اعاقتي ليست نهايتي ( موسوعة ذوي الإحتياجات الخاصة 1 ) - الصفحة 5

خـوار تلي · 03-23-2009, 06:02 PM

تسلم عالطرح المميز

والله يعطيك العافية

بأنتظار اليديد من جداك __DEFINE_LIKE_SHARE__

كويتي · 03-24-2009, 02:09 AM

ياهلا ومرحبا

الله يسلمج من الشر وأسعدنا مرورج بارك الله فيج

وبشري القادم أفضل بأذن الرحمن

دمتي بود __DEFINE_LIKE_SHARE__

نوافي · 03-25-2009, 12:02 AM

وعليكم السلام ورحمه الله وبركاته ....

مــــــوضـــــــوع مــــمـــــيـــز ..لناس من جد مقصررين بحقهم ..

وأنا اعترف يمكن أنا أولهم .. أنا قبل ماكنت اعرف عنهم ولا شئ وش محتاجين ؟؟ وكيف طريقه رعايتهم ؟؟ وبخصوص طرق التعامل معهم خصوصا الصغار منهم ...

لكن متى عرفت عنهم خالتي الله يسلمها متخصصه بهالموضوع ..هي مرره تحبهم وتقول والله أنهم احسن من البشر اللي بكامل قواهم العقليه والجسديه ...ومتى تأكدت من كلامها لاني كنت اقولها كيف احسن مننا وهم لايتكلمون ولايتحركون ولا ولا .. وأنا بنفسي أشهد إنهم احسن من الناس العاديين ...

سبحان الله ...الله ياخذ ويعطي ..يمكن أخذ منهم نعمه من نعمته علينا ..لكن أعطاهم اشيااء حنا نفقدها ..فيهم قنااااعه مو طبيعيه ..يعني حنا لو الواحد منا بس مرض حمى تحصله يتلوى ويقول يااحظي الردي (وأنا الصراحه اسويها اذا مرضت ) .. بس هم ماشاء الله عليهم ..مايمشي أو اي نوع من الاعاقه فيه وتحصله مرتااااااح ومقتنع وراضي باللي الله صابه فيه ...

(تراني ملقوفه كل يوم رايحه مع خالتي ) ..و لاحظت فيهم شئ ... عندهم ذكاااء وسرعه بديهه ...ياحلوهم بس .. وربي لو بس نتحك فيهم تراهم يجنووووون ...

والله اعرف وحده ماتسمع ولا تتكلم ..وماشاء الله عليها موظفه وبمدرسه بعد ..ومتزوجه ..وأم ... ماقول الا الله يخليها لعيالها ..

طبعا أنا كان فيني فضول ... وسالتها أسلئه ...حاولت اتكلم بالاشاره لانها هي بالاشاره تحكي ...عجزت ماعرفت ..كانت تسوي حركات أنا مافهمتها ... وانا فيني اسال كثيرره ابي اسالها ..قلت مافيه حل الا الورقه ...تسان اجيب ورقه وقلم ,, أول سؤال طرى ببالي ..كيف تتعامل مع عيالها خصوصا انه عندها ولد رضيع ...كيف بالليل إذا صاح تسمعه ..كتبت ..إنه اشترت جهاز إذا الولد صاح يشغل لمبه وينووور ..(اختراع حلو الصراحه ) ...

السؤال الثاني اللي طرى ببالي ...سالتها كيف تعشين مع زوجك ..بما إنك ماتتكلمين ..يعني هو يتقبلك كذا مرتاح معتس مافكر بيوم وقال وش أبي من هاللي ماتسمع .؟؟ ..وكتبت ...ههههههه بالعكس هو يقولي أحسن مافيتس أنتس ماتحتسين ولاتهذرين مفتك من صدعه الحريم ودوشتهن ....<<<ياحليلها خفيفه دم ...

يعني هاذي الانسانه ماشاء الله عليها ماأثر عليها الاعاقه ولا بشئ ..زوجها مساعدها ..أهلها قبله ماقصروا ...

يعني هو المجتمع اللي حوله كيف بتعاملون وياه ...يعني يفرق لو قاموا يدرسونه ويعلمونه والاهم يخلونه يحتك بالناس ..عن الاهل اللي قاموا يخبونه وحابسين كانه فأر بالبيت ..يعني والله حرام هو أدمي بشر ...

والجهات الحكوميه ماقصرت ..يعني قبل كان تدريسهم بمدارس خاصه وكلهم من نفس الفئه ..وعلى ماعتقد رسومهم غاليه شوي ..

يعني أذكر خالتي تقولي والله فيه ناس عندها بالبيت أكثر من معاق ..والاهل الماديه عندهم شوي تعبانه فتحصل ولي أمره مايقدر يدخلهم ..

عشان كذا أحسن شئ سووه (أنا أتكلم عن المملكه ) طبقوا عندنا نظام الدمج ...نطاااااام الصراحه روووعه ...

وهو كيف ؟؟ يعني يصير المعاقين مهما كانت نوعيه الاعاقه يندمجون بعيال المدارس الأصحاء ..

ويسمونهم ( صعوبات اتعلم ) لهم فصول خاصه ..لان بعض الاعاقات يكون الاستيعاب عندهم جدا بطئ فصعب يصيرون مع الاصحاء ...

