تفتفة الهايلوكس من 2006 الى 2012 بعد فصل البطاريه >> الحل عندي

محروم.كوم · #1 10-24-2011, 02:40 PM

السلام عليكم ورحمة الله وبركاتة

اخواني الاعزاء كانت عندي مشكلة بهايلوكس 2008 وهي انها اتتفتف

وعداد الضغط نازل واذا اسرعت ماتتعدى 140 وتصرف بنزين

والمشكلة هذي حصلت لي بعد ان قمت

بفصل البطارية

والحل

رحت لفلبيني بورشة بتبوك وقال لي هذي لازم اسوي لها برمجة وبـ250 ريال

وقال اذا كانت المشكلة هذي لها اقل من يومين او ثلاث ايام نبرمجها

واذا كانت لها فتره وهي تتفتف اكثر من 3 ايام فلازم ننظف البخاخات

((وراح يكلفك تنظيف البخاخ مع البرمجة 400 ريال))

قلت له
خلاص برمجها ونشوف وش يصير

ويوم بدا يبرمج السيارات قمت اراقبه واشوف وش هالبرمجة الي طالب عليها 250 ريال
7
7
اول شي فتح السوتش بدون مايشغل السياره

ثم قام بفصل فيش دعسة البنزين وثم شبكه >> الفيش يجي فوق دعاسة البنزين

وبعدها شغل السيارة وبقى داعس على البنزين وعداد الضغط على رقم 3

حوالي 5 دقائق تقريباً

وبعدها رفع رجله( وانتم بكرامة) عن دعاسة البنزين وراح يناظر بالمكينه حوالي دقيقة

وانا اطالع فيه واقول شكله يقرا على المكينه

وقال باقي ماتبرمجة

ورجع وسوى نفس الطريقة مره ثانية

وقال باقي ماتبرمجة

هذي يبي لها تنظيف بخاخات

المهم نظف البخاخات وضبطها واليوم جيت اخذتها من عنده والى السيارة

ماشاء الله تبارك الله

رجعت وكاله لاتفتفه ولا صرف بنزين وعزمها 100%

والتكلفة 400 ريال تنظيف بخاخات مع برمجة

طبعا البواجي قال لي لازم تغيرهن قبل البرمجة

لاكن ماغيرتهن لاني مركبهن قبل اسبوع ب60 ريال > البوجي الواحد بـ15 ريال

والبنزين يقول لاتعبي الى بنزين احمر 95 لان الاخضر 91 فيه كلس والكلس هذا

يتجمع على رؤس البخاخات ويخربهن عليك

ادري اني طولت عليكم لكن اهم شي تستفيدون

لاني احب لكم الخير مثل مااحبه لنفسي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لي اصحاب الهايلوكس غمارتين 2006 فما فوق	محروم.كوم	منتدى أخبار المواقع والمنتديات العربية والأجنبية	0	10-08-2011 11:40 PM
البطاريه تنتهي بسرعه عندي الحل ادخل	محروم.كوم	منتدى أخبار المواقع والمنتديات العربية والأجنبية	0	10-03-2010 02:40 AM
الحل الامثل لو البطاريه خربت	محروم.كوم	منتدى أخبار المواقع والمنتديات العربية والأجنبية	0	09-28-2010 05:00 PM
البطاريه فيها مشكله ايش الحل	محروم.كوم	منتدى أخبار المواقع والمنتديات العربية والأجنبية	0	08-25-2010 06:00 PM
تفتفة gx هدد 2003 هل لديكم الحل ..!!	محروم.كوم	منتدى أخبار المواقع والمنتديات العربية والأجنبية	0	08-20-2010 12:50 AM