~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~ - الصفحة 382

meawah · 02-07-2011, 08:22 PM

وآآيد تآخرت غرشششوب

. . !

وبديينآ ننسى آلقصصه و آلآحدآث __DEFINE_LIKE_SHARE__

Grshoob Albdoo · 02-11-2011, 04:13 PM

مرحبا
شحالكم شباات/بنات ؟
اول شي مشكوره يارحوله لانج خبرتيهم
وثاني شي السموحه منكم على التاخير
بس الجو ماساعد

المهم الحين بنزل لكم البارت وتمنى يعيبكم __DEFINE_LIKE_SHARE__

Grshoob Albdoo · 02-11-2011, 04:16 PM

البارت 37

سارت عسب تيب البيبسي لها ولهند..

نوره:جولي

جولي : يس نورا

نوره: هاتي اثنين بيبسي وحطي فيهم ثلج وايد

جولي : اوكي

نوره: ثانكس

جولي: ولكم ..

يلست حذال باب المطبخ الخارجي الين ما جولي تيب لها البيبسي ماتبه تروح صوب البوفيه تخاف تشوفه ولا المطبخ الي فالفيلا

نوره في خاطرها : خلاص انا قررت وما راح اتراجع لو شو يصير جولي : نورا نورا

نوره: هاا .. سووري جولي ..

جولي :نو بروبلم ..وعطتها الكاسين

نوره: ثانكس جولي

جولي : ولكم ..

وسارت تمشي صوب الحوض

يوم نوره كانت تترياء البيبسي ..صار بين هند وسلطان هذا ..

هند نشت من مكانها :اففف .. توها بتسير

بسس..

سلطان زخها من ذراعها

سلطان: ارمسج انا لاتسوين لي طاف

هند: شووفيك عوريتني اترك ايدي

سلطان : قوولي يلاه

هند حرجت : شوو اقول ..!

سلطان: قولي انج تترين حارب ..جيه خايفه

هند: اي حاارب واي بطيخ.. انت مش صاحي هدني اقولك ..

سلطان صار يرص على ذراعها :انا مش صااحي..!

هند: اااي سلطان هدني

سلطان ويها احمر من العصبيه وصار يزاعج:عيل امنوه تترين هاا ..امنوه

هند انصدمت منه وحطت ايدها على ايده الي زاخه اذراعها: ممكن تهدني

سلطان:ماراح اهدج

هند بهدو اكثر عن قبل وبعدها زاخه ايده :تبه تعرف امنوه اترياء !

سلطان: هيه اكيد..

هند: انزين هدني مابشرد والله

تركها سلطان: يلااه قولي

هند:اترياء نوره سـ

نوره: وصلت ..تارستنه ثـ

شافتهم مع بعض صخت

نوره جربت صوبهم ووقفت حذال هند : سلطان !! شوفيك جيه ويهك احمر

سلطان كان يطالع عيون هند الي حسها زاخها دمعتها عن لاطيح

رجع خطوه لوراء: اسف انا اسف

وسار عنهم ..

نوره: شوو سالفه .!

هند صدت عنها عسب ماتشوف دمعتها: مااشي اصلن خالج سخيف مادري شووفيه ( صدت صوبها )) هاا وين البيبسي مالي ..نوره:هند شو سالفه.

هند: تعالي يلسي وراح اخبرج ..

سب عمره على الحركه الي سوها

سلطان: الله ياخذني شوفيه فجاء تخبلت

حارب:سلطاااان ..

سلطان صد يشوفه: هلاا

حارب اشر له انه ( تعال ويلس معايه ))

وساار صوبه ...

ويلس

حارب: وين سرت طولت

سلطان: مااشي ..ااه انزين خلااص بعد العرس راح نساافر ان شاءالله ..!

حارب نزل راسه: ان شاءالله ..

سلطان: شوفيك!

حارب: ماودي اسافر ...

سلطان: كيفك بس انا راح سافر

حارب : فيك شي..؟ مب على طبيعتك اليوم

سلطان : يعني انت الي مافيك شي !وعلى طبيعتك اليوم

حارب :متضايج من سالفه ..

سلطان : حمده؟؟

حارب : هيه .. ابه افتك منها في اقرب وقت

سلطان: والله انت الي عطيتها ويه .. استحمل عااد...

