قضيَّة هادفة تحصيل بدون هدف ..!

..بـو قحيــــط.. · 10-22-2011, 11:55 PM

المشاركة الأصلية كتبت بواسطة 【الهامورة】

هلا يا بوقحيط::

مستعده أشهد وياك باللي قلت...!

شخصيا في السنة الماضية خاصة، ما عيبتني النسب أبدا ( خلنا نفرق بين طلاب قسم العلمي نفسه) أعرف طلاب في العلمي ( منهم الشاطر ومنهم المتوسط ) كلهم امحصلين نسب فوق الـــ 95..!

للأسف، مثل ما قلت قاموا يساوون بين الطلاب، وأحس أنه الواحد ما ينعطى حقه..!

ولكن يا بو قحيط( بالنسبة للجامعة، حتى لو كان الطالب يايب نسبة 100% سواء كان في العلمي أو في الأدبي، ترى الدراسة هي اللي تحدد مستوى الطالب، و تبين من هم الطلاب اللي فعلا يستحقون أو لا ):..!

لأنه الجامعات نظامها مختلف تماما ً، إذا ما تأهلت صح من أيام المدرسة مستحيل تكمل في الجامعة..! أو في كلية ضمن الجامعة..!

وفي تخصصات ما تقبل غير العلمي موب الا الطب( عندك العلوم، الآي تي، والهندسة)..! وهذيل التخصصات يبالها فعلا ناس متأهلة صح من المدرسة..!

نبي انركز في هالموضوع على النتايج اللي بتعود على دولتنا يوم بنتخرج،يعني حنا اللي لازم نعطيها، ونطلع لها شي جديد.. بغض النظر عن سالفة المعاشات..! ( ما أقدر بالضبط أرمس عن سالفتها لأنها خارجة عن محور حديثي، ومالي خبرة في موضوع المالية).!

تسلم بو قحيط..

عساآآك عالقوة.

.
.
أعرف إن شي تخصصات ماتقبل إلى العلمي !!! وأعرف إن الراتب مب محور حديثنا بالضبط بس الراتب هو الي يخلي الطلاب يتصرفون بهالطريقة !!! إختي حتى الهندسة والآيتي والله ماصارت تنفع ولاتسمن ولاتغني من جوع شرات الي يدش مرشح دارس ولا مرشح عادي ولا قانون !!! إختي إنتي لو من بوظبي بيكون كلام ثاني عيل !!! لن حتى خريج الثنوي الي يدش البلدية يحصل راتب محترم شرات المنهدس عندنا فدبي !!! بس يا إختي الكلام مايشمي عندنا فدبي !!! لن رواتبنا مب شرات بوظبي ولا حتى رواتب الشارجة والفجيرة والمناطق الشرقية !!! فيقول الطالب فباله ليش أدش علمي وأدش هندسة ولا طب وآخرتها راتبي كحيان ولا اللهم بيفرق معاي كم تخصص زيادة لو دشيت علمي !!! ونفس ماقلتلج نحنا نقول لـــــيــــش الطــــالــــب مايـــدش العلــــمي ؟؟؟ وبتقولي شو الي يخص الراتب عيل؟؟؟.... بقولج ترا ليش الطالب إختار الأدبي ؟؟؟ لن مستقبله مضمون وشي ستين ألف مكان يباه !!! وترا طالب الأدبي يفكر بعد بمستقبله !!! عشان جذيه يدشه !!! ووالله يا إختي لو إن الدولة خلت طلابنا يصطلبون وسوت حركة إن يعطو لطلاب العلمي ميزات وتخصصات ورواتب أعلى من الأدبي جان دشو كل طلابنا العلمي !!! شوفي كيف حال الدول العربية الثانية والله حتى الحمار فالدرسة والسموحة يعني يغصبونه يدش علمي لن صدق الأدبي عندهم ماله مستقبل !!! فليش هاذي البطرة عيل ؟؟؟ لازم نسوي هالحركة عشان نشجع الطلاب على دخول العلمي !!!
.
.
وصح إختي لازم نرفع الوطن ونخلي المواطنين يمسكون مناصب علمية عن الأجانب !!! وعشان جذيه أقول خل نعطي للعلمي ميزات أكثر !!! مابقول ونسفل بالأدبي عشان الي يدشه يكون عبرة وآية للأقوام السابقة !!! لا يكون على حالة بس شوي خل يرزونا نحنا الي تخرجنا من العلمي !!!
.
.
وللمرة الثالثة أقولج إختي ترا الطلاب يدشو الأدبي بس عشان المستقبل والراتب ولن العلمي صار مايفرق لهدرجة فهالزمن !!! __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج يساعد في تحصيل الباركود	محروم.كوم	منتدى أخبار المواقع والمنتديات العربية والأجنبية	0	09-29-2011 01:30 PM
مباراة تحصيل حاصل بين الظفرة والشارقة	ولـد الـمـرفـأ	رياضة محلية و عالمية	2	05-02-2010 11:33 PM
مطلوب شركة تحصيل دفوعات	محروم.كوم	منتدى أخبار المواقع والمنتديات العربية والأجنبية	0	03-15-2010 07:50 PM
ارجو من اهل الخبرة يفيدوني في كيفية تحصيل شيك	محروم.كوم	منتدى أخبار المواقع والمنتديات العربية والأجنبية	0	01-18-2010 01:40 PM
تجسيم الثيم الاساسي من تصميمي	محروم.كوم	منتدى أخبار المواقع والمنتديات العربية والأجنبية	0	08-14-2009 10:20 AM