.
.



.
.

اليوم مزاجي تعكر من العصر حسيت اني ابى استغفر الله

اليوم قلت لامي ليش الدنيا ضدي تقول شو فيج انتي بعد
لاترمسين معاي تيبين الهم
اقول ليش مب امي تقول امج تضيجين بي يوم ترمسين جي
حشى عيوز هم الدنيا فوق راسها

قلت لها امي انا مهمومة ماطلعتونا اليوم حرام عليكم
هذا الشي مايرضي الله ولا رسوله

تقول فارجي عن ويهي كله تبون تطلعون قلت مايخصني
اكرف بهالمعهد من سبت للخميس مستبخلين الجمعه تظهروني ليش

طلعوني باجر ولا باجر بعلن انتحاري وبفشلكم

امي تقول انتي مستخفه صدق مستخفه ياخي ابى اطلع صار لي 3 اسابيع
مزروعه بالبيت بس ناقص يطلع لي ثمار

.
.

توبة يالسورية .. ~




صح اليوم امتحنت ونجحت بالاختبــــار الحمدالله

ويالسة عندي وحده سورية قهرتني والله كل حين تقرصني تبى اغششها
الحين ابى احل يالسة افكر اقول الحين من لازم يقرص الثاني مادري

المهم قهرتني كل مرة تنادي الاستاذ عسب يحل عنها

ويوم ظهرت قلت للبنات الاستاذ يغششها ليش ماتزقرونه انتو بعد


قالت حرام عليكي والله انا بس كوووونت اناديه عشان سؤال
قسم بالله انه اشوي وبيحل الامتحان والله العظيم كل ماتزقره يحله ويروح عنها

وهيه استاز استاز استاز استاز قلت التوبة ايلس عندها بعد هيه الا تلصق
عندي

انا يالسة عندها وتكذب غصب تسوي عمرها شاطره المهم

يبت انا 96 ماتت قهر وموتوا ياعزاااااااااااااال موتوا

.
.


انعـــــام .. ~



هالورود لأنعام وناااااااااااااااسه هالبنت صدق بالمعهد
يوم تغيب اعصب اقول لاتغيبين لاتغيبين

اليوم شفتها وقمنا نسولف وبهدلنا الاساتذه

انعام الكل يعرفها كل الاساتذه كلهممممم
ويوم ترمس شو يسكتها هذي والله

خلني اسالها سؤال واحد عن المعهد معاشاتهم اعمارهم والمراقبين
ومتى ايون ومتى يروحون كل العلوم عندها اي استفسار

انعام للخدمات موجودة

سوت حشره وقمنا نضحك من سوالفها الاستاذ دخل قال هدوء في ناس تمتحن
سكتنا قال من اقدم وحده بالمعهد ع طول بنفسه قال انعام

قال مسكي هالحطبة وضربي الي يرمس وقمت اضحك قلت الصراحه عرفت تختار
ام الســــــــــــــــان بعينه وتم يضحك قال يمكن تكون مسؤله

المهم مرة قلت لها انعاموا هاتي لي جااي من برع راحت ورجعت

قالت اخخخخخ والله ان الولد حلو بس يقهر لبس وكشخه
وشكل وحاله لله بس ريحة اعوذ بالله خرب ع نفسه مرة وحده

عاد انا وين تلقوني من الضحك استغرب متى وصلت لريحته والله

نصيحة للشباب {

يبالي اسدح لكم صورتها خخخ عشان تاخذون حذركم وتعطرون
وتكون اموركم 100 على 100 لانها ملاحظتها قوية ع الشباب

اخر الرمسة الي قالتها لي اليوم شو هذا اسمي انعام
اكره هالاسم امي مالقت تسميني الا ع اسم يدتي

تقول والله احس نفسي بموت كل مااذكر ان اسمي ع يدتي
تقول صدقوني بغيره وبطرش لكم جريده

بس تصدقون نسيت اسالها شو بتسمين عمرج عاد اتخيل تسمي نفسها
مهرة ميثة وقسم بالله مايليييييييييييييييق

ملاحظة لأنعام .. وقسم بالله اسمج راكب

.
.