مكاان بعيد .. بعيد عن المرزرعه وبعيد عن ليوا وبعيد عن الامارات بكبرها

مروان يربع فالشقه : هههههه استهدي بالله ياحرمه

مها تعبت من الركض تبه تزخه بس ماتروم طاحت على الاكرسي الي امجابلنها : اااه.. جي تسوي فيه الله يسامحك خوفيتني ..حتى النوم مارمت انام ..

مروان: ههه ماحصلت غير هالخطه ..( جرب منها ) بس حلوه صح

مها يلست تطالعه بنص عين : هيه واايد تصدق..!

مروان:ههههه احبببببج...

نشت مها من مكانه اونها زعلانه من الخطه الي سوت لها فيلم رعب : زين ..

مرت صوبه جان يزخها من خصرها : وين وين ..

مها: غرفتي بعد وين ..

مروان : احبببج..

مها جتفت ايديها يعني مش هامنها الامر : انزين وبعدين ..

مروان قرب اكثر منها: موووت فيج..

مها بدت تتوتر : مـ ممكن تخليني بسير غرفتي ..

مروان : ماشي..

مها : خوز عني خوز

مروان لصق فيها : شو راح تسوين ..

مهاا : مروووان خوز

مروان : تعالي تعالي نشوف لنا فيلم حلو ..

مها بدلع وزعل: مابه بسير غرفتي ..

مروان : اوكيه تعالي انشووف فالغرفه يلااه ...

مها : ماابه ابه انااام ..

مروان: امم اوكيه يلااه اناام .

وسحبها معاه للغرفه

مها : على بالك راح تنام هني !!

مروان رفع حياته : عيل وين تبيني انام ..

مها صدت عسب ماتشوف نظراته : مااشي بس راح تنام في غرفتك..

مروان: لاا والله !!

مها بدلع : هيه والله ..

مروان: بس تعودت انام اهني ..

مها : مايخصني .. امم تعرف خلاص انا راح انام في غرفتك.. وانت نام هني..

مروان: لا والله ..

مها بدلع :هه هيه والله ..

مروان: ومنوه قص عليج وقال لج اني راح اخليج تنامين روحج..

راح تنامين معايه وفي حضني بعد..

مها : مابه ..

مروان: مهوووي لا تخليني اتهور ..تراني رايح فيهاا

مها : هاا لا لا خلاص

مروان اونه جااد: اتحسب بعد..

مها : انزين نام انت بسير ابدل ..

مروان: لا بتريااج..

مها: امم انزين..

وحدرت الحمام( عزكم الله )

ونسدح مروان على سرير على اساس يتريا مها

حدرت مها ولبست بيجامتها وصارت تتعطر وتعدل بشعرها ويلست تتريا فالحمام ..

وبعد نص ساعه ظهرت من الحمام ..

شافته حاط ايده على عيونه مها في خاطرها :هه ناام ..

راحت صوبه عسب اتلحفه ..توها بتروح عنه بس سحبها مروان وطاحت عليه

مروان: فرحانه على بالج نمت ..

مها : هه ممكن تتركني عسب انام مكاني ..

مروان : مااشي تمي جي..

مها : مروووان..

مروان: قلب مروان انتي ..

بس عاد حدكم .. يلااه انرد الامارات ..

اممم وين تبونه نسير ..!

شرايكم مول الامارات .!!

