قصــــة عيآل الشيبه ( رايكم يهمني )!!

~صوتكــ نعيمــ~ · #1 10-25-2011, 07:01 PM

السلام عليكم ورحمة الله وبركاتة ..

كيف الحال ..؟

أمممم حبيت أنزل قصة كتبتها واتمنى أنكم تقيمونها أذا يحتاي اني أكلمها ولا لا ..؟

رايكم يهمني حتا لو كان ماهو مدح بغي الصرااحه ..!

بيخليكم مع القصه .. __DEFINE_LIKE_SHARE__

~صوتكــ نعيمــ~ · 10-25-2011, 07:07 PM

بسم الله الحمن الرحيم..

اليوم الساعة 3:04 خطر في بالي اكتب لكم قصه ..

وأنا اول مره أكتب قصه في حياتي ..

حبيت اكتب عنوان قصتي ((عيال الشيبه))

أتمنى انها تنال ع أعجابكم ..

البــــــــــــــــــــــارت الأول ..

اول شي بعرفكم عن العوائل الي في القصة ..

أسامي العوايل (( عوامر ورواشد ومناهيل)) ونعم فيهم وفي كل القبايل .. طبعا القصة من خيالي مش من الواقع .. هذا واقع خيالي ...

العوامر..

عائلة بو سعيد ..

بوسعيد : اسمه سالم ماخذ وحده راشديه تكون بنت خالته وهو عمره 46 العمر كله .. انسان يحب الحياة واايد ويحب العزبه ... ويحترم عياله واايد .. عنده شركة للمقاولات .. والحمدالله حالتة المادية واايد زينه ..

ام سعيد : اسمها اليازي ..تكون ينت خالته بوسعيد((سالم )) وهي واايد تحب ريالها وماتفارقه أبد..وعندها عيال 3 الله يخليهم لها..

سعيد : البكر في العائله وعمر24 معرس.. ماخذ بنت عمه (( حصه )) ماخذها عن حب لازم العوامر ماياخذون الأ الي قلبهم متولع فيهم .. وحصه حامل .. وقريب بتولد ..ويشتغل في الجوازاات

مبارك :عمره 19 .. وقريب بيدخل العشرين يدرس فس الجامعه اول سنه له وماشالله عليه جماااااااااال ع قولت العوامر ((كسرتيم))<<ههههه محلا ذي الرمسه ..

شما : عمرها 18 وهي اخر العنقود(( دلوعه )) .. لها اخر سنه في الثانويه .. ماشالله عليها آيه في الجمال ..تحب الأكشن والربشه ,, تحب اتسير العزبه وااايد...

عائله بوسالم

سعيد: اخو سالم وماله حد غيره ماخذ خت موزه ((راشديه ))

يعني خوان ماخذين خوات ..وهو عمره 50 أكبر من بوسعيد ((سالم )).. طبعه مثل طبع اخوه .. واايد يحترم عياله ويحب العزبه ومتقاعد لان كبر في السن الله يحفظه ...

ام سالم : اسمها شما خت موزه .. واايد حبوبه ومرحه ..اكيد تحب عيالها .. مافي امي في الدنيا ماتحب عيالهاا..

سالم : عمره 28 معرس بنت جيرانه اسمها غبيشة

واايد يحبهاا ماخذها عن حب طبعااا .. تم يخطبها واهلها يرفضون ومافقد الأمل فيها ورد وخطبها واخيرا وافقوو .. يشتغل في الشرطه وهو ظابط.. ماشالله عليه ..

حصة :عمرها 20 ماخذه ولد عمها سعيد .. وهي حامل وقريب بتولد.

خالد عمره 19 مثل ولد عمه مبارك .. يدرس في نفس الجامعه الي يدرس فيها مبارك ..

ونفس التخصص ونفس الكلاااس يعني متقابلين 24 ساعه .. بس خالد ارحم من مبارك بشوي

اليازي : عمرها 18 نفس شما ونفس الكلاس ونفس المدرسة ونفس الغرام الي فيهن .. بس شما احرم من اليازي ةبشوي واليازي تحب مبارك بس هو مايعرف لانها ماقلتله..

.. وفي باقي عايلات ثانويه بتتعرفون عيها في القصه..

أأأأأأأأأأأأأوه نسيت قولكم وين عايشين ذيلا العرب ..

قوم بوسعيد وبوسالم في العين واهل ام سعيد وام سالم في بني ياس ..

يعني متنقلين من العين ((زاخر )) وبني ياس..

..بوسعيد وبوسالم كل واحد في بيت ساكن بس بينهم باب يعني جيرااان ..

........

أتمنى انها تنال أعجابكم...

.................................................. ......................................

أم سعيد :: شما يالله قومي المدرسة ..

