فصل abs بالصور

محروم.كوم · #1 10-16-2011, 12:20 PM

السلام عليكم انا للأمانه قمت بنقل الموضوع للفائده وجزاه الله خير صاحب الموضوع

مساكم الله بالخير واحدا تلو الآخر

وأخيييييييييييرا بعد مضي 6 أشهر خخخخ تم تركيب فاصل للABS والفضل يعود بعد الله لاخوي الاعلامي بيض الله وجهه

طبعا قبل 6 أشهر خخخخخ قريت موضوع الاعلامي على هالرابط

فصل abs بالصور

لكن ماوضحت لي الفكرة لان الصور اختفت .. لكن ماقصر ابو عبدالله دقينا عليه وشرح لنا .. لكن برضوا ما زال في غموض خخخخخ المهم .. قدر الله وشفته في اجتماع القصيم برمضان الماضي الله يتقبل منا ومنكم ويبلغنا رمضان القادم.. فما قصر وشرح لي الطريقة
المهم خويكم رجع للرياض وشريت الاغراض المطلوبة ونطلتها بالسيارة والى يومك توي أستقعد لها خخخخخ
طبعا ماتحمست للشغلة الا عقب مابغيت اجيب العيد بالموتر قبل كم يوم بحدا النقر والسبب ABS
طبعا في المقابل ما ابي افرط بالABS والغيه نهائي لأنه بصراحة مفيد داخل الديرة واكبر نكبه بالبر فعشان كذا وجب تركيب الفاصل

طيب بسم الله نبدأ بالشغل
هذي هي الصورة النهائية للفاصل

المقادير خخخخخ
1 فاصل كشافات هايلوكس من2006 وطالع ب50 ريال من الغرابي
4 متر سلك مزدوج (تم زرفة من لمبة كبوت قديمة )
2 متر جرجور لحماية السلك (المتر ب4) من شاريع الريل
5 رباطات أو شداد بلاستيك
1 شطرطون كهرب
1 زرادية أو مقص أو أسنان حادة أو سكين خضرة أو اي شي لتقطيع الأسلاك
2 باجه لتوسيع الصدر وتطويل البال

اول شي نفتح الكبوت ونتجه للمنطقة الحمراء

هنا نلاحظ وجود أحد أسلاك قراءة ABS

نفصله ثم نقوم بقطع سلك واحد فقط وهنا تم قطع السلك الأحمر وتم ابقاء الأبيض كما في الصورة

نربط جزئي السلك الاحمر المقطوع بالسلك المزدوج ثم نمده الى داخل السيارة

هنا طريقة تمديد السلك داخل الجرجور

هنا ايضا تمديد السلك داخل الجرجور وتم ادخال السلك عن طريق الجلبة الدائرية السوداء
بحيث يكون السلك موجود خلف الدرج مباشرة

هنا بعد ما فكينا درج الموجود جنب السواق نبي نحصل السلك نكمل التمديد الى جهة السواق

بحمد الله وصل السلك

طيب الان عندنا الفاصل فيه اربع اسلاك ناخذ الأول والأخير ونوصلهم بالسلك الممدد كل واحد ، أما الاثنين الي بالنص مالهم فايده فنلغيهم بالشطرطون

هنا بعد ماتم التركيب

وهنا حطينا ستكر لل ABS ونجرب الفاصل بسم الله

الف مبرووووووووووك

الحين لو بغينا ندحدر من أكبر طعس ما عندك مشكلة هههههههه

أتمنى ان تكون تجربتي مفيدة للجميع وشاكر لكم مروركم وقراءتكم للموضوع

في امان الله

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح تركيب هاك بالصور	محروم.كوم	منتدى أخبار المواقع والمنتديات العربية والأجنبية	0	08-26-2010 10:50 PM
افخم الحلويات بالصور, اجدد الحلويات بالصور ,احدث الحلويات بالصور 2010	محروم.كوم	منتدى أخبار المواقع والمنتديات العربية والأجنبية	0	04-09-2010 04:30 PM
صيد وبر بالصور	محروم.كوم	منتدى أخبار المواقع والمنتديات العربية والأجنبية	0	08-30-2009 02:30 AM
حلى ام آند امز { m&ms } بالصور..	Дјறàl Диsǎήһ	فن المطبخ والطبخ	38	06-03-2009 07:39 AM
...حلى X O بالصور ...	قطوة بوظبي	فن المطبخ والطبخ	13	02-10-2008 05:49 PM