بنشوف فيلم اكشن مع حمده وربيعتها شرايكم!! __DEFINE_LIKE_SHARE__

Grshoob Albdoo · 02-11-2011, 04:20 PM

بس عاد حدكم .. يلااه انرد الامارات ..
اممم وين تبونه نسير ..!
شرايكم مول الامارات .!!
بنشوف فيلم اكشن مع حمده وربيعتها شرايكم!!
اخاف انتو الي تسون فيلم اكشن مع حمده ..بتفلعون البنت وحليلها هه..
حدرت حمده الفيلم متاخر .. اشوي عسب الاكل الي شرته ..
والكل يتابع ومندمج ..
صعدت لربيعتها فوق .. الي يالسه تترياها
وهيه تركب تخرطفت بس.. ( لاا تضحكون ما طحت صدقوني )) بس ..
...... زخها من ايدها : بسم الله ..
حمده اشوي وبتصيح من القفطه: السموحه منك اخوي ..
......: حمده!!
حمده : تعرفني ..!
.....:مسرع نسيتيني ..
حمده:نهيان ..!!
ميره ربيعتها : حمده تعالي بسرعه ..
حمده: سلم على عمي .. ..
نهيان: يوصل وانتي بعد سلمي على عمي ..
حمده: يوصل .. وسارت ..
نهيان في خاطره: هه نستني حتى .. يوم اقول لك يا نهيان ماتفكر فيك بس انت ماتصدق..
راشد ربيعه : نهيان تبه ..
نهيان : هاا .. لاا
صوب حمده.
ميروه : امنو هذا ..!
حمده: واحد من الاهل
ميروه: اها ..
ويلسن يتابعون الفيلم..
في ليوا ..
سعود: حبيبي الله يخليج..
موزه جتفت ايدها وصدت عنها : لا لا ما اقدر..
سعيد: مووزه..
موزه: عيونهاا ..اسفه والله بس ما اقدر..
سعيد:تقدرين .. شو عندج..!!
موزه: يدوه اخاف تزاعج..
سعيد: لا لا ماعليج..
موزه: ماابه اسفه حبيبي ..وتوها بتسير
جان يشيلها ويربع فيها الين السيااره
موزه تضربه على صدره:نزلني سعود بطيح ..
سعوود: اوووصصص..
وركبها فالسيااره وقفل عليها الباب
اتصل على سااره
سعود: سااروه هاتي عباية موزه بسررعه انا اترياج صوب سيارتي
وصك في ويها .. عسب ما تساله ليش..
موزه تدق على الدريشه عسب يشوفها
سعود امسوي طااف يعرف انها راح تتحرطم
ويت ساره وهي زاخه العباه
سااروه: وين موزه!!
سعود خذ منها العبااة : فالسياره اذا حد سال عنها قولي لهم انها ظهرت مع زوجها ...
ساروه: ان شاءالله ..
سعود: بااي ساارونه
ساروه: بااي قلبي ..
وركب السيااره
سعود قبل لا تنطق بكلمه:اووووصصصص..
ولا كلمه ..
موزه زعلت وسكتت وصدت صوب الدريشه تشوف خاري
طول الدرب ساكتين انتبهت انها رادين ابوظبي
موزه: راح انرد ابوظبي!!
سعيد: لا ..
موزه: عيل
سعيد انتبه لسياره واقفه على ينب :هدي انتي وراح تعرفين وين سايرين
موزه سكتت..
فجاء ترك الشارع العام وركب فوق العراقيب
موزه: سعيد ظلاام وين تبه رد دخيلك..
سعيد:........
موزه اشوي وتبصيح..
شافت شي يضوي من بعيد
وجربو من المكان ووقف السياره
سعيد: يلا نزلي مايحتاي عباة اصلن بس اخاف تبردين جان تبين لبسيها
موزه : لا عادي..مب بردانه
سعيد نزل بسرعه وفج لها الباب قبل لا تفجه
مد ايده لها
موزه ابتسمت ومدت ايدها له وظهرت من السياره
سعيد حضنها من خصرها ويمشي معاها: ماتعشينه عدل وسبه يدوه
موزه:هه الحين كل هذا لانك ماتعشيت عدل !
سعيد:امم تقريبا ..
موزه تطالع المكان: متى سويت كل هذا !
راح احاول اوصف لكم المكان ..
فوق عرقوب كان شي فرش احمر كبير وشي على الفرش
صفره وعليها اكل شكله توه محطووط وملحف وغير العصاير الي محطوط في علبه متروسه ثلج شرات مالت الخمر
وحولين الفرش الاحمر شي 6 عمدان خشب امولعه وخلت الجو اكثر رومنسيه