شما : اووووووووووووف امي دخيلش خليني نام والله امس مانمت .. بكره بيداوم خليني غيب اليوم ..

أم سعيد : لاوالله ان تسرحين المدرسة الحين ,,

يالله قومي انتي ثانويه عامه ولا بتمين فيهااا لين ولد خوش يلحقش ويتعداااش عده ..

شما :: امي ماهو مأثر عليه ذي اليوم الي بيغيبه حرااام عليش امي ,,

اذا سرت المدرسة بينام هناك ولاكأني حضرت الحصص بس ع الفاضي راايحه .. انتي بتخسرينا بترول وبتعبين الدريول وبتعبين المعلمات .. << المعلمات قصدها يوم يبقومونها من النوم ..<<<ههههههه

ام سعيد:: خلاص ني حلفت يالله قووومي سرحي المدرسة ...تاخرتي ,, بنت عمش سرحت من الصبح ..

شما :: يعني مافيه امل اني غيب ... اووووووووووووف ..

بسير المدرسة بس بينااام هناااااااك .. قاصر الأ وديتيني بلااش ...

أم سعيد :: يالله ترياااش .. لاتبطين .. انزين

شما::: اوكيك..

أم سعيد :: بغيتي كيك .. من وين بيضويلش الحين كيك .. والله ماقلتي للخدامه تسويلش كيك يوم انتي بغيتي كيك ريوووق.

شما:: هههههههههههههه أمي يعني فدا نسمش ((يعني الهواء لي تتنفسه )) واكيك يعني انزين ..

أم سعيد :: بنات اخر زمن ألحين كيك يعني زين ..

انزين يالله يالله بسرعه .. خلصي

الدريول بيسرح العزبه ..

شما :: انزين .. يعني فداش .. عطيني 10 دقايق .. وبيخلص انزين ..

ام سعيد :: يالله تريااش فديتش ..

تلبست شما لبس المدرسة وهي تسب في المدرسة والي اخترع المدرسة .. نزلت عند امها وحبتها ع راسها وتريقة بسرعه لان الدريول من الصبح يصيح بيسير العزبه .. ركبت شما هي الخدامه علشان تروح المدرسة وهي في السيارة قالت لدريول .

شما ::محمد شغل مسجل ..
محمد :: الحين صبح ناس مافي شغل مسجل ..
شما :: اللهم طوليش ياروح .. الحين بيسويلنا محاضره .. قلتلك شغل المسجل وخلاص ..(( عصبت الأخت))
محمد:: أن شاءالله ماما شما ..
شما:: ماما في عينك الحين تشوفني ماما ..
شغل محمد المسجل .. وكانت الأغنية .. ميحد حمد.. جرحت القلب ..
..لاغاب طيفك وجف الدمع من عيني ..هذي الاغنية تموت عليها شما ..

وصلت المدرسة ودخلت .. لقت البنات صفات طابور من زماان ..
دخلت الساحه ويتها الأبله مرفت معلمة الرياضياات ..تحب شما واايد ..لان شما شاطره في الرياضيات مو بس الرياضيات شما شاطره بس ما تحب المدرسة يوم الأمتحانات تدرس وتيب علامات كامله ..
ابلة مرفت :: صباح الخير شمااا.
شما : صباح النور أبله ..
ابلة مرفت ::خير شما ليش هذا التاخير ..
شما::: والله ياأبلة كانت ناويه أغيب لاني مانامت كويس من البارحة. بس امي الله يهديها حلفت عليه روح المدرسة ..
أبلة مرفت : أيده أيده يا شما أنتي بنت شطوره .. وأنتي ثانويه عامه لازم تدرسين علشان تيبين نسبة وماشي باقي ع الأمتحاناات..
شما:: بدأة أسطوات امي في كل صبح هزري انتي الي محفظتنها ,,
أبلة مرفت :: شو بتقولي.
شما :: هاه لا ماقول شي أبله أقو ل انشالله ..لاتوصين حريص .. يالله الطابور خلص بيسير الصف ..

......................عند مبارك وخالد في الكولج .............................
توهم داخلين الكولج الساعه 8:50 بس عده الكلاس مابدأأ
سارو الكانتين علشان يشربون شي .
مبارك :: ويش بغيت خالد ..
خالد :: ابا كوفي
مبارك : اكس كيوز مي أي وتن 2 كوفي .. بليز كوكلي ...
راعي الكوفي : اوكي ..
خالد :: الله الله ع الشاطره بلبل في الأنجليزي ماشالله عليك ..
مبارك :: الله يهديك بس أسكت الي يقولك مره مسكت المدرس من شطارتي .. ألا كلمتين حافظهن من أيام المدرسة ..
خاااااالد:: ههههههههههههههههههههههههههههههههه

يت الطلبيه .. وشربو وتمو يسولفون ويضحكون وضحكهم يسمعه الي مايسمع ..
بس في عيون تراغب شخص وهو يضحك .. تتوقعوووووووووووووون من................................................ ....؟؟ بتعرفون في البارت الثااااني .. اتمنى ردودكم علشان اعرف أذا اكمل ولا أوقف من كتابتي للقصه .. اتمنى الصراااحه ومارااح أزعل منكم ...

