقب

للامانه أنا فيه ناس قصوا علي السالفه
ولا اجزم بمصداقيتها
بس المهم انها تنال استحسانكم
تقبلوا تحياتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
2jz-ge على الهايلكس	محروم.كوم	منتدى أخبار المواقع والمنتديات العربية والأجنبية	0	10-14-2011 06:00 PM
استفسار عن الهايلكس	محروم.كوم	منتدى أخبار المواقع والمنتديات العربية والأجنبية	0	08-17-2010 05:30 PM
فرارات الهايلكس	محروم.كوم	منتدى أخبار المواقع والمنتديات العربية والأجنبية	0	12-30-2009 11:20 AM
الهايلكس	محروم.كوم	منتدى أخبار المواقع والمنتديات العربية والأجنبية	0	09-09-2009 06:50 PM
مطلوب تانكي يركب على الهايلكس الجديد....	محروم.كوم	منتدى أخبار المواقع والمنتديات العربية والأجنبية	0	04-13-2009 10:10 AM