سعيد: الله يسلمج ثاني ساعدني..يبت الاغراض وعطيتهم له
ويوم ساريحط كل شي وقتها انا كنت احاول معاج عسب تظهرين معاي وانتي مش راضيه خفت الاكل يبرد وانتي بعدج ومانفع معاج غير الي سويته اني اشيلج ويبج اهني ..
موزه: كيف عرفت انه اهني ..
سعود: ما انتبهتي على سياره كانت واقفه على شارع !
موزه: هيه يوم لفيت بعدها
سعود: هيه هذي سيارة ثاني
موزه: اها
سعيد سحبها : بسج اساله تعالي نتعشه
مزه ابتسمت : يلاه حبيبي
فالمزرعه
الساعه 12 تقريبا نص الي فالمزرعه نامو..
غير نوره وهند وسلطان وحارب وحمد وساره الي كانو خاري وموزه وسعيد بعد..وثاني الي سهران مع مرته على الفون
امم تقريبا بس الشياب الي كانو نايمين ..
فطوم:هه على هذا الرقم تطرش الرصيد
ذياب : رقمج هذا .!!
فطوم اشوي وبتنفجر من الضحك:هه احم هيه عيل
ذياب : امنقع ..مشكله اليهال
فطوم: المهم طرش عليه ...
ذيااب: ان شاءالله ..
فطوم: هيه ولا تتصل لو سمحت ولا تطرش مسج حتى لو كان عن يوم الجمعه ما ااستقبل من نااس غرب..
ذيااب: لا والله..
فطوم: ما ابه اشوف غير مسج تحويل رصيد لااا غير ..
ذيااب بضيق:زين..
فطوم: زين تصبح على خير يالسخيف
ذيااب: انا سخيف
فطوم: ومن زمان بعد..
ذياب: ساكت عنج لانج اصغر عني بشهر واحد بس ولانج ياهل وانا من عادتي ما ارد على اليهال
فطوم انقهرت: نعم..الحين انا ياهل
ذياب: ومن زمان بعد..
فطوم انتبهت على الكوره الي طايحه جان اتسير وتفلعه فيها
ذيااب: ااااي يالخايسه جيه تضربين
فطوم: تراني ياهل والياهل مايعرف الصح من الغلط
ذياب: ماعليه والله لا زخج
فطوم:هه ماتروم وصارت تربع ..
وذياب خلفهها ..
فطوم تصد له وتظهر الساانه
ويوم زخها من غير قصد دزها
ذيااب: فطووم انتبهي ..فطووم..
ما انتبهت فطوم انها جريبه من الحوض
ويدام هند ونوره الي يالسات فجاء فطوم تزحلقت وبعدها طاحت فالحوض..
هند ونوره منصدمات من الي شافوه ..ماستوعبو انها طاحت
وصل ذياب صوب الحوض..
ظهرت فطوم رسها : يالخاايس كله منك
ذياب فيه ضحكه على شكلها:احم..اسف ..
وظهرت من الحوض وهي ترد شعرها لوره
جان اتشوف نوره وهند: وانتن بدل ما تساعدوني يالسات وتطالعن مالت عليكن وعليه بعد..
وسارت عنهم وهي زعلانه ..
ذيااب: السموحه منكم... كنه نلعب وهي ماانتبهت ...
هند:ههه لا عادي..
وسار خلف فطوم عسب يتسامح منها
فطوم تمشي وهي محرجه وتصيح ظهرها يعورها ودها تضرب ذياب من القهر
ذياب: فطووم فطوووم..
فطوم تصارخ: جاااب ولا تي صووبي ..
ذيااب يلحقها: اسف انزين ..
فطوم تمشي ولا هامنها:........
ذياب: والله اسف ...
فطوم: انجلع
فطوم صدت وكان هو ورها بضبت جان يدعمها
ورج خطوه وراء : اسف ..
فطوم: لاخر مره اقول لك ... ا ن ج ل ع
ذياب انتبه لعيونها تدمع : تعورتي ..
فطوم: لااا لااا بس انت انجلع عني ..ما ابه اشوفك... حتى تعرف لا تطرش رصيد..
وصدت عنه عسب تسير
ذياب زخها من ايدها : عيل ليش تدمعين
فطوم منقهره: يالغبي هذا مااي مااااي ..( شلت ايده )وساارت ..عنه
حدرت البيت وسارت لغرفتها وهي ميته من البرد لانه جو البيت باارد..
راحت وخذت لها شور على السريع وانتبهت على ظهرها الي متشلخ من اطيحها وبعدها لبست ونسدحت عسب تنام ..
فطوم: يقهر يقهر ...تكسرت وسبه هوو ..
فطوم: مصدق عباله عطيته رقمي ..ما يدري انه رقم الدريول ..
__DEFINE_LIKE_SHARE__