معاناة بقــــرة .. }

اليوم بالعزبة الساعه 1 الظهر

رحت صوب الحيوانات مقسمينه لثلاث تقسيمات
اول قسم جلب اسود يلوع بالجبد ماحبيته حسيته مستخف
وحسيته قااااااااار بس ناقص انولعه

القسم الثاني غزالة حلوة وبعد خجولة نشوفها تنزل راسها
لان الكل يقول اللللللللللللللله عيونها كباار تغمض عينها

الله رشيقة تمشي اشوي اشوي وتتخقق اندوكم والله تحس نقعت من الضحك
وعاد خذتها فرصه وكل حين اقول الله والله الله والله اخر شي

يت بنت عمتي ماتحب الغزلان قالت وع من زينها بوزت اشكره تفهم


المهم القسم ثالث شي ابقررررررررررررره اكبييييييييييييييرررررة

يتني الصاعقة من كبرها ماشاء الله ماشاء الله

لو لعبت واندسيت وراها صدقوني تحلمون تلقوني الا اذا تحركت
كيلوا قدام مصختها بالتعبير ادري المهم هيه كبيرة كبيرة بصورها لكم مرة

بتنصدمون ابقره ع اصول والله وعندنا وحده مصرية وشكبرها
الكل يزقرها ام طارق البقره بعد والله لو سمعت

بتخلي المصرين يسون مظاهرات علينا عاد الهل يخليكم موقع محروم
فزعتكم وقتها نبيها لان صدق بنكون انتهينا ع ايدها

لانها لصقـــــه لصقــه بمعنى الكلمة وراك وراك

ومع البقره ثور وقسم بالله الثور اصغر عنها عنبوا سوي رجيم خليه
يشوفج حلوة جميله شكله هو يروح الصاله وهيه تاكل تنتفخ

يوم اعيال اختي يعطونهم اكل هيه تاكله كله مسكين هو والله مسكين
الدبة تخلص عنه الاكل يوم تي صوبي اقول ايه روحي

ناقصه وزن شو هاه امي سمعتني عاااااااااااااااااااااد يالله منو يسكتهم

تقول بتعطينها عييييييييييييين اقول منفخة ماتبون ثيران اصغيره
احس الثور مب طايقنها امي تقول شكى لج الحال قلت لا احساس

امي تقول وااي بموت ناقصه عمر من السانج قلت امي الحين شوفيها اشكبرها
وهو اصغير كيوت

بنت عمتي تقول من متى يقولون للبقر والثيران كيوت
المهم عمتي يت عاد عمتي يوم تي شو يسكتنا

قالت تصدقين يبالنا انيب بقره رشيقة عشان تغار وتسوي رجيم
عاد من الضحك مت قلت لا ماينفع

قلت ليش نحرق قلب البنات بس حرااام يبوا ثووور ع كبرها
الثور هذاك بينقهر وبينتفخ عمتي وين تلقونها

تقول صدقج هالريايل يبالهم جي عااااااااااااااد امي وعمتي استانسوا ع السالفه
وماتوا ضحك وشكلهم بيحطون راسهم من راس البقره وبيساعدونها

بس الي ضحكني اكثر بو السان ولد عمتي الصغير يقول
امي تصدقين شكله الثور ساكت ومتحمل لانه يغازل الغزاله الي احذاله

قلت شييييييت مب منك من يلسة الحريم الي تيلسها مع امك

.
.




.


السوالف ماتخلص والله

بس ارقاد تايم .. !

.
.

ناشة بدري وحالتي لله

.
.

اخر كلامي : كل ماضاجت بك الدنيا قول الحمد الله تلقى الدنيا تصفى لك