رايكم يهمني ...؟

صوتكـــ نعيـــــمــ

__DEFINE_LIKE_SHARE__

بمح ـــيكـ من ح ـــياتـي · 10-25-2011, 11:34 PM

نـــــــــاايس الروايــــهـ
البــــــدايه ح ـــــــلوه
تسلمــــــين ح ــــــبوبــهـ

نتريــــاا التكمــــــله >>> __DEFINE_LIKE_SHARE__

~صوتكــ نعيمــ~ · 10-28-2011, 12:30 AM

يسلموووو ع المشااركة ..

ليش بارديييييييييييييين ماتحمسووون الوااحد يكمل ولا لا .؟ __DEFINE_LIKE_SHARE__

~صوتكــ نعيمــ~ · 10-28-2011, 12:31 AM

البـــــــــــــــــــــــــــــــــــــــــــــــ ــــــارت الثاني ..

يت الطلبيه .. وشربو وتمو يسولفون ويضحكون وضحكهم يسمعه الي مايسمع ..

بس في عيون تراغب شخص وهو يضحك .. تتوقعوووووووووووووون من................................................ ....؟؟

نوف وخويتها شمسه ..

في نفس الكليه الي يدرسون فيها مبارك وولد عمه..

تمت شمسه تراغب مبارك يووووووووم يرمس عند خالد وهي تتفداااه وتحب الأرض الي يمشي عليه..

شمسه :آآآآآآآآآآه يانوف فديته والله .

نوف : الي يسمعج يبادلج الشعور ..

شمسه : ماهو مهم يعرف المهم اني أحبه ..

نوف :: والله شكله هذا العامري ماهو عطنج ويه ..

شمسه ::آآآآآآآآآآآآآآآآه فديت العامري وقبيلة العوامر ..

في المدرسة (( عند شما واليازي ))

الحصة الثانية .. عليهم أنجليزي ..

عاد ماخبركم ماشالله ع شما وبنت عمها بلبل في الأنجليزي <<<ههه أصلن نسين الحروف abcde....أخ

طبعا في هاذي الحصه شما واليازي نايماااات لانهن يدرون بأنهم مابيستفيدون شي من الحصه أذا هم مايفهموووون .. والأبلة متعوده عليهن دوم غياااب في الحصه ...

بس ذي المره شما قايمه ماهي نايمة وبس اليازي نايمه ع الطرف الجداار ...

أبلة ::ماشالله شما اليوم حااضره عندنااا..

شما :: احم احم أبله اصلن أنا دوم حاضره بس انتي ماتشوفيني .. دوم أرفع يدي ..

أبله ::لا والله خلاص الحين بخليكي تطلعي وتكتبيلي جمله مفيده ..

شما : ياذا البلشه الي ابتلشت فيهاااا..لا أيله طلعي اليازي نايمه ماتسوي شي الأ نايمه .. تقول أبله الأنجليزي ماتعرف تدرس .ز ولا عمري طلعت في حصتها وانا احب حصتها لاني اناااااااااااام فيهااا<< ههههه ردتها على اليازي الي مادرت بالسالفه وهي نايمه...

أبله ::والله طيب ..تي الأبله معصبه ع كلام شما وتخبط بيدها ع الطاولة الي حاطه اليازي عليها راسها.. وتقوم لياااازي من الخوووف..

اليازي: بسم الله الرحمن الرحيم .. ويش فيش يا الأبله .. عسى ماشر ,,

الأبله :: مافشي حاقه ياختي أومي ع البورد ..

قامت اليازي من الخوف .. ووقفت ع البورد وهي ماتعرف ويش السالفة وشما بتموت من الضحك..

الأبلة :: اليازي

اليازي : لبية أبله << من الخوف قالت لبية ..

الأبله : تعرفين نحنا شو بندرس .. قصدي اي ماده بدرس..؟؟

اليازي :ألحين يا ابله طيارتي قلبي وعقلي من الخوف وقومتيني ع البورد علشان ذكرش بالمادة الي درسينهاا..ههههه

ماطلبتي يا أبله سارت الأخت وكتبت ع البورد بخط كبير ..((تدرســـــــــــــــــــــــــــــــــــين مادة الأنجليـــــــــــــــــــــــــتزي)) تمت تزين البورد بورود ع الكلام ..