Grshoob Albdoo · 02-11-2011, 04:21 PM

حدر ذياب الغرفه وشااف صقر يالس ومجابل اللاب ..

صقر: شوفيك..!

ذياب: مااشي..

صقر: احلف!

ذياب: من غير قصد طيحتها .. وشكلها تعورت ..

صقر: امنوه !!

ذياب: فطوم..

صقر:انزين كيف صا رر هل شي ..

ذياب سار وغير ثيابه ونسدح على السرير وصار يقول السالفه لاخوه صقر ..

وبعدها حاول ينام بس ما قدر جان يطرش مسج لفطوم((رقم الدريول))

بعض المواقف تجي وتروح ماتبقى...

وبعض المواقف صداها بالعمر باقي.
..ياصاحبي لامعي تتعب ولاتشقى...
يتبدل الوقت واخلاقي هي اخلاقي..
.إن جيت"أرحب"واذا ماجيتني"تبقى...
انت اكثر انسان عزيته من اعماقي

انا اسف ..تصبحين على خير ..

ومرت الايااام ومر الاسبوع وبعدها شهر

وردو مروان ومها من شهر العسل والكل حضر عرس مانع ..وكان العرس من افخم ما يكون ..ومرت الاياام وخلصوامتحانات ..وخلصت المدرسه وبده الصيف

وذياب الين الحين يطرش على نفس الرقم مايعرف انه رقم الدريول

وفطوم عبالها انه سمع رمستها وصار مايطرش ..

وظهرت نسب البنات وشبااب وكلهم كانو بالتسعينات وثمانينات ..

وقرب سفر سلطان وحارب الي مارمس نوره من ايام المزرعه

وجرب عرس حمد وساره وسعيد موزه

باجي شهر وراح يعرسون...

ف دبي ..

في بيت ابو نوره..

موزه وساره كانو يالسين عندهم وراح يتمون اهناك الين العرس عسب سعيد وحمد مايشوفونهم .. وسعيد وحمد امحرجين من هل سالفه وكل يومين سايرين دبي على امل كل واحد يشوف حبيبته ..بس ابو نوره واليده خاصتاً مش امخلينهم..

درب مطار طيران الامارات

سعيد وحمد متجهين للمطار ..عسب يستقبلون ناااس..

وصلو للمطار ونزلو...وحدرو داخل وصاارو يتريون ..

دقايق ولا يسمعون القاادمون من امريكا

نشو حمد وسعيد عسب يستقبلونهم..

ظهرو النااس ..وبعدهم مابينوسعيد:اتصل اتصل عليهم شوفهم وينهم

حمد لمحهم من بعدي..: مايحتاي وصلو..

ويوم انتبه سعيد عليهم سارو لهم..

حمد تخاشمو : مرحبا الساااع توه مانوت دبي ..

سعيد تخاشمو: فديتكم نوورتو.. محلوووين هه

ماايد: مرحبتين امنوره بناسهاا

حمدان: اشتقنا لكم والله..

سعيد: ونحن اكثر

حمد: ماعرفتونه على اربيعكم..

مايد : هذا حامد.. من السعوديه ..حامد هذا سعيد اخويه

وحمد ولد عمي ..

حامد:تشرفنا

سعيد: حي الله حامد..

حامد: الله يحيكم..

مايد: ليكون خبرتوهم انه اليوم نحن وصــ

سعيد: لا لا ماخبرناهم ..

حمد: مدام نحن فدبي بنسير بيت عمي ابو نوره..

مايد: ابه اشووف التووم..

حمدان: يانااس انا يوعااان .. بسررعه خلونها نظهر

الكل :ههه ..

ظهرو وسارو صوب جميرا .. بيت ابو نوره

وصلو ونزلو ..

سعيد:.. حدروو انتو الميلس .. بنسوي سبرايز لعمي ..

حمدان:اوكيه..

وحدرو الميلس .. وحمد وسعيد حدرو البيت ..

فالميلس ..

حامد: مايد.. انا بسير بيلس في فندق..

مايد: لااا مايصير راح اتم عدنا ..

حمدان: صدقه مايد.. مايصير ..

حامد: بس والـ

مايد: لا بس ولا شياته .. راح تي معانه .. ابويه راح يزعل لو عرف انك يالس في فندق..

