محلاه يا بوي..

кαιкσΘσн ™ · #1 03-19-2009, 03:23 PM

بسم الله الرحمن الرحيم ...
السلام عليكم ورحمة الله وبركاته ...

هذي اول مرة انزل خاطرة بس ,,,,,,,,,,ان شاء الله تعجبكم,,,,,

أنشدك يا بوي عن طير سكن فوادي ..... عشش في وسط يوفي واتخذه عنوان

محلى رموش عينه وحلاة شفه الشادي ..... لا نظرت بعينه افتريت كنك سكران

هو هنا روحي وحبي واسعـــادي ..... وحبه في وسط قلبي مسوي بنيان

تكرار صوته في خياليه اينادي ..... وابــات ليلي بـــ طوله ونا سهران

دقات قلبي تتسارع شرى جريان وادي ..... كل ما ذكرت طاري افلان

ما لقيت اسناد خلاني وهو صار اسنادي ..... في الشد والرخى وعندي البرهان

كم برهان تريد اثنين ثلاث ولا تعدادي ..... من البراهين والأدلة وكلها احسان

حبه يا بوي تراه ما هوب عادي ..... فداني بأهله وخلانه وهب خيفان

محلى صدره الدافي وخصره الهادي ..... لا مشى تهادى في حله وكله سلوان

لا شفتني فرحان وسارح بــودادي ..... لا تقول عني مخبل ونا فيه هيمان

هيمان بحبه ودمــر لي اشيادي ..... محلاه يا بوي وفيه تحلى لعيان

الوله والحب له ولي بانفرادي ..... من جملة الخود وحبه كملان

بادلني بأحلى الشعور والودادي ..... ملكته قلبي وروحي طول لزمان

بسمته يا حلو اتريح لفوادي ..... ابتسم لجله ولا أكون منه زعلان

بوسه على خده ويخلي عنه لعنادي ..... اجبر بخاطره ويترك عن العصيان

حبه لي خلاني سيد اسيادي ..... والله اني بهواه ميت وشفقان

صوته عذب ويحلى فيه لشهادي ..... كنه غزال يحلاله كل مكان

هو عوقي وهو ظبي لفوادي ..... رشفة شفايفه لي يفوح منهن الحنان

رشفني منهن واسقاني البرادي ..... تهني لي القلب وتطفي النيران

ولكن اكثروا فيه العذال والحسادي ..... علمني وين اوديه عن هالاوطان

ما قول غير حسبي الله عليهم من اعبادي ..... والحب يا بوي تراه نعمة الرحمان

ها شو رايكم فيها؟؟؟؟؟؟؟؟؟

يا ويلكم لو قلتو مب حلوة ........ترا با على الراسكم.......هع..

اتريا ردودكم الحلوة.... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يامحلا لقا العشاق ... يا محلاه من لقا ..	[ملاك الروح]	استراحة قصص وابداعات الاعضاء	1	01-30-2014 03:34 PM
تغطيه الفيفا يهدي الحكم الانجليزي ويب ادارة نهائي المونديال في عيد ميلاه	محروم.كوم	منتدى أخبار المواقع والمنتديات العربية والأجنبية	0	07-09-2010 10:00 AM
كلٌ يغنّي على ليلاه، فرقة غناء بإسم Amoled	محروم.كوم	منتدى أخبار المواقع والمنتديات العربية والأجنبية	0	06-30-2010 10:40 PM
[ كلٌ يبكي على ليلاه ]	أمـيـرة الحــرف	الإستراحه العامة	3	07-03-2008 01:36 AM