الأبله :: لا والله بتهزري ياختي ,,

أنا موافاكي ع البورد علشان تكتبين جمله مفيدة وقصدي من السوال علشان أزكرك بالماده أذا كونتي نسياهاا..

اليااازي ..هااااااااااااااااااااااااااااه جمله مفيده وفي خاطرها(( ني عرف الحروف علشان أكتب)) الله بسترك اليوم شكلي مره ماني راده البيت سليمه أكيد فيه شي ..

تمت اليازي ساااااعه وااقف وشما بتموت من الضحك ماتقدر تطلع صوت بس دموع تنزلن واليازي تتشزف فيها ومستغربه منها في خاطرها تضحك لاني ماكتب ماتدري أنها هي اي مخبره الأبله بأنها تقومها علشان تكتب ..

الابله :: اليازي روحي ع المديره .. وانا بعد خمس دقايق بجي وراكي ..

اليازي :: هاه ليش المديره أبله ني ويش سويت ..

الأبله :: بتعرفين شو سويتي عند المديرة ..

اليازي :: ابله دخيلش خلاص بيكتب الحين ني من الصبح دورلش معلومه مفيده تفيد الجميع لان عندي واايد جمل بس محتاره ...<<< يا الكذبه هههههههههههه

الأبله :روحي أكتبي الجمل عند المديره ..

اليازي :: خلاص أوكي ..

وظهرت اليازي وراحت عند السكرتيره ..

اليازي : السلام عليكم ورحمة الله وبركاته,,

السكرتيره : وعليكم السلااام هلا اليازي ..

عسى ماشر ..

اليازي :: اهلين .. لا الشر مايش ..بس الأبله الأنجليزي قالت سيري المديره ..

السكرتيره :: شو السبب؟؟

اليازي :: لاني ماكتبت ع البورد جمله مفيده..؟

المهمه مابيطول عليكم .. كلمة المديره اليازي .. وقلتلها أن الأبله تقول مره هي ماكأنها موجوده في الحصه ولازم تشد ع عمرها .. تمت اليازي في الاداره حصتين ..

يت الحصه الأخيره عليهم حاسووب ..

دخلت اليازي :: السلام عليكم وعطت الأبله الورقه العذر ع التاخير ..

الأبله : تفضلي اليازي ..

عرفت اليازي السالفه من خويتها بان شما الي خلت الأبله تقومها .. وماكان قصد شما تودي اليازي للأداره .. غضبت اليازي من شما وقالت على شما بأنها مابترد عندها بترد عند خويتها .. لان دريول اليازي هو الي يي أخر الدوام ياخذ اليازي وشما .

ولان اليازي معصبه من شما خلت شما ترد عن دريولهم بروحا وهي بترد عند خويتها ..

يا أخر الدوام سارت اليازي عند خويتها .. وتمت شما تتريا الدريول لانه تاخر ..

دخلت اليازي البيت وسلمت ع بووها وأمها

أم سالم : اليازي من يابش

اليازي:: يت عند خويتي ..

ام سالم ::الحمدالله يابنتي انكن يتن عند خويتش لان الدريول سار بني ياس يوصل سمان لأمي ودريول خلتش ماهي هني في العزيه الي في ملاقط ..

اليازي:: هااه .. تذكرت شما.. امي ني يت عند خويتي وشما تتريا الدريول ..فديتها الحين واقف تتريا الدريول ..

أم سالم : وهي ليش مايت عندش ؟؟

اليازي :: هاه قالت لاسير عند خويتش وني بيسير عند الدريول .. لانها ماتعرف خويتي ..

أم سالم :: والحين من بيبها ...

بتعرفوون الباااقي في الباااااااااااااااااااااارت الثـــــــــــــــــالث...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنت شكلان الشيبه + ولد نشوان ولد براق الشيبه	محروم.كوم	منتدى أخبار المواقع والمنتديات العربية والأجنبية	0	08-04-2010 08:40 PM
رايكم يهمني	محروم.كوم	منتدى أخبار المواقع والمنتديات العربية والأجنبية	0	05-13-2010 11:50 AM
وش رايكم في الباثفندر 2005 و 2004 . . رايكم يهمني	محروم.كوم	منتدى أخبار المواقع والمنتديات العربية والأجنبية	0	11-18-2009 08:40 PM
رايكم يهمني ^^ ..!	عشق بدۈيهٍـِ	تصاميم الاعضاء	18	12-25-2008 02:58 PM
رايكم يهمني ابا رايكم في هذا التصميم	بنت صلالة100%	تصاميم الاعضاء	22	11-02-2008 04:55 PM