أم صتمة الغازية (crosman 1077) ومعلومات عنها

محروم.كوم · #1 10-18-2011, 06:41 AM

السلام عليكم ورحمة الله وبركاته
انا عندي موضوع وحبيت اطرحه في هذا الموقع الرائع واكثر من رائع

الا وهو عن أم صتمة اللي تعمل عن طريق الغاز (CROSMAN 1077) اللي تنباع في صاب
انا كنت ادور عليها عندنا في السعودية من يجي سنتين ولا حصلتها ابد وفي يوم من الايام وانا في الكلية دخلت مع خويي في سالفة عن الصيد وفجأه قال لي فيه ام صتمه جديدة قلت وشي؟؟ قال تطلق 12 طلقة ورا بعض قلت لا تكون ام صتمه الغاز قال الا بلا وياليتكم شفتو وجهي ذاك اليوم بغيت اتشقق من الفرحه قلت له وينهي فيه قال في محل صاب اللي على شارع الاربعين في النسيم مقابل الرميح .

ماصدقت خبر ودقيت سلف وسحب على المحاظرة الاخيرة ورحت يمهم وببعد عناء مع الزحمة اخيرا وصلت نزلت لهم وكلي آمال دخلت عندهم قلت فيه البندق اللي تشتغل عن طريق الغاز قال ايه . قلت عطنيها يوم شفتها بغيت انصدم حللوة وخفيييفة مره تقريبا وزنها 2 كيلو. صناعتها امريكية والشركة اللي صانعتها (CROSMAN) والموديل 1077 قلت له بكم قال 900 ريال!!!؟؟
بعد هالسالفة قلت ماراح اشتريها لين ابحث عنها واشوف وش مواصفاتها قريت في الانترنت ان قوتها نفس قوة الديانا 27 قلت حلو اخليها للدخل . لاكن خل ابحث عن سعرها في الدول المجاورة . بحثت عن السعر في دولة الكويت الحبيبة لقيتها عندهم تنباع من 40 الى 45 دينار يعني تعادل بالريال السعودي 600 ريال وفوق كذا معها دربيل و 400 صتمه وجفير و10 علب غاز!!!!!!
واللي عندنا صاب يقول معها 500 صتمه و خمس علب غاز... وسعرها 900 مأقول الا حسبي الله عليكم كل هذا طمع في الشعب السعودي اللي صار ينسرق من كل جهه ولا حسيب ولا رقيب .

ما ابغا اطول عليكم هذي مقاطع للبندق من اليوتيوب تبين سرعة الطلق وطريقة تعبية السلاح بالغاز والصتم بصراحة حلوة بس غالية عندنا

المقطع الاول يبين فيه كيفية تركيب الغاز والصتم

المقطع الثاني يبين فيه سرعة الطلق وهي سريعة مررة اعذروني على صفاوة المقطع

واللي يبي يشوف مقاطع اكثر عنها يكتب في اليوتيوب CROSMAN 1077

رأيي فيها ان البندق حلوة ومريحة اكثر من بنادق الكسر العادية بحيث انها تشيل في البكرة الوحدة 12 طلقة وللمعومة علبة الغاز الصغيرة هذي تطلق 50 الى 60 طلقة عشان تخلص
وقوتها حلوة للدخل

اللي ابيه منكم يا شباب رايكم فيها وهل سعرها مناسب علما انه سعرها في الكويت مايتعدى 600 ريال وعندنا في السعودية 900 ريال

السؤال الاهم للي عنده معرفه هل أستطيع أني ادخلها من الكويت للسعودية او طلبها هل بتعصلج مع الجمارك ولا لا؟؟؟؟
وفي الختام اسأل الله ان يبارك في هذا المنتدى الرائع وبأعضائة الكرام __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ّّّ بريدة حديثأ وقديمأ ومعلومات كاملة عنها ّّّ	محروم.كوم	منتدى أخبار المواقع والمنتديات العربية والأجنبية	0	08-31-2011 04:10 AM
انواع البنادق القديمة ومعلومات عنها	محروم.كوم	منتدى أخبار المواقع والمنتديات العربية والأجنبية	0	09-02-2010 01:50 AM
ابتعد عنها.. المشروبات الغازية تهدد خصوبتك	محروم.كوم	منتدى أخبار المواقع والمنتديات العربية والأجنبية	0	04-03-2010 05:20 PM
نبغى ارقام ورشة التميز بالرياض ومعلومات عنها بالصور	محروم.كوم	منتدى أخبار المواقع والمنتديات العربية والأجنبية	0	01-31-2010 02:50 AM
برنامج ثلاثي الابعاد بعرض الزلازل ومعلومات عنها مجاني	محروم.كوم	منتدى أخبار المواقع والمنتديات العربية والأجنبية	0	05-28-2009 02:30 PM