اعجب ماسمعت من قصص اللصوص!!!!

محروم.كوم · #1 10-25-2011, 04:50 PM

السلام عليكم ورحمة الله وبركاته
اقدم لكم هذه القصة اخواني اعضاء هذاالمنتدى الغالي والتي اعتبرها من طرائف اللصوص في هذا الزمان ولوكان الجاحظ حيا لأفرد لمثل هذه القصة كتابا ولأسماه نوادر اللصوص
يقول لي احد زملائي ان احد ابناء عمه لديه شاحنه وهو يتنقل عليها بين ربوع البلاد لطلب الرزق
وذهب ذات مرة من الرياض الى جده لشراء حمولة من الشعير
يقول واثناءرجوعي الى الى الرياض بالحمولة التي شددت عليها الحبال واتقنت رصها يقول غلبني النوم في منتصف الطريق فأوقفت الشاحنة على جانبه وخلدت الى النوم مباشرة من أثر التعب ومشقة السفر
يقول وأثاء نومي سمعت مؤذنا يؤذن فنظرت الى الساعة واذابه وقت صلاة الفجر
ولمانظرت بمرآة السييارة واذا به صاحب جيب شاص يؤذن وقد اوقف سيارته بجانب شاحنتي
وملآهاعن بكرة ابيها بأكياس الشعير
يقول فتحت درج الشاحنة وأخذت مسدسي تحسبا لأي طارئ
ونزلت واذا بالرجل قد توضا من شاحنتي وقلت في نفسي شين وقوي عين الله ينهي هالسالفه
على خير وان كنت استبعد ذلك
يقول فلما نزلت قلتله خير يالاخو وش اللي سويت ح
قال ابد شوفة عينك انا لي بعارينن هنيا ويوم شفت سيارتك قلت اباخذ اللي يكفيني وانت رح نزل اللي معك واذ رجعت المرة الثانية مرعلي وابااعطيك دراهمك
يقول قلتله رجع الشعير اللي انت اخذت ورصه زين مثل ما اخذته

قال علي الحرام اني ما ارجع كيس واحد
قال خوينا راعي التريله علي الحرام اللي مهب حرامك والطلاق اللي مهب طلاقك ان ما رجعته مثل ماكان ان هالمسدس ان يدخن من وراك
قال راع الشاص اهب الله يبلاك وانا اباكل لك شي يارجال خل نصلي وعين من الله خير
قال سو اللي قلتلك وصلاة معك مانبيها وبعدين الماء اللء توضيت فيه تراه مغصوب وحرام
يقول يوم شاف العلم قعد يتمتم ورجع الاكياس ويوم بغيت امشي قال اخس عز الله ان الدنيا مافيها خير
يقول وشغلت وما صليت الا بالمحطه عن مكاننا بخمسين كيلو
والسلام عليكم ورحمة الله وبركاته× __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من اروع ماسمعت اذني	محروم.كوم	منتدى أخبار المواقع والمنتديات العربية والأجنبية	0	09-08-2011 03:30 PM
شاهد اللصوص الأذكياء جدا	محروم.كوم	منتدى أخبار المواقع والمنتديات العربية والأجنبية	0	08-08-2011 10:30 PM
احذروا اللصوص في رمضان	محروم.كوم	منتدى أخبار المواقع والمنتديات العربية والأجنبية	0	08-21-2010 10:50 PM
اذا ماسمعت حنين خلوجك ما اكرمت ضيفكـ	محروم.كوم	منتدى أخبار المواقع والمنتديات العربية والأجنبية	0	06-23-2010 04:10 AM