طاروف يكتب التقرير وهو زعلان

محروم.كوم · #1 10-01-2011, 10:30 PM

صباح / مساء على كل الكشاتة من زوار واعضاء ومشرفين ..

السلام عليكم ورحمة الله وبركاتة .. على كل الحبايب

تراي امزح معكم منيب زعلان الله لايجيب الزعل .. ولكن لي عتب على بعض الحبايب .. وليس زعل ( ضرب الحبيب مثلك لزبيب) في تقريري الي قبل هذا كانت فية ملاحظات من بعض حبايبي وانا مارديت لسبب اني مشغول بهالدنيا الله لايشغلنا الا بطاعتة والسبب الثاني اني والله يالربع ماعرف للكمبيوتر واذا جيت اكتب تقرير وارد اشحذة شحاذة من حدا بناتي لاني ماعرف الا لحاجتين بهالدنيا ( البحر و النسوان ) امززح لحد يفهمني غلط .. ولاني ادخل النت واشوف ردودكم الحلوة ومواضيعكم الأحلى .. لكن اني عشان اكتب بسم الله يبيلي خمس دقايق ماحب الكمبيوتر احب اتصفح واتفرج خذ ولد لكن اكتب وما اكتب وصور ماعرف .. ندخل بالعتب :

حبيبي قلبي الرحموني : يعاتبني يبيني افصل بالتقرير وانا عارف حبيبي قلبي عشان تعطيني نجمات ( غرك بنجمة لية مالبسك تاج ) وانا ابي تاج مابي نجوم يالرحموني وادري ان حتى النجوم بعيدة عني .. لان النجوم يبيلها نواخذة كبار .. واذا ماصرت الأول مابي الثاني .. والمنتدى مشاء الله مليان نواخذة كبار انا اصغرهم .. لكن ابشر بعزك من الحين والطالع نكتبلك بالتفصيل الممل .. لكن انا احب امختصر المفيد لكن عشان الحبايب نبي نفصل ..

الأخ حوات جدة .. يبي تنويع بالصور .. بعد عمري هذا الي الله عطنا سمكتين نصورهم وخلص التقرير .. وش نسووي مابة صيد .. لكن ابشر ان شاء الله لاكثر الصيد ابشر بالصور الكثيرة ..

الأخ مكليف .. ينتقدنا يقول كل تقاريرك فيها شعري .. الحمدالله هذا عطا الله ولانصورلك طال عمرك مع ضلع وحر ويما .. والمرة الجاية ماراح نصولك الا هوامير ..

حبيب قلبي بوخالد .. الجلسة معك احلى واحلى والشباب كلهم حلوين وانا حريص ان شاء الله على الجمعات .. اكثر منك ان شاء الله ولاعمري اعتذرت .. وابشر بالي يحضر ان شاء الله ..

حبيب قلبي وايت شارك .. اشكرك انك سامحتني هالمرة ومنب انا اخوك الكبير انت الكبير .. وابشر ان شاء الله بنوعلك بالصور ونفصلك الرحلة ان شاء الله .. تقاريرك حلوة حقت الشعوم والسباطيات لكن تكفى لاتكتب عن مشاكل حرس الحدود والبحر .. وتقلب المواجع .. وبعدين نكرة البحر الي فينا كافينا .. والله الله بتقارير الشعوم والسباطية خلنا نحب البحر ..

حبيب القلب ابو محمد ( شراع العز ) .. الذيب النوخدة الكبير .. تراي اتابع تقاريرك كلة ونبيك تورينا صيدك العامر والوافر ومواضيعك اكثر من حلوة .. لكن يالله عاد ورينا اياها .. وخلنا من ركة والمنتب .. وحلو تقرير الصافي لكن يصير احلى لاصار مع عيش ابيض ..

الاخ khabari .. بالأول والاخر اشكرك الله يجزاك خير على هالنصيحة لكن تراك فاهم غلط الظاهر انك يوم شفت العورة .. تخرعت .. والظاهر اننا من القواعد مالنا عورة .. عاد وش طلع من هالعورة الركبة ! تقل ركبة بعير .. لكن ابشر ان شاء الله المرة الجاية نستتر ..

وآسفين على الأطالة وشكرا لكم على الملاحظآت .. وان منكم واليكم .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة طاروف مع الشباب القمبازية بتاريخ 23/9/2011	محروم.كوم	منتدى أخبار المواقع والمنتديات العربية والأجنبية	0	09-24-2011 02:20 AM
حداق يوم الجمعه 04-06-2010 معا النوخذه بوصالح ( طاروف )	محروم.كوم	منتدى أخبار المواقع والمنتديات العربية والأجنبية	0	06-08-2010 02:01 AM
حداق طاروف ليلة الخميس من بندر الدمام وياحول اللي ماله طاروف.	محروم.كوم	منتدى أخبار المواقع والمنتديات العربية والأجنبية	0	06-04-2010 10:50 PM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:20 PM
%_ زعلان لاترضى ان كنت زعلان شكلك تدورها وياتك من الله_%	النعيمي	الحوار والنقاش - الرأي والرأي الآخر	30	02-16-2008 05:45 PM