وش الفايده من هالدمج ..يختلطون وقت البريك وقت النشاط بالطلاب العاديين ... لكن للاسف فيه بعض الطلاب والطالبات الأصحاء نبيهم عون صارون فرعون ..أنواااع المصخره وأنوااع السخريه والتريقه ..الله لايوريك ...يعني لو أنا انقال لي هالكلام أحس بسوي نهر والا محيط بدموعي ... وأذكر مره قلت لوحده حررررام عليتس اصلن مافيه شئ يضحك عشان تضحكين كل هالضحك ... تخيل وبكل وقاحه وش قالت ..بالله عليتس شوفي حركاتها وتضحك ..احس إن البنت المعاقه نفسها حست بالاهانه لان وحده تتطنز عليها وإني أنا دافعت عنها فحست اني ناظرتها بنظره شفقه ..وانا والله ماكان هذا قصدي لكن والله أنقهرت لاني تخيلت نفسي مكانها ...

عندنا بالمملكه ( جمعيه الاطفال للمعاقين ) ..الصراحه مررره مررره زينه ... واهم شئ انهم يحصلون كل شئ هناك ..يأخذون دروس ..وكل اللي هناك معاقين ..بس سووا نظام الدمج ..لكن فيه بعض الاهل خايف على مشاعر عيالهم فتحصلهم يخلونهم بمدارس مختصه بفئتهم ..والله مالومهم يعني هم يخافون عليهم ..والصراحه عقب اللي شفته من بعض البنات الله يهديهن والمصخره ..قمت مالومهم الصراحه على انه هذا موب لمصلحتهم ... طبعا أنا ماعم لكن اقول اللي شفته قدامي .. لانه فيه فئه مره اسلوبهم سيئ ..والعكس طبعا .. فيه من الناس اللي يدلع المعاقين ...يعني الناس فيها خير ...

ومثل ماذكرت ...قبل كانوا منبوذين ..والــــحــــــمـــــد عـــــلـــــى نــــــعـــمـــه الإسلامـــ.... وأنت كفت ووفيت وذكرت قصص والله إني استمتعت بقرائتها .... عقب الاسلام صار عكس ايام قبل ..يعني زادوا العنايه لهم والتفكير فيهم ...

اشكرك على مجهودك والله يجزاك الف خير ويعطيك العافيه ......والله يخليك لوالديك وتدخلهم الجنه وتغفر لهم خطايهم وتغفر لجميع المسلمين والمسلمات والمؤمنين والمؤمنات الاحياء منهم والاموات ...ياارب العالمين ...

والسموحه على الاطاله ....

مع تحياتي واحترامي .....

تقبل مروري....

نوافي..... __DEFINE_LIKE_SHARE__

كويتي · 03-25-2009, 11:00 AM

محجوز للرد عليج بس أكمل الموضوع برد

بيض الله وجهج دنيا وأخره

لي عوده

__DEFINE_LIKE_SHARE__

صـ الصمت ــدى · 03-25-2009, 11:07 PM

السلام عليكم و رحمة الله و بركاته

و ربي إبداع.... الله يعطيك ألف عافية ع هالموضوع الإنساني و الطرح الروعة

فئة ذوي الاحتياجات الخاصة موجودة في كل المجتمعات... و لكن طريقة التعامل معها تختلف من مجتمع لآخر...و بالأخص من أسرة لأخرى...

فهناك أسر تعمل على تهميشها...تتعامل معهم على أنهم عالة على الأسرة ... مما يؤدي إلى أن يصاب الطفل بالاكتئاب و الوحدة و الانطواء...

بينما الأسر الأخرى تعمل على مساعدتهم لتحدي إعاقتهم و محاولة اكتشاف مواهبهم و تنميتها... تتعامل معهم كأي شخص سوي ... كما تعمل على دمجهم في المجتمع... فتكون صحتهم النفسية هي الدافع لتحدي الإعاقة...

قناعتي هي أن المعاق ليس المصاب بعجز عقلي أو جسدي... و لكن المعاق هو الذي يعجز عن الإنتاج و تحقيق أهدافه...

عساك ع القوة دوم يا رب

لا تحرمنا من إبداعاتك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رسالة إلى أمهات ذوي الإحتياجات الخاصة	da1a3	المواضيع المكرره	1	07-15-2010 06:42 AM
برنامج علاجى لذوى الإحتياجات الخاصة ..	رًوَحًيَ بًدَوًيهَ	قسم ذوي الاحتياجات الخاصة	4	03-29-2010 12:17 AM
رسالة إلى أمهات ذوي الإحتياجات الخاصة	سمرة وكلي دلع	قسم ذوي الاحتياجات الخاصة	4	03-10-2010 04:51 PM
مفهوم ذوي الإحتياجات الخاصة	رًوَحًيَ بًدَوًيهَ	قسم ذوي الاحتياجات الخاصة	6	02-25-2010 12:43 PM
..قوانين إستراحة ذوي الإحتياجات الخاصة..	رًوَحًيَ بًدَوًيهَ	قسم ذوي الاحتياجات الخاصة	0	02-18-2010 08:42 AM