حامد : على هواكم..

بعد يومين الكل عرف انه مايد وحمدان رجعو ..

واليوم مسوين عزيمه لرجعتهم والكل حاضر

هند: اوووب اووب..مانورووم نحن شو هالكشخه حمداني ..

حمدان: احمم.. لازم..

هند: ربي يحفظك من كل عين.. امين ..

حمدان: امين ويحفظج ياعسل ,,هنوود.. وين المدخن.

هند: خبرت الخدامه ثواني وراح يكون عندك.

حمدان: مشكووره غناتي ..

في صوب ثاني..

عواش: ميوود.. تعال عسب ادخنك..

ميود:ثوواني..

ويوم ظهر..

ام سعيد: بسم الله عليك ربي يحفظك.. من كل شر

مايد: احم.. شورايكم..

عواش: اطيح الطير من السماء

ام سعيد: عوشه قولي ماشاءالله عن يصيبه شي..

عواش :ماااشاءالله مااشاءلله ..

مايد:هه..هيه صح سارونه ماراح تي ..!!

ام سعيد: لاا... هيه وموزه راح يسيرن مول الامارات يتحوطن وياخذن كمن غرض..

مايد: اها ..

سعيد توه نازل وسمع رمست امه :شووو!!

يعني موزه ماراح تي !!!

ام سعيد:لاا يدتك قالت مـ

سعيد: يدتي ويدتي .. مب حراام عليكم..صار لي فتره مشفتها حتى يوم سرت امسات بيت خالي ماخلتني اشوفهاا ..

في بيت ابوحمد..

حمد: شو هالحاله ياخي .. الي ييشوفكم يقوم مخطوبين مب مالج عليهاا .. يعني شو بيصير لو شفتها ..

هند وهيه تاكل موز: الله يسلمك عسب تشتاق لها اكثر هه

حمد: سكتي سكتي انتي لا ادخل الموزه كلها في حلجج..

ام حمد: يعني شو اسوي لك.. يدتك قالت مـ

حمد: ادري ادري مايصير يشوفون بعض حفظت الجمله والله ..

حمدان تو نازل

حمدان: يببو ياحريم المعرس وصل ..

هند وقفت : الف الصلاة وسلاام عليك يااحبيب الله محمد .. وصاارت تيبب

هند تخبلت : يا معريس عين الله تراك..القمر والنجوم تمشي وراك..

حمدان ارتبش وصار يرقص شرات حريم اول : ويا معريس عين الله تراك..القمر والنجوم تمشي وراك

حمد: الحمد الله وشكر ...

ام حمد:ههه ..

حمدان :هنوود بعد وحده ..

هند: صاارت تيبب...

حدر ابو حمد الصاله وشاف المصخره

ابوحمد:ههه تخبلو عيالي ..
__DEFINE_LIKE_SHARE__

مشاهدة نتائج الإستطلاع: رآآآيكـمـ يهمنيـ...*ّ`~!
ترتووبـ..*ّ!!	254	93.38%
مااشيـ حاالهاا..*ّ!!	18	6.62%
المصوتون: 272. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~¤ô§ô¤}أغليهـ يعنيـ أعشقهـ~¤ô§ô¤أعشقهـ يعنيـ أموتـ فيهـ{~¤ô§ô¤~	Grshoob Albdoo	المسنجر وملحقاته , توبيكات , ماسنجر بلس , msn	68	10-10-2009 02:39 PM
يآربـ أموتـ و أفتك ]$ ...&_* ][لاتحرموني من مروركم ][	MS theeba	المواضيع المكرره	2	04-18-2009 10:37 PM
دعنيـ استعيركـ ..!!	جبروت أنثى	شعر و خواطر	18	01-24-2009 05:43 AM
انا جديدهـ"" وابيـ:: ترحيبـ"" يعنيـ "شاي وقهو	اميرة بكلمتها	تراحيب وتهاني	17	08-18-2008 03:52 PM
تضـ ح ـك ..[ وآناا] ../ لاجـِـِـًلك[ آموتـ، ] !	¬»ĤǿหєЎ	المسنجر وملحقاته , توبيكات , ماسنجر بلس , msn	19	05-07-2008 09:07 PM